مشكلتي مع مصلحه المياه

[ع م ض]

صباح الخير أخوي لكل دائره حكوميه رجاله رح لم مديرالتشغيل والصيانه اسمه خالد اباالخيل ابوخيال وسدوف تجد الموضوع قد حل إنشاألله بكل بساطه وشكرررررررررررررررررررا

[المتصفـح]

بسم الله الرحمن الرحيم

السلام عليكم ورحمة الله و بركاته ...
اخي عبود زمان حبيت افيدك و افيد الاخوه الزوار في حال وجود مشكله لديك و تريد رفع بلاغ عنها
الاتصال على 939 و سف يرد عليك قسم البلاغات في المديرية و سف يقم بتسجيل بلاغك في نظام لديهم حيث يقوم النظام بأرسال البلاغ الى القسم المسؤل عن المشكلة
او قم بأرسل فاكس الى مكتب المدير العام وسف يتم تحويله الى القسم المسؤول و سف يتم متابعته من قبل مكتب المدير العام
او قم برفع شكوى لدى موقع وزارة المياه و سف تحول شكواك الى المديرية مع متابعة الوزاره الى شكوى العميل ...
http://www.mowe.gov.sa/NewMowe/Arabic/CitizinVoice.aspx

[عـبدالله بـريدة]

وش صار عليك ياعبود صب الماء ولا لا ؟؟

[فـــارس]

كعادتهم مافيه جديد
الله يكون بعونك

[حر اليدين]

الله يكون بعونك

[عبود زمان]

اقتباس:  المشاركة الأصلية كتبت بواسطة عـبدالله بـريدة     وش صار عليك ياعبود صب الماء ولا لا ؟؟

هلا والله عبدالله
والله يـ بعدي للحين ماصار شي
بس هم قالوا لي مانقدر نسوي لك أي شي إلا لما يجي اليوم اللي يصب عندك الماء
بهالوقت تتصل علينا علشان يطلعون لك المسؤل عن الأعطال ( الطوارئ )
وبعده يشوفون سبب الإنقطاع وبعدها يصلحونه وبعد ما يجيك الماء يطلع لك موظف يآخذ عينه من الماء علشان يشوفون هو فعلاً غير صالح لـ الشرب ولا لا

وانا حاطن يد على يد انتظرهم جعلهم مايهنآلهم بال لما تخلص مشكلتي

اقتباس:  المشاركة الأصلية كتبت بواسطة @فارس@     كعادتهم مافيه جديد الله يكون بعونك

حياك الله يـ فارس
والله مشكله ياخوي إذا كان كل فيه مثلي كثير
جزاك الله خير ياخوي

اقتباس:  المشاركة الأصلية كتبت بواسطة حر اليدين     الله يكون بعونك

جزاك الله خير يـ حر اليدين

[ونهـ خفووقـ]

فله وربكــ يحله
وسع صدركـــ

[عبود زمان]

8
8
وهذاي موسعن صدري
اصلاً وشبيدي اسوي

اليوم رحت وقابلت المسؤل عن العدادات وشرحت له الوضع

المهم قلت له إن الماء كان عندي مضبوط وماشي تمام
وبعد ما تم تركيب العداد انقطع عن الماء

امير هو ينهبل ويقول من فتح لك الماء قبل تركيب العداد ؟
ويشره ذيك الشرهه اللي وش كبره !!!

شفتوا كيف التعامل

الحين يوم الماء يشبك لي قبل تركيب العداد اعتبرته جريمه بالرغم من إني دافع الرسوم وكل شي والتأخير منكم

ويوم إنه ينقطع عن بيتي الماء لمدة شهر مازعلت ولا قلت اي شي بخصوص إهمالكم !!

سبحان الله العظيم

ما اقول إلا حسبنا الله الله ونعم الوكيل

وينك يـ ابوفارس الحمادآ تكفى ذمرنا برفيقك لعل الأمور تمشي

ندآء لـ ابوفارس الفزعه

[محمد الدحيم]

عبودي زمان
رح مباشر لقسم الصيانه الي بالصفراء بساحة خزان الصفراء الي جنب البريد سابقا وقلهم اني مسوي بلاغ على الرقم 939 وللحين ماطلعلي احد

هذا القسم هو مختص بأعطال المياه على مأعتقد

بعدين كان انت اخذة عينه من الماء ورحت فيه للأدارة العامه بالصفراء

هناك عندهم مختبر متخصص يعلمونك المشكله وانت عندهم

هذه تحدث كثير خاصه اذ كانت الشبكه جديده

الله يعينك لأن بدون ماء مايمشي الحال

[عبود زمان]

8
8
رحت لمهم مرتين ومافادوني ولا وصلني الماء
اول مره طلعت لي فرقه وبعدها قالوا لي إن كل شي تمام بس ماندري عن سبب تأخير الماء
8
8
هذا جواب ؟

والثالث شوي ويحلف لي إنه بيجي وشكله للحين ماجآ من امس

واخذت عينه من الماء ووديته للمختبر وفحصوها وقالوا لي هذي غير صالحه لـ الشرب وايضاَ خطره !!!

واخذت النتيجه وواجهت بها المسؤلين في المبنى اللي قبال ساكو وبرضوا قالوا وش يثبت لنا إن هالماء فعلاً جاي من الماء الرسمي
مايكون انت جايبه من البر !!

والحاله صعيبه يـ ابودحيم

بس إن شاءالله يوم السبت << اللي هو بكرى ماني مقابل إلا مدير او يـ ذابح يـ مذبوح
وإن ماحصلن الثنتين فالوعد السجن

[الزنون]

جنت على نفسها براقش

وشوله تحرث عن قرنك وتقول ماكم ملوث
شف الحين قطعوه عنك
لو انك مسكت وقاعد تغسل حوشكم وثيابكم ومواعينكم
والشرب تجيب ماء تحلية


الحمدلله ان الماء عندي يصب كل يوم
لا وابشرك لي سنة واصلني الماء وللحين ما ركبوا لي عداد خخخخ
<< يبي يقهرك

عبود وشولة تسكن بحي جديد
لا ورايح باقصى الهاوي بسلطانة الغربية
اكيد ما راح يوصل لك الماء لانه حي نائي خخخخ


عبود
لا نملك لك الا الدعاء
الله يعينك على المراجعات والروحات والجيات
الادارات الحكومية عندنايبي لها نفس طويل
والا اذا عندك واسطة بيوم وليلة تزين امورك

الله يسهل امرك

[عبود زمان]

اقتباس:  المشاركة الأصلية كتبت بواسطة الزنون     جنت على نفسها براقش وشوله تحرث عن قرنك وتقول ماكم ملوث شف الحين قطعوه عنك لو انك مسكت وقاعد تغسل حوشكم وثيابكم ومواعينكم والشرب تجيب ماء تحلية اقتباس: خخخ اندري قسم إني هونت خلاص جيبوا ماي الأول والله لو هو ماء إديتر الحمدلله ان الماء عندي يصب كل يوم لا وابشرك لي سنة واصلني الماء وللحين ما ركبوا لي عداد خخخخ << يبي يقهرك اقتباس: يارب ينقطع ماكم ويشبك مانا عبود وشولة تسكن بحي جديد لا ورايح باقصى الهاوي بسلطانة الغربية اكيد ما راح يوصل لك الماء لانه حي نائي خخخخ اقتباس: اندري يبن الحلال لقافه يومني اتشطّر عن الديره مادريت إن مصلحه المياه مايحبون المتشطّر عبود لا نملك لك الا الدعاء الله يعينك على المراجعات والروحات والجيات الادارات الحكومية عندنايبي لها نفس طويل والا اذا عندك واسطة بيوم وليلة تزين امورك الله يسهل امرك

ايه انت بس ادعلي يـ ابوعصاقيل والباقي يعين الله
ولو عندي واسطه تسان على الأقل امنوا لي وايت ماء حتى تنتهي مشكلتي
بس يقولون الأولين ( اللي ماله لسان تاكله الخنفسان ) << يعني انا بتاكلن الخنفسان ماوصلن الماء ؟ خخخخ

الزنون دبرن بواسطه من حقاتكم

[..عاشق سراااب؟]

سائلت اخ عبود عن مشكلتك لازم تراجع قسم الترشيد علشان تركب شبك حمايه للخزان ويرجعون لك الماء

اما الماء يجيك غير صالح للشرب يمديه نظفت الشبكه (-_*) غيرك امتلا خزانه طحين هع

[عبود زمان]

اقتباس:  المشاركة الأصلية كتبت بواسطة ..عاشق سراااب؟     سائلت اخ عبود عن مشكلتك لازم تراجع قسم الترشيد علشان تركب شبك حمايه للخزان ويرجعون لك الماء اما الماء يجيك غير صالح للشرب يمديه نظفت الشبكه (-_*) غيرك امتلا خزانه طحين هع

حياك الله يـ عاشق سراب
ابشرك اليوم فتحوا لي الماء
وكان مسكر من القسام المتجه لـ حيّنآ

أخ لو ادري من اللي مقفله

وبعد ما تم فتحه استغربوا عمال الصيانه من لون الماء !!

وأخذوا عينه من الماء وودها لـ المختبر

وقالوا لي تراجعنا يوم السبت

واتصلت علطول على الشخص اللي من المختبر وجآء واخذ عيّنه بعد

وبعد حوالي نصف ساعة رجعوا علي عمال الصيانه وموظف المختبر ومعه زيادة موظفين وقالوا لي ترآ قفلنا عنك الماء لأنه غير صالح لـ الشرب ولا لغسل الحوش

وأي خساره دفعته بسبب ردائة الماء هات مايثبت وبنعوضك بإذن الله والوايت بإذن الله جاهز لك في اي وقت تحتاجه حتى تنتهي مشكلتك

يعني بإذن الله مشكلتي شارفت على الإنتهاء

بس ماقهرني إلا موظف إتهمني بالكذب والإفتراء عليهم

وبإذن الله بآخذ نتيجة التحليل إذا سلموني إيآها
وبتجه مباشره لـ الموظف اللي كذبني وبخليه يطلع عليها وبتكلم معه كلام ماله دخل بالمشكله نهائي

وبقوله عيب تكذّب المواطن حتى تتأكد انت من صحّة كلامه !


وأسأل الله العظيم ان يبدل ذلك المنصب بموظف خير منه لكي لا يحبط بكل مشترك جاي وهو اصلاً زعلان ويتفاجأ بموظف مثل اللي انا قابلت

الآن انتظر نهاية المشكله بأكملها

وجاري سرد التفاصيل الجايه لكم بإذن الله

[عبود زمان]

وصل الماء وشكله مثل الحليب

واخذوا عينه وطلعت النتيجه وأن الماء بأسوأ حاله ذكرت
وتم الآتي :
اولاً يرسل وايت مآء في حال احتجت له
ثانياً تعويضي عن الخسائر بسبب ردائة الماء مثل غسل الخزآن وماشابه

بس اللي قهرن
اقولهم عطون النتيجه حقة التحيليل ... قالوا لي ( لا ) << مب قهر !!

وانا مابيها علشان اكبّر المشكله او غيره
ابيها علشان اعرضها على الموظف اللي خلاني كذاب وماعندي سالفه وضحك بوجهي وقدام باقي الموظفين ضحكه سخريه وإستهتار
ولما قلت له عن التعويض
وقالي لا تفكر في تعويض وريــّح نفسك بس
وخلنا ننتظر النتيجه اللي متأكدين إنك غلطان فيها

وحاولت اوصل لـ نتيجة التحليل وعجزت