وش بقى ماظهر ..؟؟ حفلة موفنبيك ..!!!

[نصراوي عسل]

اقتباس:  المشاركة الأصلية كتبت بواسطة رغــــيد     , , أين الشاهد بأن هذه الحفلة حفلة كريسمس ..! هي حفلة تجمع بنات ورقص وإستمتاع .. وليست حفلة عيد رأس السنة كما فهمت ..! وهذا لا يعني أني مع هذا الشيء حتى لو كان حفل إستمتاع ورقص لكن شيء يهون عن شيء ..! العبارات الإنجليزية المكتوبة ع الكرت مو واضحة ..لكن هذا أحد الردود بصحيفة عاجل مترجمها قد تكون صحيحة : because we love the dance we will go on 29 of december to movanpiek hotel to enjoy it بما اننا نحب الرقص سوف نذهب لموفنبيك هوتيل لنستمتع..] ..

اللي باللون الأحمر هو ( الشاهد )



لاحول ولاقوة إلا بالله 000 ونقول المطر تأخر بل شبه أنقطع !!

[وضوح]

وتحقق هدفهــا من فكرة إقامة هذه الحفله ......!

علاجها ... الإحتواء واللين والنظر في ظروفها ..،؛
والله أعلم ..،؛




تحيتي ..،؛

[التنين الصيني]

الخبر غير مفهوم ... ولا يوجد به تفصيل

فيه وحدة علقت على الخبر " وتقول انا من المدعوين للحفلة ... ولم تكن حفل برأس السنة"

بعدين فيه شي ثاني ... اذا كان احتفال الكرسمس ... لازم بتاريخ 24/25 من الشهر .

الشي الثاني احتفال رأس السنة يوم 31 ليلة 1 .....

واللي مكتوب يوم 29

ارجو عدم رمي التهم جزافا ..... والتثبت " ان جائكم فاسق بنبأ فتبينوا "

[Modern]

تركي معليش بعلّق بعيد عن الهدف عن الموضوع ،،


مشكلتنا جهله وندّعي المفهومية بكل شي مجالنا ولا مش مجالنا
ونبي بس نحرم ونحلل ونعلق ونجادل وحنا مانعرف وش الحكاية اساساً
بس سمعنا إحتفال كالعادة نطينا وخلطنا الحابل بالنابل
وكلن يقول كريسمس حرام هه وليه مايحتفلون بعيد الفطر والإضحى هم وحنا لية نحتفل بعيدهم .. الخ

اولاً خلونا نفرّق ياجماعة بين رأس السنة وعيد ميلاد المسيح او الكرسمس

الاحتفال اللي كان مفترض يقام في موفمبيك بريدة
واللي انتشر خبرة بمنتديات المملكة والخليج انتشار النار بالهشيم
هو مثل ماهو واضح مجرد تقليد و احتفال بمناسبة السنة الميلادية الجديدة
كنوع من الفرحة والترحيب والتفائل والإعتقاد الخاطيء طبعاً ....

الأكيد انه حاجة ثانية ومالها علاقة بعيد ميلاد المسيح واللي يوافق ليلة 25 من شهر 12

بس ربعنا يطبون على وجيههم كالعادة وكرسمس وماكرسمس وهم مووش عارفين السالفة من اصلها


نرجع للاحتفال برأس السنة
هو فعلا بدعة نصرانية لاتعدو كونها إعتقادات مختلفة من شخص لشخص
اللي يتفائل بالرزق لما يحتفل
واللي بالزواج
واللي بالنجاح
وبعض الدول تتفائل بشكل رسمي ان هالاحتفال يكون بداية جميلة لسنة يأملون انها تكون جميلة

وانشاءالله السنة هذي سوا بالحسبة الهجرية او الميلادية تكون سنة خير على الجميع


وبخصوص إحتفال بناتنا اللي كان مفترض يقام
انا اشوف لو خلوا هالبنيات يسوونه ويستانسن خصوصا انهم متجهزات ياويلي
وبعد الإحتفال لاحقين على النصايح وبالعكس وقع النصيحة بيكون اقوى واعمق من منعة بالقوة
لأن مصادري الخاصة تقول ان الاحتفال تم رغماً عن انف اللي مايرضى بأحد إستراحات الدائري الـ... < خلوها اكشن


إلى لقاء

[محارهـ]

[align=center][tabletext="width:70%;"][cell="filter:;"][align=right]

اقتباس: الخبر غير مفهوم ... ولا يوجد به تفصيل فيه وحدة علقت على الخبر " وتقول انا من المدعوين للحفلة ... ولم تكن حفل برأس السنة" بعدين فيه شي ثاني ... اذا كان احتفال الكرسمس ... لازم بتاريخ 24/25 من الشهر . الشي الثاني احتفال رأس السنة يوم 31 ليلة 1 ..... واللي مكتوب يوم 29

تفكير متشابهه [/align][/cell][/tabletext][/align]

[الأسترليني]

نسخ و لصق لنفس ردي على موضوع الاخ ابوشهد /




أنا شفت صورة كرت الدعوه بصحيفة عاجل و كانت الدعوه بيوم الإربعاء بتاريخ 29/ 12 / 2010 م وكان عبارة عن دعوه الى حفلة رقص و لم يكن هناك شئ حول عيد الكريسمس او عيد رأس السنه ..!!


و اذا لم تخني معلومتي فإن عيد الكريسمس بتاريخ 25 / 12 و عيد رأس السنه بليلة 1 /1 من أي سنه جديدة فالتاريخ الذي امامي بكرت الدعوه 29 /12 أي انه لا يوافق أيا من التواريخ السابقة الخاصة بأعياد المسيحين ..

أين الخلل في هذه الحفلة إذا لم يكن هناك شيئا اخر كان خفيا ..؟

[تركـي]

مرحبا لكل الاعضاء اللذين شاركو بتعليقاتهم في الخبر المنشور ..

المشكلة ليست كونه آحتفال بالكريسمس أو عيد راس السنه أو المسيح
ولا يعني التاريخ
مع التأكيد أن الحفلة كانت معده للآحتفال بعيد راس السنه اصلا ..

وبما أن الآخ / مودرن يقول انها تمت باحد الاستراحات في الدائري وخلوهن يستانسن
آجل ليه مايفتحون كباريهات ببريده آحسن للحساب ..

سؤالي هل هذا يعجبكم رقص بنات وآختلاء لوحدهن باحد الآستراحات أو فندق .. ؟؟؟

مع العلم انه حدثني آحد ملاك الشاليهات ..

يقول اكثر الطلبات على الشاليهات تكون من النساء ويكون هناك فيها طرب وشوق للشاليهات اللتي فيها مسابح
وتطورت المسألة الى جلب آدوات موسيقية ..
علما ان الشاليهات توجد في خضيراء على شكل استراحات متجاورة ..

وختاما ..

هل يرضى أي شخص أن تطلع أخته الى حفلة جماعية مع بنات للرقص الاستمتاع ؟؟
سؤالي للمؤيدين للحفلات بهذه الطريقة ..


وللمعلومية ...

مخيمات الثمامة كانت بالبداية رقص شباب وخكاريا
والآن اصبحت بعضها مختلطة
هل سيأتي الدور على بريده ونسمع حفلة رقص بمخيمات الطرفيه ؟؟


والقادم آحلــــــــــــــــــــــــــــــى ..

تحيتي ..

[سني متبع]

بسم الله الرحمن الرحيم
سبحان الله وبحمده
سبحان الله العظيم
اللهم صل على محمدٍ وآل محمد
(*)

اقتباس:  المشاركة الأصلية كتبت بواسطة تركـي     مرحبا لكل الاعضاء اللذين شاركو بتعليقاتهم في الخبر المنشور .. المشكلة ليست كونه آحتفال بالكريسمس أو عيد راس السنه أو المسيح ولا يعني التاريخ مع التأكيد أن الحفلة كانت معده للآحتفال بعيد راس السنه اصلا .. وبما أن الآخ / مودرن يقول انها تمت باحد الاستراحات في الدائري وخلوهن يستانسن آجل ليه مايفتحون كباريهات ببريده آحسن للحساب .. سؤالي هل هذا يعجبكم رقص بنات وآختلاء لوحدهن باحد الآستراحات أو فندق .. ؟؟؟ مع العلم انه حدثني آحد ملاك الشاليهات .. يقول اكثر الطلبات على الشاليهات تكون من النساء ويكون هناك فيها طرب وشوق للشاليهات اللتي فيها مسابح وتطورت المسألة الى جلب آدوات موسيقية .. علما ان الشاليهات توجد في خضيراء على شكل استراحات متجاورة .. وختاما .. هل يرضى أي شخص أن تطلع أخته الى حفلة جماعية مع بنات للرقص الاستمتاع ؟؟ سؤالي للمؤيدين للحفلات بهذه الطريقة .. وللمعلومية ... مخيمات الثمامة كانت بالبداية رقص شباب وخكاريا والآن اصبحت بعضها مختلطة هل سيأتي الدور على بريده ونسمع حفلة رقص بمخيمات الطرفيه ؟؟ والقادم آحلــــــــــــــــــــــــــــــى .. تحيتي ..

(*)
فعلاً كلامك في الصميم ؟
التسامح
حوار الأديان
الآخر
ثقافه مختلطه
و و و و
لم تكن إلا بداية الخطى لتغريب المجتمع ،
والقادم أحلى ؟
لكن لمن ،
أحلى لمن لبس جلداً عربياً إسلامياً،
فوق جلد يحمل لون بني سام ،
ولو إسطاعوا تغيير جلودهم بالتجميل لما ترددوا ؟
هي خطوة خطوه ؟
فلقد علموا أن الدين لا ينقض إلا عروة عروه ؟
(*)
اللهم احمنا من الفتن ماظهر منها وما بطن ،
اللهم صل على محمد وآل محمد ،

[فديكا التميمي]

الناس كلن حاطه من راسه احد كريسمس واحد بنت مسويه له عيد ميلاد وهي كل السالفه قطة
بناااات بيفلنه ويستانس والله ياعاجل انه ماعندك احد ولاسطر صح اعنبوه البطاقه بثلاثميه الا ثلاثين ريال يقول ميه<<هذا اللي قاهره خخخخخخ
واجلوه يعني راح تحط بس بعد مايهجدون الهيئه.....

[مدرعمهـ]

أهلن
ياحليلكم ياهل بريدة تسوون من الحبه أوبه
هي بالاساس حفلة دي جي عادية ووافقت راس السنه
مو اول مرة تقام ببريدة مثل هالحفلات وأسئلوا اصحاب قاعة طيبة والبركه عن مثل هالحفلات الي تقام بليالي أجازة الصيف
شكرآآ

[Queen of buraydh]

الى هذي الدرجة وصلت الوقاحة عند بعض البنات?

[التميميه555]

اقتباس:  المشاركة الأصلية كتبت بواسطة queen of buraydh     الى هذي الدرجة وصلت الوقاحة عند بعض البنات?

الوقاحه انك تحكمين وتظلمين وانتي ماتأكدتي حسبي الله ونعم الوكيل

[هتوف]

الله يصلح الحال ولاحوال

[فتحـية]

أشك وبقوة بأن السالفة من طقطق للسلام عليكم تلفيق × تلفيق
خوذوا الخبر من الفندق نفسه وإلا عاجل مصدر غير موثوق ويكثر بهارات !
كرت الدعوة أبو 100 ريال ما فيه شي يثبت إن الحفلةببريدة ..
موفنبيك بكل ديرة فضلاً عن إنه ماحدد التاريخ مضبوط وقال 2010 !
شكل الكرت عمره خمس سنين .. بس عاجل ماتوفر شي
.
.
.
سلملم

[فتحـية]

إضافة مهمة :
اتصلت قبل شوي عالفندق .. طبعا الرد جاء كما توقعت
( إشاعات وكلام فارغ )
الفندق لم يحجز أساسا يوم 29 ديسمبر عشان يلغى الحجز ..!