| أخذوا منّي بنتي .. |

[قـتـالـه]

ممتعه التجارب المؤقته
وخاصه تجربتك يالديم مع صغيرة اختك
فأنت متفرغه تمآمآ وبحاجه لمن يشغل وقتك
غدآ عندما تحظي بواحده مكتنزه وذات خصل منكوشه
وبيت صغير يحتاج لترتيب متواتر
ومزروعات تذبل ان لم تتفقديها
وغداء يعقبه عشاء واكواب شاي لذلك المُتعب صاحب الدار
حينها سيكون للأمومه مذاق مختلف !
خاصه ان كنتِ حينها من اللواتي انعم الله عليهن بوظيفه على مستوى
التضحيه بابتسامة تلك المكتنزه من اجلها ..
اكثر مايبتسم الاطفال وقت نهوضهم وكثيرآ ماتحرم الموظفه تلك الابتسامه اللامعه
بتأثير لعاب ظهور الثنايآ
لاتنسي يانديمتي الليليه انك تختبري مشاعرك المخمليه
غدآ ستفقدي زغبها مع ثاني مولود وانا اضمنها لك
انا بين اخوات مختلفات في تركيز الامومه
وكلهن فقدن تلك المخمليه بفطرة الامومه مع ثاني او ثالث مولود
بت اعرف كيف اعامل جنين اي نفساء اذهب لزيارتها
ان كان الاول فأني احمله برفق مبالغ فيه
ولا اقترب له كثيرآ
وارمقها من بين رموشي وهي تركز بصرها لي
لترى ردة فعلي وهل انا احمله جيدآ او لا
واعرف انه يتوجب علي قراءة كل مااعرفه من ايآت قرآنيه
وان اكيل المدائح لأشباهه
وانه يبدو طفل مميز ولم ارى بالمواليد مثله هه .. كل هذا احترامآ للمخمليه اياها :/

[محارهـ]

* مرحباً ديم

وين رايحه أختك << وحده ملقوفه حيل

اقتباس: وكيف إني أنا فعل وهي ردّة فعل .. وأكيد بعد كم سنة بتصير هي فعل .. بتقتبسه من ردة فعلي .. اللي امتصتها وهي صغيرة ..

تلك العبارة المبتكره تختزل قواعد التربة

اقتباس: يّي شلون الموظفات يخلون أولادهم للشغالات .. والمربيات .. كيف يغيبون عنهم نص النهار .. حرام طفولة أبنائنا تروح بين أمهات مستعارات .. والأدهـى والأمر .. كيف تطاوعهم أنفسسهم يتركون أولادهم ضايعين بقرار زي الطلاق ..

من الطبيعي أن تكون هذي نظرتك لكونك بعيدة عن خوض التجربة الواقعية
" المضطر يركب الصعب "

شكراً *

[دِيم]

اقتباس:  المشاركة الأصلية كتبت بواسطة روح متألقه     مبروووك عليك الامومة مقدما

.
.


يبارك فيك ..

[دِيم]

اقتباس:  المشاركة الأصلية كتبت بواسطة شهــــــــــــــــــد     ديــم وهـ بس يآطعم الأمهـآتَ الله يخليكم لبعض ويطول بآعمآركـم

آميييييين يآرب ...
عقبال ماتجربون الأمومة عن حق وحقيق .. وأنا قبلكم .. هه ..

[دِيم]

اقتباس:  المشاركة الأصلية كتبت بواسطة زهرة حزينة     ماشاءالله عشتي الامومه قبل وقتها . وعن قريب تحقق لك . ماتبين اعطيك بنيتي تكملين المشوار ههههه

هه .. أسستقبل جميع أنواع الأطفال ..

أوّل كنت أحس إنو مافيني صبر على الأطفال ..
لكن الحب يصنع المعجزآت ..
صرت أحبهم وأعرف أروضهم كويس . ..

[دِيم]

اقتباس:  المشاركة الأصلية كتبت بواسطة الصمت الخجول     صباح الأمومة على أروع أم في العالم .. عشتُ معكِ وقتًا عذبًا هادئًا تمنيتُ لو طالَ أكثر .. ! قرأتُ عن أمٍ احترقت العمارة التي تسكنها ، وجاء الإسعاف ، والناس في هرجٍ ومرج ، وفرق الإنقاذ تسعف ، وهي نائمة في رعاية الله ولم توقظها كل تلك الضجة .. ! وبكى وليدها فاستيقظت .. ! لن يعرف تلك المعاني العظام إلا الأمهات بما فيهنّ أم لنوشة أيضًا *_^ أعتبُ عليكِ كريمتي في عبارة بسيطة .. ومن لبنات المسلمين يا ديومآ ؟! من لمريضاتهم ، طالباتهم ، أطفالهم .. ؟!! أليستِ الأمومة بذخ العطاء ؟! فلِمَ يُحصر في بيت .. ؟! صدقيني يا ديم إنما المعنى بالأم نفسها سواء كانت موظفة أو ربة بيت ، التوازن في إدارة الوقت يعطي كل ذي حق حقه ، وإلا فكم من ربات بيوت وأطفالهنّ بأيدي الخدم .. ! أدرك تمامًا أن المجتمع بحاجة ماسّة إلى نساءه ، وأن النيّة الصادقة بنفع الآخرين تكفل لنا من يهتم بأبنائنا أكثر من اهتمامنا بهم .. ! ( والله في عون العبد ما كان العبد في عون أخيه ) . الجميلة ديمة ، أصبحي بكل خير .. قبلاتي لابنتك ..

يا مسآء الأمهات المأخوذين أولادهن ..

وأنا بعد تمنيت إن هالوقت طال واستمد .. لكن هذه الدنيا لا تبقي على أحد ..

،

أنا أشهد إنها بتصصحى على صوت صغيرها ..
كيف لا وأنا اللي ماأصحى إلا بالموت .. صرت أصحى إذا تحركت جنبي ..


،

معك حبيبتي في كلامك .. عن الأم الموظفَة .
لكن فيه نسوان كثير ماقدروا يوفقون بين شغلهم وبين أولادهم ..
صآر الولد فلبيني إلا دقيقة ..
+
أبداً ما أحس إنّي بنتبه لبيت وأولاد وأبوهم ووظيفة ..
يمّه كيف بوفق بينهم .. ماعرف ..

إلا إذا بوقتي بيطبقون نظام النص دوام ..
هذا شي آخر ..
+
مو حنا نستغرب إذا جلست إمرأة أجنبية فبيتها ورعت أولادها
صرنا نصفق لها وآو ومش عارفة إيش ..
+
مآدري عنّي يمكن ينفضخ قلبي من غلاء المعيشة فيما بعدين وأصير أبي أزود دخل الأسرة وأصير أقابل عيال خلق الله على حساب أبنائي ..


الصمت ..

[دِيم]

اقتباس:  المشاركة الأصلية كتبت بواسطة هجير أمنيه     عشت نفس مشاعر الامومة حين رأيت ابن اختى في الحضانه كأول شخص يراه من اهله بعد انشغال العائله بصحة اختي حينها خنقتني العبرة كيف مرت ساعتين على ولادته ولم يلتفت اليه احد من اهله 00تعلقت روحي فيه توليت الاهتمام به الى ان تعافت امه عرفت وقتها المعاناة التي عاشتها امي منذ ان حملت بي حتى وضعتني00

يادلبييه ..

حآسسة فيكِ وربي ..

ماتشوف شر أختك وولدهآ ..
بوسي لي إياه ..

[نرسيان]

صدقيني الأمومة من اجمل المشاعروالاحاسيس اللي تمر بها المرأة
يااااارب يعطي كل محروم
بالنسبة للموظفات وربات البيوت أنا لا انظر لها من هذا المنظور ( غير الموظفة افضل لأبنائها من الموظفة )
قد تكون ساعة او ساعتين في اليوم تتفرغ فيها الام لأبنائها تكون مثمرة ومنتجة اكثر من المتفرغة طوال اليوم
عموما مايحدد ذلك هو مدى تحمل الام للمسؤلية والأمانة الملقاة على عاتقها

عقبال مانشوفك ام حقيقية ياديم

[دِيم]

اقتباس:  المشاركة الأصلية كتبت بواسطة " TWIX "     اقرأ كلام ديم أصدق .. اسمع عن الأمهات والأباء الآخرين أستعجب ..!! كلام ديم ينقلك إلى النقاء والحب الصافي الصادق وتقول في نفسك أن قلوب الآباء والأمهات هي الأوكار الآمنة في هذا الزمن المخيف وتنظر إلى أفعال من قتلت ابن زوجها في الطايف ومن قتل ابنه في بريدة يجعلك تعيد التفكير في هذه القلوب .. وتقول في نفسك هذه الأوكار كجلد الأفعى سرعان ما يتغير ويتبلد ..!! هذه القلوب الرحيمة .. مالذي غيرها وجعلها على كف عفريت سرعان ما تتبدل وتنقلب وتبحث عن الإنتقام .. أين حافظ إبراهيم لينظر في مدرسته ماذا أصبحت .. وحش لا يقاوم ولا يقابل ..!! ديم .. مبروك .. لكن أحسها تأخرت كثيرا لأنني للتو أعرف أن ( ديم ) أما ماشاء الله لأن في عرض كلامك تحدثتي عن شقاوتها : من جريك خلفها .. وعصبيتها التي لا تأمنين بوائقها يعني كف ع السريع .. وتقليدها لك .. وصراخها .. ودمداعبة خصلات شعرك .. واضح أن ابنتك تسير في العام الثاني .. ربي يخليها لك . أنا توقعتك أما بالاستعارة لأني ظنتت أن البنت تكون ( بنت أختك ) ولكن تخميني صار أوت .. * على العموم مبروك .. وربي يحفظها ويصلحها ويرزقها الولد الصالح وتصيري جده ..

اقتباس:  المشاركة الأصلية كتبت بواسطة " TWIX "     جبل السكر.. يعني صار تخمين هو الصح .. وفهمي هو اللي أوت .. ياشين اللي يفطر بيض مسلوق ويلحقه ميرندا ..

هه ماعليه تصير .. إن الواحد مايقرأ إلا سطرين من الموضوع


لأ .. لأ ..
الحالات اللي تقول عليها .. حالات نادرة وشاذة وإن كثرت فـ يمكن أربع خمس حالات ..
غير هذا يمكن مضرى نفسيين اللي يقتلون أولادهم ..
مسستحيل إنسان سوي يطالع في عيونهم ويعذبهم .. فضلاً عن قتلهم ..
هذا إعلام مغرض اللي يكتب هيك حكي .. ..
،
من جد نبي نتعلم كيف نصير أمهات وآباء كويسين ..
صآرت لمّا تنام بنتي .. أروح أشوف مقاطع سوبر ناني .. وبرامج الأطفال ..
ولو أعطيت صلاحية .. في الدولة وهيك بصير وزيرة الأسرة والطفل وألزم أي اثنين
بيتزوجون .. برخصة قيادة الأسرة ..

+

ليت جبل السكر ماصححت المعلومة .. هه ..

[دِيم]

اقتباس:  المشاركة الأصلية كتبت بواسطة جبل السكر     تقولك انتهت فترة امومتي والتي امتدت اسبوع يعني كانت (ام مؤقتا):d شعور رائع على الأقل تعيشي معاها جو الطفوله والبراءه والنقاء والطهر بعيد عن المسؤوليه ايا كانت نوعها تحيتي

وربي أكثر ممّا تتخيلين ..
ياليت التقنية تتطور وأحط لكم شويّة من إحساسي هنـا ..
صرت أرحم حتى النمل .. من كثر ماني حاسّة ببراءة الأطفال هه ..


وعقبالك يّ رب ..

[دِيم]

اقتباس:  المشاركة الأصلية كتبت بواسطة عااشق ليلى     الله يرزقك الزوج الصالح والذريه الصالحه وبنات المسلمين يارب

وإن شالله تآخذ ليلى .. وتنجبون , قبيلة من الأطفال ..

[دِيم]

اقتباس:  المشاركة الأصلية كتبت بواسطة حُـلم     .. يعني مب بس آنا الي أعشق (هنوفتي) وآحسهآ حقتي .. جبتيه على الجرح يااديم .. اقول لأمي .. تشوقت اعرف كيف يكون مقدار حب الأم لضنآها اذا انا بنت اختي واحس اني استهلكت طاقتي بالحُب ..ولسه فيني اعطيهآ زود عشت تجربتك تمآآآما .. خلوهآ عندي شهر .. بغيت أنهبل خذوهآ وقلبي طار معها خذت مني كثييير .. ويآويل الي يمسك جوآلي ولا شنطتي كل صباح تشوفني تقول حلوو ثوبتس < وهي راس ماله بجامه متنتفه < ينقآلك تسلك لي تصدقين ان حتى عقب مااراحت امها تكلمني وتخليها تكلمني اعجز ارد فشلت بس امسح دموعي واشاهق حسيت ان امي قالت بزوجه غديه تعقل المضحك انهآ تنآدي اختي ...مآما .. وآنا ..مآم مدري شالحكمه < نقصت حرف يمكن عشآن البطن الي شآلهآ .. ديم ..ربي يخليها لكم ويرزقك شي لك بالملكيه محد يمعطه منك ..

حُلمْ ..
لو كنت قاريه ردّك قبل أسبوع بقول وش تحس فيه ذي ..
لكـن .. حـآسة فيك لأبعد جد خصوصاً أول ليلة بعد فترة الأمومة . .
كئيبة وهي طالعه من عندك ورايحة لأمّها .. شعور غبي وأنتِ ودك تبكي لكن متسحية من اللي حولك وش بتقولين لهم ..


،

حبييييت هنوفتك .. هه > ماتحسين إنّ البنات الصغار اللي ماكمّلوا سنة إنهم يشبهون القطط .. بتصرفاتهم وأشكالهم ..


بوسي لي إياها فديت روحهآ ..

[دِيم]

اقتباس:  المشاركة الأصلية كتبت بواسطة بسومة بريده     لعل عنوان موضوعك كان كافيا لان يبكيني... الحرمان من الابناء اقسى شعور يمكننا ان نتصوره.. ليس هناك اصعب من ان تؤخذ منك طفلتك غصبا وان تحرمين منها ايام بل اشهر... الامومه بحر من المشاعر التي لايدركها الا من خاض امواجها... اللهم احفظ لي ابنتي وردها لحظني قريبا...

حياتي أنتِ ..
الله يردها لك سالمة ..

إن شالله ترجع لك ويرتاح قلبك وقلبها ..


> طمنيني عليها بليز ..

[دِيم]

اقتباس:  المشاركة الأصلية كتبت بواسطة أخت الذيب خالد     <b> على مضض .. صدقيني يا ديم على مضض روحة الدوام والام المستعارة .. لعيونهم يا ديم .. صدقيني ! ثم أن في الماضي كانوا كذلك ,, جدتي طمطم تقول ما هنا أحد ما رضعتوه .. لان الامهات يروحن يحشن ويحصدن ويترزقن الله ,, ويخلن بزارينهن عن حريم ثانيات ,, ثم هالحريم الثانيات من الفقر مالهن إلا حليب صدورهن ,, لين صار لي ترليون خال المصيبة اللي تطلب الطلاق .. وتروح وتخلي اطفالها .. هذي اللي نفسي ادرس احشائها .. ياترى لها قلب مثلنا ؟؟؟؟؟؟ الامومة شي مو عادي,, او روتيني ,, الامومة او الابوه .. احساس لا يشعر بجماله إلا من جربه ,, وفقط </b>

يآي بسس .. أنا أسبوع جربته وصرت كذا .. أجل كيف بيصير عندي قبيلة من الأطفال


،
حيالله أخت الذيب .. وجدّتها طمطم .. > شكل جدّك اسمه بوجي . هه
،
معك يا ميوس .. بكل كلمة لكن ولوو .. لاحد يقارن لي بين الأم برآ البيت والأم داخل ..
أقلّها زمآن .. كانوا الأطفال يروحون مـع باباتهم وأمهم للمزرعة وهيك ..
لكن الحين .. يادوب يجون 2 وينامون والعصر مشاوير ..
وبعد المغرب خرابيط .. ويروح اليوم على .. أي شي إلا أولادهم ..

+

وربي يا أخت خالد ..
حتى لو حس الأب والأم بالألم تجاه الإنفصال ..
فـ الأبناء إحساسهم أعظم وأكبر .. ولو سآح على فولاذ وحديد لـ ذوّبه ..
يعني لو كان الطفل مريض بين أمّه وأبوه .. بيصير أفضل حآل من لمّا يكون سليم وهم كل واحد بديرة ..
+
أي إحساس يعبّر عن طفل أو طفلة .. احتاجوا لليلة حضن .. ومالقوا .. سبب وجودهم بجنبهم ..؟




ميّآسة ..

[دِيم]

اقتباس:  المشاركة الأصلية كتبت بواسطة shahd2007     ديــم تجربه حــلوه عقبال ماتكون حقيقه <<بــرا الامومه حلوه لكن عن نفسي مااتحمل مسئوليتهم اخاف عليهم وخاصه اللي دون السنتين حركاتهم وضحكاتهم حلوه لكن مسئوليتهم صعبه

ياكثر الإشاعات ..
مرة عرس والحين أمومة .. هه ..

/
لا تعالي مو برآ .. تعالي بوسي لوشه .. هه ..
+
يبي لك فترة تدريب عندي .. > ثقة ..
وصدقيني بتصيرين تحبين أي طفل حتى لو كان مولود .. > أول كنت ماحبهم كأنهم كيس فيه مي ّ هه ..


شهيّد ..