لا يمكن يا بندر ان يدخل أحد و يعيش جو مع سطورك إلا واحد معاني من نفس الحاله ..
نسكن في " ضاحية " و لسنا ملاصقين تماما لجدار المسجد لكن يعتبر بيتنا أقرب " مستعمرة " إسمنتيه للمسجد و المؤذن من الجنسية البنغاليه يقال له " اقبال " و طبعا اقبال يبدو انه تأثر بالبيئة " الترابيه " .
طبعا صوته مزعج مفزع حتى النخاع ..
في امان الله جالسين على القهوه بالحوش مع الوالده او الوالد ما ندري الا قلوبنا صارت بوسط الفناجيل ..
يا اقبال قبل الاذان تنحنح لا تهبلنا ما فيه فايده ..
ربما يعتبر اطول اذان بالتاريخ الاسلامي المعاصر الى درجة انه اذا قال لا اله الا الله يمكن نصير دخلنا بوقت الصلاة اللي بعدها ..
يا اقبال صوتك شين ما يحتاج تلحن و تطول ما فيه فايده ..
بالدلال و باللجه و بالهدايا و بالبخاشيش ابيه يغير الاسلوب ما فيه فايده ..
اللي يزيد الطين بله من جهه غرب المسجد فيه استراحة لابوعبدالله و لا يجي الشايب الا كل " ويك إند " و اذا جاء حاس ام بذرة القناعة اللي قاعد ازرعها براس اقبال طوال اسبوع مضى ..
ابوعبدالله شايب + " اصقه " + حار + " نشده " بالاضافه انه بارد حتى التجمد و لا يجي للصلاة إلا متأخر او فايتته و اذا خلصنا من الصلاة التفت ابوعبدالله على اقبال و قعد يلجلج عليه و يقول و راك ما شغلت الميكروفونات
الوالد أطال الله عمره و متعة بالصحة و العافية يقف طرف محايد بالموضوع خوفا من ان اقبال يهون عن الاذان و يبلش يدور له مذن ..!!
اصقه = لا يسمع جيدا
نشده = كثير السؤال عن اي شئ
|