صبولي الفنجال وارهولي من الدله *** البن الأشقر يداوي الكيف فنجاله

[انتظرتك]

اقتباس:  المشاركة الأصلية كتبت بواسطة قـتـالـه     وبما اني الشيخه قتاله تراي اعاني من شي بقهاوي الناس فيه طعم مميز للهجر < ترا مو تقوى الهجر حقت وشسموه اقصد الدلال او حتى ابريق القهوه اللي من زمان ماسويبه والله ياله طعم يعقد اللسان عقد ! أزمل بالعزايم وربي من طعم بعض القهاوي ودي اركب تحت لساني (لي )يدفع على برا ..اصير استحي من الحريم وبنفس الوقت مااقدر ابلع هالغثا اللي صابينيلي بإسم قهوه ودك اللي ماتعرف تصلح قهوه تقلبها افرنجي وتجيب نسكافه وتعتق ارياقنا من قهوتها! لا وشفت هنا سلم ماعمري شفته عند احد ..كل حرمه تجيب ترمس وتحطه قدامها وتصب لروحه وبناته بالعزيمه .. طيب ياحيي وشوله جايه كان تقهويتوا بصالتكم !

مادري ليه حسيت انك متربعه بالمشب
وقدامك النار مشبوبه والدلال مصفوفه ..


فيه ناس الله يهديهم يحب يلزم على الواحد
مايهناه لين يشوف الزمزميه فاضيه ...!


والحين الناس بعد ماصاروا يسوون شي للضيوف
لانه بالوقت الحالي عيب الواحد يروح لناس
وايديه فاضيه بدون قهوة وشاي ( بالنسبة للحريم ) ,,,

[جلوي العتيبي]

القهوه كيف

وخلف يوم يقول البن الأشقر ما اخطأ مهوب خرابيط هالوقت قهوه بالخلطه وقهوه بريه ومادري وشو

لا اعتقد ان الزمزيه تؤثر على طعم ومذاق القهوه لكن الشكل والصبه تختلف بينها وبين الدلة

[انتظرتك]

اقتباس:  المشاركة الأصلية كتبت بواسطة جلوي الشقير     القهوه كيف وخلف يوم يقول البن الأشقر ما اخطأ مهوب خرابيط هالوقت قهوه بالخلطه وقهوه بريه ومادري وشو لا اعتقد ان الزمزيه تؤثر على طعم ومذاق القهوه لكن الشكل والصبه تختلف بينها وبين الدلة

جلوي الشقير


مو خرابيط قصدك مطاريس هالوقت
وإلا ماخبرنا أن الصفار يحط مع القهوة !!!!


ربما إختلاف الزمزميات وجودتها له شأن في ذلك ,,

[التنين الصيني]

اقتباس:  المشاركة الأصلية كتبت بواسطة انتظرتك     الآن في زماننا هذا وفي ظل ظهور ( الزمزميات ) بديلة عن الدلة والحلوى والشكولاته عوضاً عن التمر هل ترون أن كثيراً من العادات يجب نتمسك بها ولا نتنازل عنها على الأقل حتى نحافظ على على طعم القهوة المقدمة لنا ... وبرأيكم ماهي الإسباب التي جعلت الكثير يتجرأ ويقدم القهوة بـ ( زمزميه ) بدلاً من الدلة ...؟ والشكولاته بدلاً عن التمر ...؟

اللي اعرف .... ان الفناجيل ثلاثة

1- للراس

2- عن العماس " النوم "

3- مع الناس لاباس

.........................................

بالنسبة للزمزميات .... ما تغير القهوة ولا طعمة الا اذا فتحت

ودخلها الهوا .....

اكره ما اشوف الخلطات .....

بالنسبة لي ... افضل قهوة " ام حبال " ....مع هيل هندي .....

الهيل الأمريكي يعطي نكهة " فقس " هههه

.....................................

الملقمه الهاجرة " مثل ما قالت قتاله " لازم تطبخ به قهوة وتكبه

عشان تزبط ......

سي يو ...

[قـتـالـه]

اقتباس:  المشاركة الأصلية كتبت بواسطة التنين الصيني     بالنسبة لي ... افضل قهوة " ام حبال " ....مع هيل هندي ..... الهيل الأمريكي يعطي نكهة " فقس " هههه ..................................... الملقمه الهاجرة " مثل ما قالت قتاله " لازم تطبخ به قهوة وتكبه عشان تزبط ......[/center] سي يو ...

اذا التنين الصيني وهو تنين عارف قواعد القهوه الصاحيه
تعلمن ياامهات قناصيع يقولكن ام حبال الزينه مب ام الخير
اللي حباته تقل صتم !
مزيداً من احراج النسوه لعلنا نهنأ بفنجال يعدل الراس !

[انتظرتك]

اقتباس:  المشاركة الأصلية كتبت بواسطة قـتـالـه     مب ام الخير اللي حباته تقل صتم ! مزيداً من احراج النسوه لعلنا نهنأ بفنجال يعدل الراس !

انتي كنز مليء بالمعلومات والخبرات
ياليت تطلعين خبراتك للصبايا
علشان يستفيدن ...

[التنين الصيني]

اقتباس:  المشاركة الأصلية كتبت بواسطة قـتـالـه     اذا التنين الصيني وهو تنين عارف قواعد القهوه الصاحيه تعلمن ياامهات قناصيع يقولكن ام حبال الزينه مب ام الخير اللي حباته تقل صتم ! مزيداً من احراج النسوه لعلنا نهنأ بفنجال يعدل الراس !

هههههه ... وتراي احمسه بالنار اللي تطلع من خشتي !!!!

............................

المفروض انك تسوين لهن " برزنتاشن " كيف يصلحن قهوة

[عذبـــــة]

اقتباس:  المشاركة الأصلية كتبت بواسطة قـتـالـه     اذا التنين الصيني وهو تنين عارف قواعد القهوه الصاحيه تعلمن ياامهات قناصيع يقولكن ام حبال الزينه مب ام الخير اللي حباته تقل صتم ! مزيداً من احراج النسوه لعلنا نهنأ بفنجال يعدل الراس !

ياخيتي فشلتينا
استعرضي خبراتك عندي في بروفايلي وانا اضمن لك تجمع البنات
لكن تعرضينها هنا وتفشليننا وتخلين اللي مايشتري يتفرج لا
كذا لايمكن نستفيد بين هالرجاجيل
خوذينا بمعزل عنهم واشرحي لنا القهوة اللي مثل الصتم والقهوة اللي مثل الطرطعان بكيفك .. بس هنا لا
والله قهر صرنا فرجة للي يسوى واللي مايسوى عشان قهوة

[قـتـالـه]

اقتباس:  المشاركة الأصلية كتبت بواسطة عذبـــــة     ياخيتي فشلتينا استعرضي خبراتك عندي في بروفايلي وانا اضمن لك تجمع البنات

وشو عقبوه استعرض عندهن خبراتي !
عقب (ماموعن) قولوني بقهوتهن اللي تقل طايحنبه قعره !
مابهن رجا وشوفة عينتس قهاوي الدوام لصبتلتس تحلفين ان قهوته مضاد من لون الصفار والعصفر اللي هي حاطه !
شوفي الشهبان الله لايضرهم يعرفون ام حبال والهيل الامريكي وطعم هجر الدلال وامهات قناصيع مشغلهن طعم هجر القلوب

[انتظرتك]

اقتباس:  المشاركة الأصلية كتبت بواسطة التنين الصيني     اللي اعرف .... ان الفناجيل ثلاثة 1- للراس 2- عن العماس " النوم " 3- مع الناس لاباس ......................................... بالنسبة للزمزميات .... ما تغير القهوة ولا طعمة الا اذا فتحت ودخلها الهوا ..... اكره ما اشوف الخلطات ..... بالنسبة لي ... افضل قهوة " ام حبال " ....مع هيل هندي ..... الهيل الأمريكي يعطي نكهة " فقس " هههه ..................................... الملقمه الهاجرة " مثل ما قالت قتاله " لازم تطبخ به قهوة وتكبه عشان تزبط ......[/center] سي يو ...

التنين الصيني


الأقاويل كثيرة ...

والخلطات أصبحت عالم من لا عالم له
حتى أن بعض بائعات الخلطات
تركن أعمالهن الأخرى واكتفين بربح الخلطات ...!

ومابعد ام حبال شي ,,

[التنين الصيني]

اقتباس:  المشاركة الأصلية كتبت بواسطة انتظرتك     التنين الصيني الأقاويل كثيرة ... والخلطات أصبحت عالم من لا عالم له حتى أن بعض بائعات الخلطات تركن أعمالهن الأخرى واكتفين بربح الخلطات ...! ومابعد ام حبال شي ,,

صدقت .. الاقاويل كثيرة

.............

يربحن من الخلطات بلاهن من هاللي يشرون على بالهم " الظلماوي"

[انتظرتك]

اقتباس:  المشاركة الأصلية كتبت بواسطة التنين الصيني     صدقت .. الاقاويل كثيرة ............. يربحن من الخلطات بلاهن من هاللي يشرون على بالهم " الظلماوي"[/center]

الظلماوي وما ادراك مالظلماوي


هل يوجد في زماننا هذا إنسان مثل الظلماوي ..!

[محارهـ]

اقتباس:  المشاركة الأصلية كتبت بواسطة انتظرتك     يتجرأ ويقدم القهوة بـ ( زمزميه ) بدلاً من الدلة ...؟ والشكولاته بدلاً عن التمر ...؟

مرحباً ..


, ,


حلوه يتجرأ , حسيت انه فيه أحد راح يقدم مشروبات روحيه بدلة


شوف ..

الليدي زمزميه حلت بديل عن الشيخه دله لأسباب منها


الليدي زمزميه عصريه وتناسب حياتنا العصريه أكثر

حياتنا تغير الأيقاع فيها

والشيخه دله ماتقدر تواكب هذا الأيقاع

لانها لا تستطيع أن تحتفظ بحرارة القهوة لمدة طويله مثل الليدي

زمزميه وتحتاج الى {حال ومحتول } عشان تظل الرشفه ساخنه


, ,


أعشق الجلسه العائليه في المغربيه

حوالين صينيه

فيها دله أو زمزميه

وصحن حلى وتمره سكريه

ولكن

العشق الحقيقي عندما تكون القهوة

قهوة غنيه أجتماعياً وحتى وان كانت فقيره أقتصادياً

بمعنى

ليس مهماً نوع القهوة وجودتها مقارنة بما تحدثه تلك القهوة

من تقارب عائلي وجلسه لاتمل خصوصاً اذا صنعتها

أيدي قد زاد حسنها عندما تجعدت وأرتسمت خطوط

ولادتي وتربيتي وحياتي عليها ( أمي )


, ,


مافائدة القهوة الغنيه أقتصادياً والفقيره أجتماعياً !

[انتظرتك]

اقتباس:  المشاركة الأصلية كتبت بواسطة اموونه     مرحباً .. , , حلوه يتجرأ , حسيت انه فيه أحد راح يقدم مشروبات روحيه بدلة شوف .. الليدي زمزميه حلت بديل عن الشيخه دله لأسباب منها الليدي زمزميه عصريه وتناسب حياتنا العصريه أكثر حياتنا تغير الأيقاع فيها والشيخه دله ماتقدر تواكب هذا الأيقاع لانها لا تستطيع أن تحتفظ بحرارة القهوة لمدة طويله مثل الليدي زمزميه وتحتاج الى {حال ومحتول } عشان تظل الرشفه ساخنه , , أعشق الجلسه العائليه في المغربيه حوالين صينيه فيها دله أو زمزميه وصحن حلى وتمره سكريه ولكن العشق الحقيقي عندما تكون القهوة قهوة غنيه أجتماعياً وحتى وان كانت فقيره أقتصادياً بمعنى ليس مهماً نوع القهوة وجودتها مقارنة بما تحدثه تلك القهوة من تقارب عائلي وجلسه لاتمل خصوصاً اذا صنعتها أيدي قد زاد حسنها عندما تجعدت وأرتسمت خطوط ولادتي وتربيتي وحياتي عليها ( أمي ) , , مافائدة القهوة الغنيه أقتصادياً والفقيره أجتماعياً !

امونه



وش هي المشروبات الروحية ؟؟


ذكرتي نقطة مهمة وهي
إجتماع الأسرة أثناء قهوة المساء
وهذا الشي مفقود في بعض البيوت للإسف
وبرأيي الشخصي أرى أن أهم سبب في ذلك
امممممم اتركه لكِ ......

[محارهـ]

اقتباس:  المشاركة الأصلية كتبت بواسطة انتظرتك     امونه وش هي المشروبات الروحية ؟؟ ذكرتي نقطة مهمة وهي إجتماع الأسرة أثناء قهوة المساء وهذا الشي مفقود في بعض البيوت للإسف وبرأيي الشخصي أرى أن أهم سبب في ذلك امممممم اتركه لكِ ......

أقصد رد بول وطقتهـ

فيه أحد مايعرف ايش هي المشروبات الروحيهـ !


مشروبات روحيهـ = لفظ أنيق للخمر

, ,

جينا لفقرة أكمال الفراغ

الفراغ لا يمكن أكمالهـ بكلمة واحده أو حتى مجموعة كلمات

وحتى لو أكملت الفراغ

لن أحصل على العلامه الكامله عند التصحيح

عارف ليه ؟

لان مايكون سبب عندي بيكون عند غيري مايعتبر سبب

, ,