زوجتي حامل....

[كااااجو]

اقتباس:  المشاركة الأصلية كتبت بواسطة الفتى السمنسي     طيب وإذا تحزحز وش بيصير ؟ أعتقد إن الكاتب يعيش بمدينة أفلاطون الفاضلة وسيصحو عندما تكون الحامل بين يديه ,سيتضجر وسيتذكر أيام شهر العسل . الرحمة موجودة في جميع بقاع الأرض إلا أنها مع الأسف شحيحة جدا . أعرف زوج يبكي إذا توجعت زوجته ويتصل علي والعبره خانقته . لكن غالبية السعوديين قلوبهم صخر والنذاله تجري بدمهم ووالله من واحد وواحد جدع زوجته عند أمها إذا تعبت ويخلي إخوانها هم اللي سرداحي مرداحي للمستشفى وإذا شفيت الزوجه دقت عليه . تعال تراي اشويت وهو منجطل بالإستراحه ومقابل قناة غنوه ويلعب بلوت ولي المعسل بخشته.

طيب انت الحين جايزن لك تصرف وائل مع زوجته الحامل ..والاجايزن لك الواحد اللي

تعرفه؟؟

[نوره الجمعه]

السلام عليكم ورحمة الله وبركاته


لا إفراط ولا تفريط
وليكن قدوتنا رسولنا الكريم صلى الله عليه وسلم

حتى بالتعدد




تحياتي

نوره الجمعه

[كااااجو]

اقتباس:  المشاركة الأصلية كتبت بواسطة نجداوي     كاجو المهم هو الاحتفاظ بمقياس الاحترام الذي لايتحزحز مهما كانت الظروف خاصه بوجود فلذات الكبد تولد بالسلامه والف مبروك مقدمآ تحياتي

حلووو نجداوي ...ومن الاحترام ان يظهر القليل من التقدير والتحفيز لو بكلمة او نظرة

فلها قوة دفع غير طبيعية عند اغلب النساء...

[فديكا التميمي]

اقتباس:  المشاركة الأصلية كتبت بواسطة كااااجو     زوجتي حامل.. قدماها منتفختان بشكل واضح ، تمشي على استحياء في اثناء اليوم، تغطي قدميها في كل فرصـہ !!! ولكن عندما تدخل مملكة الأحــلامـ انتهز الفرصه و أرفع الغطاء عن ساقيها.،،، أمسح رجليها معتذرا لهما، شاكرا لما تحملان من ثقل، أقبل هاتين القدمين وأنام بجانبهما !! هذا معنى الحب (للكاتب وائل الصايغ) ياهل ترى ...ماهي حدود امتنانك لزوجتك؟؟؟ عاد احس ان وائل مزودها حبتين ..والاوش رايكم ايها الأعزاء ؟؟؟

صادق لكن بالعكس خربه حبتين وهو لازم تنااام..؟؟
يمسحهن وهي قايمه يخليه تحس ان به احد داري عنه ويتجدد نشاطه ....
يااارب ترزق كل بيت عشره من وائل وتشيل القذافيين من بيننا ,,,,

[كااااجو]

اقتباس:  المشاركة الأصلية كتبت بواسطة فديكا التميمي     صادق لكن بالعكس خربه حبتين وهو لازم تنااام..؟؟ يمسحهن وهي قايمه يخليه تحس ان به احد داري عنه ويتجدد نشاطه .... يااارب ترزق كل بيت عشره من وائل وتشيل القذافيين من بيننا ,,,,

اجل لاصارت قايمه وشلون يحبهن لازم منسدحه ..هذي سواته به وهي نيمه وش عاد لاقامت ...فديكا الله يرزقك واحد مثله علشان تغير اطروحاتك وتستانسين

[ما يهزني مخلوق]

اقتباس: ياهل ترى ...ماهي حدود امتنانك لزوجتك؟؟؟ عاد احس ان وائل مزودها حبتين ..والاوش رايكم ايها الأعزاء ؟؟؟

وش دعوه مزودها .. مااعتقد انو فيها زياده بالعكس هذا الصحيح ..

المفروض يعطيه اكثر من كذا .. لأنه تحس بشي مايحس فيه احد ..

الله يعظم اجر الحوامل يارب

[كااااجو]

اقتباس:  المشاركة الأصلية كتبت بواسطة ما يهزني مخلوق     وش دعوه مزودها .. مااعتقد انو فيها زياده بالعكس هذا الصحيح .. المفروض يعطيه اكثر من كذا .. لأنه تحس بشي مايحس فيه احد .. الله يعظم اجر الحوامل يارب

أمين يارب ...

هو ماسوى كذا الا انه لاقي مقابل ووفي بطبعه وحنووون قوة على تقبيل الرجلين

وكل شي جائز ومرغوب به لكي تسير السفينه بكل نجاح الى بر الامان

سعدت بمرورك

[| ~ ســمــو ~ |]

لا بالعكس مازودهـــــــــــا ولا شي !!

اذا كان رحيم وحنون .. اكيد يسوي كذا واكثر !



اشكرك

[كااااجو]

اقتباس:  المشاركة الأصلية كتبت بواسطة | ~ ســمــو ~ |     لا بالعكس مازودهـــــــــــا ولا شي !! اذا كان رحيم وحنون .. اكيد يسوي كذا واكثر ! اشكرك

احس كذا ..بنظري ان المرأة تريد شي بسيط من الامتنان وتضبط اموره ..فما بالك بهيك

سواة

الشكر لك

[البارق]

مثل هذه المبالغات
هي التي أفسدت العلاقة الزوجية
فالزوجة تدخل لعش الزوجية
بنظرة مثالية زيادة عن اللازم
ثم تفاجأ بطبيعة الرجل العادية
فتبدأ المشاكل ولا تنتهي

[كااااجو]

اقتباس:  المشاركة الأصلية كتبت بواسطة البارق     مثل هذه المبالغات هي التي أفسدت العلاقة الزوجية فالزوجة تدخل لعش الزوجية بنظرة مثالية زيادة عن اللازم ثم تفاجأ بطبيعة الرجل العادية فتبدأ المشاكل ولا تنتهي

كلامك صحيح وهذا الحال ينطبق على الرجل ايضاً...خير الامور اوسطها ولكن هناك

حالات متطرفة واقعية

[قـتـالـه]

حبيته وربي
يمكنه تذكر تعب امه ورحم زوجته ..
ابي مثل تسذا وقسم مسامحته بنص المهر ماابيه
اشوف عينات رحومين حولي بس سبحان الله هالرحوم ربي يسوق بدربه ولبه
تقول راضعتن من ضبعه

اغدين اتضيبع يمكن ربي يدربي رحوم بحياتي

[كااااجو]

اقتباس:  المشاركة الأصلية كتبت بواسطة قـتـالـه     حبيته وربي يمكنه تذكر تعب امه ورحم زوجته .. ابي مثل تسذا وقسم مسامحته بنص المهر ماابيه اشوف عينات رحومين حولي بس سبحان الله هالرحوم ربي يسوق بدربه ولبه تقول راضعتن من ضبعه اغدين اتضيبع يمكن ربي يدربي رحوم بحياتي

لله في ذلك حكمة ...الله يرزقك واحدن رحوووم

[ما يهزني مخلوق]

اقتباس: مثل هذه المبالغات هي التي أفسدت العلاقة الزوجية فالزوجة تدخل لعش الزوجية بنظرة مثالية زيادة عن اللازم ثم تفاجأ بطبيعة الرجل العادية فتبدأ المشاكل ولا تنتهي

وأنت الصادق يالبارق .. لكن تراو مو حلووو..

الأفضل أنه يكون مرررره حنون ورحيم مثل كذا

وفيه بعض البنات يتفاجئن بعد مايتزوجن يقولون على بالنا بيجينا على هوانا مثل الروايات

وراح يبدون بمشاكل لا تنتهي

الله يجيب لنا الزوج الصالح الحبوب الطيب العادل ذو الشخصيه القويه >>> وش خليتي

[زنقازنقا]

اقتباس: لكن غالبية السعوديين قلوبهم صخر والنذاله تجري بدمهم

هههههههههههههههههههههههههههههه ياحبيلك
والله من فنيساء وحميصاء تمنى السعودي بس تف عليه حامضه