أنـانية الـزوج ــــــــــــــــ إلى أين ؟

[Miss Tala]

,من رايي لو الحرمه بس تركد يوم تشوف الرجال وتفكر بعقل كان مااحد ترك احد ...بس مشكلة الحريم التنازل تحسب انه تبي تكسب رضاه ..ياشيخه اكسري رجله يقعد لايروح ولايجي الا معك ..وغير هذا يقعد مثلك مثله ..

عاد ماتصير لزقه اذا اشتاقت لاهله تقول ابروح اغير ججو مع اهلي واسافر معهم وياليت لو تقضب الباب ..الله لايهينكــ.....تخليه يتنفس ((عساه ينفع بهم عاد..

والله اللي نشوف ان كثير من الحريم هاكات على ازواجهن تروح وتجي بامره وشوره لايمين ولايسار الا براييه هذا غير اذا هي اللي تبي تتكفل عاد هذي توريه نجوم القايله ...

[Miss Tala]

لاتقولين انانيه ...قولي تهرب من المسؤوليه اوقع ....

بعدين خلوهم يريحون من هات و وعطن ونبي نروح ونجي ..يملون يحول ...الله يكون بالعون ..
((يالله وقفت بصف الرجال اليوم ..هديه لو سمحتوا

[أبو الريش]

الرجل أخطأ وأفسد في أمور التعدد حتى أصبحت في المجتمع محرمه

لو أتبع سياسة التعدد بطريقه شرعيه كما اتبعاها رسول الله صلوات الله عليه لن يحدث أي أمور تربك وتخيف الزوجه

السفر فتنه أفتتن فيها غالبية الرجال وأنذلوا ناس شخصيات ولهم ثقه بالنفس بسبب السفر ممكن يتوسد على قذارهـ أجساد وألحفه نتنه

يعني يتغير جذري على عائلته وزوجته وكأن أمر مـــا فاقدهـ في محيطه ووجد ضالته هناك


مادري

أنا ما اقول ان التقصير من الزوجه لأن الزوج حتى لو كان شبعان نفسياً يحب يسوي أي شيئ يخطر على باله وتقليد ببني جنسه

مثل هالأمور مباحه لكن تلوثت بسببهم

[فديكا التميمي]

ماالوم أختي يوم تقول بحرج إذا اعرستي ....
أنانيه ...كبر ...موجوده وبكثره برجالنااا
الله يصبرنا عليهم بس ماهمه الا يتطقطق ويسافر
ولاجاء مكيف مايبيتس تنطقين اللأوف كله علشان مايتكدر
عقب الرجعه والمره ياعمري منطقه عند اهله وليت معطيه
مصروفن يكفيه ماغير يتصفق وجه عند اهله
موفره لهالسفره ياعله للماحي ....
عاد ايقاله لاسفربه بيعطيه حقه ماغير ريحين عن قولت
والا البوز ممدود شبرين ويتك القلب وده يرجع باللي هوبه
مايرتاح الا لاتسكع لحاله عساه للمخلي ...

[فانوس]

في وقتنا الحالي

الرجال غير قادرين على التعدد بسبب صعوبه العدل

الانانيه موجوده للازوج ويمكن يكون السبب الزوجه ولكن انانيتهم بسبب استغلال ضعف المسكينه

[Queen of buraydh]

الرجل عبارة عن لغز غامض يصعب حله!
الله يعظم اجر كل م. ابتليت بهذا الصنف من الرجال.

[زمن الغرباء]

اقتباس: أنصحك لا يسافر مهما كان..

ياأستاذ
هو بيدها ؟

الله يكون بالعون ياارب ,,

[Miss Tala]

غيرت رايي ..هالرجال ماينفع معهم الا التنكيد عليهم خليه يكره يزين شي عشان يرتاح ابلشيه وحوسي مريره واذا قال ابعرس قولي ياشيخ تراه ماوقفت عليك بريده مليانه رجال وعلى قفى من يشيل و وريه العين الحمراء عاد بيني وبينكن يالحريم موب ترتاحون يوم منه اذا اعرس على ثانيه ..؟

التي تبي الوناسه مني نصيحه تاخذ حقه كامل ولاتتنازل عن شي هذاهم حقوقهم يبونه واذا بغوا شي كسروا الارض ..والاحترام موجود بس الاستغفال ممنوع ....

[رفآت]

البل عشقي ،

أثبت لنا أنانية الرجل بالرغم من جمال مراعاتك للزوجة ،،
تقول اذا رجعنا أرضيناها ؟
وهذا تأكيد على أن الرجل يفكر في نفسه ولو على حساب الزوجة !!!!
وبعدما ينتهي يعود إليها ليرضيها وكأن كرامتها معدومه ،،
وفقك الله وسدد على الخير خطاك ،

تقديري لك .

[ابن المجمعه]

لو جعل الرجل زوجته بمكان بنته لما عمل ماعمل



تقبلي مروري

[مخملية روح]

اسحبي عليه سيفون واذا رجع مثلي انك تعبانه وروحي لأهلك كثر المدة اللي تركك فيها ..ويادار مادخلك شر ..

[أسيل محمد]

،
،

خذي مثلا آخر من انانيه الزوج وهذا المثل فرررش
قريبتي بيوم ولادتها ( بكر ) سافر زوجه وخلاه .. الطفل تعبان وبديره والأم تعبانه وبديره ثانيه .. والزوج سافر لامريكا
انا ماانكر انه منشان شغله لكن المفروض يأجل السفره ع الاقل لمين ترتفع حرمته .. ياحول بلش هالضعيفه وسافر <<< صدز قمه الانانيه ..


موضوعك راقي جدا الله يوفقك
اكليل الشكر تساق لك
ودي وعبير وردي

[ضماي أنت]

ترا الرجال مو واحد بعضهم والله ما ودك يفارق وجهك

[رفآت]

القلم الصريح ،

الرفض ليس لمبدأ التعدد لكن هناك حقوق يسقطها الزوج اذا كانت عليه ،
ويطالب بها ان كانت له !!!!

بارك الله فيك ،

تحيتي لك .

[رفآت]

وضوح ،،
محارهـ ،،

بارك الله فيكن وأسعدكن في الدنيا والأخرة ،

تحيتي لكن ،