ماذا لو .. كانت هي من سيستفيد..؟؟

[مدير خبرة]

اقتباس:  المشاركة الأصلية كتبت بواسطة قـتـالـه     لاأ يؤ مانقدر اصلاً نتخيلها لأن ربي خلق الانثى بقلب يتسع لواحد حباً وركزلي على حباً وان حصل صور معها اذا سكن القلب واحد لوهو عور عرج اهوج ماتقدر تجيب معه ثاني وانشدني ولاتنشد غيري :| بالله كيف الوحده تقدر تعيش مع اثنين أو ثلاث بكل شي صعبه حيل ! الرجل نفسه سمحه مو مشكله ينام بكل مره بسرير ويقرب لأكثر من ريحه ويلامس اكثر من جسد هو طبيعته وجبلته كذا الانثى ماتقدر ولاعندها طاقه استيعابيه الا لواحد كود يموت الاول علشان تجيب ثاني:|

كلام حلوو..

بس اسمحي لي قتالة هانم.. انه رومانسي حبتين..

وباين انك توك على البر ... والاحلام الوردية تداعب جفنيك صباح مساء


ولو ابرد على كلامك..

كان بقول ان ابسط شي .. هو حالات الخيانة الزوجية

لاتقولين انها مو ظاهرة او كثيرة..

لكنها تعكس مسالة ان المراة يقبل قلبها اكثر من واحد

وانا قلت انه في حالة وجود اشياء تستدعي في الزوج

مثلا .. الرومانسية .. وحركات الشموع والكلام المعسول..

وش اللي خلا شيبانا خاقين على الشام والمغرب الا هالدلال المحرومين منه

ومثلهن المراة لو حصلت لها فرصة..


وتاكدي.. ان الرجل حتى لو تزوج بثانية .. فحبه لزوجته الاولى باقي

فقط هو يبحث في اخرى عما ينقصها...

والاكيد انه لايوجد انسان كامل..

خاصة بعض النقص... مزعج ومتعب... ولابد من سده

[قـتـالـه]

اقتباس:  المشاركة الأصلية كتبت بواسطة مدير خبرة     فقط هو يبحث في اخرى عما ينقصها... والاكيد انه لايوجد انسان كامل.. خاصة بعض النقص... مزعج ومتعب... ولابد من سده

هنا لازم تحدد من الخاين علشان ارد عليك
واذا قصدك خيانة الزوجات ترا لها اسباب تتجاوز الترليون
ولاني هنا ابرر ذنبهن بس ودي ادافع عن رأيي :|
الخاينات مستجيرات من النار برمضا
تلاقيهن يامهجورات او كارهات ومُكرهات او مصدومات
من ازواجهن ويثأرن لأنفسهن ومو كل الحريم
تدل السجاده بحال الصدمه

بعدين ترا الحرمه اذا اعرس رجلها لو هي حكيمه
ماتقول يحول مل او بيغير او بعذره ماورى
على طول تقول كرهني وتبدا تصفية الحسابات والعدوانيه
ياعزيلي عنهن بس

[مدير خبرة]

اقتباس:  المشاركة الأصلية كتبت بواسطة قـتـالـه     هنا لازم تحدد من الخاين علشان ارد عليك واذا قصدك خيانة الزوجات ترا لها اسباب تتجاوز الترليون ولاني هنا ابرر ذنبهن بس ودي ادافع عن رأيي :| الخاينات مستجيرات من النار برمضا تلاقيهن يامهجورات او كارهات ومُكرهات او مصدومات من ازواجهن ويثأرن لأنفسهن ومو كل الحريم تدل السجاده بحال الصدمه بعدين ترا الحرمه اذا اعرس رجلها لو هي حكيمه ماتقول يحول مل او بيغير او بعذره ماورى على طول تقول كرهني وتبدا تصفية الحسابات والعدوانيه ياعزيلي عنهن بس

مايدفع الزوجة للخيانة وارتكاب منكر عظيم.. واثم كبير

يدفعها ولاشك في ابسط الاحوال للتعدد

فهذا زوج غير قادر على الصرف المادي

أو عاجز عن القيام بواجباته الزوجية

أو مشغول بتحارته وعالمه الخاص ..

أو مايعرف يسوق ويوصلها للسوق ثلاث مرات شراء .. وثلاث ترجيع ..

المهم ان الاسباب التي جعلت بعضهن ترتكب الاثم الاكبر

لو اتيحت لها الفرصة بالحلال... فهي ستنتهزها

بل ان بعض النساء اكثر قربا من الله وحرصا على تاديه تعاليمه والتقرب منه باكثر الاعمال

ولو كان تعددهن قربة الى الله.. فقد يكون مسوغا لفعله..

[شمووخ اثنى]

مللنا من مواضيع دائما تقلل من قيمة المراة


.

[مدير خبرة]

اقتباس:  المشاركة الأصلية كتبت بواسطة شمووخ اثنى     مللنا من مواضيع دائما تقلل من قيمة المراة .

وسعي صدرك اختي شموخ..

المراة نصف المجتمع

واي حديث عن موضوع يخصها هو حديث عن المجتمع

وهل فقط هي المواضيع التي تقلل من المراة التي تكتب..؟

حتى عن الرجل.. والابناء.. والشغالات..

لان الجميع اجزاء من المجتمع..

وهذا الموضوع... لا ارى فيه اساءة للمراة..

وان قال احد ما رايه ... فلك الحرية ان تقولي رايا يناقضه.. او يخالفه

بل وان تردي التهمة له..

نحن نتناقش ونتحاور.. ولا نعطي احكام وقرارات...

[شمووخ اثنى]

اقتباس:  المشاركة الأصلية كتبت بواسطة مدير خبرة     وسعي صدرك اختي شموخ.. المراة نصف المجتمع واي حديث عن موضوع يخصها هو حديث عن المجتمع وهل فقط هي المواضيع التي تقلل من المراة التي تكتب..؟ حتى عن الرجل.. والابناء.. والشغالات.. لان الجميع اجزاء من المجتمع.. وهذا الموضوع... لا ارى فيه اساءة للمراة.. وان قال احد ما رايه ... فلك الحرية ان تقولي رايا يناقضه.. او يخالفه بل وان تردي التهمة له.. نحن نتناقش ونتحاور.. ولا نعطي احكام وقرارات...

بس مثل ها المواضيع تقسي بها القلوب وتزيد النتافر

[مدير خبرة]

اقتباس:  المشاركة الأصلية كتبت بواسطة شمووخ اثنى     بس مثل ها المواضيع تقسي بها القلوب وتزيد النتافر

مو صحيح..

ويمكن انتي حساسة حبتين..

وتاخذين السالفة بجدية ..

والا كثير ماينقال مايتعدى عيارة وسواليف

والا الاصل وش حنا بدون بناتنا.... الله يخليهن لنا ولايحرمنا بركتهن يارب

[الصيااد]

اقتباس: فإن التعدد هو (منحة) و (ميزة) للرجل دون المرأة..

نظرة قاصرة ....

بل المرأة عامة هي لتي تستفيد من هذه الميزة اكثر من الرجل ....

[مدير خبرة]

اقتباس:  المشاركة الأصلية كتبت بواسطة الصيااد     نظرة قاصرة .... بل المرأة عامة هي لتي تستفيد من هذه الميزة اكثر من الرجل ....

هلابك اخوي الصياد

اختلف .. واتفق معك

هو مفيد للمراة بعامة... في جملة النساء...

لكن للمراة بخاصة عن نفسها.. فهو غير مفيد

[شمووخ اثنى]

اقتباس: وش اللي خلا شيبانا خاقين على الشام والمغرب الا هالدلال المحرومين منه ومثلهن المراة لو حصلت لها فرصة..

الود ودي ينفتح لكم الباب مصرعية لكم ولنا ومحد احسن من احد دام المسالة كذا

[مدير خبرة]

اقتباس:  المشاركة الأصلية كتبت بواسطة شمووخ اثنى     الود ودي ينفتح لكم الباب مصرعية لكم ولنا ومحد احسن من احد دام المسالة كذا

هذا اللي كنا نقوله من امس اختي شموخ..

والمسالة ليست انتقاص او تعيير

ولكن طبيعة المجتمع .. والتربية .. واشياء اخرى

جعلت مايوجد في مكان اخر لايوجد هنا..

سواء من حيث الشكل او التعامل او غيرها..


هذا اول تصريح انثوي رسمي.. بانها ستنتهز الفرصة لو كانت شرعت لها..

[شمووخ اثنى]

اقتباس: هذا اول تصريح انثوي رسمي.. بانها ستنتهز الفرصة لو كانت شرعت لها..

اقصد الزواج من الخارج اذا الرجل مسموح بعد المراة يسمح لها افضل لها من التعدد او العنوسة

[مدير خبرة]

اقتباس:  المشاركة الأصلية كتبت بواسطة شمووخ اثنى     اقصد الزواج من الخارج اذا الرجل مسموح بعد المراة يسمح لها افضل لها من التعدد او العنوسة

واضح مقصدك اختي شموخ

ومسالة السماح للزواج من الخارج هذا فيه حل لمشكة العنوسة

لكن حديثي وموضوعي لم يتكلم عنها

تحدثت عن تقصير الزوج في بعض مهامه..

هل يجعل الزوجة تتزوج باخر.... لو كان هذا متاحا لها

[شمووخ اثنى]

اقتباس: وجاوبي على الافتراض اللي قلته... فيما لو...... هل تجدين ان المراة قادرة على ان تعدد..؟

وش لك بالخيالات دامها مستحيلة الحمد لله ربي نظم الكون والحياة مافي مجال للتخيل

اقتباس: والا كثير ماينقال مايتعدى عيارة وسواليف

طيب الله يعطيك العافية سولفوا وانبسطوا


,

[مدير خبرة]

اقتباس:  المشاركة الأصلية كتبت بواسطة شمووخ اثنى     وش لك بالخيالات دامها مستحيلة الحمد لله ربي نظم الكون والحياة مافي مجال للتخيل طيب الله يعطيك العافية سولفوا وانبسطوا ,

هذانا قاعدين نسولف..

وحنا وش ورانا الا السواليف

لا نعرف نخترع .. ولا نطلع القمر ..