مــدونــــــة & حــي المــنــتـــزة & المــتـــواضـــعـــة

[حي المنتزة]

اتصل علي واحد من الاقارب يقول ابي اسم زين لولدي

قلت سمه ( لوط ) على اسم النبي !!

سكر السماعه بوجهي وارسل رساله يقول

انا مهبول اللي اتصل عليك خخخخخخ

[حي المنتزة]

الآن لا أملك الا الصمت !!

[حي المنتزة]

يازين شعلة النار وانت قدامها

تشوفها وصبعه عليك تمتلكها!!

[حي المنتزة]

استأذنكم اخواني !!

[حي المنتزة]

مرة من المراريت اللي راحن

سافرت أنا وواحد من الربع وكنت اول مرة نتخاوى بسفر وحنا بالطريق

قلت ابو صالح وشو اللي يمشي بالبر؟ بعييييييد يالله نشوفه

جاء الرجال واخذ شنطته وطلع(( دربيل)) !! انا فطست من الضحك

وش اللي جاب الدربيل معك ههههههههه

والله من زين العفش يابو صالح خخخخخخ


وقبل امس اتصل علي وقال تروح معي لمحل الدخيل للاقمشه

قلت يالله مشينا

اثر معه كيسه فيها قماش يبي يرجعه للمحل

ويوم طلعه من الكيسه اثره جلال صلاة امه وكان غلطان بالكيسه
خخخخخخخخخخخخ

فطست فطست فطست فطست من الضحك ههههههه

[حي المنتزة]

الواحد لامنه دخل النت عبر الايفون ثم سكّر الجوال
يبتل الاسم موجود بالمنتدى

واحد يقول
انت دايم تكون بالمنتدى وما تسولف !!

[حي المنتزة]

اقتباس: الذين يشاهدون محتوى الموضوع الآن : 5 ( الأعضاء 2 والزوار 3) ‏حي المنتزة , ‏جفن ضب

هلا بالغالي شرفت المدونه

عاد قضن الاسامي ياجفن هههههه

تخيلتك ضب ومغمض شوي وصاير الجفن عند الفم !! خخخ

[حي المنتزة]

ودي اشتري المنتدى ويصير لي بلحالي
همن مايدخل احد الا اذا قالي ياعم حي المنتزة

واحط بابين للمنتدى باب للرجال وباب للحريم
ومدخل سيارة لي بلحالي

ولامني دخلت ألبس بشت وتقومون كلكم تسلمون علي!!

واللي يزعجنا اعطيه ملفه الاخضر ويروح لبيتهم ولا يجي

واخلي المشرفين لونهم سماوي
بدل ماهم اخضر تقل ضفادع
ماغير يناقزون من قسم لقسم !

وش رايكم اشتري المنتدى ؟؟
*

[حي المنتزة]

الحين قاعدن اتخيل اني مدير المنتدى

همن يجي عاشق يقول

( ودي اصير صديقك )

وانا ما التفت عليه واقوله رح لشغلك ولاتزعجنا
بعدين لاتدخل لمكتبي الا انت مستأذن من السكرتيره

عاد من نحط سكرتيره ؟؟ نفكر بعدين

همن يجي عاشق يروح لم ابوي وهو يصيح
يقول ياخال شف ولدك احمد مايعطين وجه ولا يصير صديقي

[حي المنتزة]

همن اصبغ المنتدى ازرق ونزرع ثيّل بالوسط

ونحط مراجيح وسليحات لبزورتنا الكرام
لان الحريم لازم يجيبن بزارينهن فلذات تسبداتنا

واحط مسبح كبيييير واقفله ما اخليكم تسبحون بس انا اسبح
وانتم تناظرونن وتصفقون لي وتقولون احلا يامدير!! *

[حي المنتزة]

همن افتح بالمنتدى بوفيه مفتوح لبناني لي بلحالي
وانتم ماتاكلون شي بس تجون تناظرون

همن عاشق يقول ابي كبه بس وحده !!

واقوله اصبر لامني قضيت تقلطون كلكم بعدي !!

[حي المنتزة]

همن اغير اسم المنتدي واسميه

(( منتدى حي المنتزة بلحاله ))

وازفلت الشوارع اللي بين الاقسام

واجيب السياره اللي تبيع عسكريم لي بلحالي

همن يقول عاشق ( ابي بس لحسه وحده )!!

لا مافيه اشرب ماء يسدّك !!

[حي المنتزة]

صبحكم الله بالخيرات والمسرات والخبيزات والتسبيده

اليوم نبي نبيع المنتدى الا قسم المدونات مهب للبيع !!

معلق ثيابي بالمدونة مستحيل ابيعه ههههه

[حي المنتزة]

يالله عن اذانكم كلهن

عندي درس وطلاب العلم ينتظرون شيخهم !!

بايات

[حي المنتزة]

قصه وقصيده للراوي حي المنتزة

كان ياماكان في جديد الزمان كان هناك شخصان
( المنتزاوي وعاشق ديرتي )
يلعبان ويمرحان ويضحكان ولكنهما بعض المراريت يتهاوشان
ومررت الايام والاشهر ومازال الاثنين بوسط الاسبوع هههه
اقصد مازال الاثنين لايعيش احدهما بعيد عن الاخر
وكان عاشق ديرتي نجس !!
يحب يحلت حصى على العمال ويهج
وكان دائماً صديقه العزيز المنتزاوي يناصحه بكلمات جميله ورقيقه
ويقول له
وجع يوجع تسبدك بلا وجع ياقليل الللدب!!
وبعد فترة من المراريت فقد المنتزاوي عاشق !!
وراح يبحث عنه فوجده طايح بالدزليب ( البئر ) وينادي
انقذوني انقذوني انتم ووجيهكم ..!!

ركض المنتزاوي الى الدزليب ثم واق من فتحة الدزليب
فشاهد عاشق رابص من الماء وميت برد وسنونه يرجفن !!
قال عاشق
انقذني ياصديقي انقذني انت وجبهك !!
فما كان للمنتزاوي الا ان بكى بكاءً مريراً وقال:
وراك تعيرن والله لا اعلم ابوي عليك !!
ثم احضر المنتزاوي حبل ونزل الى الدزليب
ثم اعطاه عاشق وقال له اربط الحبل على بطنك
وانا ابرقا فوق واجرك
قال عاشق لالا
انت اربطه على بطنك وانا برقا واجرك انا اقوى منك
فكر المنتزاوي وقال
عندي فكره !!
لماذا لانرقا جميع ونخلي الحبل بالدزليب ؟!!
ثم صعد المنتزاوي وعاشق وخرجوا من البير بكل سلام

وراحوا يلعبون ويمرحون وهم يضحكون ويكركرون !!

وعندما اتى الليل نام عاشق وبدأ يشاخر بكل محبة
اما المنتزاوي فجلس يكتب قصيده بهذا الموقف فيقول فيها

*ياعاشق بريده يكفي هبال ... ماغير تحلّت على الناس
تركض انت وعصاقيلك طوال ... وكلن عن الناس منداس
تخاف يفلقونك مع الراس ... ويطلع صعرورن كبر البسباس

وسلامتكم