آلـــــسـلآم عليـــكم ؟

[قـتـالـه]

قدر الله علي ان اعمل بدائره يختلط فيها الحابل بالنابل
وفيها من مختلف الجنسيات ..!
تنتشر عندنا عادة السلام باليد بشكل مفرط
يعني ممكن تسلم علي الوحده باليوم مرتين او ثلاث !
والمشكله ان المتعاقدات فاهمات ان هذا سلمنا
واللي مايسويه من المغضوب عليهم
يصافحونك وانت بأحلك الظروفك !
لو ماسكه جوالي ومركزه مع المتحدث من مرت من عندي صافحت
مرات اكون توي حاطه كريم تجي الوحده تمد يدها وهي تشوفني ألطس
ومرات اكون قاعده اكل ماودي احد يلمس كفي ماادري
الا والوحده مدعسه يدها تسلم ولايهونن خوياتي السعوديات
احيانآ اكون اقاصي وحده ومنزوين لنا بسيب وماانتبه الا
وقد تحول موقعنا (لنقطة مصافح) وماناقصنا الا فلاشات مراكز التفتيش
لما فاض كيلي ولقيت ان اظافيري تنكسر ماتكمل اسبوع من كثر مااستخدم المطهرات
واني سردادي مردادي على المغاسل بشكل مثير للانتباه وان الاجتماعات تتشتت بسبب ان آخر وحده تدخل لازم تصافح الجميع واني بديت اشوف بأحلامي ناس تحاصرني ماده يدها للسلام اصدرت الفرمان التالي:

لا احد يسلم علي الا كل سبت واللي مايحضر تراه مسامح
يأجلها للسبت القادم ويدبلها

وصمت بعدها بالعلمانيه واستباحوا دمي
وحكموا علي بقص راسي بالجرده

ماهمني حكمهم بس مازل من حولي يعاني من فرط المصافح
شوفولنا حل ياحيي ترا الدين ماهو تسذا