1/ قبل نركب في الباص ,
من هو العضو اللي ماتبيه يروح معنا وليش؟؟
ابي كل الاعضاء يروحون ,, لانهم كلهم غالين عندي وودي يستانسون
2 / من اللي تبيه سواق الباص ؟؟
اي واحد عادي حتى لو انا
بس انا اشوف اننا نخلي صاحي ورايق يسوق علشان يطلع شكله رهيب باللطمه زي اللي بتوقيعه
وإذا وصلنا المكان ما ينزل يجلس في الباص الين نرجع . ؟
لا ابي الكل ينزلون ونستانس ونضحك مانبي اي زعل
3/طبعاً كل واحد بيروح لازم يجيب معه قطه (( المقصود المشاركة بالمال )) يستخدم في مصروف الأكل والشرب والبنزين وأغراض الطلعه ...
من تقترح نضع فلوس الرحله عنده لازم يكون أمين وثقه ؟
الحمدلله كل الاعضاء من هالناحيه مايجي منهم قصور
بس اقترح نسلم كل شي لـالزنون
4/من العضو ..اللي تبيه يجلس على المقعد اللي جنبك بالباص ؟
الصراحه ودي كل الاعضاء حولي ,, علشان كذا ماراح احدد
واخليه على اللي يسبق ويجلس بجنبي
5/من العضو.. اللي إذا مر من جنبك وسألك المقعد هذا فاضي ؟
بتقوله لا محجوز , وهو أصلاً فاضي ؟
ولا واحد بالعكس ابستانس اذا احد يبي يجلس جنبي
6/اذا وصلتوا الموقع من اللي تقترح يقطع رأس الذبيحه ؟
لازم واحد قوووووي ؟
اكيد اي واحد من الشباب لو انا عادي
بس انا احس ان الزنون يبي يبادر ويقول خلون اذبحه
7/من اللي تقترح يطبخ الغدا والعشاء ؟
اول شي ماتبون نشوي الصبح ,,
اقترح ان البنات يطبخن ويذوقننا طبخهن
واذا ماودهن حنا نطبخ عادي
واحس ان بسومه تبي تكلف على عمره بالشغل وتبي تضبط اغلب الاشياء
8 / من العضو اللي تثق أنه بيسوي برنامج حلو للرحلة ؟
الكل بدون استثناء لان كل شخص وله مميزات
يعني مثلا احس الزنون يبي يسولف علينا سوالف حلوه
واللي يحب النكت يبي يلطف الجو بالنكت
واللي يحب يمزح نفس الشي يبي يمتعنا بمزحه
9 / من العضو اللي تحس إن أمه بتتصل وتسأل عنه وتقول رجعوه للبيت بسرعه ؟؟
من الشباب ما اعتقد ,, بس اعتقد اكثر شي من البنات
10 / من العضو الي تحس إنه أهله بيرتاحون عشانه فارقهم من البيت وراح رحله ,,؟
مافيه ,, اكيد الاهل لازم يتطمنون على عيالهم باي وقت وباي مكان
11 // عضو تحس إن ذا الرحله راح تعرفك عليه أكثر وأكثر ..؟
الصراحه كثيرر ماودي اقول شخص وانسى الثاني
بس اعتقد اكثر جلستي بتكون مع الزنون لانه يبي القعده ولا يقوم كثير
والاغلبيه لاني بصراحه حبيتهم وودي اتعرف عليهم
12 // من العضو اللي تحس إنه ماراح يجيه نوم بالبر ,,
وخاصة إذا سمع أصوات غريبةآخر الليل ..!
اعتقد كل البنات ,, وطبعاً هذا ماهو انتقاص من قدرهن بالعكس احس من الانوثه هذا الشيء
13 // من العضو اللي تحسه بيقلقنا كل ساعة رجعنا للديرة ,, رجعنا للديرة ,, والله ماعاد أطلع للبر ..
طفشت خلااااااااص رجعوني ؟
اللي ماعمره طلع للبر او قليل طلعاته للبر لان هالنوع يحسون بملل بالبر
14/عضو تحس إنه لو حصل هناك مشكلة راح تعتمد عليه بعد الله كثير في تجاوزها ؟
راح احاول احلها بنفسي ومافيه مانع اني استعين بمن حولي واستشيرهم
15 // من العضو الي كل ماشبينا النار والتمينا كلنا حوالينها بيقعد يشعر ويعطينا كم بيت ؟؟
موسى العناز
واحس الزنون يبي يطلع الابداعات من اشعار وقصص
ويمكن يطلعون كم عضو شعّار
16 // مين العضوو اللي تحسه بيقعد يسووي مقالب بالاعضاء وبالبناات خاصه وبيسوي جو للرحله ؟؟؟
صاحي ورايق
رزه مرتزه
بنت منيره << اختصاص مقالب خخخخخخ
نقوشه
صبوبه
اميره قلبي << احس انه تبي تهبل بكل الاعضاء وتجيب كرسي الاعتراف معه خخخخخ
ضيونه
وفيه كم عضو مايحضروني يحبون المزح
17/عضو تحس إنه من كثر حركاته بيضيع هناك وبنتورط مع أهله ؟؟
لا تكفون مانبي احد يضيع نبلش ,, ترى بالرجع ازمل لشيل العفش مهب عاد نقعد ندور احد ضايع
18 عضو تحس انك لو فتحت شنطته بالغلط تلقا جايب معاه كريمات ومراهم عشان القرصات وعطوور ومناديل معطره
يعني ياااااااااي ؟؟؟
ما اعتقد فيه من الشباب ,, يمكن البنات يضفن كل شي بالشناط << لا تزعلن عليّ
19 عضو تحس انه بيطلع رهيب مرة ؟؟؟؟
كل الاعضاء اللي بيصيرون فالينها بالرحله ومبسوطين وجايزه لهم الرحله
اما اللي اللي ماعجبهم الوضع اتوقع بيجلسون ساكتين
واللي معه مفتاح الباص عيا يرجعهم خخخخخ
20 مين العضوو اللي تحسه بيطلع مرره منظم بس يظف ورا حوستكم ويرتب ويصحا اولكم ويصحيكم واحد واحد وجايب معاه شنطه اسعاف وقت اللزوم ؟؟
بهذي فيه عده اشياء
القومه بدري انا احب اقوم بدري واصحي اللي حولي علشان نحس بطعم البر
بس اني ما اجيب شنطه اسعاف
اتوقع شنطه الاسعافات تبي تكون مع وحده من البنات
وبالنسبه للترتيب والتنظيف لازم الكل يشتغل << هذا نظامنا
21 مين العضو اللي تتوقع انه بيطلع مجنون ويغامر بأي شي بدون مايفكر ؟؟؟
اعتقد تيفا مادري وراه حسيت كذا خخخخخ
واعذرون ولا تزعلون علي ترى كله مزح
واتمنى تعجبكم اجوبتي مع انه اغلبه بدون تحديد بس وش اسوي من غلاكم
واشكر اختي اميره على اختياره لي
ههههه
العرض المتطور
