عيادة (خن بط) للتجميل وتبييض البشره وتنعيم الشعر .

[المنطلزه]

ياخن بط مارجينا منك خير انت وعيادتك
اجل جريش لتجعيد الشعر اعنبوا ابليسك وش يغسله من الشعر ووش يروحه بس

[إلينـ اليوم]

يامجموعة خن بط
مواضيعك تذكرني بددسن أبوي عزيز الله يرحمه
ماأشوف أي فايده بالمووضوع.

[مشقاص]

اقتباس:  المشاركة الأصلية كتبت بواسطة إلينـ اليوم     يامجموعة خن بط مواضيعك تذكرني بددسن أبوي عزيز الله يرحمه ماأشوف أي فايده بالمووضوع.

الين اليوم

كل الي حصل لخن بط سببه الأدارة صار عنده أنفصام بالشخصيه بسبب توقيف اكثر معرفاته الأصليه الله يكون بعونه .

[دِيم]

.
.
.




عطوا زخات ابرة زِين .. يمكن تزين .


**

[خن بط]

اقتباس:  المشاركة الأصلية كتبت بواسطة منت اتحادي احراج     وشفيــــــكمـ؟؟ عــــــــــادي اي غبــــــــــاء يبحتون عن النضاارة والجمـــال اما بالنسبة لعمليات التجميل حراااامـ

وش اللي عادي !!!لعنبو بليسك يحطن طعام وشراب على وجيههن وشعرهن وتقول عادي.
مرتن دخلت على اختي لقيتها حاطتن عسل على خدوده قلت ليش حاطته قالت يقولون انه يمنع تجعد الجلد اذا كبرت . اومير اروح وآخذ قطعة خبزه وكوب شاهي واجي وهي مغمضه واغط الخبزه بالعسل اللي بخدوده وتقعد تصيح وتصارخ علي وصارت مشكله .بس يوم دري ابوي لعن خامسها وعطان خمسين ريال مكافئه .

[خن بط]

اقتباس:  المشاركة الأصلية كتبت بواسطة ..twix..     بسومة .. شكل عنده مطعم شامي .. والبايت من المقبلات يبتلش فيه .. ولا يبي الخسارة ..ويبيصير مثل المنشار نازل آكل وطالع آكل ..

بدينا بالنق والحسد ياتويكس .
شف عندي لك وصفه تخلي عيونك جذابه وإذا شافتهن البنات خقن عليك .
الوصفه كالتالي : اعصر واحد بصل الين يصير ماء واعصر فصين ثوم واخلطهن مع بعض وحطه عند رأسك واذا جيت تنام ضع ثلاث قطرات بعيونك وخلال اسبوع حتشوف الفرق ..بس ترى بالبدايه يبي تورم عيونك ويصيرن حمر تقل قواطي صلصه بس عادي >>وهقه

[aĻŖeem]

[align=right]كأني اقرأ لقلم العجوز السمنسي
الله يذكره بالخير

.[/align]

[جبل السكر]

اقتباس:  المشاركة الأصلية كتبت بواسطة aĻŖeem     [align=right]كأني اقرأ لقلم العجوز السمنسي[/align][align=right] الله يذكره بالخير .[/align]

لا الاسلوب ابدا مش واحد
ولا يلي قاعد يصير تمثيل وانا ياغافل لكم الله هههه

وبالنسبه للموضوع والله الحريم مبتليات ادعيلهم بالهدايه
بعيد عن القشطه والزبادي والمربى

خن بط استمر على هدا النهج بارك الله فيك





تحيتي

[خن بط]

اقتباس:  المشاركة الأصلية كتبت بواسطة قرفوص     الله مير يسلمكم يامجموعة خن بط الإستشارية .. واسمحوا بحكم إن كتمان العلم مايجوز .. إني لي أدلو بدولي بالموضوع .. بس ياجماعة خلوكم بعيدين عن دلوي عشان ماينكب عليكم .. بالرد ذا بعرض عليكم بعض المشاكل اللي تعرض علي وأقوم بحلها ومعالجتها .. . . - 1 - أهلين وسهلين بأخوي نون .. بالبداية أحب أقولك عظم الله أجرك بخشمك الكبير اللي الظاهر إن أمك متحومة بلي حوشكم أو خرطوم فيل .. لكن ولا يهمك علاج كبر الخشم عندي وهو على أربع مراحل .. المرحلة الأولى : على فكة الريق لازم تشم لك ليمون ابو زهيره لان الليمون فيه مادة تصغر .. وماقد لاحظت اللي يشربون ليمون اغلبهم قزمان ولاجاء بيشغل التلفزيون يحط مركى .. المرحلة الثانية : لازم انك تحك خشمك بالجدار مثل مالناقه تحك جسمها بالشبك لاجاها المخاض .. المرحلة الثالثة : تحاول تسوي رجيم قاسي لخشمك .. يعني ماتدخل أصبعك بخشمك إلا مرتين باليوم وياليت الأوقات تكون أوقات ذروة .. المرحلة الرابعة : تعتزل الناس والعرب عشان خشمك يستحي على وجهه ويصغر من نفسه .. . . . - 2 - بسيطة جداً لكنها تحتاج لصبر ومرابطة .. علاجك التالي : فيه خلطه لازم تسوينها وتحطنها على ركبك قبل تنامين والخلطه هي .. تجيبين قدر ضغط فرنسي .. وتحطين فيه ماء وتخلين الماء يغلي ويغلي لما ينقطع قلبه .. وبعدها تحطين قطعة سفنجه بوسطها ملح ونمل ميّت ويفضل يكون النمل الميّت مطلع لسانه وهو ميّت عشان اللعاب حق النمل فيه ماده إسمها " الإكتسزوجين " وهي مادة تبيض الأشياء .. وبعد ماتحطين الإسفنجه مع الملح والنمل الميت بالقدر الفاااايح .. تخليين الاسفنجه على ركبك وتربطينها مثل " الشماله " .. وتنامين وتسوين هالطريقه يوم ويوم لا .. لو تسوينها يومين ورى بعض بتموت أنتي وركبك ..! هذا اللي بجعبتي الحين .. ونفتح بعد مباراة النصر ..

هلا والله ومرحبا بصقيقي قرفوص .. خلاص نبي نضمك لمجموعة خن بط .
ماقصرت يابعدي على هالكلام السنع كفيت ووفيت .
اجل يحطن نشا الطعام مخلوط بزبادي بالمناطق الحساسه السودا علشان يبيضهن .تهي تهي تهي هالغبار ماجاء عبث . الله يستر لايجينا خسف من تصرفاتهن لعنبوهن شبعن وكفرن بالنعمه

[خن بط]

اقتباس:  المشاركة الأصلية كتبت بواسطة روح لايسعهآ جسـد     لو سمحت انا ابي كبسولهـ اكلهــآ واقلب طبق اصل هيفاء وهبي لاني بصراحهـ مابي اتزوج سعودي وشكلي شين مايأهل للاجنبي ياليت ترد لي هل اللقاء عندك هذي الكبسولهـ ؟ وشــــكرآ

شكلتس شينه قووه يوم ودتس اقلبتس لهيفاء وهبي خخخخ
شوفي عندي كبسوله اسمها (كبسولة خن بط السحريه) بس تاكلينها على الريق الصبح وتبي تحسين بدوخه ويبي يطلع لتس ظفور زي مخالب الصقر ويبي يطلع ريش بسيقانتس ويبي يطلع لتس زقم لونه اصفر وتبي تقعدين تقطقطين طول اليوم مثل الدجاجه عاد أنتي وحظتس إن كانت هرمونات السايدرك قويه علطول تقلبين هيفاء وهبي وإذا الهرمونات ضعيفات فالله يعينتس يبون يحطونتس اهلتس داخل شبك وكل صبح يجون ياخذون البيض ويجوزونتس ديتس الجيران ...

[رواسي]

هذآ ليس غبآء
ولآ إستغلآل
لأن البنت خآصةً العروسهـ تدخل شيء وتخرج شيء ثآني

إزآلة الجلد الميت ألي كثير من البنآت وحتى الشبآب لآيهتمون بآزآلتهـ فيقسى الجلد
وغير ذلك

فكل شخص ولهـ تخصص ينفع غيرهـ فيهـ

[خن بط]

اقتباس:  المشاركة الأصلية كتبت بواسطة سحايب نجد     مو قصة غباء لكن هناك فعلا عيادات ناجحه وتخيل البشعه قمر والاغلبيه نصب

ماقلت شيء عن العيادات اللي تعالج بعلاجات بعيده عن الأطعمه .. هالشيء حرام ويغضب الله .
تخيلي وحده تكتب بشريط بدايه تقول : اللي تعاني من سواد المنطقه الحساسه تخلط نشا مع زبادي وتحطه على المنطقه لمدة ساعتين وتبون تدعون لي . امحق من وصفه . حسبي الله .
تصدقين لو أعلن هالإعلان واحط رقم جوالي واطلب مبالغ ماليه كبيره إن يتصلن علي ويدفعن . شوفي الوصفه :
لمن تعاني من السمنه وتريد أن تصبح مثل جسم نانسي عجرم لدينا العلاج وخلال اسبوع تصبحين جميله ورشيقه .
الوصفه هي : واحد قرن (تيس) ويطحن ثم يخلط مع خمس وعشرين (قعس) ويضاف عليه قليلا من (غبار) جنوط السيارات الدقاق والناعم ثم يضرب بالخلاط لمدة خمس دقائق ويوضع بالثلاجه لمدة يومين .
ثم يصفى بالمشخال وتشربين منه لمدة اسبوع وستلاحظين ان وزنكي انخفض .
قيمة الوصفه : 2000ريال مع الخصم .

[قيدوم]

زبادي مانقول فيه شي
بس فلفل وطماطم ومدري وشو ...
الصراحة ماأتوهق بعيادتكم

أهم شي جمال الروح ولا كل شي يروح

[زخات المطر]

اقتباس:  المشاركة الأصلية كتبت بواسطة انسانية جداً     . . . عطوا زخات ابرة زِين .. يمكن تزين . **

خلاص ، و الحساب عليك

---


رحمة الله عليكم آل خن بَط ، كُنتم تَضرِبون بسَوط مِن حَديد ، و لا يَلومكم فِي الحَق لومة لائِم ، لَيتني لم " اتفاول " !


لاَ مانع ، من ان نَجد بيينا من ذُريتكم لو كانوا ( خَن وَز ) ..


مُوفقين اينما كُنتم .