سفرة غــداء ...!!

[" TWIX "]

طحنفوص المجانين...

اقتباس: طيب العلاج .. ماهو العلاج ؟ من وجهة نظرك الواحد يعزمهم في موفنبيك أو يسوي خطبة يوم الجمعة عن آداب الأكل

هذي أشطب عليها الجدران تعلمت وهم ماغير الواحد عيونه شاترات عندي المحاضرات والخطب ..

اقتباس: ترى هالعادة في البدو والحضر بس يا اخ تويكس نسيت شغلة مهمة وهي خروج الغازات الخانقة المحرقة للخشوم .. الواحد يجلس ياكل ياكل تقول فرامة ماودة يوقف لحد ماتتفجر الغازات من فوق ومن تحت وبكل قوة وجه يقول الحمد لله بدون مايراعي شعور الآخـر وساعات تسمع صوت رعود وبروق وصواعق قرقع قرقع خاصة اذا سفرة الغداء عليها بيبسي او لبن

هذي حلها واحد ..
لازم فتحات إضافية لتقوم بتهوية للجسم وطرد الهواء الزائد اللي ماله داعي .. والفتحات هذه يحط لها " سدة " وهو
عند المغلسة يفتحها ويحطها فوق المغلسة ولاخلص وبعد ماينتهي من التغسيل يشيلها ويسد الفتحة
مثل واحد (حباتسة) معه بمخباته لاجاء العشاء أو الغداء طلعه وانفضه وركبه ولاخلص أغلسه وحطه بكيسه للوجبة
الأخرى ..

[طحنفوص المجانين]

بعيد عن السخرية من هالحالة المزرية خلينا واقعيين ياتوكس..ردة الفعل اللي بتشوفها على السفرة جداً طبيعية لأن السفرالدسمة لاتخلو من الهمجية في الأكل (يمكن حالة نفسية يوم يشوفون اللحم ) لكن لو الشغلة فيها ميز وشغل مرتب اكيد بتلاقي الاشياء اللي قلت عليها بالكاد تذكـر على العموم هي ثقافات وسلوكيات نابعة من بيئة الشخص.

["غرك غلاك"]

[align=center]إحنا مؤدبين لكن لاجت اللقمة ضاعت المراجل وحل العبث ![/align]

[" TWIX "]

"غرك غلاك"

اقتباس: إحنا مؤدبين لكن لاجت اللقمة ضاعت المراجل وحل العبث !

يعني اختبار أخلاقكم في بطونكم ...؟!!

[ريداويهـ]

..TWIX..

موضوع رائع من عضو كاد أن يخطف بيرق التميّز إلا قليلا ..
جميل أن تكلّم عن الأداب التي أمرنا بها الرسول ,, والأجمل أن نطبّق تلك الأداب ’,.

كما قالت أختي عذبه ..
لم أكن أتوقّع أن تكون هذه السلوكيات المقرفه موجوده عند مجتمع الرجال ’,.
فعندما كنت طفلة ,, كنت أشتكي لوالدتي مما يفعله الأطفال عند جلوسنا على مائدة الطعام ’,.
لأن أفعالهم هي كما صوّرتها أنت ,, لكن بإختلاف السّن ’,.


وأيضا قد أجد هذه السلوكيات في المجتمع النسائي ’,.

.

[" TWIX "]

ريداويهـ...

اقتباس: كما قالت أختي عذبه .. لم أكن أتوقّع أن تكون هذه السلوكيات المقرفه موجوده عند مجتمع الرجال ’,. فعندما كنت طفلة ,, كنت أشتكي لوالدتي مما يفعله الأطفال عند جلوسنا على مائدة الطعام ’,. لأن أفعالهم هي كما صوّرتها أنت ,, لكن بإختلاف السّن ’,.

أهلا بك وإن كان لايروق لي هذا الاسم كثيرا " رايد "
أكرر ترحيبي بك ..
أجل إيش متوقعة يآكلون بشوك وملعقة ...!!
عزيزتي .. شوف الفوضى اللي بالشارع وعند الخباز وعند أي طابور وعند الملاعب وفي المنتزهات
طيب والأكل ما اله نصيب من هالفوضى ...؟!!
أحنا مجتمع مازال رافعا راية الفوضى خفاقا.. وبتشوفي مع نظام ساهر ..

.

[لعيون دودي]

تويكس..
كل ماذكرته صحيح وواقع بمجتمعاتنا"النسائيه"و"الرجاليه" للاسف
الركيزه الاولى واشدد على الاولى منذ"الصغر"فقط لاغير
والمثل وانا اختك يقول"العود على اول ركزه"الطفل متلقي والاهل مربون
هي عادات يجب غرسها بنفس الطفل منذ الصغر حتما سيكون لها "ترجمه"في المستقبل
دمت برعايه الله

[" TWIX "]

لعيون دودي...

اقتباس: والمثل وانا اختك يقول"العود على اول ركزه"الطفل متلقي والاهل مربون هي عادات يجب غرسها بنفس الطفل منذ الصغر حتما سيكون لها "ترجمه"في المستقبل

طيب إذا جاء الطفل وفي رواية البزر .. ولقى العود مركوز مايل ...؟!!
فاقد الشيء لايعطية وأنا أخوك .. إذا كان الأب لاجلس يأكل تقل لي مغسلة يبخ بخ
وش بيصير هالبرز ..؟!!

آسف طمرتك وإلا أنت قبل عذبة في الرد ..
تراي من الناس اللي يلف قبل العاير .. حتى دايم أصدّم جدران وتخيطيط الحادث
لف قبل العاير ..

[" TWIX "]

اقتباس: الذين يشاهدون محتوى الموضوع الآن : 6 ( الأعضاء 3 والزوار 3) ‏..TWIX.. , ‏بنت منيره , ‏جالكسية

هلا ببنت قبيلتنا ...

[" TWIX "]

سلمان عبدالعزيز ...

اقتباس: وان جاء يمد يده يجيب يده من وراك ويسل خيوط شماغك بشطوب يده وهو عينه على اللحمه القصيا قبل الدنيا كي ينهي البعيد عنه ويستثمر القريب منه ويفريها قبل النهاية وانا ماغير اقول اصبر ياخوي خل لنا شوي ترا مابعد صفر الحكم تونا ماأكتملوا الرياجيل وخشته مليانة رز واللحم داخل بالرحى وقد اطبقت عليه ودوري وافرميه الله يجعله مايبقى منه شي

أنت متأكد إنك بزواج وإلا جالس عند فلم الإفتراس وجالس تنقل الأحداث أول بأول ...!!

[عذبـــــة]

يعععععع معقوله تاكلون كذا ياللي تسمون رجال ؟
ماعلى البزارين شرهه والله
اتوقعتهم نظفين على السفره وخفيفين لكن بدا لي العكس مع شرحك ياتويكس
نصيحة لك المرة الثانية اذا حطو سفره مع هالصنف من الرجال خذ لك وجبتك بصحن صغير لحالك وابعد عنهم
واذا قالو ليه قولهم انا بي جرب اخاف اعديكم .. وكل على اكثر من راحتك بنظافة
بعدين قولو للي يتهاوش مع اللحمه ياخذ ( حباتس ) الشايب اللي جنبه ويقطع به لحمه وينفضه ويرجعه له

ياويلي ويلاااااه لو تشوفون اكل الحريم قسم بالله ان تعشقون الأكل وتشتهونه لو انتم شبعانين
ملاعق وشوك وكلينكس كع كل ( همممّه) مسحة بالكلينكس
وتقطيع اللحمة بالشوكة والسكينه
والجلسة انواع الأدب والرقة
بإستثناء العجز والمبزرة
انا عن نفسي وبدون مبالغة مستحيل اكل بيدي لازم الملعقة والشوكة
والمنديل الشغالة اللي تحطه لي .. والشغالة الثانية تهف على وجهي وانا اكل تقول امير المؤمنين
بس الصراحة ان الوجبة عندي مثل النزهه
كان تبي تاكل معنا تعال بس لاتجيب معك ابو حباتس وابو لبن للحين معدتي تقلب منهم
اعذب تحية للناس الإيتيكيت

[oldman]

[align=center]

اقتباس:  المشاركة الأصلية كتبت بواسطة عذبـــــة     انا عن نفسي وبدون مبالغة مستحيل اكل بيدي لازم الملعقة والشوكة والمنديل الشغالة اللي تحطه لي .. والشغالة الثانية تهف على وجهي وانا اكل تقول امير المؤمنين بس الصراحة ان الوجبة عندي مثل النزهه كان تبي تاكل معنا تعال بس لاتجيب معك ابو حباتس وابو لبن للحين معدتي تقلب منهم اعذب تحية للناس الإيتيكيت

عذبه يابنيتي لاتحلمين وتهوجسين تسثير ترى تصابين بمرض اسمه منخوليا ينخل المخ نخل .... تسني أشوفتس طايرتن كشتس ومفسرة عن ذعارنتس وحاميتنلتس لحمه بيدك اليسار ويدتس اليمين مليانة رز ولحم وكب بثمتس اللي صايرتن تسنه قلابي وتاكلين وانتِ تناشقين ولامد أحد يده على اللحمه تقولين خله هذي حقتي ونشقه طويله من السفره ويسمعها اللي بالمغاسل ... اي شوكه وسكين قولي مغرفه وساطور ... خليك على طبيعتك أحسن باتسر لاقعدتي تاكلين بس تدمع عيونتس تتذكرين كلامتس واتيكيتس وملعقتك وشوكوكتس أها بس.

[line]-[/line]
سبحان الله وبحمده
.... عدد خلقه ... ورضا نفسه .... وزنة عرشه .... ومداد كلماته ....
---------------------------------
أستغفر الله الذي لا اله الا هو الحي القيوم واتوب اليه
أستغفر الله الذي لا اله الا هو الحي القيوم واتوب اليه
أستغفر الله الذي لا اله الا هو الحي القيوم واتوب اليه

[/align]

[عذبـــــة]

اقتباس:  المشاركة الأصلية كتبت بواسطة سلمان عبدالعزيز     [align=center] عذبه يابنيتي لاتحلمين وتهوجسين تسثير ترى تصابين بمرض اسمه منخوليا ينخل المخ نخل .... تسني أشوفتس طايرتن كشتس ومفسرة عن ذعارنتس وحاميتنلتس لحمه بيدك اليسار ويدتس اليمين مليانة رز ولحم وكب بثمتس اللي صايرتن تسنه قلابي وتاكلين وانتِ تناشقين ولامد أحد يده على اللحمه تقولين خله هذي حقتي ونشقه طويله من السفره ويسمعها اللي بالمغاسل ... اي شوكه وسكين قولي مغرفه وساطور ... خليك على طبيعتك أحسن باتسر لاقعدتي تاكلين بس تدمع عيونتس تتذكرين كلامتس واتيكيتس وملعقتك وشوكوكتس أها بس. [line]-[/line] سبحان الله وبحمده .... عدد خلقه ... ورضا نفسه .... وزنة عرشه .... ومداد كلماته .... --------------------------------- أستغفر الله الذي لا اله الا هو الحي القيوم واتوب اليه أستغفر الله الذي لا اله الا هو الحي القيوم واتوب اليه أستغفر الله الذي لا اله الا هو الحي القيوم واتوب اليه [/align]

ياجدي ليش تحاول تكسر مجاديفي قدامهم؟
انا بنت من طلعت على الدنيا وانا اتيكيت
المفروض من بعد موضوع تويكس والأشياء اللي ذكرها بالرجال مايكون للرجال وجه يناقشون بأي شي من ناحية الأكل
غير هذا اللحمة اللي يتهاوشون عليها الرجال وكل واحد يقطعها بحباتس الثاني مااكلها
يعني اي لحمه منسدحه على الرز مااكلها ابدا
لحمه برجر ولا ساندويتش ممكن ... بس لحم متسدح على الرز مااكله ..
شوري عليك ياجدي تجرب الملعقه والشوكه اجزم بعدها انك تبي تبدا تاكل التمر بالشوكة من الايتيكيت .. وقل ماقالته عذبه

بنت منيره .. قسم بالله ان معدتي قلبت وبغيت اغيب عن الوعي من هول ماقريت
خافي ربك فينا .. ترى مو كل شي ينقال
ياجعل هالحرمه ماتربح هالوسخه هالشاكلة المفروض يحطون لهم اكل لحالهم مع الشغالات وعساهن يقبلن بعد تاكل معهم

[" TWIX "]

عذبـــــة...

اقتباس: اتوقعتهم نظفين على السفره وخفيفين لكن بدا لي العكس مع شرحك ياتويكس

المشكلة احيانا في العزايم تعشون بعدهم .. وربي لو أنا بنت كان أجيب سندوتشه شكشوكة
مع حمضيات .. ولا آكل مخلفاتهم..!!

اقتباس: نصيحة لك المرة الثانية اذا حطو سفره مع هالصنف من الرجال خذ لك وجبتك بصحن صغير لحالك وابعد عنهم واذا قالو ليه قولهم انا بي جرب اخاف اعديكم .. وكل على اكثر من راحتك بنظافة

كذا بتعرف الناس إني صاحب معرف تويكس ..
لو انتي مرسلتها ع الخاص كان أطبقها وأجيب صحني بمخباتي .. لكن الخطة بازت ..

اقتباس: بعدين قولو للي يتهاوش مع اللحمه ياخذ ( حباتس ) الشايب اللي جنبه ويقطع به لحمه وينفضه ويرجعه له

الله يحوم تسبدتس.. وععععع ..

اقتباس: ياويلي ويلاااااه لو تشوفون اكل الحريم قسم بالله ان تعشقون الأكل وتشتهونه لو انتم شبعانين ملاعق وشوك وكلينكس كع كل ( همممّه) مسحة بالكلينكس وتقطيع اللحمة بالشوكة والسكينه والجلسة انواع الأدب والرقة بإستثناء العجز والمبزرة

وش قالوا لك مقطوع من شجرة وإلا توي نازل من المريخ ببرشوت مالي اهل
لي خوات وعمات وخالات وبنات وبنات أخت وأخو وأشوف اكلهم ما من بعايد عن أبو حباتس ..

اقتباس: انا عن نفسي وبدون مبالغة مستحيل اكل بيدي لازم الملعقة والشوكة والمنديل الشغالة اللي تحطه لي .. والشغالة الثانية تهف على وجهي وانا اكل تقول امير المؤمنين بس الصراحة ان الوجبة عندي مثل النزهه

شكل هالوصف وأنت بسابع نومة ..

اقتباس: كان تبي تاكل معنا تعال بس لاتجيب معك ابو حباتس وابو لبن للحين معدتي تقلب منهم اعذب تحية للناس الإيتيكيت

تطمني وصفي لي بأي بوفية بنقالي جالسة ..

[بنت منيره]

طيب واللي ياكل تونه

>>قاعد تتقرف من الناس اللي تاكل وانت تاكل تونه>>كرم الله النعمه لو اتعطل ما اكله


ياكثر اللي اقوم من الاكل بسبتهم اتذكر مره بعزيمه عند امي هيله>>تسانك تعرفه

سالفه طويله اخرتها طلعت زعله خخخ

طبعا اللي تقول كثير بس اقرف انسانه شفتها واكرها واكره المكان اللي تجلس فيه كانت قمة الوساخه والقرف

>>تمسح خشم بنتها بيدها وبعدين تمسح يدها بالسماط بعدين تاكل >>ماتدري من وين طالعه هالمقرفه

ايه واللي يطلع صوووت وهو ياكل على خطر ما التفت اسطره واقوم من السماط

>>وعد وغلط اللي ما ادري من وين طالعين ولا وش لون عايشين

اذا عندك تفسر منطقي اولااااه قل لي

ايه بعد قل ما اطلع الله يقطعهن الله تطورن فاجئه تطلب ملعقه ولا مهوب اكله وبعدين ياكل تنكب كل اللي بـ الملعقه على حجره والارض وتقوم موسخه الدنيا