الله يعين بنتي اللي عمرها 4 سنوات بروح فيها لطبيب الاسنان العصر.. الله يعين هات صياح وصراخ ووجع راس ياشين البزر على كرسي طبيب الاسنان !!
المهم مو هذا موضوعي اللي داش اسولف عنه .. موضوعي هو : ليه الأزواج من شان ينشطون المعاشرة الزوجية كثير منهم يبحث عن شاليه فخم ولا فندق كشخه ولا ممكن جناح مخمل بفندق شرتون بريدة !! ويكلف نفسه 500 ريال يضاف اليها مصاريف الخدمة !!
هل السبب :
- انعدام العشق فكما هو معلوم ان العاشق يموت بعشيقته حتى لو كانت وسط حوض بصل ولا حلب ورشاد !! والعكس بالعكس !1
- تذبذب ( الفحولة ) الرجولية وعليه فالزوج يحتاج إلى مئة دق ودق ودق سلف وعسى الموتر يقوم !!
- الضغوط النفسية من ديون السيارات واجارات البيوت والواسطات وفواتير الاتصالات وقلة الهمة والنشاط نتيجة التنبلة اليومية !!
- الضغوط النفسية الاخرى عكس ماسبق.. مثل انشغال الفكر بتوظيف واستثمار المال والطرررد وراء الدنيا حتى اصبح الواحد منهم مثل حفار القبور مايعدل ظهره !!
- وجود القنوات التلفزيونية وظهور المذيعات والممثلات الجميلات طولا وعرضا وجمالا وترتيبا وكذلك العكس فايضا الزوجة لها نظرة ومشاعر وخاصة اذا كان اللي بجنبها مكرررش مع كل الجهات الاربع و24 ساعه اصبعه بخشمه !!
- انعدام نظررة قلم صريح المتوازنة للعملية اعلاه والمساله كلها تغيير جو تحتاجه عملية العاشرة الزوجية من وقت لاخر !!
لكن لو سلمنا بفشل نظرية قلم صريح فماذا عن الاجداد والجدادات !!
(الحيالة) تشتكي من سوالفهم !! وساقي الاثل توذى وقال فكووونا !! حتى (صفة التبن) لو تتكلم قالت .. ياعين ياعين !! حتى (الطاية) اللي كلها بعارص وجعوله ياما رقصت رقصة السامبا على تلك الليال المسفرات .
اكيد عزيزي القارئ ضيعت وقت بقراءتك (مطاريس واحد فاضي) وعلى شان كذا جاء دور التعويض للوقت الضائع وهو .. اذكر الله وسبحه عدد الاسطر اللي سردها قلم صريح وترا عددهم 27 سطر وان حصل عدد كل كلمة ابرك لك ومايضيع شي عند رب العالمين .
العرض الشجري