بنات في العشرين : أريد "شايب يدللني ولا شاب يعللني"

[رغــــيد]

اقتباس: البنات حصلن احد يتزوجهن علشان يتشرطن << انتظر النار

لآ للأسف ما حصلن !
الشباب منتف شفهم بدوا ينتحرون من العطالة والبطالة , نفسه مو قادر يشبعها ويكفها , كيف يجمع معه نفس أخرى !
والمسؤولية كمان يسمع بها , ولاهو قادر يكون قدها !

_

[رفيــع الشــان]

اقتباس:  المشاركة الأصلية كتبت بواسطة رغــــيد     لآ للأسف ما حصلن ! الشباب منتف شفهم بدوا ينتحرون من العطالة والبطالة , نفسه مو قادر يشبعها ويكفها , كيف يجمع معه نفس أخرى ! والمسؤولية كمان يسمع بها , ولاهو قادر يكون قدها ! _

+1
مشكلة البطالة دمرت المجتمع ، وهي سبب رئيسي العنوسة
عدم تحميل المسؤلية مشكلة في الطرفين
يا كثر العقبات امام الزواج !

[شاها]

^^
آآحسن نصيحه مني تزوج بالجنه ياحلاوتهن لآركب موف
ولايسدن النفس وه ..!

والله هالفكرة موجوده عندي سابقا
لكن مؤخرا تقل تراجعت لاسباب
لكن لجاني اللي بالمزاج يصيرنجرب بالاول
خمسيني يدللني وخاتم بالصوابيع
ولانجرب شاب يعلني باول عمري هع

[تااج الورد]

الشيبان لامنهم دخلو هاالموضوع تبي ترتفع معنوياتهم

[حبر جاف]

احسن عمر للرجل من 35 الى 45
عاقل وثقيل وش لنا باأبنا العشرينات ماوراهم الا التزعل والتدلع

[المنغره]

برائي مفهوم خاطئ
ولو انه كثر تناول الفتيات لهذاالموضوع في الأونه الاخيره

[التنين الصيني]

مصدق انت .... !

هذولي ما تعرف لهن جادة ....

من شفتهن يقحشن صور اليابانيين والكوريين وانا غاسلن يدي منهن .... خخخ

هالحين الكوري والياباني يزلق بخده البعرصي من نعومته .... ! يبي يناظر حقاتنا خخخخ

جح يدربي قرع ....

....

بعدين شكلك توك متصفح ايميلك ....

[بحـر]

و الله مهيب شينه
كثرت الأقاويل بأن الشايب يدلل يا ترى صدق و لا إشاعة من الشيبان

[مدير خبرة]

على هالكلام..

أتولم.. ؟

وأرتب الأمور..؟


بس بصرااااحة..

الشايب من وين له بيتحمل مزاج هالبنوتة..؟؟

طبخ وماتعرف..

حتى الشاهي.. غلاية وورقتين لبتون ... وبالهنا والعافية..

ويقال له ذابحة بعير...

وثلاثة ارباع وقتها نووووم...


زميلي تزوج بنت كزوجة ثانية...

ومع انها بنوتة وهو بالاربعين...

الا انها ماكملت معه ثلاثة اشهر

يقول بس نوم.. ومقابل هالنت...

وأكلنا طلبات ومطاعم...!!!

[رفيــع الشــان]

البنات حصلن احد يتزوجهن علشان يتشرطن << انتظر النار
اللى راح تتزوج كبير بالعمر يكون هو الكاسب
عمره كزوج انتهي وهي في بداية عمرها
ما فكرت في المستقبل
لكن اللى حددن العمر الأفضل للزوج , البنت وش العمر الافضل لها ؟؟

[الزنقب]

الهرج ما يؤكل عيش

[ناقه فسفوريه]

الا صدق مليون بالميه بس مب اي شايب طبعا الشايب اللي تنطبق عليه المواصفات التاليه:

1/ يكون ماله مره " بسابع المستحيلات

2/ مطخطخ ماليا "مب حافي منتف

3/ جنتل مان يعني رزه وكشخه وشياكه ومملوح زي الشيبان اللي بالافلام "مب منتهي ومريض وحالته حاله

4 / يكون تفكيره راقي ومتفتح مب تفكير شيبان

خخخخخخخخخ بالجنه ان شاءالله "الشباب ماصارو كذا يصيرون الشيبان

[مجرد إنسانه]

اشوف كثير بنات تتزوج من شياب
اما تكون وفاء لدين على كاهل والدها
او تكون كبرت بالسن وتتدارك مابقي لتسمع كلمة ماما
اما الشباب القريب بالعمر فمن ناحيه يعل ويغث ويجيب الهم فهو فعلا مايقصر
والبنات مايهونن نوم ونت واكل مطاعم وتمشي بالاسواق

المجتمع كله من جرفه لدحديره

الله المستعان

اللهم ارزق شباب وفتايات المسلمين من صالح فضلك

[روح لايسعهآ جسـد]

خليك عند ابوك شايب ويدللك وش له القلق
موب لازم تزوجين لان الشايب ماراح تلاقين عنده غير قهوه وقرصان
وعلاجات وابر
وابوك اولا بالاشياء هذي

[ام مشقاص]

الزوج بالعقل وليس بالعمر
بعضهم يجيك عمره 35 وعقليته ابو 18 مراهق
او العكس
الله يسخرهم ويسخرنا لهم