ســـر وعنــد حرمـه ..!!

[تركـي]

والسين سدى مادرى عنـه مخلـوق
اوزن كلامي كـل ماقلـت منطـوق
ورحلت سدى يم سطح القمـر فـوق
محـد درابـه ماغيـر رب البريـه


السد عند المرأة مثل آكل العنب
يجيك حبه حبه
بالتقسيط وماتدري الآ كل السر صار من صيد آمس خبر قديم ....

بينما الرجل ماعبر فيه صاحب الأبيات آعلاه ينطبق عليهم ..

[shahd2007]

اقتباس:  المشاركة الأصلية كتبت بواسطة حـــكآآيـة رجــل     . وعليكم السلام والرحمه مساك الله بالنور /هل صحيح هذه المقوله ؟ وهل للرجل قدره اكثر ع كتمان السر الناس تختلف باجناسه اكيد له قدره ويمكن يختلف نسبه واجد عن الحرمه على كتمان السر بحالت يكون ضغوط لان الحرمه ممكن تحت ضغوط قويه تفـشي بسرها من خوفها ولاعنده قدره تتحمل مثل الرجل لكن ماتدري عن كيدهن ! / تـفضلـون الـبـوح بـالـسر ؟ بالنسبه لي لا ابوح بسـري ولا اعطي مجال اني اتكلم فيه اقفل الباب قبل ينفتح /أم تـفضلون الإحتـفاظ به لأنـفــسكم ؟؟ اكيد لنفسـي ولا لمين يكون ! اذا افشيته ماصار سـر وفضحت نفسي

لااعتقد ان المــراءه تحتاج ضغوط لتفشي سرا
يمكن الرجل مع الضغط عليه يحكي لكن المراءه بدون ضغوط
الله يكفيك شر كيدهن

غالبكم كذا لاتفشون السر
اكيد اذا طلع منك ماراح يكون سر ..

حياك الله حكايه رجل

[shahd2007]

اقتباس:  المشاركة الأصلية كتبت بواسطة هنؤؤنه     لا اكيد مو صحيحه اما عاد يومين اقصى حد خخخخخ لا صدور الاحرار قبور الاسرار مااحب ابوح لأي احد بـ اسراري اختفظ فيها اكيد تشكرات شهودة[/center]

هلا هنؤؤنه

يعني ممكن باربع ايام او اسبوع يطلع السر
هاذي مراءه نادره اللي تقدر تحفظ السر كل هالمده

اممم اتفق معك ومع الجميع اذا كان يخصها ماتبوح فيه لااحد ..
حلو هنؤؤنه خليك كذا احتفظي فيها لنفسك

حياك الله اختي

[فديكا التميمي]

أجل أنا مانب مره ..؟؟؟!!!!!

[shahd2007]

اقتباس:  المشاركة الأصلية كتبت بواسطة to be     انت وش رأيك يا آنسة شهد ؟

مـن رائي ان كـتـمـان السر أفـضـل مـن الـبـوح فيه
لأن كـلـمـة سـر تـعـنـي أن

امرا لايريد ان يعرفه احد ولولا ثقته فيك وارتياحه لك لما اخبرك


و ان أسـوأ مـا يـتـصـفـ بـه الإنـسـان

هـو الـبـوح بـأسراره لـغـيـر ذوي الـثـقـة ،

لكن طبيعتنا الحوائيه مانقدر نحفظ السر ممكن بجلسه ولا بسهره يطلع السر مننا
بشرط ان لااكون طرف فيه

نعم المقوله البريطانيه صحيحه صحيحه صحيحه
المراءه لاتحفظ السر
وعن نفسي ومن تعاملي مع زميلاتي اشوف اني حتى الان لم افشي
سرا لااي وحده منهن لاني اللي اسمعه انساه

[باسم الثغر]

الحريم مانلومهن لاطلعن السر
هذي تركيبتهن وكذا ربي خلقهن
وشي معروف إن المرأة ماتمسك السر
وأعتقد من حبهن لكثر الكلام ، والأكشن بالأخبار
فعلى شان كذا ماعيلها ملامة


بس المشكلة عند الرجال
بعضهم مايحرص على كب العشا
إلا إذا وصيته على كتمان السر

فيه من ربعي شرذمة
إذا بغيت الخبر يبلغ الآفاق وتسير فيه الركبان
قلت له الخبر وحرصته عليه

وفيه منهم
بييييير ماله قاع
أجدع فيه السر وأمشي ، وأنا ببطني بطيخة صيفي
مستحيل يطلع السر إلا لما نجتمع ونسوي له طلبية ، هذا إن ماجحد وقال ماقلت لي شي ==> من زود الحرص

[shahd2007]

اقتباس:  المشاركة الأصلية كتبت بواسطة عاشق الخير     المرأة لو عطيته سر تحقرص وتمقرص وتهقرص ويحكه لسانه بكل مجلس تبي بس أحد يلزم عليه على شأن تقول اللي بطنه .. واا خلصت قالت بس هااااا تراهم جاحدين لا يدري أحد خخ عاد ان مالقت احد يلزم عليه هي لزمت على نفسه وقالته .. واصبري شووي تجيكم قتاله بعلوووم السحا التاليات هي ابخص بهن ..

بجد هذا اللي حاصل تتحقرص وتتمقرص ولا تنام الليل الا لمين تقول السر اللي اسمعته وتختمه تراى ماقلت الا لك
مايحتاج تلزيم عاشق بس جلسهقهوه وسوالف يجيك كل الاسرار اللي اسمعته

حياك الله عاشق

[shahd2007]

اقتباس:  المشاركة الأصلية كتبت بواسطة هنؤؤنه     هههههههه حلوة هـ المصطلحات

ليت عاشق يشرح الاخيره لان مافهمته نعرف تتحقرص وتتمقرص ..لكن الاخيره ..!!

[عاشق الخير]

اقتباس:  المشاركة الأصلية كتبت بواسطة shahd2007     ليت عاشق يشرح الاخيره لان مافهمته نعرف تتحقرص وتتمقرص ..لكن الاخيره ..!!

الهقرص
مشتقه من كلمتين الهمق و الرقص
وتعني بلسان العرب
حريم ثرثارات خخخ

انا مدري وش بس لزوم الوزن والقافيه >> لا يدري أحد هااا تراه سر

[shahd2007]

اقتباس:  المشاركة الأصلية كتبت بواسطة " twix "     ما كملت حسناها وكملت الساعة ليكون 48 ساعة يومين بالتمام والكمال هذه المرأة .. دائما مخرومة لا تقوم بالعمل وافيا .. حتى الساعة ما استطاعت أن تمسك نفسها وتمسك لسانها لتضبط الحسبة .. أنا أسراري لا أعطيها أحدا إلا بعد الامتحانات المتكررة والمتتالية وبعد ما أبصم إن هالإنسان بير ماله قاعة حينها أفتح له ملفاتي الخاصة وأتكلم دون قيود لكن من يكون الإنسان طبعا رجال أما المرأة .. ما أقول لها وش أكلت ووش شربت لأنها تحب الهذرة والنقنقة .

حلو انها صبرت كل هالوقت هاذي نادره الوجود
اجل 47 ساعه مااسكه علم ولاعلمت احد

السر أمانة وحفظه يؤدي الى تعزيز الثقة بين الآخرين
واكيد ثقتك راح تكون بعد عده اختبارات

وإفشائه يهدم معاني الأخلاق السامية والسر اذا خرج من الشفتين ليس بسر

حياك الله تويكس

[shahd2007]

اقتباس:  المشاركة الأصلية كتبت بواسطة قـتـالـه     النساوين افضل وسيله اعلانيه استخدمها لبث مااريده اقول لأطرف الوحده العلم وانام مطمئنه مايصيح ديك بريده بالفجري الاوعلمي سابقه هه اذا قلبي مثقل بأمر رحت كبيته بحجر اقرب رجل ! والله مايبوح لأحد لوهو ابن تسع سنين سبحان من اودع فيهم هالجبله . .

هههه بجد اذا بغيت موضوع يوصل بطريق غير مباشروسريع حطه عند حرمه وكبر وسادتك واضمن لك سرعه انتشاره مع زياده بعض البهارات لزوم تبهير السالفه
برافوا قتاله لاتثقين بالسحا ع قولتك
حياك الله قتاله ..

[نـدى الـورد]

تتحدثون بلغة التعميم

وهذا إجحاف في حق الطرفيين

,

[روفه]

اقتباس:  المشاركة الأصلية كتبت بواسطة shahd2007     /هل صحيح هذه المقوله ؟ وهل للرجل قدره اكثر ع كتمان السر / تـفضلـون الـبـوح بـالـسر ؟؟ اتوقع للرجل قدره على كتم السر وفيه نسوان عندهم قدره على كتم الاسرار ابدا..اذا ماقدرت اكتم السر..ماراح اطلب من غيري يكتمه /أم تـفضلون الإحتـفاظ به لأنـفــسكم ؟؟ غالبا احتفظ فيه لنفسي بس مش دايماً

...........................

[زين نجد]

صحيح أن غالب النساء تحب كثرة الكلام ولكن هذا غير مبرر أنها تفشي الأسرار فقد يكون كلاماً عادياً ( سـوالف ).
وفي هذا الوقت ألاحظ أن كثير من الرجال لا يحتفظ بأسرار غيره.
يعني لا يمكن الحكم على النساء أو الرجال فالفيصل هو الدين والمبدأ الذي تربى عليه الجنسين.
وأنا أراهن أن هناك من النساء من تزن بعقلها عشرة رجال وتحتفظ بأسرار غيرها فضلاً عن أسرار بيتها مالا يحتفظ به الرجال.
يعني لغـة التعميــم مرفوضــه..

تقديري لكِ shahd2007 ،،،

[كااااجو]

لكل قاعدة شواذ ومنتالي الشواذ اكثر من القاعدة خخخ