لا يُطــــــَـــاق ...!!

[باسم الثغر]

وين وفاء الأصحاب ياتويكس
يعني
يوم سرق واحد منهم اسطوانة غاز تبريت منه
والثاني يوم صار شبهة برضه تركته
والمسيكين الثالث على شانه بس شرب بنزيم ، المفروض هذا بالذات تصير حوله ، إفرض إنه يوم من الأيام خلص بنزينه وأقطع ، ماهنا أحد يدبره إلا أنت
وراعي سوق الأسهم فهذا ماأنصحك تتركه إطلاقا ، أقل شي تطورق فيه من عيادة لعيادة ، وتصير حوله لايسمع شي إسمه سهم أو مؤشر
أما راعي الفلوس فهذا امسح خشيشتك إنه يبي يجي ، إلا إذا وصيت الشباب يعلمونه إنك جايك فقد ذاكرة ، خصوصا الجزء اللي يتعلق بالسلف

أما (البتكس) فاللوم يقع عليك
يمكنك تقعد معه ولاأنت تسولف
فهو مايعرف يسولف إلا بكم عدد اخوانك ؟ وكم راتبك ؟ ووش أكلت اليوم ؟
سولف عليه وشف هو يسألك وإلا لا

تذكرت واحد من الربع
من قوم خويك (البتكس)
إذا مل من كثر الأسئلة وبغيته يمشي
وجهت له سؤال مايجي على باله
رفيقنا يتلفت ويطلع جواله ثم ماأدري إلا هو مختفي

[اناامل]

والله والنشبهـ

احسن لك وله كل واحد فيكم يقول وش جديدك للثاني خخخخخخخخخخ


واخوياك الثانين الله العالم من اللي ورى توهقهم يا تويكس ؟؟؟؟؟؟

[روح لايسعهآ جسـد]

سبحان الله شوي واحس اني انا صديقك
كل الموصفات تنطبق علي
،
مبروك التميز مع انه ابد مو لايق عليك

[انتظرتك]

شف يابعدي
واضح أنه أول مايسألك سؤال تهل اللي عندك
علشان كذا تلاقي سؤال يردف سؤال ,,

اقتباس: ما رأيكم بهذا الصديق .. وهل عندكم هذا المنتج الغثيث ...؟!!

يقول ماصدقينا إلا احنا ..

عندما تصادق فئات مختلفة ومتنوعة من البشر
الصالح والطالح والصغير والكبير والرجل والمرأة
فأعرف أنك ستخرج من تلك الصداقات بفائدة كبيرة
ودروس عظيمة ...


ليس العيب فقط في مالايستهويني
بل وأنما أنا اشاركه العيب عندما لا أجيد التعامل معه ..

غثيث ثقيل دم مشفوح ملقوف ردي نفس بخيل
( البخيل مايصلح للإستراحات يبلشك بالقطيه )
كلها صفات منتشرة بين الناس ,,,

فالواجب أن تكون مؤثراً ومغيراً لمن تصادقه لا أن تكون متأثراً منه ,,


بعدين ماتلاحظ أنك كثير تشكّى ؟!
نسيت موضوعك السابق ,,

[دِيم]

.
.
.



الأصدقاء الخطأ هم إختيارنا الذي نعتقده صحيحاً ..
.................................................. .......... دِيم



.
.


اللوم عليكَ أنت فقط ..
+
ديم مريحةة صديقاتها ..
تجيهن تقول عندي سالفة أبيكن ضروري وترجهن إلى أن يجتمعن وإذا اجتمعن ..
قالت كلمتين فهمن السالفة كلها ..
أما عنهن إذا مريحيني أو لا / عادي أتحمل دامني عندهن .. على قولة تيته :
الناس ما انشقت أفواههم إلا للهرج ..
والحمدلله ..


.
.

[ونة خفية]

يا كافي الشر !!
الله يرحم والديك إذا تحب الناس وخايف على اهاليهم يفقدون ضناهم واحبابهم
لا تصادق احد لأن وجهك واضح وجه نكبه ونحس عليهم فالعله فيك أنت
وبخصوص خويك السابع لصقة ام اسد (جونسون ) << تناسبه اكثر
فأمثاله كثير جدا و بمجرد ماتفتح له خط بأول اجابه لايمكنك الانفكاك منه
فأحسن شيء على طول توجه له نفس السؤال وكأنك صدى صوته علشان يستوعب
فضاعه سؤاله
وهالنوعيه سبحان الله تحب تستفيد من الاخرين إلى الأخير وتنشر غسيلهم بشكل فوري
وكأنهم وكاله (واس)

["غرك غلاك"]

أهلين تويكس..
الحين بالله وش وراك وإيش اللي عندك
عشان يسألك..
أتوقع ما عندك الا الدجه
وطفست الراتب اللي تاخذه آخر الشهر

إلا على فكرة نسيت أسألك
إيش جديدك..

[احمد النجم]

اقتباس: وعندما تنتهي اسئلته .. يرسل إليك كلمة لتلقف ماخلفته اسئلته : " وش جديدك

!!
!! أحبااط
000000
مجتمع الاصدقاء مبطلينه من كم سنه!! بعد سنوات من وجع الرس والقيل والقال!!
في مجتمع الاصدقاء جلسه الاستراحه (هــم أضافي) للهموم الاخرى!!

من يسأل دائما فهو يعاني من التخمه ولايوجد مايشغله!!

أكــره مايضايقني (ترديد الكلام ) من قبل بعض الفضوليين!!

تويكس / فرغت أشياء بالنفس ,, وتستاهل/

[" TWIX "]

حروف لا تعانقة الجفاف ..

اقتباس: مَدري كَل مَا أَقول إني عَرفت الدنيا , وبخصتها أرجع كما ولدتني أمي ..

أنا .. وهو أنا ..
اللي مابه سربوت إلا صادقته ..
ولا مطوع إلا خاويته ..
ولا مهبول إلا أستركضته ..
ولا عربيد إلا نادمته ..
وبالأخير اطلع من المولد بلا حمص ولا متبل ..
شف وأنا أخوك ..
الدنيا تبي واحد لها مثل القذافي بايعها ويشوف الناس ( بق )
كذا اضمن لك إنك بتعيش مرتاح البال ..

اقتباس: " twix " أَبشرك أنا فقدتهم كلهم ! عليك فيه لا تخليه , وزي مايقولون عض عليه لاتخلّيه يفلت

يعني اصدقاك أمك وخواتك ..؟!!!
لا.. لا ..
صادق بنقالي البقالة وسوداني الفوال اللي جنب بيتكم
ولا تعيش كذا مخلوع من الناس ترى الوحدة شينة وأحيانا يجيك
تكاك .. أو تطيح بالحب وربي أن تبلش كذا لأن لا بد تفضفض ولو ما تلاقي
عادي تشوف جمس هيئة وإلا مطوع مسجدكم وتمسك فيه الدائري وخذ
يا شوق وياشكاوي له وبالخير ما تدري إلا إنك بين ثلاثة من الأخوان بمقر
الهيئة .. أغد رجل وارجع لصدقاك وبلا هبال ..

اقتباس: منك ما صفا لك من أخوياك إلا هو .. بعدين إذا تبي صديق تراي حاظر

بسم الله علي ..
خلاص موافق ..
بس ارسل سيرتك الذاتية وشهادة حسن سيرة وسلوك << أبوي يقول لا تصادق سرابيت ..
وتزكية من أمام المسجد ..

[جبل السكر]

مرحبتين

يقولوا (تلاته مالهومش امان الصديق والحبيب والزمان)
وانتا ماشاءالله كتاب مفتوح للي يسوى ويلي مايسوى
ولك من كل فئه صاحب بركه يلي الين دحين مااتغيرت وصرت تولا

[مضرب مثل]

فعلا انا بليت بلوى لايعلم بها سوى الله
بصديق في باديء الامر كان غاية في الاخلاق والرجولة والاطباع الحسنه

ومع مرور الشهور والسنين ايضا وبعدما اصبحنا من افضل الاصحاب
ظهر على حقيقته الا وهي ماتسمى بـ(اللقافه)ومشتقاتها
وصلت به(الشرافه)ان يسأل عن خصوصيات العائلة وحتى اشكال اخواتي

خلونن اكمل بالعاميه ياخي بلا عربيه فصحى بلا بطيخ


طبعا انا من طبعي اني اسكت ولا اقوله انه يضايقني
بس يوم جاب طاري اشكال خواتي انفجرت بوجهه وطلعت كل اللي بقلبي
بعدها حددت مصيري معه وتركته<<<حسيت انه مرتي هع

لكنه يوم شافني تضايقت وكل اللي حوله سوو مثلي تغير مليار درجه
وطلع افضل بكثير^__^

يسلمو تويكس فاقدينك والله

[Modern]

والله ياتويكس هالنوعية كثيرة وخصوصا بالاوساط النسائية
لكن فيه نوعية تقبل تطفلهم الزايد عن حده
بسبب اسلوبهم مقدماتهم قفشاتهم اللي تسبق السؤال عن اللي يبونه

مرة ولو انها مش صداقة مثل وضعك
كلمت اربعينية عارضة نقل كفالة خدامتها
البداية انا اسألها بكم تبين نقل الكفالة
والنهاية هي تسألني اختك للحين ماعنده الا ثلاث بنات !
ومابين السؤال والجواب ساعة كلها استجواب للعبد الفقير

[جلوي العتيبي]

ياكثرهم ياتويكس

يقرب رأسه ويميله للأسفل ويبداء في رش أسئلته نحتاج حينها لشيء من الأوكسجين لكنه لايترك لنا فرصه فأنفاسه بين شهيق وزفير أخذت كل شي وأشغلت كل من حوله .

سلم على رفيقك وقله هنيئاً لك وقتك

[نبض قلب]

اذا صديق عادي خله يسأل

لكن المشكله اذا اول مره تشوفه وبمجتمع عام كالمدرسه مثلا
الله لايعيده من يوم اول يوم واول ماجلست معهن على القهوه ,, يالله ابلع ريقي من الحياء ,, لاتلوموني فكل النظرات علي وكني جايه من كوكب اخر
كبار ومشفوحات << اللهم لاشماته

والله معذوره بمجرد مارفعت الفنجال ويالله يالله اخذته من الفشيله ولاني مااعرفهن
فبدا المطر ينهمر من الاسئله ,, متزوجه ,, كم عندك عيال ,, رسميه او لا,, من وين جايه ,, وتعليقات وهمز ولمز ومن تشبه ومن ماتشبه
واختكم في الله ماتدري من تسمع
بغيت اصيح ذاك اليوم

تويكس
اعانك الله على هالصديق ,, ماتدري يمكن يجيه مثل ماجاء اللي قبله ويبيع بشارع الصناعه معجنات وبعدين تتندم تقول ليتي والله مجاوب على كل اسئلته

[الأعرابي]

وسع صدرك واستمتع بخلق الله وتجنب ما لا يعجبك فيهم فلربما غيرك من أصدقائك يقول عنك خصله ليست حسنه .

على فكره ما معنى الصداقة ؟ لأنني أفتقد هذا المعنى منذو الابتدائية ولا أدري ما السبب ؟ نعم لي شله اطلع معه بالاسبوع مره ولكن علاقة رسمية شوي