الغيور يفجر القنبلة ويتساءل عن مصير مواليد مستشفى الولادة ببريدة

[نايف]

صادق !!!!

حتى بعض الطبيبات اللاتي لاتهتم بشؤون الطفل المريض !!

مثل ماحدث لصغيرتي في العناية المركزة لمدة شهر والطبيبات السودانيات يتناوبن وكل واحده تسألها ترد بأنها لاتعرف عن حالتها شيئا وحالتها مستقره والجراح يطمئن عليها!!
مستقره وهي تحت التنفس الصناعي والتغذية بأنبوب على الجانب الايسر تحت الابط !!
وبعد مرور الشهر وساءت حالتها وقرر لها الجراح عملية اخرى وقال لنا العملية منفتحة لها شهر مادريت ان الطفلة في المستشفى تحتاج عملية عاجلة .......................

يعني الطبيبة كانت غير صادقة بقولها ان الجراح يطمئن عليها طلع مايدري انها في المستشفى !!

ويغطون عيوبهم

حسبي الله ونعم الوكيل

[وليد الطريقي]

[align=center]

اقتباس:  المشاركة الأصلية كتبت بواسطة مخاوي القايله     لاحول لاقوة الا بالله .. اتمنى ان نرى بعد هذا الموضوع وقفة حازمه من المسؤلين.. والتحقيق في هذا الموضوع وبحث الاسباب الي ادت الى هذا الامر ..؟ فما يحصل في هذا المستشفى وفي التخصصي امر يندأ له الجبين !! اؤيدك وبقووه .. بارك الله فيك اخي وليد ..،

هذا ما نتمناه اخي الفاضل لنقف على الوضع بشكل كامل

تقبل تحياتي ,,,
[/align]

[حروووف]

ا

شكرك اخي العزيز على فتح الموضوع هذا الموضوع..
هنااك ممرضه في مستشفي الولاده والاطفال الكل يدعي عليه اخلاقها سيئه حسب ما اسمع عنها اتمنااا من المسولين في مستشفي الولاده والاطفال تفقد الممرضات وسوال من يخدمهم المستشفي اذا ارادو الارتقاء با الخدمات الى مستوي افضل ...فنحن لسنااا بحاجه الي احد الله مغنينا ولله الحمد والمنه ونستطيع نستقدم الافضل ولا افضل على بنات بلدي ففيهم الخير والبركه ولكن في حاله الحاجه للخبرات واذا كانت هناك طبيبه او ممرضه متعجرفه او اخلاقها سيئه فلا اهلا ولا سهلااا

رساله اخرى لمنسوبي المستشفي اذا استطعتم التغيير والتطويرر فهذا ما نتمناااه ونطمح اليه ونحب انه ياتي منكم فانتم المعنيين وجوده الخدمه والابداع سوف يجير لصالحكم ولكم منا الدعاء...وان لم تستطيعو تفارقو مكاتبكم المكيفه ولانرى تغيير فنحن ابناء البلد ولن نرضي با الظلم والقهر لنساءنا ونستطيع ان نغير ونصل لاكبر مسؤل ونتسطيع ان نتكلم ونوصل صوتنااا لمن يقدرنا ويسمعنا... ..اتمنااااااااا من المشرفين على المستشفي الحرص والمتابعه

اسال الله التوفيق للجميع

[بن فايز]

اقتباس:  المشاركة الأصلية كتبت بواسطة التنين     بن فايز مع التحيه؛ ما هكذا تؤرد الأبل التعقل زين وأحترام الأخرين مطلب ؟والتخلف مايأتي إلا من الطرح الغير موثق ومن دون ادله تثبت ان المستشفيات مستغنية عن الأستشارين الذكور في الوقت الراهن

[align=center]ياخي وش الكلام ذا ..

يشاورني الاستشاري اللي انت محرق رزك علشانه

ويقول : نعمل لزوجتك طلق صناعي.... وش تفسيرك للكلام هذا .

يمكن لاني مع زوجتي جاي يكلمني .. طيب الحرمه اللي ما معها رجال

يجي يكلمها بالمواضيع هذي اللي اصلا الحريم تستحي تقولها للمرضات فكيف بالرجال

والمشكله بالحالات الصعبه يدخل بكشك الولاده ويشوف هو بنفسه الحاله ..ياخي عيب

او مبسوط انت انه فيه رجال تشتغل بالاقسام النسائيه ..

اذا انت راضي انا ما ارضاه لنفسي...

وانت جاي تدافع عنه ..

والمشكله تحذف المشاركه .... والله شي يقهر..

والله مهزله...[/align]

[وشاح الذكريات]

اقتباس:  المشاركة الأصلية كتبت بواسطة التنين     أخي وليد الطريقي مع التحيه : ليس كل ما يقال لك صحيح أسأل وتثبت من موقع مستشفى الولادة والأطفال و من اصحاب الأختصاص كم حالة ولادة في اليوم هل كل الحوامل حملهن طبيعي يعني لا يعانن من الظغط والسكر والأهمال من قبل ازواجهن ومنهن انفسهن بهذه الحاله تعرف هل هذا اللي يحصل طبيعي ام لا ؟ لا تنسى قضاء الله وقدرة مهما عملت من الأسباب

انا رأيي من رأيه .. نعترف بالأخطااء لاكن ليست بمااذكر ..

والتأكد مطلب وشكراا لك ..

[شقرديه]

دكتورة في الرياض

تسولف على اختي

تقول لها انا صديقتي تشتغل في مستشفى بريدة للولادة إذا تبين أي خدمة أو اتوسط لك بشيء انا مستعدة

وأن صديقتها تعمل مديرة على القابلات ((المشرفات المباشرات على الولادة لأن الأطباء والطبيبات للضرورة فقط))

أنها تقول أن أخطأهم كثيرة جدا ولا يعرفون وهي بس ترقع وراهم وغير مدربات تدريب كافي

عموما كثرة الوفيات ربما أن الأم من الأساس صحتها ادت لوليد ضعيف المناعة والبنية

هذا جيل الفشار والبيبسي بدأ

راحوا اللي بنيت اجسادهم على تمر ولبن وخبز صنع منزلي لا محسنات طعم ولا مواد حافظه

[التنين]

أخي بن فايز لك مني تحيه :أنت أنواع التناقض تقول والمشكله بالحالات الصعبه يدخل بكشك الولاده ويشوف هو بنفسه الحاله ..ياخي عيب نعم الحالات الصعبه يعني لو ما يستعان بعد الله بالأستشاري وش اللي سوف يحصل ؟ خلونا عاقلين وفاهمين ولا نقول الا الحق مثل نريد استشاريات متخصصات بالنساء والولادة من بناتنا

[السيده توته]

حسبي الله ونعم الوكيل عليهن اذا كانن هن السبب
وذا كان قضاء وقدر فهو من الله والكــــــل عارف ولله الحمد

[ريح بالك]

لله ماأعطى وله مأخذ
فعلا الوضع يحتاج الى بحث
قبل ماكنا نسمع بكثرة الوفيات بهذا الشكل
المستشفيات الخاصة ارحم
طاقم نسائي وراحت بال

[بيارق]

اعتقد انك ذهبت بعيدا اخوي وليد

المستشفى قد يخطئ في حاله ونسبه الخطأ موجوده ولكن ليست كل يوم

[ملقوف 1000]

ماراح ينضبط اي شي بالديرة الا اذا اقحم المسؤول والحاكم والمحكوم
في كل القطاعات عنوة

بمعنى اذا مرض الكبار عليهم ان يتعالجوا مثل الشعب المغلوب على امره للاسف
يرى المليارات يتنعم بها غيره
بضعة عوائل بالبلد وبضعة موالين في الخارج يستأثرون باكبر كنز على مر العصور وبدون حسيب او رقيب

[بن فايز]

اقتباس:  المشاركة الأصلية كتبت بواسطة التنين     أخي بن فايز لك مني تحيه :أنت أنواع التناقض تقول والمشكله بالحالات الصعبه يدخل بكشك الولاده ويشوف هو بنفسه الحاله ..ياخي عيب نعم الحالات الصعبه يعني لو ما يستعان بعد الله بالأستشاري وش اللي سوف يحصل ؟ خلونا عاقلين وفاهمين ولا نقول الا الحق مثل نريد استشاريات متخصصات بالنساء والولادة من بناتنا

والله انك صدق فاهم ..خخخخخخخخ

يعني مافيه استشاريه من كل اللي الجنسيات ..

خلصن
وقفت على استشاري رجال...يالعاقل.

والمشكله ان هالرجال اللي هو الاستشاري يفهم بامور الحريم اكثر من الممرضات

والدكتورات ولا حصلو استشارية ولادة من كل الدول ...والله غريبه فعلا.

كيف تبغانا نحدثك ياخ التنين ايها العاقل بماتعقل ..

وانت ماتبي احد يخالف رايك .

لكن اتوقع انك تشتغل بالمستشفى نفسه وعشان كذا تدافع حتى لو انك تشوف الخطأ بعينك.

او انك تتكلم عن شي ماعندك عنه خلفيه .

[التنين]

العلم بحر يا بن فايز والجهل بحور يعني إلى هالدرجه فاتتك الدراسات العليا والتخصصات الدقيقه بالجامعات سواء بالمملكة او بدول العالم يعني تبغى ممرضه تكشف وتشخص العله وتقرر هل تحتاج المريضه سرعة عمل جراحي اولا يا ناس وش أقول الا عسى الله يرزق بناتنا الصبر والهمه لشغل طبيبات نساء بجميع التخصصات

[الطيبه مشكلتي]

ماشاء الله اشوفكم الحين تبون طبيبات واستشاريات سعوديات وممرضات واخصائيات
وانتم اول من يهين الطبقه العامله في القطاع الصحي ..سبحان الله ..
واول من يرفض ان يجعل بنته في الطب ..مجتمع للحين منغلق ...وفي ناس هنا بدون تحديد اسماء كانوا رافضين ان البنات يتعلمن وانهن يجلسن باليت احسن لهن وهنا يكتبون يبون طبييبات وتخصصات عاليه ...ربي يعين ..على تقلب المزاج

[بن فايز]

اقول تيس وتقول احلبه ...

يا اخي التنين افهمني الله يرحم والديك -

انا مالي علاقه ببنات البلد انا اتكلم عن العاملات في المستشفيات الان من غير

بنات البلد -ليست المشكله بالجنسيه المشكله يا اخي بالجنس يعني رجال والا حرمه

اذا ما فيه بنات ممرضات سعوديات خلاص ما نجلس نتحسر ونلوم انفسنا ونجيب رجال

يكشفون عوراتنا - فيه بدائل فيه نساء ممرضات من اغلب الجنسيات الموجودة حاليا

يعني اذا المجتمع رافض ان بناته تشتغل ممرضات خلاص استقدموا ممرضات واستشاريات

وطبيبات وميكانيكيات وكهربائيات واي حاجه بس اهم شي باقسام النساء

ارجوا ان تكون الفكره وصلة ..

يا اخ التنين - ارجوا انك تقرا كلامي بتمعن .. ودمت بود وجميع القراء