لقيته فـي قوقـل وانا احووس فيـه ,,
سمارتيز ككاو مغطى بطبقة صلبة حالية .. أتذكر كان يجي في علب متنوعة .. العلبة المشهورة هي اللي في الصورة
لكن كان فيه علبة على شكل " شاحنة " ما أدري إذا أحد يذكرها أو لا .. ! عموماً هـ الحلاو بطل .
هذا حلاو مصاص أبو صفيره .. كنا شوي نمص وشوي نصفر .. والأهل في البيت ماغير زعاق علينا يقولون " صجيتونا "
ككاو أولكر عيدان .. عبارة عن ككاو عليه طبقة من البسكوت الخفيف .. حلو طعمه بس كان فيه نوع ثاني من هـ
البسكوت نفس الشكل بس الكيس يختلف كان لونه " بني " أحسن من هذا بكثير .
بسكوت أولكر أبو " سمسم " .. مع الشاهي هبال إلى الآن موجود هالبسكوت بس غيروا شكل الكيسة كانت أول
حمراء بالكامل ، لكن الطعم مازال نفسه .
هذا طعمه روعة ، وهو عبارة عن توفي عليه ككاو ثقيل شوي لكن بطل
بسكوت من أولكر هش ، والطعم حلو
علكة تشكلتس روعة
عيدان البطاطس .. ألذ عيدان ذقته فيه منه نوعين عادي / حار .. كلها روعة ، والبطاطس مازال موجود في كثير من
المحلات ، وبنفس طعمه القديم ، وسعره ما تغير ( ريالين ) .
هذا حلاو شفت صورته ، وتذكرته .. لكن عجزت أذكر الكيس حقه .. كل اللي أقدر أقوله إنه قديم مره ، وطعمه مو ذاك الزود
بسكوت أولكر عيدان .. كنا نسميه بسكوت " مساويك " .. طعمه مالح ، ورايق صراحة .. إلى الآن مازال موجود في
أكثر المحلات
حلاو طابوق .. أشهر من نار على علم .. طعمه روعة وألوانه تفتح النفس .. مازال موجود ومعروف عند الكثير من
الناس .
طعمه حلو مره ، وقديم جداً .. أنقطع من السوق
بسكوت أولكر .. أكيد تعرفونه مازال موجود ، وطعمه ما يحتاج يجنن .
حلاو بقر من أقدم الحلويات ، وألذها ، وإلى الآن عليه إقبال كبير .
ككاو فلوس .. ككاو يجي على شكل دراهم .. روعة والله .
علك قديم للبنيات
الله على هالبسكوت .. بسكوت خفيف على شكل بيضة وداخلها ككاو .. وطعمه الله لذيذ موجود الون الاحمر
علكة باباي .. عبارة عن كيس في داخلة علك شرائح لونة " أخضر " ماخذ شكل " السبانخ اللي ياكلها باباي " .. كنا
ناكلها ، ونفكر أنفسنا صرنا أقوياء .. علك قديم مرة ، وأنقطع من السوق .
منشيز من نيستله .. قديم جداً كان من الحلويات المفضلة عندي .. وهو عبارة عن ككاو داخله كراميل ، وقطعة
بسكوت هشة .. الككاو أنقطع فترة لكنه رجع الآن في بعض المحامص مثل محمصة " الحمود " في أسواق العويس ،
وطيبة .. لكن حسبي الله ونعم الوكيل .. سعر الككاو عندهم الواحد حاطينه بـ 7 ريال مع إن سعره أول بريالين من جد
استغلال ماله داعي .. لو حاطينه بـ 4 ريال نمشيها لكن 7 .. والكرتون سعره فوق الـ 200 ريال عموماً الككاو بطل ما
فيها كلام .
حلاو مصاص قديم أذكر كان غريب كأنه طحين ما أدري كيف أوصف لكم .. لكنه طعمه روعة .
ككاو أولكر .. معروف عند الجميع والطعم بطل
كوالتي ستريت .. يجي في علبة أو في رواية أخرى " سحلة " وداخلها أنواع كثيرة من الحلويات ، وطعمها ياعيني
بس خصوصا الحلاوة اللي يجي لون قرطاستها بنفسجي .. مازال هالككاو موجود لكن طعمه تغير كثير لأن صناعته
تغيرت .. أول كان يصنع في " إنجلترا " ، والآن في " جنوب إفريقيا " .. سمعت من واحد إنهم رجعوا الإنجليزي الآن بس
للحين ما ذقته .
آه على هالحلاو .. قديم وأنقطع من زمان .. هو عبارة عن كرتون مقسوم نصين منفصلين .. كل جزء له فتحة خاصة
فيه .. وكل فتحة فيها حلاو إما أزرق / أحمر .. طعمه حلى على حموضة بصراحة يجنن ، مطلعين منه حلاو تقليد بس
ما يجي شيء عنده
الكيت كات .. معروف بس الأول أحلى .. المنتشر الآن مصنع في جنوب إفريقيا .. ويوجد في بعض المحامص كيت كات
الأصلي بس غالي طبعاً .
حلاو الكولا .. وكنا نسمية " بم بم " .. حلاو جلي بطعم الكولا .. كنا أول مهابيل نجيب دبوس وننغز الجلي نقول عشان
يقطر لنا الكولا اللي داخل .. صدق بزران .
علك قديم مرة .. حبات صغيرة ملونة ، وطعمه حلو مرة
هذا حلاو مص .. يجي منه نوعين بطعم البرتقال / الليمون .. داخلة مثل العسل روعة ، وإلى الآن موجود .
فش فاش هيا بنا إلى المدرسة .. من أقد الفشافيش اللي أذكرها ، وطعمه الله يجنن ليتهم يرجعونه لنا
مصاص يوم شفت صورته بغيت أصيح .. الظاهر إنه أنقطع من العالم كله
حلاو مضغ قديم .. عادوا تصنيعه من جديد بشكل ثاني .. طعمه خطير
عاد الآن أختمها بحلاو بطل ولي معه ذكريات تجنن .. حلاو رانتس على شكل الفواكه الله يالدنيا بطعم الليمون ،
البرتقال ، الكرز ، الفراولة ، الموز .. راح رانتس ، واختفى مرة .. أذكر كنت أحب الكرز مرة ، وأكره الموز
لاحد يقول ما عجبته
تم تصغير الصورة تلقائياً. مقاسات الصورة الأصلية 591x354 وحجمها 36KB.
العرض العادي
