لاشي ..يستحق !! ... مهاجم دولي

[مهاجم دولي]

الرجل الَّذي لايجعل ( أنثاهُ ) تنحصر دموعها
في . . " دموع الفرح " . .

- لا يستحقُّها -

[مهاجم دولي]

* لا تطلب الفتاة من الدنيا إلا زوجاً.. فإذا جاء طلبت منهُ كل شيء

شكسبير

[مهاجم دولي]

قطّاع الطرق يطلبون منك إما النقود وإما الحياة ..
أما المرأة فتطلب الأمرين

" صموئيل بتلر "

[مهاجم دولي]

هــــــــــــــات يـــدك

كلمه دايم يقولها .. اللي جالس للي واقف عشان يقوم من مكانه

وهي كلمه حلوه .. ومعبره ..وتدل على التعاون

ولها معنى ثاني .. اعمق بكثير من الاول ..

وهي انك تقولها لشخص طاح في مصيبه .. ولا قدر يطلع منها

وانت تعرض عليه المساعده .. والفزعه ... وتقول هآت يدك

واللحين .. لاتنسون .. اذا احد قال هات يدك.. مدها له...

لانك بــ يوم .. راح تحتاج انك تقول ..

هاتوا ايديكم : )

[مهاجم دولي]

اخف من الريشه !!

يمكن نقولها

لما نعبر عن امر خفيف وهمه بسيط

او نقوله

لما نشيل شي خفيف مابه ثقل

وبعد تقال ::

للى عقله خفيف وبه طفاقه !!

فلان عقله اخف من الريشه ...

نكون مثل الريشه

بخفه الروح والسوالف

والدم مايكون ثقيل

ونكون عكس الريشه بالعقل
هذا المفروض

بس البعض فعلا عقله اخف من الريشه ..

او على قوله اهل الشام :

فلان عقله جوزتين بخرج !!

ولى على آامتى ....

[مهاجم دولي]

التفله بعشره !!

فشل بالدارسه

وتخبط ماحصل وظيفه سنعه

وصار عاطل باطل

قصر الثوب

واطلق اللحيه

واشتغل تفال !!

وصار له ناس تطلبه
وتدفع فلوس عشان تفلته المباركه !!
وشوى

مويه مقرى عليها

وزيت

والتفله صارت بعشره

لا بميه

لا تطلب لها جلسه خاصه

تف تف تف
اللحيه وتقصير الثوب
البعض وضعها لهدف استغلال الناس وضعفهم

تف عليه مايخاف ربه ..

[مهاجم دولي]

عندك قروش

افتح لك مستوصف اهلى

واطمر للديره ذيك
وهات لك كم دكتور توه متخرج ماحصل وظيفه

وعلى كل فاتوره ياخذ نسبه

وكثر من التحاليل والاشعه ...



وحط بالاستقبال بنت ....
وابشر بالخير

هذا الواقع!!!!

[مهاجم دولي]

ابدا مافيه شي ...

مواطن طاح بحفره صرف صحى!!!

مافيها شي

ولا يطيح الا الشاطر


ومافيه اهمال

والمواطن عقب ماطاح ابشركم

فزعوا له عقب طعش ساعه

وجت سياره الاسعاف عقب ماطلعت روحه

وراح يحصل كامل الرعايه الطبيه

وكل شي ماشى ومنظم

ولافيه اى خلل !!!!!

[مهاجم دولي]

زوجه قالت لزوجها

شوف ابو فلان مشاء الله عليه بعد ماماتت زوجته بنى لها مسجد باسمها

رد عليها الزوج

انا شارى الارض من زمان

بس التاخير من عندك


هههههههههههههههه

[مهاجم دولي]

جلد ماهو جلدك على الشوك جره !!

البعض كذا يتعامل مع شي لايملكه

او يشوفه ملك عام

او للاخرين

يعنى لو كل واحد منا تعامل مع ممتلكات الغير كانها له

ماجرينا جلود غيرنا على الشوك ..

[مهاجم دولي]

لا تقتحم احساسك في بعض المتاهات
وخلك ماتعلم .....حتى لو كنت تعلم

وعشان تتفادى جروح وخسارات
سطح علاقاتك مع الناس تسلم



سطح علاقاتك مع الناس تسلم


الععلاقات السطحيه

يمكن تكون من انجح العلاقات واقوها

وتستمر سنوات

يعنى علاقتك مع فلان سطحيه

تظل معه بشكل ودى سنوات بدون مشاكل

لان علاقتك فيه سطحيه !!

التعمق بالعلاقات بين الناس قد يجر مشاكل

سوء فهم

او كشف اسرار يندم صاحبها بعدها

ماصارت قلوب الناس على بعض

تخيل

انت مسطح

بمعنى علاقاتك كلها سطحيه
مع الجيران

مع زملاء العمل

زملاء الدارسه

كلش سطحى

مافيه احتكاك

تقارب

زمن عجيب مسطح !!!

[مهاجم دولي]

مشاكل هــ الناس

احيان تحصل مشاكل .. بين الناس

بسبب بزر ... او بسبب موقف سياره


طبعا لو تناظر اللي يتهاوشون..

تلاقيهم.. ناس خفيفين

كلمه توديهم.. وهمسه تجيبهم

ونادر تحصل هوشه طرفها شخص رزين

وعلى قولة المثل

الثوب ماينشَق بين عاقل ومجنون!!!

[مهاجم دولي]

للهمّ عندي ... إرْتباطات عدّه !!
.................. ولا يمكن اتْعدّي حياتي بلا همّ

عادي ومتْعوّد .. ليا زاد حدّه !
.................. مبطي واناابْحضْن الغيابات ملتمّ

يرخي معي مرّات ، من بعْد شدّه
.................. أضيّعه .... وارْجع ألاقيه وانْغمّ

[مهاجم دولي]

* أحســاس بشــع *


أن تهبهم كل مساحات الثقة البيضاء وتمنحهم كل الأراضي الخضراء التي بداخلك..!!
وتضع باقاتك الحمراء عند بابهم وتسهر لتقرأ أخبارهم..؟!
فوق جبين القمر ثم تكتشف إنهم وضعوا أسمك في قائمة الأغبياء بلا حدود ..!!




.





وكفى .!!

[مهاجم دولي]

فلان على وجهه !!

دايم الكلمه هذي تسمعها من اخوياك بالاستراحه

والا من زملائك بالعمل

والا بمجلس ..

يعني ان فلان مسكين ..وساذج .. وينضحك عليه بسهوله!!!

بهــ الوقت صارت طيبه القلب .. سذاجه عند اغلب الناس