بسوق العثيم إمرأة تسدد كفاً جميلاً بوجه رجل ......؟ هذي لبطوله ولا بلاش......؟؟

[المجمعة ديرتي]

كف جميل

على وجه يستاهل


من يد لانعدمها في تربية الرجال...

[وليد الطريقي]

بعيداً عن اخطاء تلك المراه لكنها احسنت عندما علمت ذلك السافل اننا بخير ومازال نساءنا قادرات على ان تذود عن نفسها بارك الله بها وبكي وحمى الله نساءنا من كل مكروه

[وردة]

السلام عليكم
الغريبه ان الحرمه الكبيره ما لبست سروال
المعروف في عجزنا لبس صراويل تحت الثياب
خاصه في الشتاء..
ومع هذا يستاهل
انا مره شفت وحده مصريه شدة شماغ واحد يلحقها بالسوق ورمته بالارض ومشت وخلته
وهو استحى وطلع من السوق..

[المنتصر بالله]

اول شي يتساهل ماجاه

ثاني شي الحرمة ماهي عجوز!!!

بالاربعين يعني مالها حق (تكشف ) عن ساقيها؟؟؟؟

يعني هي السبب وهو يستاهل!!

[حبوبة]

الإخوة والأخوات ::::
الرحيق المختوم
mam999
السكب روح الشفق
band2003_1
بنت الشرقية
اكار شوكولانا
فيمتو
الزعيم
أشكركم جميعاً على توحد ردكم تقريباً وأنا أقول معكم بصوت عااااااااااالي
يستااااااااااااااااااااااااااااااااااااااااااااااا اااااااااااااااااااهل

الأخ الكريم غريب الجواء كلامك صح ويستاهل والصابون رخيص بس لا تنسى (الموية - والمكوى - وطاولة الكوي - وراتب الشغالة إذا فيه شغالة - والوقت و..و...)
يحق لك رجال كل شيئ جاهز وتلبس وتأكل وما تدري وش يصير للزوجة المسكينة من تعب (وهذا واجبها )
غريب الجواء أمزح معاك كلامك جداً ممتاز وما ندري يمكن تكون حالهم ضعيفة ...هل عندك إستعداد تشتريلهم الصابون اللي في ريال وربع ؟
شعلتنا ومشرفنا خالد (زي ما هو مكتوب ) ::
كلامك جيد وفعلاً المفروض يصير فيه محاظرات عن هذا الموضوع ....وعلى فكرة إنت تقول سكوووت البنت جبن ...؟
أنا أخالفك في هذا :::
ما أدري جبن من وين ....ليش ما نلطفه ونقول حياء ....ترانا مو زي المصريااات ولا غيرهم ....حنا ما تعودنا ونستحي حتى مجرد الوحدة ترد على التليفون على رجل .....أنا عارفة إنك بتقول هذا أيام زمان ...بس صدقني والله ما زال فيه وفيه .....؟
بهالمناسبة ليش واحد ما يتبنى عنوان محاظرة ويوصله للناس اللي يسوون محاظرات مثل (سليمان العودة ) ويكون عنوان المحاظرة (كيف تتصرفين عندما تضايقين ).....والله شكلي بسوي أنا المحاظرة أهم شيئ العنوان وجبته (وحدة صدقت عمرها)
المهم ياليت واتمنى يكون زي المحاظرات هذي لانها تفك أزوماااات وتفتح عقووول البنات والعيال يعرفون إنه ممكن تكون البنت هذي متخرجة من الدورة ولا سامعة المحاظرة وبعدين تسدد له كف .
تشكر يامشرفنا
أهلين بالذاهبة ....حبيبتي من زمان عنك ....وين الناس ؟
عمري ما تحجرين واسع ....تراها من ضمن القواعد وبعدين ممكن أنا أكون بالغت في تصوير الحدث ...... بس بجد والله ما بالغت لاني متأكدة وقدام عيوني رفعها للقميص ملفت للنظر .
الذاهبة أنا مقتنعة 100% بس بسألك سؤال وما أبغاك تجاوبينه بالنت ......حبيبتي الحرمة هذي بعمر أمي وامك لو كانت أمك ولا أمي نازلة من السيارة ورفعت قميصها عشان المطر ...بصدق بنقولها نزلي ياماما قميصك ؟
أنا عن نفسي لا وألف لا ؟
ليه لانها كبيرة وهي اللي تعلمني عكس هذا لو كانت أختي والله بمسح فيها البلاط (أمزح تراها تقواني )(وحدة خافت) .
أقولك عمر أمي تجاوز الأربعين مو معقول بقولها نزلي قميصك .....أصلا بعد الأربعين ما أحد يناظرها...... ليش ؟؟
لان البديل كثييييير وسهل
عزيزتي الذاهبة على الرغم إني مقتنعة من كلامك 100% إلا إني لما أتخيل الموقف يكون عندي رأي ثاني .
حبيبتي بالنسبة للسواق تحت يدك واعتبريه عندك ولك بس والله دبشة مع يعرف شيئ نروح واقوله إنتبه للطريق عشان تعرف ترجع والله العظيم ما أذكر مرة فهم ورجع صح إلا إذا راح على رجوله للبقالة .
الناقد البصير ::
مساك الله بالخيييير
أشكرك على مدحتك
وكلامك ممتاز ويضحك ......أقصد يوم تقول ما إكتفت بتربية أولادها راحت تربي وتأدب الشباب .
العلقم المخلوط بــ(......)
والله قاعدة أضحك من الفرحة مبسووووووطة (طبعاً ما فيه أحد ما يحب المدح)
العلقم المخلوط بـ(....)
صدقني مو حب للشر وعلى فكرة لو أنا صارلي مثل الموقف هذا والله ما أقدر أتصرف كذا .....يعني بإختصار خوااااااافة أو زي ما قال مشرفنا خالد جباااانة ......تصدق الآآآآآآن وبعد 4 أيام إذا تذكرت الموقف ..... ما أدري وش أقولك بس مو مستوعبة ........عشان كذا أنا أول وحدة بتدخل الدورة أو المحاظرة اللي تعنونت بـ(كيف تتصرفين عندما تضايقين)
.....يالله سجلوا إسمي من الآن عشان أروح أطبق بالنخيل (ههههههه)(أول مرة أشوف وحدة تقول كلام وتضحك منه)

الأخ
سلطانكو المغترب:::
نعم يستاهل بس هي لا ما تستاهل .....هي بحاول من الحكومة نعطيها وسااااام إسمة وسام الشجاعة والبطولة .

بالأخير أشكركم على تفاعلكم مع الحدث
واللي يعرف الحرمة اللي صارلها الموضوع ...تكفوووووون يقولي عشان أخلي أمي تتعرف عليها والله العظيم إني متحسفة كثييير إني ما تعرفت عليها (لان أمي تقولي المفروض أخذتي رقمها وعزمتيها ).....والله إنها تستاهل

[حبوبة]

الأخ المجمعة ديرتي :: تشكر على ردك وربي يخليلها يدها (بس اللي سددت الكف ....وحدة بخيلة )

عيون القصيم الحمد لله والله الحرمة هذي تعطينا شوي أمل بالمستقبل ...مشكور

الأخت وردة هذي عجوز متطورة (بعدين تراها مو كبيره واجد )
المصرياااات قوياااااات مو زينا (حنا أقوى بس بعد سماعنا للمحاظرة اللي أنا عنونتها (حقوق الطبع محفوظو)

النتصر بالله .....صدقني تعليقك من أجمل التعليقات ...... إنت نبيه واضح إنك محقق
كلام النتصر رائع وفعلاً تذكرت إنها مو عجوز يعني ما زالت تنجب ولسا في عمر آخر الشباب.....المنتصر بالله أنا عينتك محقق هذا النتدى ...... بس مو عسكري مدني ....ما أدري يجي محقق مدني ولا لا ؟ بس عشاني يجي .......
أشكر الجميع

[الناقد البصير]

انا اقترح تجيبون العجيز هنا للمنتدى وتخذون منه الحقيقة

لا تزعلين حبوبه اقصد انا مصدقك بس اقصد تداعيات الموقف

ونتي ياحبوبه نبي منك تحققين معه بس تحملي مابيجيك


بعدين يا اخواني لا تبرون الشاب وتتهمون البنيه ( عشان ماتزعل)

ترى فيه شباب لو يشوفون نعجه لابسه عباه تحرشوبه

[h0911]

والله ونعم في هذه الحرمه

[نايف الصغير]

سوتها اختي ماعلمتني وش اوصافه اكمل عليه

اكيدله واسطه عند البوابه ولا وشلون دخل الى السوق

[الحب السعودي]

هواة المعاكسه يعتقدون ان اهمال المراءه لحشمتها دعوه صريحه منها للتحرش بها 00
هذه المراءه ارادت وبحسن نيه ان تجنب ملابسها( الدنس ) وكادت ان ( تدنس ) ماهو أعز واغلى 000
الا ( العثيم ) ماعنده نيه يفتح فرع (بسكاكا ) ؟؟؟
تحياتي للجميع

[النسيان]

اختي حبوبه وماله اشتري صابون بريالين بعد
لكن على فكره ترى عيال البلد فيهم البركة ينفعون سواقين حتى لو ب 600 ريال لكن مزمارالحي لا يطرب ياخيتي انتم ميتنين على الهنود والاندوسيين خلاص فيه شباب ممكن عندهم استعداد يلبسون بنطلون وقميص ويدهنون شعورهم وتصير تلمع مثل الهندي ايضا ماعندهم مانع من متناول قليلا من الثوم حتى تصير الرائحة زكية والجو منععععش هاااااه ينفع اختي حبوبه ؟؟

مامضى كان فاصلا من المزح الذي تداعبه الجدية قليلا
لكم تحياتي

[ابوهيلة]

واقول انا وش هالصوت ..على بالي ,,, انه رعد
واثره ..طررررررررراق من قلب ..لا والعصيم بلاط >>انواع الصدى
****
يعطيك العافيه
حبوبه
واتمنى ان اليد كان فيها حنا بعد ..علشان تطبع ايده بخده

[شقرديه]

من قااااااااااااااال ان الاربعينيات عجززززززز

<<<<<<<<حمقت خافت على بنيات جيليها

هذا اولا ثانياااااااااا

صح كلامكم ونعم فيها

بس لو لو بحط نفسي مكانها

وفيه شاب يعاكس <<<وشو عليه يالغزال الشارد!!!

ايه نكمل

اصلا بصراحة مجرد اقترا ب رجل غريب مني لو هو صاحب المحل يكوش الجلد

كيف عاد تعطيه طراق!!

انا اوضح لكم وجهة نظر مع اني اسطر اعجابي باللي يعطن طراقات

بس بصراحة لو وش ما صار مستحيل امد يدي على رجل

وبصراحة وبعيد عن المشي مع القوم عز

صعب جدا حرمة تصك رجال كف اذا ياس من انه يلقى استجابه بيروح من نفسه

وبعدين الكف على وجه الرجل حتى وهو كف من يد ناعمة عز الطلب


<<<<صريحة

اتمنى تكون المعلومة وصلت!!

تحتح

[الناقد البصير]

الله يرحم حريم الجيل الاول

بصراحه تعجبني المراة القويه الجاده

[حبوبة]

الناقد البصير تحية مسائية لك بس صدقني زي ما يقولون (عليك حق).....واللي يحكمون بيني وبينك اللي يقرون تعليقك وبهالمناسبة بنسوي تصويت وأنا راضية بحكم الآخرين .
الناقد البصير ماشاء الله عليك بتجيب العجيز !!!!! ولا بتكذب اللي روى القصة ...؟
أقول إصدق وما تنحرج ؟
عموماً هي واضحة ....... وإنت ذكي ما صرحت ولا لمحت بل شككت والتشكيك أشد من التلميح والتصريح .
الناقد البصير أنا راضية بالحكم وبنعد الأصوات وبنشوف إذا قال أكثرهم إنك غلطت علي ترى أبغى حقي ؟ وإذا قالوا أكثرهم لا ما غلط فأنا بأخذ درس بالمستقبل إني (موسوسة) .
الأخوة والأخوات المصوتين ترى حقي اللي بأخذه بيكون موزع بيني أنا واللي شاركوا بالتصويت لصالحي (إنتخابات بلدية)
لا بعد وتختمها بتعيينك لي بإستلام التحقيق معها ؟ لا والله تحقق أنت معها بوجود محرم......المسكينة صارت غلطانة ليش ما تقول نجيب الرجال نحقق معه .
لا تنسى ما أسامحك إلا بتصويت وإذا ما فيه تصويت ترى الحكم بالظاهر لنا ...؟

الأخ (h0911)::
النعم شوي فيها تستاهل أكثر .

الأخ نايف الصغير....يوه صارت أختك ....ياليتها تدري وش قاعد يقول نايف .....وتستحق أكثر وكل واحد فينا يتمنى القرب منها .

الأخ(الحب السعودي)::
تصدق إنك صادق والله أي حركة مهما كانت نزيهة إلا إنك ما تستغرب إنها تفسر تفسير سيئ .
تقول العثيم ما عنده نية يفتح في سكاكا ممكن تقترح بالمنتدى ويوصلهم الإقتراح ...ليش لا ؟

الأخ (غريب الجواء)::
ماشاء الله عليك كرييييييم (بس لا تخليني أورطك فيها ) وبعدين تندم ترى الصابون ممكن يزيد سعرة وبعدين تتورط وتراني أعرفها نظيفة بالمرة تغسل باليوم 5 مرات .......ها بتتراجع ولا ؟
غريب الجواء...تقول( مزمار الحي لا يطرب ) بجد ماني فاهمة وش تقصد ...بس واضح إنه مثل يقال (وما فهمته) ليتك تشرح ....وما علي منك فسرها اللي تفسرها غبية جاهلة اللي يحلو لك .

غريب الجواء.... متأكد إن السعوديين يصلحون سواقين للعوايل...؟
أقول عساك سالم وإنت ما خليته سواق للبيت .
صدقني حتى لو دهن رأسة ولبس بنطلون و..و.....لا يمكن يغير طبعه .
(معلومة الإندونيسيين ما يأكلون الثوووووم )
ولنفرض إنه ممتاز ومواصفاته فل تتوقع بيستمر بنفس الراتب 600 ريال ؟
ما أدري أنا ما أتوقع ولا بــ1000 ريال

ابوهيلة كنيتك حلوووووة :::
الكف سمعوه اللي بسوق النخيل (متأكدة) لان أمي كانت هناك وقالت لي .

شقردية تعليقك يجنن بس صدقيني أنا وأنت ما نقدر نسدد الكف لكن الغير يقدر وشجاعة .....معليش شقردية والله العظيم أشوف وتشوفين بالأسواق وبالسيارة كيف يصرون ويحاولون المهابيل بالمعاكسة .....ما أدري حقهم نتركهم وبس ؟
حتى لو كان رجال بنضرب حتى لو من المرأة لانه ما إحترم نفسة ......شكلك ما تأيدين المحاظرة اللي عنونها بــ(كيف تتصرفين عندما تضايقين) . تقولين بمجرد إنه يقربلي يكوش جلدي ....صح تدرين ليه لانه ممكن ما ينوي أي نية سيئة .....لكن اللي يعاكس أنا عارفة هدفه عشان كذا لازم أتشجع واسويلة كف .(والله لو أنا ما أسوي اللي أنا قاعدة أقوله ) لكن أتمنى أسوي لو رد بالكلام (أفشله بالكلام)