صــور قديمة صور لتاريخ الرائد وهروب حارس التعاون

[ابوقش]

صور رائعه لرائد التحدي ايام الثمانينات

شكرا لك اخي خوي البدر على الصور ..

[زعيم بلا حدود]

اقتباس:  المشاركة الأصلية كتبت بواسطة اليوكن     الحمد لله هذا الفرق بين خمسة التعاون الشهيرة وبين فوز الرايد ( أن صحت هذه المعلومة ) حنا نفوز بالدوري الممتاز وأمام الملايين وبمحترفين وجماهير وملاعب حديثة ونقل تلفزيزني وانتم فايزين بملعب مدرسة وارض ترابية و ((((( قبل يولد كل اللي بالمنتدى هالحين ))))) خخخخ قوية هذه. الفرق واضح ولا يحتاج تعليق تظل (( الخمسة الشهيرة )) ذااااااات نكهة متختلفة. إلا على طاري قانونكم ( اكذب ثم أكذب حتى يصدقك رعاع الناس ) وش يثبت لنا أن هالمباراة اللي من (عمر قارون ) أنها مباراة فاز فيها الرايد وبخمسة بعد شكلها مباراة مدرسة أو فريق حواري . بس عاد تدرون أبروح أسال جد أبوي عن صحة هالمعلومة المغبرة. تقهووووووووووووووو يالرايد خمسات خخخخ كككك هههيههيهه

وشوله تروح تسأل ابو جدك
خذ هذه الصوره خل نشوف بعد وشلون تنكر



حقوق هذه الصوره محفوضه لأفضل وأرقى شبكه عربيه شبكة الجماهير الرائديه خامس أكبر شبكه جماهيريه بالمملكه 13500عضو

[سيــ بريدة ــف]

اقتباس:  المشاركة الأصلية كتبت بواسطة زعيم بلا حدود     وشوله تروح تسأل ابو جدك خذ هذه الصوره خل نشوف بعد وشلون تنكر حقوق هذه الصوره محفوضه لأفضل وأرقى شبكه عربيه شبكة الجماهير الرائديه خامس أكبر شبكه جماهيريه بالمملكه 13500عضو

خمسه واحد بدرجه ثانيه وهو مابعد عرف الرايد والتعاون

وخمسه واحد بدوري الممتاز ومنقوله والكل شايف

هنا الفرق ,, وصدق اخوي عاشق بكل كلام قالوه..

[خوي البـــM.A.Hـــدر]

شكرا للجميع على مرورهم



تحياتي لكم

[الزمخشري]

في اوائل الثمانينات الهجرية كان الشباب والأهلي( التعاون والرائد ) يلعبون على ملاعب ترابية في العكيرشة قبل إنتقال الرائد لملعبهم الحالي ..ولعبوا مبارة أشبه بالمباراة الودية.. وكان وقتها يوجد لاعبان سودانيان( توكا ونجيب <<< عمال تابعين للبلدية يكنسون الشوارع آآآآآآآآآآآي<<< ايه الشغل ماهوب عيب ههههههههههههه <<< انهبل الشويب ) يلعبون للأهلي.

وبدأت المبارة <<< أنواع الغبار ولم يكن الملعب مخططا ولم يكن حتى قانونيا بعد صلاة العصر.. وكان وقت المبارة مفتوحا ولم يكن هناك أشواط<<< متفقين يلعبون لما يجي مسيان ولم يكن هناك قوائم ولا عارضة <<<نعومي كامبل.. . ولم يكن هناك شبكة بالتأكيد!!!

وكان االلاعبان توكا ونجيب نائمين في أول المباراة ولكن أم الهكي بدت تشتغل صح وسجلوا خمسة اهداف مقابل هدف للشباب..( يحلفون اللي حضروا المباراة إن كورة الهدف الخامس سرقه أحد الجمهور وهج ولما الحين مالقوه ولا لقوا الكورة علشان راعي المباراة قعيشيش الله يرحمه يوقع عليه)..

وبعدها بدأ جمهور الأهلي يتغنون بالمقولة الشهيرة عندهم لولا توكا ونجيب ماكان الأهلي عجيب<<<< ذكرون بجوما ومودي نجاي <<< دايم الرايد يعتمدون على الأجانب ههههههههههههههههه <<< اعقل يالشويب عيب
حقيقة الأمر <<<< بدى الشايب يتفلسف... أنه لاوجه للمقارنة بين نتيجة مبارة خمسة العكيرشة وخمسة عصر التكنولوجيا
ولكن الرائديين كما هي عادتهم أصلحهم الله يقلبون الحقائق.. ففريقهم صاحب الشعبية الجارفة وهو خامس نادي على مستوى المملكة من الناحية الجماهيرية وهم وهم وهم <<<< الله يرحم مزنه .. ( على طاري الشعبية اقسم بالله العظيم إن لدي صديقين في الرياض أحدهما يشجع النصر والآخر يشجع الهلا ل يعترفون ان شعبية الفريقين متساوية ان لم يتفوق التعاون جماهيريا وسألوني ذات مرة <<< بدى يتفلسف طه حسين.. لماذا الرائديون يحاولون التواجد في كل مناسبة ويلمعون انفسهم بهذا الشكل الغريب .. أجبتهم بأنها عقدة النقص التي يعانون منها منذ أمد بعيد <<<< حلوة أمد
وطلبوا أن اوضح أكثر قلت ان الرايداويين( تسذوبين )على طريقة اكذب واكذب حتى يصدقك الآخرون <<<تراك طولته يا
ياسقراط...ولأن الشي بالشئ يذكر أذكر مباراة التعاون والرائد او مباراة الخمسة الشهيرة كنت وقتها انتقلت لتوي لمنزل جديد ولم أكن أعرف الجيران وهم بدورهم لم يكونوا يعرفونني ولكن بعد تلك المباراة عرفوني جيدا لأني دعوتهم لحفلة عشاء فاخرة وعرفوا السبب وقالوابالحرف الواحد( الله يبارك بالتعاون اللي عرفنا على بعض <<< والحواطا صدقو اني بعزمهم دايم ههههههههههههههههههههههههه <<< بدى يستهبل الشويب اقول اركد الله يصلحك بس

[صاحب السمو]

أبي صورة هروب الحارس موضوع عن الرائد يدخل فيه التعاون غصب وش الفائده

[اليوكن]

زعيم بلا حدود

أنا عندي خبر انكم فايزين علينا ( بسنة السبلة ) مدري (( سنة الهدام ))

المهم أنها كانت قبل ما ينولد كل اللي بالمنتدى

بس اللي انا أقصده

صورة هاك الخبوبية المتجمعين تقل يصلون وش يثتب لنا أنها مباراة فوزكم بهالك السنة ياللي ما يذكره إلا جدي وخوياه ( الله يرحمهم ).

[رائد نت]

الزمخشري .... عساك طيب ياشويب التعاون

وشلونك بعد الست نقاط هذا الموسم ... ذهاب واياب

اقول شكل الصدمه مازالت وستستمر والغصه تبي تدوم بحلقك

اجل عمال بلديه ومافيه شبكه .... بس فيه صحف ومكتوب الاهلى والشباب

او تضللون الحقائق كالعاده !!! اترك لك الرد يابو فهد

[رائد نت]

اقتباس:  المشاركة الأصلية كتبت بواسطة اليوكن     زعيم بلا حدود أنا عندي خبر انكم فايزين علينا ( بسنة السبلة ) مدري (( سنة الهدام )) المهم أنها كانت قبل ما ينولد كل اللي بالمنتدى بس اللي انا أقصده صورة هاك الخبوبية المتجمعين تقل يصلون وش يثتب لنا أنها مباراة فوزكم بهالك السنة ياللي ما يذكره إلا جدي وخوياه ( الله يرحمهم ).

التاريخ لم يمكن لك ولغيرك تحرفيه او اللعب فيه !!!

شكلك بعد كم يوم تقول مافازو الرائد لهم سبع سنين !!

على وزن ارنب نط ... يافريق ابو ست نقاط

بعد كم سنه

[الوافـــALWafiـــي]

ايه (أقوله وأنا آخذ نفس ) الله يرحم زمان أول فالرائد في الماضي والحاضر

لم يترك أي شئ للشقيق الأصغر ...

ومشكووووووور ألف خوي البدر علي هالمجهود الرائع والجميل مثلك ,,,

[دايم دوووم]

اقتباس:  المشاركة الأصلية كتبت بواسطة عاشق الهلال     فوزكم بالخمسة ايام الملاعب الترابية اما قبل تقريبا 20 سنة ماكان تراب وبعدين هم يلعبون دقه والحقه مافيه شئ اسمه خطة مافيه تكتيك والحين عرفت وش الفرق بين خمستكم وخمستنا

يامسكييين كل تاريخ الكورة عندك دقه والحقة

يعني الناس ماعرفو اللعب الا يوم جيتهم انت

[الطريق الحر]

سؤال للمشرف ولد الناصر ممكن اعلمك قوانين المنتدى والا تعرفهن بالقوانين مكتوب ممنوع وضع روابط خارجيه انا ناسخ السطر اللي تحت من تعديل لك بأحد المواضيع المكتوبه عن التعاون او علشان انت رايد حلال عليكم وحرام على التعاون تراك مشرف بمنتدى بريده مو بالرايد ...

آخر تعديل ثامر الناصر يوم 04-05-08 في 01:19 am. سبب التعديل : ممنوع وضع روابط خارجية

[ثامر الناصر]

اقتباس: سؤال للمشرف ولد الناصر ممكن اعلمك قوانين المنتدى والا تعرفهن بالقوانين مكتوب ممنوع وضع روابط خارجيه انا ناسخ السطر اللي تحت من تعديل لك بأحد المواضيع المكتوبه عن التعاون او علشان انت رايد حلال عليكم وحرام على التعاون تراك مشرف بمنتدى بريده مو بالرايد ... آخر تعديل ثامر الناصر يوم 04-05-08 في 01:19 am. سبب التعديل : ممنوع وضع روابط خارجية

طيب وش السالفة الحين نعم انا حررت لك رابط لمنتدى آخر لانه مخالف .. وش الاشكالية الان .. والتحرير لانه منتدى آخر وليس لانه منتدى للتعاون فاي منتدى يوضع له رابط هنا يحرر لانه مخالف ..

[تعاوني للموت]

ههههههههههههههههههههههههههههههههههههههههه تقارن الرجل باراس

[تعاوني للموت]

نكته بس ترفع الضغط