زوجي عقيم وضعيف ........

[فديكا التميمي]

حالتهم صعبه الله يكون بعونهم .....
قله تاخذله وحيد ووحيده من هالايتاام ترضي ربه ورجله ويالله لك الحمد من يحصله وتقعد معه
اللي مثله قليل باتسر تروح لواحدن ينتف هدبه تكره الدنيا ومااابه واتحسف
على جيب عيال يحملون اسمه ..

[طبيبة القلوب]

اختى لآ ازيد على كلام الأعضاء قبلي ..

لكن سآذكر لك قصة واحد قريب لي شخصيا ,,,!

الشخص هذا عقيم ..
زوجته مستحيل يستغني عنه ..ولاحتى هي كلهم جزء من بعض

يعني لو عندهم عيال كان اكبرهم كبري الآن ..

لكن سبحـآن جلسوآ سنين يعالجون بداخل وخارج المملكه ..

مافكروآ بالأنفصال ابدآ ...

حاولوا كثيييرر على اساس ينجبون ابنـآء ..
لكن ماالله آرآد ..

/

ماكان قدامهم إلا انهم يكفلون يتيم
منه يآخذون آجر ومنه يملآ عليهم الجو ..

/

فكري زين وآكثري من الأستغفار والله يوفقك ..

[فجر الخيال]

الله يبلغك مرادك ويرزقك مبتغاك لكن ثقي الأطفال مو كل شي فكري زين

[قـتـالـه]

اقصاها خدامه وسواق
ناظروا العجز والشيبان ينجاب لهم شغاله ويحطون بغرفه يوكلون ويشربون
ووشلونتس يايمه ويالله ابروح لعيالي ومرتي
وراحت الايام على كذا لين يروحون لقبورهم
ويمكن ربي سخر هالرجال والفرص ماتتكرر ..
وياما من جحيم رجل تحتمله انثى علشان العيال !
هل هي موقنه بيجيها عيال مع آخر وكيف الحياة الجايه ؟
انا اقول لو كنت مكانها ارشف من سطول السعاده مع هالعقيم
اللي مخليني ملكة زماني واتوكل على ربي بتدبير اموري ..

[مخملية روح]

عليك بالإستخاره وسيكتب الله لك الخير...

[جُ ـمُوْحُ ~||]

لا لالالالالالاللطلاق الصبر حلو
وعليها بالاستغفار مثل ماتدخل الجنه
بدعاء اولادها تدخل الجنه برضاء زوجها عليها
الدنيا فانيه هي تعرف من يموت ومن يعيش
هي تضمن يجيها واحد يحبها كثره
وعيال مامنهم الاشقى بكره يعرس ويخليها
ايه صح زينه الحياه واحساس الامومه
بس كل عمره يروح شقى لهم تربيه وسهر
وكل شي مقدر ومكتوب صديق خالي
بعد 20 سنه جاته بنت شوفو كيف الصبر
ثقي بالله استغفر الله مافيه مشكله
الا ولها حل .. تقبلو مروري

[جُ ـمُوْحُ ~||]

اييه صح فيه اعشاب طبعيه تقوي وتساعد
الهرمونات بدال المواد الكميائيه ..
اسالي طبيب شعبي يدلك الا اعرفه من خلال
دراستي البيض والعسل واعشاب مدري وشسمه


الله يوفق الجميع

[العود الازرق]

إن كانه تخشى على نفسه من الإنحراف بسبب ضعف زوجها فالحمدلله
الحلول كثيرة والحياة ماتوقف على احد بعينه ..والله يبي يعوضه خير منه وخيراً منها
الله يعينكم

[عبدالله م]

انصحك اذا انت متعلق بالابناء بالانفصال وسيرزقكم الله لكن تاكدي انك سليمة .

[عبدالله م]

كذالك اذا كان ضعيف فمن حقك ان تطلبي الفراق ودعي العواطف جانباً ، لكي لا تغرقي بمستنقع لا تخرجي منه ابداً ..

فسبق صحابيات في ذلك واقرهن الرسول صلى الله عليه وسلم .

[alshamekh]

مع احترامي لكل من شارك
اتقو الله على طول انفصال من انتم حتى تشخص الحالة
لا انا ولا انتم من يحدد لاحل
لا بد من متخصصين بذلك

[عاشق ديرتي بريده]

وقد يكون الزوج الثاني بعد الطلاق عقيم ولايأتي الحب فتندم على الاول

لو كل شخص حفظ هذه الايه لتحسنت احوالنا كثيرا

قال تعالى ((فَقُلْتُ اسْتَغْفِرُوا رَبَّكُمْ إِنَّهُ كَانَ غَفَّارًا يُرْسِلِ السَّمَاء عَلَيْكُم مِّدْرَارًا وَيُمْدِدْكُمْ بِأَمْوَالٍ وَبَنِين َ وَيَجْعَل لَّكُمْ جَنَّاتٍ وَيَجْعَل لَّكُمْ أَنْهَارًا))