حصان القايلة .. وغراب البين ...!!

[تركي الشبابي]

اقتباس:  المشاركة الأصلية كتبت بواسطة أحاسيس مبعثره     [align=right]والله يااتويكس هاالمعايير صارت في كل بيت ليششششششششششششش وش الهدف منهااا مدري الصراحه؟؟ معيارتي امممممممممممممممممممممممم هيفاء وهبي<<هههههه هاه قلت لك معياترتي انت قول وشششش معيارتك,,[/align]

ام هيفاء و هبي هههههه اجل انا معايرتي عبد الرب ادريس

[سمو ذات]

.

عوداً حميداً تويكس

من طول الغيبات جاب الغنيمات << نبي ذبايح

جبتها بوقتها , اختي تشكي قبل يومين ليش آخر العنقود مالها معيارة !!

عاد فعلا آخر العنقود عندنا مالصق فيها معايير
ومن الثقة تقول لأني كاملة والكامل وجه الله ..
تكفى قل لربعك يدورون لقعدتنا معياره

عاد بما انك قلت لاتطلعون إلا وانتم حاطين شي ..
واحد كانوا يسمونه ابو دريشة لأن سنته منكسرة المسيكين تعقّد وراح ركب سن صاروا يسمونه ابو سـدّه

مرحبا بعودتك ,,

[مشقاص]

تويكس

الحمد لله على السلامه لا تتعودلها وتغيب لك وحشه بشكل .

نرجع لموضوعنا

بصراحه بعض دورات المياه ما يضيق صدرك تعرف كل شي عن الحي من خلال

دورة مياه مسجد الحي المعايير والأحداث الطازه وفلان يحب فلانه وقلوب الحب

وبعض الرسومات الشينه لك كله بالمعايير والرموز الأجليزيه .

حمام الحي عنوانه أهله

حمام مختلط لو عندنا كان تشوف الزحمه ...

[" TWIX "]

سني متبع

اقتباس: تويكس ، لك إطلالةٌ كالقمر بهيه ،،، ولإسم معرفك لذة حادة كالسيوف الهنديه ،،، يقولون (من طول الغيبات جاب الغنايم) ،،، وبالفعل مواضيعك كلها إن شاءالله غنايم ،،،

هه خل ينفعك شاف نفسه تويكس ...

اقتباس: دعني أسألك سؤالاً ، وهو هل طرحت هذا الموضوع بين أصحابك ؟ وماهي ردة الفعل منهم ؟

الضرب بالميت حرام
حياتهم كلها على بعضها سخرية بسخرية ما كد أخذوا أي أمر جد
كل حياتهم نكت وقصص كل واحد بالأخير هو بطل القصة .. ما زالوا يعيشون
زمن علي باب والحرامي ..
أهتمامتهم بالحياة لا تتجاوز اطار الاستراحة لأنها هي الأم والأب والزوجة وكل شيء بالحياة
شلة أشبه بالشعب الفلبيني يفكر بالساعة التي يعيش بها اهتماماته متى يضحك ومتى ينام ومتى يأكل ومتى يتسلى ..!!
بسطاء بالحياة أكثر مما تتصور ..

اقتباس: وأما بالنسبة لموضوع (المعياره) إن صحت العباره ،،، فمجتمعنا قد توارثها من أيام الجاهلية الأولى ، ولا أدل على ذلك من أسماء بعض الشعراء الجاهليين أو المخضرمين ،،، خذ مثلاً (تأبط شراً) ، الشاعر الجاهلي الفحل ، فيقال ان هذا اللقب (معياره) ألصقته به أمه ، وقد قال في بعض شعره : أَلا هَل أَتى الحَسناءَ أَنَّ حَليلَها***تَأَبَّطَ شَرّاً وَاِكتَنَيتُ أَبا وَهبِ ولو قلنا الشاعر ( ثابت بن جابر ) فلن يعرفه الكثيرون لإن (المعياره) تأبط شراً قد لصقت به كما يلتصق الإصبعين ببعضهما بفعل (صمغ أبو جني)،،، إذن نستخلص أن المعياره ليست حكراً على مجتمعنا وإنما هي عادة سيئة توارثناها عبر الأجيال ،،، وأما الدين الحنيف فقد أمرنا بأن ننادي بعضنا البعض بأحب الأسماء ألينا ، ولا أدل على أن الرسول صلى الله عليه وسلم قد غير بعضُ أسماء أصحابه رضوان الله عليهم ،،، ومما يروى عن الفاروق رضي الله عنه أنه قال ( يصفى لك ود أخيك ثلاث : أن تبدأه بالسلام , وأن تدعوه بأحب الأسماء إليه , وأن توسع له في المجلس ) ،،،

اضافة تشكر عليها ..
مجتمعنا غالبا ما يأخذ الغث من مخلفات الأمم ويقدسها ونتوارثها جيلا بعد جيل
مجتمع يقوم ببنائه من قبله فنحن مجرد آلآت برمجة وبعدها قمنا بتطبيق ما تمت عليه برمجتنا ...!!

اقتباس: وأما مايتعلق بالتنابز بالألقاب (المعياره) خصوصاً وإن كانت بسبب تشوه خلقي فهذا مما حذر ونهى منه الشارع الحكيم حيث قال في محكم التنزيل : (وَلا تَنَابَزُوا بِالألْقَابِ بِئْسَ الاسْمُ الْفُسُوقُ بَعْدَ الإيمَانِ) ،،،

يشوفون واحد يدخن أو يسمع لـماجد المهندس شوي وإلا يطلعونه من الجنة
وهم جاعلين خلق الله علوك يلوكونهم ليل نهار في مجالسهم ...!!
ما بينك وبين الناس حذااااااااااري منه
لكن ما بينك وبين الله أهون بكثير .

اقتباس: في الأخير مواضيعك في المحك ،،، لإنك والله أعلم رجلٌ محنك ،،، تهمك رفعة دينك ومجتمعك ،،،

اللهم اجعلني خير مما يظنون
<<<< .. وش عنده ابن القيم ...

[" TWIX "]

بـدآآويـــــه

اقتباس: جبتها ع الجرح هههههههههه معيارتي ام ........

ما أعرف معيارة تبدأ بــ أم إلا أم قناصيع ...
وإلا أم شدوق ...

اقتباس: وهي امراءه قصيرتن نحيفتن عيرتني فيها عمتي يوم كنت بالابتدائي لاني مثلها والحين كبرت وتغيرت بس لاالت ترافقني المعياره والبركه بعمتي اللي اكن لها شعور خاص يختلف عن بقيه عماتي والسبب المعياره عمتي لها انتا ج جيد للمعاير موفرته بكثره لبنات اخوانها وخواتها شيكرن لك

الشعوب العربية لا تحترم إلا من يدوس عليها ويجعلها تذوق الأمرين
أول مرة أشوف واحد يأخذ علقة ويبوس اليد اللي أبرمت صابرة ...
عمتك تعيرك .. وتجعل سيرتك على كل لسان
وأنت فاتحة كشرتك تديور فيها خلاطة ...
المفروض كشرتي وخليتيها لا شافت كأنها شايفة عزرائيل ..
مدري ..
يمكني غلطان .. لأن بعض الناس يجب الشتيمة ويخش جو معها ...!!

[X 7oor S3od X]

عوداً حميداً حلاو العليان

ياهووه يالمعايير ..

أذكر مره كنا نسولف عن المعايير
قلت لأمي : إلا على طاريها ... وش هي معيارة الفلان ؟؟
قالت أمي الله يحفظه : ( الطمل )
قلت : أفاااا وراه الوالده عصبّت وشانت الأخلاق ؟؟
خلاص نسحبه ولا تزعلين
قالت : يابنيّتي هذي هي معـيارتهم !!

عـوذا أجل ذي معـياره ؟!

[لـمـيـا]

[align=center]تويكس : هكذا هي عائلتنا مجموعه افراد يمتلكون من ( المعياره) الكم الهائل

ربما على شكله تاره او ربما لتصرف خاطئ تارةً اخرى

لـ اذكراسماء افرادنا عفوًا اسماء (معايرننا)

الحمص
برج بريده>لـ كبر رأسه

مطزاز

السلم

عكرمين

فيوز

هه لا استطيع حصرها فربما لكل فرد عِدة القاب

ولكن لها طعم ورونق خاص عندما احدً من الاشخاص ينده لي بمعيارتي كما ذكرت فلا مانع[/align]

[" TWIX "]

وَجدُ الْكِتَابَة;

اقتباس: في ( معياره ) يراد بها الاستهزاء والاستنقاص ’ وفي ( معياره ) تكون مثل اسم الشهره لو صح التعبير ’ الأولى مرفوضه والثانيه مقبوله ’

طيب الاسم وين مكانه من الإعراب ...؟!!
المعيارة .. أحسها مو ماشية مع أتيكيت العصر .. لأن أحيانا هالمنتف بين شمس وضحاها يصير هذا أد الدنيا
من سوق الاسهم أو من سوق العراجين أو من غسيل الأموال في حراج المقاصيص ...
ثم تجي وتقول له معيارته قدام حاشيته وهو وين هو عند نفسه .. أحس أنك تبي تهد عاليها واطيها عليه ...!!
طيب ما تمشي الدنيا بالاسم ..أو بالأرقام مثل مفاتيح المناطق تصور واحد معيارته مية وسبع طعش ...

اقتباس: والمشكلة إن الناس سامحه لبعض ..! حتى لو الشخص متضايق من ( معيارته ) مجرد مايسمع يا ........... قال : ســــــمممم

هذا من دباشته ..
فيه ناس حساسة .. واحد ..كان أول أبو علي .. وبعد ما تزوج جاه ولد سماه حمود ..والله يالذوق بالسنغال وهو بالفلبين ...
وابن ابوه .. بس يغلط ويقول .. أبو علي .. خلاص تخرب الدنيا .. ويزاعل عيال الحارة معك رجاحة ...
طيب هذا لو تقول معيارته .. كان يشنق نفسه بسيم من فوق شجرة برسوبس بوسط شارع الخبيب ..

اقتباس: موضوع ظريف ’ سلمت

الله مير يسلمك ..

[" TWIX "]

اقتباس:  المشاركة الأصلية كتبت بواسطة ..همسة عتآآب..     اذا كانت (المعياره) للتميز والوصف فلا بأس ولكن للاستنقاص لا احبها ابدا ابدا

معيارة وتميز وشلون تجي ذي ...؟!!
أذكر واحد مسمي نفسه " الحشرة " يخرب بيت التميز اللي كذا
شعب تعبان مررررة .. كل شيء عندهم تميز ..
رقم لوحة سيارة .. رقم جوال .. تمليع وتنصيب .. معيارة .. قصة شعر غريبة .. سروال طالعة أم أحمد تاخذ شهيق ...
عقدة النقص .. وما تسويه ...!!
اللهم لك الحمد ..
اعجبتني كلمة .. لا بأس .. أحس أنها كلمة متعوب عليها .

[عاشق عبير]

معذرة تويكس

ترى اشين شي يكون لك معياره ونت ماتدري وشي

يعني يكون معيارك الكرتون ونت ماتدري

ويستهبلون عليك يقول وش رايك ايهن ازين كرتون الفاين ولا الحليب

همن انت على وجهك تقول لا والله كرتون الفاين كبير بس ترى كرتون

الحليب اقوى مو مشكلة كل الكراتين محصل بعضه

[Queen of buraydh]

المعايير وما ادراك ما المعايير !

اعتقد انها حاجة غير محترمة ,, وان كانت من باب الميانة

ظاهرة فعلاً اتمنى زوالها

[" TWIX "]

اقتباس:  المشاركة الأصلية كتبت بواسطة باسم الثغر     الغريب إن الناس مايتعلقون إلا باللقب اللي مايبيه الشخص ولايحبه ويشدهم أكثر إذا كان مضحك

...
جبتها على الجرح .. كد مر على الموقف .. كانوا لا طلعوا لي معيارة ومضحكة بحقي
اتظاهر كأنه ماهمي .. وكأني مرتاح لها وبعدها يغيرونها
كان ودي يقولون لي مثل يا توم كروز .. أو أخو لميس .. او كرز بالتوت
وقتها بعصب وبلعن الطاهر فيهم .. على شان تصير معيارة
لي وشخص فيها قدام الناس ..!!

["غرك غلاك"]

يقولون ان فيه شمري وعنزي بيسافرون
الشمري قال للعنزي انا علي كل شي
بس انت كثر من المويه وجب معك بصل لطبخ
وبطريق تهاوش الشمري والعنزي
وعزة نفس العنزي تركته ماياكل من اكل الشمري
صار ياكل بصل ويشرب مويه بس لين
وصلوا الديرة الي بيسافرون لها..
فصارت معيارة العنوز(البصل)
عموما والنعم والله ألف بالعنوز والحروب
والعتبان والسبعان ..وكل القبايل
بس أنا جبت هالسالفة مع العلم إني مني متأكد
من صحتها بشكل دقيق إلا أن الهدف منها
هو ان العيارة وصلت حتى على مستوى القبائل
بل على مستوى الشعوب وصلت المعايير
يقولون فيه واحد سعودي قال لواحد أفغاني
هلا يابو خلق رد عليه الأفغاني هلا أبو خيشة

تويكس حبيبي ليه يدك اليمنى أطول من اليسرى
ماصعينك يوم يطلعونك من بطن أمك<--يقاله معيارة
حبيبي أشكرك من صمامات وصنبورات وبزابيز
(وصواميل إيتو)قلبي على الموضوع التحفة <--متأثر بكأس العالم

[" TWIX "]

عذبـــــة

اقتباس: طيب وش معيارة تويكس ! كانك مستحي تقولها اجدعها علي خاص وماراح اعلم احد

أمي تعيرني .. عيون المها

وأبوي .. ريم الفلا

وجدتي .. قمر 15
وعيال جيراننا .. مقفى القرد ...
وشلة الاستراحة .. الدردغانة ...
لكن واضح أنهم حاقدين عيال جيراننا لأني ما أشوف تشابه بيني وبين القرد
أما شلة الاستراحة أرفع واحد معه شهادة خامس من ابتدائية الأجفر
منجحه ولد عمه قاله تعال وتنجح ..
أما أمي وأبوي .. شهادتهم بي مجروحة
لكن جدتي عساه للجنة .. كلامها شفته عيانا بيانا .. مرة طالع بكل زيني وجمالي يوم طلعت وأشوف القمر كل ماله يخفت نوره
وبعدها تذكرت
شفته كني شفت القمر ... ولاهو احلا من القمر بفعاله
وتذكرت كلامي جدتي يوم تقول قمر 15 .. وأنا أناظره عرفت أنه استحى ويحاول يتوارى عن الأنظار خجلا ..
آه ..
واسمع مؤذن مسجدنا يؤذن الصلاة جامعة .. وأثارية اليوم يوم كسوف القمر
وبعدها عرفت إن كلام جدتي خراط بخراط .. وكل الدعوى رفع معنويات
لا أكثر ...

[" TWIX "]

البارق

اقتباس: موضوع لذيذ بلذة اسمك

تسلم يا قلبي بصّر بعض الناس ..

اقتباس: وبصراحة فيه معايير حتى وصاحبها متعود عليها إلا انه يتضايق وينفر منها وهذه بصراحة من الأدب تركها

بريدة يخلون العاقل رجة ونص لفه .. بس عطهم وقت وخلهم يعطونه مسح ضوئي
لمدى عقليته وبعدها أزهله .. كم يوم ويجيك يرقل ..
عاد وشلون معيارة .. تمشي لو بالعذابين ..

اقتباس: وبالنسبة لمعيارتي اسمح لي تويكس الستر زيييييين ههههههههه

استروا عليه عمرو موسى أمين جامعة الدول العربية ...!!