من لقاء الهريفي بـ ملعب الوطن :
_قاله المذيع أن الصحافه عندكم تنقسم لـ هلاليه ونصراويه !
رد وقال : أغلبها هلاليه وقام يعدد ( الشرق الأوسط - الجزيره - الرياضيه .. وغيرهم )
_تكلم عن الإعلام وقال أن النصر ماعنده إعلام , ماعنده إلا جماهير ..
قال أنا بكل أمانه ماجبت شي جديد بس الميزه فيني إني جرئ وغيري يخاف يخسر أشياء ..
_بخصوص الإستفتاءات قال : الإستفتاءات اللي فيها مصالح ماتهمني , انت صدق عينك مو تصدق إستفتاء , انت شوف جمهور النصر ف الملعب واحكم , كيف بيصير الثالث بالإستفتاء !
_بخصوص الإعتزال : احنا يومنا بسنه , فيه تشجيع وكلام بس ف الواقع ماشفنا شي
شوف ماجد بعد كم سنه حطوا إعتزاله , وأن كحيلان وممدوح وعدوني خير ..
بس الآن فيه إختلافات بين أعضاء الشرف , وأنا ودي أن موضوعي يقربهم من بعض مو يزيد من خلافاتهم ..
_جاه اتصال يقول / ان النادي محتاجك وأنت بعيد عنه والجماهير تعبانه وطفشت
ياليت تكون قريب من النادي انت والاساطير ماجد ومحيسن , قال انتوا صبرتوا كثير بس هانت ان شاءالله ..
أنا قريب من النادي ودايم ع إتصال مع فيصل بن تركي أعطيه رايئ ف أمور كثيره , ودايم أكلم اللعيبه ..
_تكلم عن أسباب تدهور الفريق النصراوي /
قال ان النصر تأخر ف مرحلة البناء , غيره زرعوا وحصدوا واحنا تونا نبدا نمشي ع الطريق الصحيح
ممكن يكون إختلاف أعضاء الشرف أثر , بس الجمهور النصراوي صبر كثير عشقهم لـ النصر عشق غريب , خاصه أنو لا إعلام يحثك ع هالشي ولا بطولات ولانجوم ستار ,
وإن شاءالله في ظل الجمهور وأعضاء الشرف وتكاتفهم خلال سنتين راح يحقق النصر بطولات كبيره مثل الدوري و و ..
_ زينقا /
قال أنا كنت مختلف ف موضوع زينقا من البدايه سيرته الذاتيه ابد مو كويسه ..
تكلم عن ( ابراهيم غالب _ عباس _ فيقاروا ) قال انهم من أفضل اللعيبه الموسم اللي فات
لكن هالموسم ماشفنا منهم شي وهذا راجع لـ المدرب وتوظيفه الخطا ..
_ النصر أول عنده أجانب جيدين ومافي سعوديين جيدين , الحين صار العكس اللاعب السعودي جييد بس الأجانب سيئين ..
العرض العادي
