إستشارة(؟)

[أدولف]

اقتباس:  المشاركة الأصلية كتبت بواسطة الوقت الباقي     توكل على الله يفتح لك باب الرزق يارب

أكيد والله يكتب اللي فيه الخير.

حفظك الله أخوي

[أدولف]

اقتباس:  المشاركة الأصلية كتبت بواسطة شبوه     ليش مل تطلب مساعدة ابوك لانه مكلوف يزوج اذا ناوي الزواج

أكيد طبعاً

تسلم

[أدولف]

اقتباس:  المشاركة الأصلية كتبت بواسطة القصيم ـ بريدة     كان ودك تشيل هم من بدري تزوج لكن نصيحة أخ لا تتزوج إلا ومعك وظيفه والله مصاريف وأن كان كثير من المصاريف السنوية والشهريه طايحة عنك توكل على الله وتزوج

إيش الهم اللي بشيله الله يعدي عنا وعنك كل غير هم المصاريف؟

حياك الله.

[Queen of buraydh]

اخي ادولف ,
تريث ولا تستعجل ترى الحياة صعبة صعبة جداً والبنات متطلباتهم كثيرة ما يقوى عليها الا الموظف براتب معقول ,

وانت صغير وقدامك الحياة ان شاءالله ,
احلى شي لما تتزوج وانت مستقر مادياً ومقتدر بحيث تسعد نفسك وتسعد زوجتك ,

[Modern]

مرحبا ادولف

مو داهيه الدواهي بمجتمعنا فكرة الزواج من الباب للطاقة
يحسبها ببساطة الشاب لما يفكر بالزواج
ويحصّل كل الامور تسير في صالحة
إن تزوج وهو قادر مادياً مو خسران
إن تزوج وهو مطفّر برضو مو خسران
إن تزوج وهو ناضج عمرياً وفكرياً مو خسران
وإن تزوج وهو توه متعدي مرحلة المراهقة كمان مو خسران

الخسران الوحيد في فكرة الزواج هي البنيّه المسكينة
واللي زوجوها اهلها سمعاً وطاعه للعرف السائد !
وهو ان البنت لابلغت خطر تجلس ببيت اهلها ولاخطبت دفها مهما كان الخاطب

وتلقى وسيم زمانه يقدم عالزواج بكل برود وثقة
وإذا ماعجبته بنت الناس يطلقها ويادار مادخلك شي مو هو مو خسران
وممكن يكون حنيّن ويقزّر كم سنه معها مجاملة وبعدين يطقها بالثانية

عشان كذا نصيحة من القلب سوا كنت انت او غيرك
بليز لاتتزوج وانت مطفّر ولا مو مستعد للزواج شكلاً ومضموناً
ترى بنات الناس والله مو لعبه

[أدولف]

اقتباس:  المشاركة الأصلية كتبت بواسطة ابن حمادة     النصيحه ريح ودرس على مهلك واذا حصل خلا ص الدراسه زرقات منا مناك يكون افضل لان بعد التخرج قد طيحت مابراسك وحصلت على وظيفه وكذا تكون جاهز لدخول القفص ايام الدراسه حلوه وخاصه ايام الجامعه لا تعكر حلاوتها بالعرس وهمه

(زرقات) مافهمتها والله

وأنا والله ماعد الزواج قفص أعده حرية لأسباب خاصة

[جلوي العتيبي]

اخي الكريم

الزواج مسؤليه كبيره على اكثر من إتجاه

وانت أعرف بأمورك وأكثر من يستطيع تقييم هذه المسؤليات وقدرتك على الإيفاء بها

صحيح في السابق شباب تزوجوا وهم طلاب واستمرت حياتهم بأفضل مايمكن ،لكن الوضع اليوم تغير والمصاريف تغيرت والمسؤليات كبرت وانت ماترضى لزوجتك تكون أقل من مثيلاتها .

الله يكتب لك الخيره

[أدولف]

اقتباس:  المشاركة الأصلية كتبت بواسطة عاشق ديرتي بريده     لو تتوظف ويصير راتبك 4 الاف لا تتزوج ترا بتلعبك الدجه لعب حريمنا ماترحم خخخخخخخخخخخخخخخخخخخ

الله يعين.
وإن شاء الله بعضهن يرحمن

[أدولف]

اقتباس:  المشاركة الأصلية كتبت بواسطة مخضرم نجد     [align=center]تزوج اذا انت شآيف لك شوفه وعآرفه ومقدره وضعك وانت بنفسك حآس انها ممكن تستمر وتستحملك خلال فتره الدراسه واذا العكس الموضوع يبي له تفكير فكر وشوف وضعك وهل انت مستعد تتحمل االامور النفسيه والمآليه خآصه ان امور المآده مهمه جدآ وعلى غير العهد السآبق كل شي غآلي وكل شي نآر مواد غذآئيه آجآرآت سيآرآت طيآرآت الخ كل شي هههههههههه وانت فكر وشوف قدرتك ولاتنآظر لراي آحد ماحد نآفعك براي لان الامور كلها عندك وصدقني الشخص اللي يدور على الخير ويبي يستر نفسه الله بيرزقه وبتمشي اموره بآذن واحد احد اتمنى لك كل خير وسعاده مقدما سوا تممت الامر الان او بعد سنوات آعذب تحيه .. [/align]

لا والله ماشفت لي شوفه.

بس الإنسان يحتاج للعزم ومتى ماجاء العزم يهد الجبال والمسؤولية شي حسن مافيه مانع إني أشيلها (تملأ فراغ)؟

[أدولف]

اقتباس:  المشاركة الأصلية كتبت بواسطة ســـــــمـــــــو     اضمن دخل مناسب ، ثم تزوج .. وبالتوفيق مقدمــا

[align=right]وياكي إن شاء الله.

بس ضمان الدخل يبي له إنتظار والإنتظار هو المشكلة.
أنا مدري أنا فاهم الدعوى غلط ولا الناس.
عارف ان الزواج مصاريف ومسؤولية
بس ترى الزواج مو إستثمار مادي هو إستثمار إجتماعي (في كل الأزمان) [/align]

[أدولف]

اقتباس:  المشاركة الأصلية كتبت بواسطة وميضُ البرق     [align=right]تزوج، والرزق من الله. وصدقني وأسأل اللي حولك كل شي يتيسر بعد الزواج حتى الدراسة أخوي مفحط بالكلية وتخرج بعد سنة من زواجه، وثاني وثالث الأهم أنك تحصن نفسك مادامك فكرت بالزواج توكل على الله.[/align]

[align=right]وهذا اللي أميل له يااختي .
بس تجيني عقبة الأهل وتقبلهم للموضوع وعقبة الإختيار وربي يعين إن شاء الله ويكتب لنا ولك الصالح[/align]

شكراً.

[أدولف]

اقتباس:  المشاركة الأصلية كتبت بواسطة شيخوه     والله هو كذا وكذا إذا هي عآرفتك ورآضيه بدخلك هذآ لين تتوضف توكل على الله وإذا لآ اصبر ازين لك لان العجله بتحوسك تركّد الله يعينك ويوفقك مبروكـ مقدمآً

[align=right]لا والله إلى الحين ماعاينت واخترت.

العجلة حوسه (داري) بس العجيب اني فكرت وأنا راكد

الله يبارك فيك
شكراً[/align]

[عاشق الخير]

[align=center]الله سبحانه وتعالى وعد بإعانة كل من يرغب بالزواج [/align][align=center]
{وَأَنْكِحُوا الْأَيَامَى مِنْكُمْ وَالصَّالِحِينَ مِنْ عِبَادِكُمْ وَإِمَائِكُمْ إِنْ يَكُونُوا فُقَرَاءَ يُغْنِهِمُ اللَّهُ مِنْ فَضْلِهِ وَاللَّهُ وَاسِعٌ عَلِيمٌ} [النور : 32]

وتكفل برزقهم وعونهم كما دل على ذلك حديث الرسول صلى الله عليه وسلم
(ثلاثة حق على الله عونهم المجاهد فى سبيل الله والمكاتب الذى يريد الأداء و الناكح الذى يريد العفاف )

فالحياة الزوجية أنت من يقرر هل انت أهل للمسؤولية و التكاليف أم لا ..
حتى ولو كنت طالب .. ودخلك محدود ..
فأنت حين تقدم على الخطبة سيكون هذا الامر واضح أمام الفتاة وأهلها ..وهمهم ايجاد الشاب الصالح المناسب ..حتى ولو كان مردوده المالي قليل ..
وان وافقوا فهم موافقون على ضروفك ..

للأسف أصبحت معايير السعادة عن البعض هو المال
والمال فقط هو المتحكم في حياتهم ..
مع انه وسيلة فقط ..
قد يغني عنه الاكتفاء والقناعة ..

* صدقني الزواج باب من أوسع ابواب فتح الرزق و الغناء ..
فلا يكن الحائل بينك وبين هذا الأمر هو المال فقط ..
[/align]

[أدولف]

اقتباس:  المشاركة الأصلية كتبت بواسطة ابو ريما الخالدي     أترك الأستشاره وعليك باالأستخاره واذا شفت روحك مرتاح توكل على الله

[align=right]جزاك الله خير أبو ريما على التذكير.
سلمت[/align]

[أدولف]

اقتباس:  المشاركة الأصلية كتبت بواسطة قلب منكسر     لاتتزوج الزواج مسؤوليه قبل كل شي وبنات الحين تبي كل شي متوفر لها,,

المسؤولية تحدي والتحدي مغامرة والمغامرة ممتعة (فيلسوف)

أما من ناحية توفير الطلبات فأنا والله مانيب باخل بشيء أقدر عليه وإن شاء الله بقدر.

شكراً