الهارد روك ...!!

[X 7oor S3od X]

قلعته يستاهل .. وشوله مايقفله ..
تسيف أنا ماأطيق هالحركه ..ودي أصك بالجوال الجدار ..
الله يذكر أيام البيجر بالخير .. محد يشكي لا من إزعاج بالمساجد ولا شي ..

[انتظرتك]

اقتباس: أقول لو أن مكانه .. ممن ينتسب إلى جنسيتهم الموقرة .. هل جاه ما جاه من توبيخ...؟؟!!

يارجال هو ارحم من غيره ..
أذكر صليت بمسجد وكان بجنبي واحد شاب
المهم رنّ جواله المسكين دخل يده بجيبه بس بدل
مايسكره رد وضغط على السبيكر والا وش تسمع
صوت عذذذذذذذب يقول : الو الو دحومي وينك قلبي ....
أنا دخلت جو مع الصوت ولا أدري وش قريت بالصلاة ..

بالمختصر كل صوت سواء كان موسيقى أو صوت بنوته
أو طفل يركض ويلعب فهو مشغل ملهي عن الخشوع
ولا شك بإن الموسيقى أعظم لأنها محرمة .....
فحقه وماجاه ,,,

[" TWIX "]

انتظرتك...

اقتباس: يارجال هو ارحم من غيره .. أذكر صليت بمسجد وكان بجنبي واحد شاب المهم رنّ جواله المسكين دخل يده بجيبه بس بدل مايسكره رد وضغط على السبيكر والا وش تسمع صوت عذذذذذذذب يقول : الو الو دحومي وينك قلبي .... أنا دخلت جو مع الصوت ولا أدري وش قريت بالصلاة ..

.. .. .. .. ..
منت صاحي ..
كل مالك تنهبل ..
حتى المواقف اللي تحرك قليبك المكلوم تطاردك ..
أجل خشيت جو .. ونسيت ربك..!!
قلوبكم رهاف .. الصوت العذب ينقلكم 180 درجة
أقول كل الشركات تخسر إلا شركات الاتصالات
إذا ما أتصل شحن سوا ..!!
الله يكون بعون الجميع ..

اقتباس: بالمختصر كل صوت سواء كان موسيقى أو صوت بنوته أو طفل يركض ويلعب فهو مشغل ملهي عن الخشوع ولا شك بإن الموسيقى أعظم لأنها محرمة ..... فحقه وماجاه ,,,

صدقت يا الزير ..

[" TWIX "]

ღ حــور سعود ღ

اقتباس: قلعته يستاهل .. وشوله مايقفله ..

طيب يمكنه ناسيه ..!!
الغلط الموسيقى الصاخبة لو هو حاط نغمة صوت بلبل وإلا ماء يخرخر
وإلا صوت ربابة وإلا هالأناشيد الإسلامية اللي طافين فهيا
كان أخف شوي أما مايكل جاكسون بالمسجد أبدا والله
ما تنبلع والله لو تشرب تانكي أسيد ..!

اقتباس: تسيف أنا ماأطيق هالحركه ..ودي أصك بالجوال الجدار .. الله يذكر أيام البيجر بالخير .. محد يشكي لا من إزعاج بالمساجد ولا شي ..

بصراحة هالشعوب والله ما يصلح لهم إلا الثابت ويخب عليهم ..

[إيثــــار]

والله حالهـ ابو دولامه وطقته شافو بنقالي غلط واااوك ياحبهم للهواش بعد

[" TWIX "]

اقتباس:  المشاركة الأصلية كتبت بواسطة سفيرة الانسآنيهـ     والله حالهـ ابو دولامه وطقته شافو بنقالي غلط واااوك ياحبهم للهواش بعد

وش دخل أبو دلامة ع الخط ...؟!!
مو يا حبهم للهواش ..
كلهم أخطوا البنقالي وهم ..
لكن الدعوة بالتي هي أحسن ..
مو بمن أرفعهم صوت ..
أجل أبو دلامة ..

[إيثــــار]

اقتباس:  المشاركة الأصلية كتبت بواسطة ..twix..     وش دخل أبو دلامة ع الخط ...؟!!

ابو دلامه هذا معيارت المطاوعه نسيتها ؟
او صح اثرك انت من مواليد 1406هـ
مالحقت عليها ههههه

يلعن ام التخلف يا اهل بريده بنقالي وش عرفه ان الاغاني حرم
حنا وحنا ندري ننام ونقوم عليها
يالله تصبح على خير اقول

[" TWIX "]

سفيرة الانسآنيهـ...

اقتباس: ابو دلامه هذا معيارت المطاوعه نسيتها ؟ او صح اثرك انت من مواليد 1406هـ مالحقت عليها ههههه

هذا ردك يصلح بالمواضيع اللي بالمجلس اللي فيها هوشات ما تنتهي
أنا مو قد الهواش .. أنا مواضيع موسيقى رومانسيه هاااااادية مرة ما تتحمل
الصجة واللجة

اقتباس: يلعن ام التخلف يا اهل بريده بنقالي وش عرفه ان الاغاني حرم حنا وحنا ندري ننام ونقوم عليها يالله تصبح على خير اقول

الحمد لله ع السلامة وشلون جو " ميونخ " يقولون تذرذر ثلوج ...!!

[فيمتــو]

صدق حاجة تنرفز مرررة تسمع مثل هالشي من الموسيقى
وأنت جالس تصلي..ولاتهون النغمات الأخرى مثل الأناشيد وغيرها..
لكن أعتقد التريث والحكمة في مثل هذه المواقف هي الأفضل والأجدى..
وأبصم لك على العشرة لو هو سعودي ما كان جاه اللي جاه المسكين..!!
وغيرها كثير يا تويكس من المضايقات والمخالفات اللي تؤذي المصلين والملائكة..
مثل يصف بجنبك واحد ويبدأ يتاغر الله يقرفه ولا ريحته تعايط دخان ..
ولا تفاوح ريحة إباطه الخايسة..
تويكس حبيبي تسلم ع الطرح الجميل..
دائما تطل وتغيب...وياما حلا طلااااااااتك <<<<عاد لاتشوف نفسك يالأصابع

[" TWIX "]

*فيمتو*...

اقتباس: صدق حاجة تنرفز مرررة تسمع مثل هالشي من الموسيقى وأنت جالس تصلي..ولاتهون النغمات الأخرى مثل الأناشيد وغيرها.. لكن أعتقد التريث والحكمة في مثل هذه المواقف هي الأفضل والأجدى..

مشكلة ربعنا إن الأديتر عندهم رصة وحدة دقت سلف وتقوم الحرارة ...

اقتباس: وأبصم لك على العشرة لو هو سعودي ما كان جاه اللي جاه المسكين..!!

هذي العنترة المزيفة .. تلقى بعضهم يبي يسمع ولده بالمسجد
علشان ينقل الخبر لأمه ...

اقتباس: وغيرها كثير يا تويكس من المضايقات والمخالفات اللي تؤذي المصلين والملائكة.. مثل يصف بجنبك واحد ويبدأ يتاغر الله يقرفه ولا ريحته تعايط دخان .. ولا تفاوح ريحة إباطه الخايسة..

الله يحوم تسبدك .. كرم المتصفح
ألحين لازم ناخذ لفه بعطر أبو 10 ريال ..

اقتباس: دائما تطل وتغيب...وياما حلا طلااااااااتك <<<<عاد لاتشوف نفسك يالأصابع

قالها لي عبدالمجيد عبدالله قبلك
لان لطلتك هيبه كما هيبة ملك .. انا في حضرتك ما املك الا ارتبك

[لمعةالألماس]

هناك من يرى أن الصلاة هي عادة تبرمج عليها (أذن ,, أغلق المحل ,,توضأ ,, صل ..!) دون إعطاء الصلاة حقها من الخشوع والتدبر وأنكـ بين يدي الله جل وعلا سبحاآنه ,,


الخلاصة..
إذا لم يُعرف قدر الصلاة ولا مكانتها ,,لن تَخْمد النغمات


جزاكـ الله خيرا أخينا الكريم....

[" TWIX "]

@جمرة@...

اقتباس: هناك من يرى أن الصلاة هي عادة تبرمج عليها (أذن ,, أغلق المحل ,,توضأ ,, صل ..!) دون إعطاء الصلاة حقها من الخشوع والتدبر وأنكـ بين يدي الله جل وعلا سبحاآنه ,,

أتوقع أن لدينا مشكلة في استحضار الغاية من الصلاة ..!!

اقتباس: الخلاصة.. إذا لم يُعرف قدر الصلاة ولا مكانتها ,,لن تَخْمد النغمات

إذا لم يعرف قدرها ومكانتها ..
ومن تهجم بالكلام لم يؤديها على وجهها الأكمل وإلا لما رفع صوته
على أخيه ووبخه بكلام جارح .. فهما لم يفرقا بين بيت الله
والشارع .

اقتباس: جزاكـ الله خيرا أخينا الكريم..

وأنتِ والجميع .

[مشروع فيلسوفة]

..

احسن مافي الموضوع انه بيتوب ما عاد يسويها لانه يخاف ينعاد نفس الاكشن ..

بس وش نظرته لهم والفكرة اللي رسخت بـ نافوخه عن اسلوب النصيحة عندنا ..
هو شخص بس بينقلها لاشخاص ..

ليش العالم يشوف السعودي شخص متزمت ..؟!
لانه يحسب الدين سعودي ..


شكراً توكس ..

[" TWIX "]

مشروع فيلسوفة...

اقتباس: احسن مافي الموضوع انه بيتوب ما عاد يسويها لانه يخاف ينعاد نفس الاكشن ..

فاتت علي وإلا كا ماسك يده وقايل له خلك من مساجد المحطات
اللي كله من سحنتك المفضلة ..

اقتباس: بس وش نظرته لهم والفكرة اللي رسخت بـ نافوخه عن اسلوب النصيحة عندنا .. هو شخص بس بينقلها لاشخاص ..

أبدا كان ما جاه من الاهانة إلا ذي هو بـ 1000 نعمة
بنقالي وبالسعودية أتوقع عدد ما يجي هيفاء وهبي
من التحرش الجنسي يوميا هو يجيه تحرش أنقباض
الأنفس تجاهه ..
لا والله فرق ... .. ناس تسحب وناس تزمزم ...

اقتباس: ليش العالم يشوف السعودي شخص متزمت ..؟! لانه يحسب الدين سعودي ..

جبتيها ..

اقتباس: شكراً توكس ..

شكرا فيلسوفة ..

[العباس الشنقيطي]

مسكين ها البنغالي
والله انه مايدري وش الطبخة
تلاقيه مشتري الجوال مستعمل
وراعيه عاطفي مثلك ياتويكس
ومايدري وشلون يغير النغمة
لكن تصرف الناس معه تصرف غلط
وجهل منهم حتى هم مايدرون وين الاسلام فيه
ومايدرون عن قصة الاعرابي
الذي بال في المسجد وكيف تصرف معه
رسول الله صلى الله عليه وسلم
اعتقد ان البغالي ماعاد يصلي في ها المسجد
بسبب هالموقف