نساء تصرخ من مكافأت حافز ..

[وردة الياسمين]

يااااااا ناس ياعااااالم الفلوس موكل شي بالحياة اهم شي الصحه والعافيه

بعض الناس تنطبق عليهم ...الفلوس تغير النفوس خاااصه الرجال

[الفتى السمنسي]

اقتباس:  المشاركة الأصلية كتبت بواسطة وردة الياسمين     يااااااا ناس ياعااااالم الفلوس موكل شي بالحياة اهم شي الصحه والعافيه بعض الناس تنطبق عليهم ...الفلوس تغير النفوس خاااصه الرجال

صدقتي ...قلوبهم تعلقت بالدنيا ....وسيأتي يوم يعضون اصابع الندم .
هجروا القرآن الكريم وذكر الله وتعنقطت إيدينهم بالآي باد والآي فون وغيرها ويقضون يومهم كله مع تلك الأجهزة ...
قال الله تعالى بلسان نبينا محمد ( وقال الرسول يارب إن قومي اتخذوا هذا القرآن مهجورا) .

[أم سلطان]

مدري العله بالحريم والا برجال
الشغله اللفين لمدة سنه .وبعدين من سيقوم بالنفقه عليها .
بالعقل هل تستاهل ان اخسر زوجي من اجل اللفين .

[شاها]

آآنتم ليه لصقتوها بحافز !! يبعث لك حمى ياحافز دآنت فرقت القلوب
والله اللي ياخذها من آصله ماد يده وهاين نفسه وياخذ من مرته سو حافز وآلآ غيره
يارب لآتبلانا << شكلي جزمت على درآسه القانون لصاروا يفترسون هالمسكينات
آآخ لو لي سلطه قصم لاعلق واحد بسوق الخضرة وآخليه عبره لاشكاله .

[جلوي العتيبي]

الرجل المادي متعب في جميع أمور الحياة الزوجية

أجل يفكر بحافز الله يعين الزوجات المبليات بهذه النوعيه رديئة المعدن

[بي اتش]

حسسسبي الله ونعم الوكيل اذا كان صدق مثل هالاشكال
من يوم مانزل حافز والكل طمعان بالطفسه
لدرجه ان بعض محلات الملابس رفعو اسعارهم حبتين عارفين ان مامشى سوقهم غير الحريم
بعدين قمت اشك بموضوع الحريم اللي يشتكون ان ازواجهم يبون منهم حافز !!
يعني كثرت مواضيع بالمنتديات والجرايد
واكثر مايثير دهشتي ان حافز توه ماله اسبوعين نازل
امداه صارت كل هالهوشات والصراعات والقضايا !!
صدقوني انها حركه من بطآنه حافز نفسه
عشان يلغون عليكم الاعانه بحجة
انها تسببت بخراب بيوت اصحو ياعالم
هم متحسفين على الالفين الي صرفوها لكم
وقامو ينزلون مواضيع باسم الشعب

يعني ماتوقع فيه سعودي بتزل نفسه على 2000 ويخرب بيته عشانها !

[شبكة الجيران]

اقتباس:  المشاركة الأصلية كتبت بواسطة المنطق     الحياة شراكة الى النهاية ..

رائعة اشكرك

[رنيم الامل]

صدق بعض الرجال فاقد لمعنى الرجوله الحق

[عناية بالبشرة]

مثل مانه فيه رجال يزلطون جيوب زوجاتهم فلوس لجل عندها معاش بعد فيه من الحريم من
همها تفليس زوجها لوناستها دون تقدير ولا حساب ولا اعتدال في المصاريف ..
غالبية السيدات مقصرات جدا بحق الازواج ومن حقهم عليهن يتدللون عليهم بلا
مشاكل وبلا تفضيح .؟

وتقصير الحرمه مو مثل تقصير الرجل..نموذج قريب لي شبه عاطل عن العمل (يعمل صبي بمحل ) وزوجته موظفه
معاشها ثنعشر ألف وخمسميه ومع ذلك مايطول زوجها ريال واحد واللي يداوم بها لدوامها يوميا بل انها تاخذ منه نفقه
الف ريال شهري ولابنهما الوحيد منه الف ريال ..
ووحده معاشها عشر الاف وعندها من والدها مصرف الف ريال ومع ذلك جالسه تحاول بحافز يطوله
معاش منهم ..!

[عزف الحقيقة]

أهلا عبدالملك

..

الرجال فيهم وفيهم فلا تستغرب شي

بعضهم يجرجر عياله وبناته لمدارس

التحفيظ من اجل 200 ريال ! وليس غريبا

أن يطمع باعانة حافز

لكن أيضا هناك من لاينظر الى مابيد زوجته

مهما كان ..

قبل ايام اتصلت على اختي متزوجة وتحمل

شهادة جامعية تخصص ممتاز قلت له اني سمعت

ان الناس جتهم مكافأة حافز ماجاك شيء ؟

قالت لا ماقدمت عليهم لأن زوجي يقول انك ماتستحقينه

لأنك لاتبحثين عن عمل وهي لاتجوز لك

رغم أن حالته المادية مش ولا بد .

عموما هذا الحافز فرصة لتكتشف المرأة

زوجها !

تحيتي لك

[آرتــيــآحّ ..♥]

أأسف لوجود هؤلاء الرجال ، كما أأسف لوجود نماذج من النساء مثلهم ، .

لاشك بإنه جشع وطمع لكن لابأس بإن اتقاسمها معه من باب الود و الشراكة في كل شي ، فحتماً لن ينقصني شي لأنه سابقاً و مستقبلاً المنفق علي ، وقد تكون تلك الأعانة سبباً للود و المحبة و تآلف القلوب بين الزوجين ، .

كان الله في عون الجميع ، .

~

[t u l i p | n]

اقتباس: مثل مانه فيه رجال يزلطون جيوب زوجاتهم فلوس لجل عندها معاش بعد فيه من الحريم من همها تفليس زوجها لوناستها دون تقدير ولا حساب ولا اعتدال في المصاريف .. غالبية السيدات مقصرات جدا بحق الازواج ومن حقهم عليهن يتدللون عليهم بلا مشاكل وبلا تفضيح .؟ وتقصير الحرمه مو مثل تقصير الرجل..نموذج قريب لي شبه عاطل عن العمل (يعمل صبي بمحل ) وزوجته موظفه معاشها ثنعشر ألف وخمسميه ومع ذلك مايطول زوجها ريال واحد واللي يداوم بها لدوامها يوميا بل انها تاخذ منه نفقه الف ريال شهري ولابنهما الوحيد منه الف ريال .. ووحده معاشها عشر الاف وعندها من والدها مصرف الف ريال ومع ذلك جالسه تحاول بحافز يطوله معاش منهم ..!

تحدوها

حتى لو كانت المرأه غنيه فـ نفقتها على زوجها مهما كان عوزوه
و كذلك نفقة الأولاد
هذا شرعاً ...

طبعاً اجد انه مروءة الرجل الحق ما تقبل المساعده من زوجته
فـ داعي الشفقه بها الامور مرفوض كون الشخص قريب لنا لا يعني
انه يحق لنا انتقاد زوجته لمجرد انه تاخذ حقه الشرعي اللي ما يختلف عليه اثنين ...


كلمه على جنب ...
انتقاد النساء لا يعني كمال الشخص المنتقد ...
صار سبنا مثل شرب المويه

[شمووخ اثنى]

وعيباه

كم احتقر الرجل للي يستغل مال زوجتة
وكم من معلمة تعاني من استغلال زوجها لراتبها
وسمعت بحال تلك المعلمة التى فصل زوجها من عملة وجلس في البيت
واصبحت هي من تصرف على البيت وقصص اخرى تدمي القلب
اين الرجولة
والنخوة والشهامة
عاد هي 2000 ما تسوى
يدوب تكفي مصروف لها
مسكينة تلك التى ينتظر زوجها 2000 حافز ويقتسمها معها
خرجت من مشكلة طمع المسوؤلين وتدخل في مشكلة طمع زوجها

[غـصـون]

عســآهـ لطـآعون كل من اخذ قرش من اخيـته من دون حق
قلب فرحتهن بالهقريشات لحــزن/ يـآحسـرهـ

[فديكا التميمي]

انا اعرف وحده قاله رجله ابد والله مااخذ شي منتس هذا حقتس
بس شوفي ترى عليتس فاتورة جوالتس وتليفون البيت انا مااستخدمه كل رزته علشانتس
والعيال انتي مسؤله عنهم لحد ماتخلص الإعانه بعده انا أتكفل بهم <<لا ياشيخ