عودة بلا مأوى للمشرفات

[ام لميس]

اقتباس:  المشاركة الأصلية كتبت بواسطة مشكلجية     الله لا يردهن عقبال ما يجلسونهم بعبيهن عند الحارس خلي رفعة الخشم تنفعهم

رفعة الخشم ماهي من طبايع المشرفات المخلصات واذا فيه وحده او ثنتين والرسول الكريم قال لايؤمن احدكم حتى يحب لاخيه ما يحب لنفسه التوقيع: مشرفة متواضعة

[SilVeR]

والله الحال كما سمعنا وقرائنا مزرية وللإسف !!!




لعل الفرج قريب ،،،

[شمرية]

[align=center]أشكر الجميع على ردودهم التي تنم عن حرصهم على المصلحة العامة .[/align]

[alkzama]

تحياتي
السؤال هو لماذا لم يتم نقل المشرفات الى مبنى التعليم الموازي وادارة توجيه وارشاد الطالبات فالاماكن متوفرة فيه والمبنى على احدث طراز
ولا مرمطة المشرفات ايسكريم في لهيب الحر على اكبود المسئولين والمسئولات
الى متى معاملة الذل والانكسار في ميدان صناعة الاجيال ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟

[ضي القمر]

رساله للأستاذه حصة المهنا بعدالتحية والتقدير....................نشكرررررررررررلك خدمتك الطويله ونقدرلك تضحياتك وجهودك في هذاالعمل الجليل (خدمة التعليم ) ....... لكن ياليتك تتقاعدين وتتركين غيرك بعمل ويضحي ويأخذفرصته ..........بعدين اتوقع انه المركب اللي فيه اكثرمن قائديغرق فهذابإختصاروضع التعليم عندناحصه تدبروالمديريعبرررررروالدكتوره تايهه بهاالزحمه........ولافيه حل أخرياليت تاخذين لك مع موظفاتك مكتب في المبنى اللي بالحي الزراعي وتفكيننامن هاالحاله اللي حنافيهاااااااااااا.........يمكن تقولون ايش دخل حصه بهذاالموضوع واردواقولكم ضاعة الطاسة وغررررررررررق الجميع بسؤالتدبيروالتخطيط اليس هناك من يسمع الله المستعان

[ضي القمر]

لانقول الامايرضي ربناوحسبناالله ونعم الوكيل عليك يامديرالتعليم اللي ساكت على هاالمرمطه

(تحية وتقديرلأميرالمنطقه حفظه الله نتمنى منك اطال الله عمرررررررررررررك التدخل لحل هذه المشكله ورفع الظلم والمعاناة عن المشرفات والضرب بيدمن حديدلكل مقصررررررررحتى لاتتكررهذه المهزلة مرة اخرى ) اعرف انهم في الإدارة لوقررررررررؤهذاالتعقيب في النت يبون يقلبون المكاتب الى جنه خوفا"من اميرناالمحبوب اطال الله في عمره وجعله ذخرا"للمشرفات بوجه خاص وجميع موظفات قطاع التعليم بوجه عام

[alkzama]

اختي ضي القمر تحياتي اليكي
عفوا نتمنى عدم التعرض للام حصة فلن نرضى لانها لم تتدخل بالترميم الجديد ولم تطالب به لان المظاهر اخر ماتفكر به
وبعدين من قصدك ياضي القمر باللي ياخذ فرصته ( انتي مثلا )

اخواتي المشرفات والمسئولات لانريد التعرض لاحد بالاسم فالناس اعراض نريد صيغة المجهول

واتمنى من اخواني المشرفين اي موضوع يذكر به اسم احد صراحة بسوء ان يتم حذفه

[ضي القمر]

عزيزتي الخزامى انالااعني بحديثي فقط الترميم لأنه موضوع جاءمتأخرا"،علما"بأن الإهتمام بالمظاهروحسن التنظيم ليس جرما"بل هومطلب من مطالب العصر.كماانني لست ممن يفكرفي المناصب القياديه علما"بأنني كلفت بكثيرمنهاونجحت بشهاده الجميع علما"ان المنصب القيادي تكليف ياغاليتي وليس تشريف وياليتنانستوعب هاالشئ والله يعينناعلى حمل هاالأمانه واتمنى ان لاتكوني من زمرةالمطبلين مره لحصه المهناواخرى لنوال العجاجي ونوال الربدي ولااعلم بمن ستكون النهايه لأنك بالنهايه ستفقدين مصداقيتك فالمسلم مرآة لأخيه فكوني مرآة ناصعة البياض والصفاء تنقلين كل مايدورحولك بمصداقية ودون مرآآآآآآآآآآة لأحد........والله خيرحافظ وهوالشاهدعلى مايبدرمنامن تصرفات مااسررنامنهاومااعلنا.

[نبض القلـم]

الحقوا يا ناااااس

المشرفات تقاضبن الشّوش بالمنتدى!!!!!!!


لا ,, ويعتبرن أنفسهن في ميدان صناعة الأجيال !!!!!!! <<<<<< وين هو به ذا ؟؟ بأي دوار لو ما عليكن كلافة ؟؟؟

الي أنا خابره ان الاجيال مخزّنة بالمستودعات , قصدي بالمدارس !!! وشلون صار مبنى الاشراف لصناعة الاجيال؟؟؟

والا يجونكم الاجيال من المدارس خام والتعليب والقرطسة عندكن وحنا ما ندري ؟؟؟؟؟

عجبي !!!!!


وكله كوووووم وأطماعكن بالمباني الحكومية كووووووووم لحاله !!!

بالله أنتن ما تخافن الله ؟؟؟ تحسبن الدعوى نهابه ؟؟؟؟

هذي مباني حاطته الدولة ( مدارس ) .. أنتن توحن ؟؟؟ ( مداااااااااااااااااااااااااااااااااارس ) !!!

حتى تخفف من أضرار المباني المستأجرة الي ذبحت بناتنا !!!!

أما أنتن فأي مكان يوسعكن ...

وش حاجتكن للسبورات وللفصول الواسعة وللاضاءة القوية والساحات الواسعة ؟؟؟

هذي مواصفات مدارس .. أما مكاتبكن فأي بيت مستأجر ممكن تكون فيه وتسلك الامور ببساطة !!!


حسبي الله على الاطماع الي تخلي الواحد يقدّم نفسه ومصلحته الشخصية على حساب الجموع من المساكين الي مركومين ومكدسين شي بالمجلس وشي بالمقلط وشي بالمطبخ والا بالسطح !!!!!


لا كان نبض القلم ان لم يفضح المتاجرين بهموم المساكين المكممين !!!!!!!!!

[جــنــq ن]

والله رفعت يدي للسماء ودعوت من أعماق قلبي للعضو القدير نبض قلم لتعليقه الأخير

أقسم بالله أنك فاهم فيما يجب وما لا يجب

بس من سوء حض تعليم بريدة لا أنت أ/حصة ولا د/رعمر

الأقسام النسائية تأخذ أفخم المباني وهم حتى مالهم لا طالبات ولا زحمة ولا زوار

والطالبات لهم مباني أثرية تصلح للجنادرية

عموما بذمة من تسبب فيهم

[نبض القلـم]

تسيف تسذا ؟؟؟؟؟؟

ما يهجد هالمشرفات الا العين الحمراء!!!!!!

من يوم توعدتهن لا يحلمن بالمباني الحكومية أو يهوجسن به بس وهن مسبطات مالهن حس!!!!

راحت يدورن لهن موضوع ثاني يكملن هوشتهن به!!!!

[الذاهبة]

مبروك مبروك مبروك

للأخوات المشرفات الفاضلات

الانتقال للمبنى الحكومي الجديد بحي الاسكان

إن شاء الله شهر ذي الحجة القادم

يــــــــــاهوووووووووووووه و الله و صار لكن مبني حكومي " جدديد " ..

تستاهلن ياشيخات .. يا امهات اللاب توبات

عساه منزل مبارك

[عبد الله الفقير]

8
8
8

عزيزتي الذاهبة .. أو أم الحقيقة .. !

وش القصة =====> وده يدري بس ما فهم شي

[نبض القلـم]

اقسم بالذي لا إله الا هو لو كلام الذاهبة طلع صحيح وصار للمشرفات مبنى حكومي من الي مخصصات للمدارس اقسم اني لارفع الأمر للوزارة مدعما بصور المدارس المستأجرة المزحومة وفصولها الي بالحوش وفوق السطح !!!!

اقسم بمن حرم الظلم على نفسه وجعله في الارض محرما بأن الامر لن يمر مرور الكرام لو تحول إلى حقيقة !!!

فانتظروا اني معكم منتظر !!!!!!!!

[الذاهبة]

مرحبا استاذ عبد الله الفقير

السالفة .. ماكو سالفة هي واضحة مرة

الاشراف التربوي بينتقل إن شاء الله إلى مبني جديد حكومي في حي الاسكان

المبنى ما انتهى للحين .. بس على الترم الثاني يكون جاهز و بينتقلون على طول ..


عاد الظاهر بقية الاقسام الثانية الاختيار و التوزيع و الخرابيط ذي مهب ناقلينهم

فقط ( المشرفات )


ياهووووووو .. خلهن ينغرن على سنع !!

و يبردن على كبيداتهن .. مكيفات و برادات ..






استاذ عبد الله .. لاتقول من مصدرك ..؟

ترى انا مالي خلق مواضيع التربية و التعليم احسها تسبب صداع قوي .. و مجرد بربرة فاضية

لا مجيب لها ..

بس حبيت أفرح المشرفات مع انهن عارفات بهالخبر قبلي


تحياتي