شكوى مشرفات تعليم بريدة ضد الدكتوره رقية الوهيبي

[سري للغاية]

انا حسب ماسمعت انه في شكاوي كثيرة عليهم حتى بعض الشكاوي وصلت الوزير
ومن هنا لابد من عمل اعمال تعطي انطباع لاخرين انه في عمل قائم

مع اني ضد المهاترات بهذي الطريقه

[الذاهبة]

سجل حضور .. و عطنا العلم الأكيد


يالله ننتظر ..


ما نبي اخبار مقطوعة .. أو بالقطارة ..

تسيف تسذا ؟!

[الصقهاء]

////////////////////////////////////

[خـــــــــــــــالـــــــــد]

الدكتورة رقيه الوهيبي

ذوق و تعامل , و ناجحه اجتماعيا



لكن ......

حنكة اداريه

وقدرة على ادارة ادارة كامله

و تصرف لائق بصاحب منصب ........


مازال الطريق طويلا جداااااااااااااااااااااا عليها في هذا الاتجاه وتحتاج الكثير

اضافه الى بعض من غرور بنات حواء و كأن الدكتوراه شيء خارق للعاده.

مع ضروره ان لا يكون اهتمامها منصبا فقط على ما يدور في الانترنت بل يجب الاهتمام باصل العمل و اسسه ليعطي
نتائج تلقائيه في الانترت دون مهاترات .


فالناس شهود الله في ارضه .









خاص للذاهبه ...

من سالتي عنها ... حوِلت الى مديرة مدرسه.

[أم الحميدي]

[align=center]
كلمة شكر ...واكبار للدكتورة رقية الوهيبي...التي استطاعت ان تدخل قلوب الجميع بمرونتها واخلاق العظماء وحلم الجميع ستطاعت ان تدخل بذكاءوخفة وحب للعمل وليس للكرسى تدور مثل النحلة في قاعات الثانويه العامة لم تجلس وترسل اوتمشي مثل الطاووس يسير الآخرون خلفها لقد رايتها في التوجية تباشر العمل بنفسهامن مكتب الى مكتب لقد جازفت ودخلت الى عالم الغاب الى عالم..التفتيش لقد غيرا اسمه مرمرا من تقتيش الى توجيه الى اشراف ...ولكنه استمر تفتيييييييييييييييييييش الذي لم يتفقوا الاعلى اذيه المديرات و المعلمات وتنفيرهن من العمل .وتطفيشهن.... بعض الموجهات هداهن الله..ان لم تطئطئ راسك لها فقد قامت قيامتك وبمجرد ذكر اسمك ... تحته ..مئه خط .. واسم الموظفه على لسان بعض الموجهات...وترفضين هذه... وتاتي ثانية وتكون مشحونه من الاولى..لذلك من اول شئ خليك ايها الموظفه خشب مسندة لاتناقشين لاتعترضين علشان لاتتعرضين للاهانة وتكونين مشاغبة وتصاغ لكي المكايد ..وتحفر لكي الحفر...وتجد نفسك مجرم بلا جرم ...ومذنب بلا ذنب ... لماذا...لانك تطلب حق لك...الحق لهن فقط لماذ لاننا موجهات .. وحنا نازلين من السماء بقفه ... يعني مفينا عيوب ... على قول المثل المصري ...يارض هدي ماعليكي قدي....ونحن ناس ماتعودنا لصراحه والشفافية ولاوش فيها كتبت حقيقه عن الموجهات ....كثير من الموجهات خرجن من المدارس هروب من الخط الاحمر وغيرة...وهن يعرفن ذالك .... صحيح تقعد الوحدة وتطقه سواليف .عن حياتها الخاصه والعامه ..والتوجيه ومشاكله وهات ياتمجيد بالذات ..وانا سويت لحالي... وانا سويت لحالي.. ..........ماتعودوا الاالعمل الغابي... كلا" يحوش النار لقريصه...وكل واحدة تحب اسمها فقط هو البارز ............وتحدد الحصه الثانيه اوالثالثه بحد اقصى لانها تبى تروح تحوس الجدول والحصص مايهم ...ودخلت الدرس كامل ...لابد تنقد وتجرح علشان تكون تفهم ويعني انا فووووووووووووق مستواكم كلكم ......هذه خاطرة صغيرة.....والا الخبرى شين رقيه الوهبي خابرة ومجربة ..... سوو استفتاء للمدارس وش يكرهكم بالعمل المدرسي والااسئلن انفسكن وش طلعكن من المدارس ثم ترجعن للمدارس تقل طواويس وتقولن وشذا الطويرات في داركم.....ليش تزعلن يالموحهات ادام الخطاب للبعض وترفعن شكوى... في كل اجتماع تحث الدكتورة على المرونه لكن ماعندك احد ....اوعالم الغاب حس انه احد يتحرش فيه.....اوالى على راسه حصاة يحسس عليها ...........


تقبلو فائق احترامي[/align]

[الواثقة]

...................

[الواثقة]

رقيه الوهيبي


مع المشرفات ياسلام سلم


بس خل معلمه من هالمساكين تشكي


يعني اكبر همه المشرفات اتباعه مستانسين


انا اتحدث من واقع تجربه


هههههههههههههههههههههههههههه


الا وراهم شاكينه

[شقرديه]

والله يمدحون بنت الحلال يقولون ليتها تبتل بالاشراف

اما الرسالة لا هي رسالة ولا شيء

تعميم حلو يرسم معالم للجدية في العمل

لو انه بامضاء الاستاذة حصة كان محد قال فيه شيء لأنها معودتهم على مرة تمرة ومرة جمرة

لكنهم تحرو لوحدة حليلة تترجم لفظ تربوية بالتساهل لكنها خيب الآمال وكانت جادة في العمل وحازمة مما ادى الى التذمر والله اعلم

عاد انا وش لقفني لا عاشرتهم ولا ادري يمكن معهم حق

قضية الورقة منذ مبطي وهي مطبقة كل مشرفة معها ورقة تختم من المدرسو يوم الزيارة

الفرق البسيط ان الدكتور اضافة انها تختم في نهاية الدوام يعني الى جتكم مشرفة صكو عليها الين تخلصون مداومين لو ما عندها الا معلمة وحدة عشان تضمن انها داومت دوام كامل واتوقع انه قرار يحد من التساهل ويزيد ضبط الدوام لدى المشرفات

الله يعين الجميع كلن شاقي محد مرتاح ولا احد يمدح مكانه المديرات يقولون حنا اشقى الخلق والمشرفات يقولون حسافة فرطنا في التدريس ليتنا نرجع والمعلمات يقولون ما لقاها الا الاداريات والمشرفات لا حصص ولا تحضير ولا غصب تنجح فلانه وهي تساوية تسبدي والاداريات يقولون حنا اشقى الخلق كل الشغل علينا حض المعلمات ما بوجههن شي

وابتل يا حمد باتسر <<< ماله دخل هالمثل بس خطم في خضم الموضوع مع الحماس

[الصقهاء]

شقردية الرسالة توجيهات و تنبيهات مكتوبة بطريقة المثقفين .لكن هذولاما يعرفون الا العصا والجلد.ولماالدكتورة تنفست و بدت تمارس صلا حياتها ...بعد ما راحت حصة عنها..بدت تدقق عليهم بالعمل خصوصي العلوم لانها دكتورة بتدريس العلوم يقولون انهافشلت النوري رئيسة قسمهم مره وقالت لها ترىفيه فرق بين الوسيلة والنشاط ومره قالت لها قدام الكاتبات انت ليش مفرغة نفسك كل يوم بالمكتب .ومن يومها وام سند حاقدة على رقية ورايح جاي تحاول بحصة تطلعها من الاشراف ...ووعدتها حصة تطلعها وصارت صداقة..وطبعااخذت موافقة وتشجيع حصة انهم يشتكون .. وشجعت خوياتها بالقسم والله اني منول مادحتهم تراني.هونت .. يحسبون ان الدكتوره تبي تعفي قالوا نطيرها والله ان تقعد على قلوبكن لين تتقاعد واذكركن...بس لا توهقن وصيرن مثلي نطحت حصة وهليت ورحبت وباركت لها اغديها تودين للاعلام..لكن ليت ام طراد تعفينا من زمن الحضور حتي اقهوي ابو علي الساعة تسع ثم اتلبس واروح للمدرسة اجيب الختم وانكس اغدي ابو علي يالله يمدين تفو عند الله سعة اروح باسر لمهم ووعد اقعد ساعتين عندهم واوجهم واسنعهم وازبطهم تكفين يام طراد يكفي الختم لحاله

[نبض القلـم]

v
v
v
v
v

أوووووه

بدت الحرب النووية بين المشرفات؟!!!!

أخ بس .ز امحق تربية وتعليم!!

والله لو اني مكان الدكتورة اني لأضرب بيد من حديد على كل المشرفات المتلاعبات .. وكل وحدة اشوفها سيدها قيدها احولها دايركت للميدان <<< الشكوى لله الله خليت الميدان عقوبة يا نبض القلم !!! بس ميخالف .. هماهن هاجات منه خلهن ينغثن وينفذن توصياتهن يوم كانن مشرفات !!! <<< دخل جو وتخيلهن راجعات ومغثات !!!



أنا الى الآن انتظر التعميم ( موضع النقاش ) على أحر من الجمر وأوعدكم اني افصفصه لكم زي ما قلت شرحا وتوضيحا !!

بس هاتووووه !!

ليموني عليه !!!



والله انك يا دكتورة رقية بنت رجال <<< هذا رأيي بناء على المقطع السابق فقط .. وشلون عاد لو قريت التعميم كله !!!

أما المشرفات فلا يهمنك هن وشكواهن الي من الاساس ما صدقته وأحس انه مجرد طرطعة على الفاضي من باب العيار الي ما يصيب يدوش !! هذا طبعا على افتراض انها شكوى حقيقية مرفوعة مهيب بس كلامن بالمنتدى يطير به الهوى !!


وما دمتي قايمة بعملك بما يرضي الله وتتوخين الصدق والاخلاص وتهدفين الى المصلحة العامة فلا يهمك شاكي ولا باكي .. وخليهم أعلى ما بخيلهم يركبون !!

وليجلبوا بخيلهم ورجلهم فلن يضروك بشيء الا قد كتبه الله عليك ..



دعوتي الصادقة لك إلى تحري الحق وانصاف المظلوم وغربلة الاشراف من غير الأكفياء ..

وليكن الله في عونك ..

أما موضوع البطاقات فوجهة نظري الخاصة ألا تقيد بنهاية الدوام حتميا .. بل يترك الأمر مفتوحا حسب حصص المعلمات اللواتي ستشرف عليهن المشرفة في المدرسة مع اشتراط عدم التبديل والتغيير في جدول المدرسة فقط لتخرج المشرفة منها مبكرة !!! فهذا العمل يربك المدرسة بجدولها ومعلماتها .. ولا هدف له الا المصلحة الشخصية على حساب المصلحة العامة !!!

أقول هذا من باب الانصاف والعدل .. فلا ضرر ولا ضرار .. فكما ان انصراف المشرفة مبكرة بعد لخبطة جدول المدرسة مضر بالمدرسة .. فكذلك بقاؤها حتميا رغم انتهاء مهامها مضر وغير منصف لها ..


لي عودة ان شاء الله بعد البحث عن نص التعميم كاملا ..

[ام لميس]

هذه يانبض القلم مو تعميم هذا رسالة فيها بعض المدح وبعض النقد للمشرفات الاتي ان فرض ووجدن فهن قلة جدا ووما جاء في الرسالة ان المشرفات 000 همهن في المدارس تعديل المكياج (اليس من الادب ترتيب الهندام والشكل الظاهري وهذا برأيي لا يتعارض مع العمل والجدية) 000وجاء فيها ان المشرفة تطلب مفتاح المقصف (في الحقيقة لا ادري ان كان فيه مشرفة تطلب مفتاح المقصف للمدرسة التي تزورها ام لا 00 وان وجد ما الضرر في ذلك ان تحتاج اي شئ هل يوجد تعميم يمنع المشرفات من استخدام والشراء من مقصف المدرسة )
ومما ورد فيها ان المشرفة يكون همها في المدارس الرد على التلفونات (هل يوجد لدى المشرفة وقت لذلك وهل عندها قلة الذوق الى هذه الدرجة )0000 وفيها ان المشرفة لا تكلف نفسها بالاتصال على المعلمة وتزورها بشكل مفاجئ(هل المعلمة تعطي عند المشرفة بشكل افضل وتكون مستعدة بالوسائل في الدرس اما المفترض انها تعطي الدرس للطالبات وليس للاداء الوظيفي والمشرفة) هذا غيض من فيض لماورد في الرسالة ولن ليس لدي الوقت الكافي للرد عليها مع انني حتى الان احتر الدكتورة رقية ولا احمل في قلبي اي ضغينة غليها بل كنت من اشد المدافعين عنها حتى قرات الرسالة فاهتزت صورتها في نظري

وعندما علمت الدكتورة بغضب المشرفات ردت انة من الافضل مواجهة بعضنا هل استخدمت هي اسلوب المواجهة ليكون الحل مجدي بدل من هذه الاساليب التي لا ترقى لمستوى الاشراف التربوي الذي كنا نفخر بانتمائنا له اما الان فنتمنى الخروج من هذه الدوامة المملة

[الصقهاء]

م لميس لو يجبرونك تحولين معلمة كان ينقلونك بالاسعاف بلاش كذب الا لادارة اريح بلاش ياحلوة فاهمين

[الصقهاء]

نسيت اعلمكم وابري ذمتي انا اطلع بدري اتابع الاسهم بس لا تعلمون الدكتورة تربطني بالمدرسة لاني زودتها كخخخخخخخخ

[الذاهبة]

أقسم بعزة الله و جلالة إني ما فهمت شي !



يا اخوات .. لا تحسبون كل المنتدى ( موجهات ) بالله اتكلمن عربي بدون الشفرات الخاصة ذي بيناتكن ..

الأخت الصقهاء ..

يبدو إنك غير متابعة جدية للسوق .. لأن الأسهم ماعاد أحد يتابعها .. و تغير وقت التداول .. ( من 11 إلى 3 و النصف )

و كل الشركات بعشرة و عشرين ريال .. الله يخلف عليكم


**

كان قلتي أطلع أوصل شغالات ..

أطلع أروح للنخيل بلازا ..

أطلع أمر الحسون آخذ هليهوبات ..


يعني هذي أعذار مقبولة و طايحين فيها ذا اليومين ..


بالمناسبة .. وش بتسوون عقب ما شالوا درجات التقييم منكن ؟

بس كذا تستدير روسكن ع الفاضي ؟

حسبي الله على الظالم !

[نبض القلـم]

اقتباس:  المشاركة الأصلية كتبت بواسطة الذاهبة     أقسم بعزة الله و جلالة إني ما فهمت شي ! يا اخوات .. لا تحسبون كل المنتدى ( موجهات ) بالله اتكلمن عربي بدون الشفرات الخاصة ذي بيناتكن .. الأخت الصقهاء .. يبدو إنك غير متابعة جدية للسوق .. لأن الأسهم ماعاد أحد يتابعها .. و تغير وقت التداول .. ( من 11 إلى 3 و النصف ) و كل الشركات بعشرة و عشرين ريال .. الله يخلف عليكم ** كان قلتي أطلع أوصل شغالات .. أطلع أروح للنخيل بلازا .. أطلع أمر الحسون آخذ هليهوبات .. يعني هذي أعذار مقبولة و طايحين فيها ذا اليومين .. بالمناسبة .. وش بتسوون عقب ما شالوا درجات التقييم منكن ؟ بس كذا تستدير روسكن ع الفاضي ؟ حسبي الله على الظالم !

خخخخخخخخخخخخخخخخخخخخخخخخخخخخخخخ

والله انتس يالذاهبة !!!!

أجل توصل شغالات والا تشري هلهوبات ؟!!!!

تصدقين عاد ان الكلمة الاخيرة أخذت من يجي خمس دقايق اتهجاه تجهي خايف أخطي به !!!! بس الحمد لله جت سليمة والبركة بالحسون سنتر !!!

خخخخخخخ