سكرتير بمرتب وزير .. لله دركم يا أندية بريدة !!

[شي يقهر]

ما يبون سكرتيرات .. ؟؟؟؟!!!!

[كاشف الأسرار]

اقتباس:  المشاركة الأصلية كتبت بواسطة شي يقهر     ما يبون سكرتيرات .. ؟؟؟؟!!!!

الحين حنا بلشين بالرجال ولا وصلنا الحريم

[عطــرالأمــاكن]

^^

لووووووووووووووو وووووووووووووول

لا صار عندنا اندية نسائيه بالمستقبل فكري

امزح لا يجيني احد مطفي النور ويقاعد يتهاوش معاي واني علماني ومدري ايش ترى العجله شينه

الله يرزقه هذا السكرتير وهي وقفت على هذا وبس البلد فيه من اللي يستلمون عشرات الالاف هي وقفت على سبعه وحتى عشره

بالمناسبه اسمع بالسابق ان اهل بريده متفشي عندهم الحسد وكنت اكذبها ولكن من فتره اتضح صدق المقوله للأسف .

[كاشف الأسرار]

اقتباس:  المشاركة الأصلية كتبت بواسطة عطــرالأمــاكن     الله يرزقه هذا السكرتير وهي وقفت على هذا وبس البلد فيه من اللي يستلمون عشرات الالاف هي وقفت على سبعه وحتى عشره بالمناسبه اسمع بالسابق ان اهل بريده متفشي عندهم الحسد وكنت اكذبها ولكن من فتره اتضح صدق المقوله للأسف

ماحد قال حسد
أنت نفسك تقول ناس تستلم عشرات الآلاف!!
يعني أنت عادي وحنا حسودين ماتجي ؟

والنادي جهه حكوميه يعني المفروض هيئة التخصصات السعوديه تشرف عليه مهوب فوضى وبس

[شموع تحت المطر]

<<ترا البطااااااااااااااله هبلت بنااااااااا

شكلي ابطب من فوق الموفنبيك ولا بقعد فوق سطحهم وابقول جيبوا غاااااااااازي ولا بنتحررر<<والله فكرتن مهب شينه...

طيب ليه مانسوي انتحااااااااار جماعي حتى يحسووون فينا مثل اهل جـــــــــدة

[كاشف الأسرار]

اقتباس:  المشاركة الأصلية كتبت بواسطة شموع تحت المطر     <<ترا البطااااااااااااااله هبلت بنااااااااا شكلي ابطب من فوق الموفنبيك ولا بقعد فوق سطحهم وابقول جيبوا غاااااااااازي ولا بنتحررر<<والله فكرتن مهب شينه... طيب ليه مانسوي انتحااااااااار جماعي حتى يحسووون فينا مثل اهل جـــــــــدة

علم هاللي قبلك ,, بعضهم ضاربن صداقه مع سكرتير ومايبي كلمه الحق تقال!!

الله يعينكم وتلقون وظايف

[العمدة]

الأخذ والرد في هذا الجانب يطول ، ولكن أتمنى حقيقة أن يشعر مسئولي القطاع الخاص بالذات أن للوطن ولشبابه عليهم واجبا ، وأن يستشعروا الواقع المؤلم لعدة آلاف من شبابنا السعودي ممن يبحث عن وظيفة تغنيه كدخل عن السؤال المهين لكرامته وهو يرى آلاف بل مئات الالاف من الوافدين العرب والأجانب يرفلون ويتمتعون بوظائف جيدة وبرواتب مقنعه وبمسكن جميل وبدخل شهري يسبغ على حياتهم حياة كريمة .

[مجودي7]

من تقصد تآج السر //


//

[طيبتي مركز ضعفي]

الله يصلح الحال

[بريده عشقي]

أخي كاشف الأسرار ...

قلت لك بأن مكتب رعاية الشباب يعيد إعلان جميع الوظائف المشغوله بمتعاقدين بما فيها وظائف السكرتاريه . عن طريق مكتب العمل بالقصيم بشكل سنوي ولك ولغيرك أن يتأكد من هذا الكلام .
أين الشباب العاطلين من دورات التحكيم التي يعلن عنها سنوياً وبمختلف الألعاب وآخرها دورة حكام كرة القدم التي ستقام في القصيم خلال الفترة القريبه . شبابنا على الأغلب لا يرغبون في البحث عن العمل بشكل جدي إلا من رحم الله ولكن تجدهم في الإستراحات والشوارع يتسكعون ويستعرضون بسياراتهم ( الهايلوكسات ) ( والجيوب الربع) . لانقول إلا اللهم إهدهم جميعاً ووفقهم بالحصول على وظائف تساعدهم في تحمل أعباء الحياة الصعبه .
* وحصلت على معلومه جديده اليوم وهي أن نادي الصقر لديه سكرتير سعودي يعني أصبح لدينا ناديين لديهما سكرتير سعودي يعني فيه أمل أن يتم سعودة وظائف سكرتارية الأنديه .. يالله الهمه ياشباب فقط تحتاج قوة إراده من بعض الشباب لإقتحام مثل هذه الوظائف .

[أيمن العبدالله]

من الصعوبة قيام السعودي بمهام السكرتاريه في الأنديه .حيث العمل الشاق المرهق الذي يقتظي التفرغ التام والتأهب الدائم للخروج من المنزل في أي لحظــه للنادي أو المطار أو المعسكر أو لرعاية الشباب أو لأحد الفنادق أو حتى السفر للرياض ... أعمال السكرتاريه في الأنديه لاتتوائم مع المواطن السعودي المطالب بإلتزامات أســـريه باالإضافة إلى علاقاته الإجتماعيه الأخـــرى

[متابع من بعيد]

السلام عليكم اخواني الاعزاء الكلام كثير حول الوظائف وفرصها لكن لو أحد حصل على وظيفه راتبها متدني لعمل مثل غيره الغير موظفين من ناحيت التشكي من قلة الراتب وكثرة المصاريف ووو يعني الكلام يطول دون فائده لو كل واحد فكر واشتغل اي عمل لوجد انه يملك قدرات كبيره جدا يسألني احد منكم كيف ان اقول لوشغل سيارته وذهب الى شارع الخبيب لحصل رزقا كثير من نقل العمال هنا وهنا كلا بأجر معين اويشتغل بالخضار او لكن نحن اصحاب كلام وافتراضات وتبلي على خلق الله تلقى فينا ناس مايملك شهادة ويتشرط وظيفه معينه وقاعدين نضيع وقت بالمنتدي بكلام مايخدم احد ونتمني ونحن نسهر الى الصباح وننام حتي اخر الليل ونريد عمل العمل لن يتوفر ونحن بهذا الحال نحسد ولانشوف الى عندنا بس نشوف الى حصلوا عليه الناس من وظائف واموال ولانعمل .. ارجوا من الاخوان عدم الزعل الحقيقه دائما تبكي هذا من وجهة نظري الخاصه
ولكم خالص الشكر والتقدير