الاناث اكثر ثرثرة واقل انتاج

[شاها]

اقتباس: اتوقع نحتاج لربط حنوك الحريم لنصبح بلد منتج

على يدككــ ياقوي ياولد الثرثارة <<والله من العقوق بكم تراك تستهزي بالمام ياللي ماتستحي

[تركـي]

طيب اذا كان رجال وقرقر كثير بدون آنتاج
هذا وش تصنيفه ..؟؟

على الآقل المرأة قرقر بس مقبول قرقرته
بس لا صار آشهب وقرقه على الفاضي
وكل شيء يتدخل فيه وهاضمن الدنيا على قولتهم
.....

الأنتاجية ليست متعلقة بجنس معين ..

والدليل شف الهنود والبنقلا والمصريين
عشانهم بس يقرقون
خطر يقرقر وهو نايم من كثر الهمق ..

[شوكولاته بنات]

على الاقل حناا لناا عذر اذاا ما انتجناا نصيير بلشيين بالقرق
بس انتم ايش سبب عدم انتااجكم

[عاشق ديرتي بريده]

وشولون اقل انتاج وهن اللي ينتجننا

[قـتـالـه]

اقتباس:  المشاركة الأصلية كتبت بواسطة عاشق ديرتي بريده     وشولون اقل انتاج وهن اللي ينتجننا

انتجكم ربي !!!
لو عليهن مااانتجن ولا ربع آدمي
ولولا ان الامر فطري والدعوى فيها زوجه ثانيه لو ماتجيب لرجلها عيال
كان ماشفت كب هالوغادين والنفاس بأثر نفاس :|
وليتك تسمعهن اذا رحنا نزورهن بعد الولاده
كيف يتذمرن ويفغن روسنا بسالفة حملها من يوم تحمل ذيك اللحظه
لين بدا الطلق وجت الضنايه
همن لقضت مبربره لها ساعتين وثلث قالت جزا والديني الجنه :|
الانثبار والاحتساب مشيول من بنودهن قال ينتجنا قال !

:|

[عاشق ديرتي بريده]

اقتباس:  المشاركة الأصلية كتبت بواسطة قـتـالـه     انتجكم ربي !!! لو عليهن مااانتجن ولا ربع آدمي ولولا ان الامر فطري والدعوى فيها زوجه ثانيه لو ماتجيب لرجلها عيال كان ماشفت كب هالوغادين والنفاس بأثر نفاس :| وليتك تسمعهن اذا رحنا نزورهن بعد الولاده كيف يتذمرن ويفغن روسنا بسالفة حملها من يوم تحمل ذيك اللحظه لين بدا الطلق وجت الضنايه همن لقضت مبربره لها ساعتين وثلث قالت جزا والديني الجنه :| الانثبار والاحتساب مشيول من بنودهن قال ينتجنا قال ! :|

كل شي بأمر الله سبحانه وتعالى

ولكن هن سبب لوجودنا

ولولا الحريم كان مافيه ابونوره وجلوي ومنتدى بريده

ولايهمك التشكي كله سنتين ويوقفن الحبوب يبن عيال

والحمدلله ان الرجال مهوب هم اللي يحملون ويولدون والا كان الشعب السعودي 60 نسمه

[شمووخ اثنى]

النساء عندنا لهن انتاج واحد وهو نوعين اما ذكر او انثى
لكن سبب الثرثرة هي انتم

وخلقت النساء بثرثرتهن لتناسب مع الرجال

مثال

نبي نروح السوق
نبي نروح المستشفى
نبي نكشت
نبي تسافر
نبي نزاور
نبي نتمشي

الرجل لاحظ لا يستخدمها لانو بكل بساطة يقوم بالعمل دون الحاجة للكلام

الرجل يحتاج الكلام في ثلاث مواضع
الفطور وينة
الغدا
العشاء زهبتية
واحيان ما يحتاج للكلام كلة حاضر

.

[غـصـون]

صحيح كثير قرقنا بس ياكثر انتاجنا

[طقاقة بدون مايك]

صآدق والله ...طيب وشرآيك آجل نجي آنآ وآنت وهم ونبتهل فـ ندعو الله أن يآخذ الله أروآحهن جميعآ لِ آجل آن تستريحو من الثرثرآ والخمبقآ وتستمتعو بِ إنتآج أوفر وآروع ...مَ رأيك يَ لبيب رجآل ألمـــع ؟..~ !

[فديكا التميمي]

لا والله مايجون ربعنااااا......
يعني تتوقع الرجال يوم انهم ملبدين وراهم نفع،،،؟

[التنين الصيني]

متوسط كلام الرجل خمسة آلاف كلمة باليوم .... !

اما متوسط كلام المرأة 20الف كلمة باليوم .... !

يقضي الرجل معظم الكلمات بالدوام ....

اما المرأة فـ تقضيها بالتلفون ....

....

بس وللأمانة : تتفوق المرأة على الرجل بـ تربية الأطفال فقط

[مخملية روح]

اقتباس:  المشاركة الأصلية كتبت بواسطة التنين الصيني     متوسط كلام الرجل خمسة آلاف كلمة باليوم .... ! اما متوسط كلام المرأة 20الف كلمة باليوم .... ! يقضي الرجل معظم الكلمات بالدوام .... اما المرأة فـ تقضيها بالتلفون .... .... بس وللأمانة : تتفوق المرأة على الرجل بـ تربية الأطفال فقط

ياقدم التيلفون ..........ذذ
تعال ياالصيني ........ من قاعد يعد كلامنا ؟؟!! ......لاتقول رجل غربي او صيني ...... الرجل مايؤخذ بحكمه بـذا الموضوع ......لان الكلمة اللي تصدر من المراه عن عشر كلمات بحسبته ...... وبالتالي تكون حسبته بطريقة عاطفية !.. !.......

[التنين الصيني]

اقتباس:  المشاركة الأصلية كتبت بواسطة مخملية روح     ياقدم التيلفون ..........ذذ تعال ياالصيني ........ من قاعد يعد كلامنا ؟؟!! ......لاتقول رجل غربي او صيني ...... الرجل مايؤخذ بحكمه بـذا الموضوع ......لان الكلمة اللي تصدر من المراه عن عشر كلمات بحسبته ...... وبالتالي تكون حسبته بطريقة عاطفية !.. !.......[/center]

اصلاً المرأة تتحدث قبل ان تفكر ....

اما الرجل فـ يفعل قبل ان يتحدث ....

[زهرة نيسان]

اقتباس:  المشاركة الأصلية كتبت بواسطة اللبيب الألمعي     الإناث بطبعهن أكثر ثرثرة من الذكور حتى وهن في بطون أمهاتهن وهذا ماكشفه بحث علمي : فالجنين الأنثى يحرك فكه أكثر من الجنين الذكر بنسبة 30 % يقول لك ان النسبة الاعلى للضجيج في العالم تصدره الاناث اتوقع نحتاج لربط حنوك الحريم لنصبح بلد منتج

ياكثر شكاويكم أكثر من الحريم

إلا مآرحم الله

[مستقل]

الاناث اكثر كلاما من الرجال

هل هذه حقيقه مطلقه ام حقيقه نسبيه ؟؟

نسبيه تصدق على مجموعه كبيره من الناس لكنها لاتعم كل الناس

ومافائده كثره كلام النساء ؟؟

الفائده ان الانسان يتكلم بالتدريب وكثره السماع والطفل بحاجه الى سماع

مفردات لغويه حتى يتدرب علي الكلام ويتقنه ولذا تجد الاطفال المحرومين

من الام تكون مفرادتهم اللغويه قليله مما ينعكس على حياتهم المستقبليه

فلا يستطيع ان يعبر بشكل كامل عن ما في نفسه

وما تعليل ذلك ؟؟

لان المرأه كائن مشاعري في الغالب والمشاعري هو الشخص الذي يحكم

مشاعره في كثير من احواله ( لاحظ انني اقول كثير ولم اقل كل ) بمعني ان

المرأه تحكم عقلها في احول كثيره .. ويغلب على المشاعري البوح والكلام

بافكاره ويقال ان الرجل يفكر بصوت منخفض والمراه تفكر بصوت عالي

كأن المرأه بكلامها الكثير مدرب لغوي وطاقه كلاميه يتبين بها بديع خلق الله

حيث ان الكلام اللغوي الرمزي (لاحظ قيد الرمزي ) حتى يخرج لغه الحيونات

من خصائص النساء