مجموعة من الاعضاء والعضوات يسقطون بفخ ابو زينب وشكر خاص,,

[لِـيم’]

اليوم مع عذبــــــة

اقتباس: السلام عليكم ورحمة الله كيفك ؟ ياخيتي جيتك مظطرة وأبي منك مساعده خاصة احد المشرفات بالمنتدى دلتني عليك ومالك إلا الأجر و رمضان قرب والرجل تعرفين يحب التشكيل وأنا لسا عروس ما طبيت المطبخ من قبل ولا أعرف ومتفشلة منه حيل ,وأخاف أقول لأهلي يقولون لي ساده دبريني ياويل حالي الله يخليك ويسعدك ويجزاك الجنة وأبدعيلك كل مغرب عند الفطور.. وحمولتنا عندهم سواق وفلوسي والمة بس أبغى تدبريني بطباخه تطبخ لي كل يوم جاهز العصر ترسلينه لي

وردت :

اقتباس: عليكم السلام .. هلا فيك الف مبروك الزواج والله يوفقك بس ابي اعرف مين المشرفه اللي دلتك علي وانا مااعرف احد بهالمنتدى هههه !! جاء رمضان وانكشفن البنات الرفلات هههه مثلي طبعا .. طيب من عيوني عطيني فرصه لبكرا وبرسل لك رقم وحده تطبخ وكل يوم ارسلي لها سواقكم وياخذ منها وحده اعتقد بالرس ووحده في بريدة بس تراني ماجربت اكلاتهم الخفيفة لأننا نطلب منهم للعزايم الكبار اعذب تحية

انتهينا

اقتباس: أختي الفاضلة أشكر لك تجاوبك ويسعدني أنك كنت ضيفة معي في برنامج ((احلى الصيدات للأعضاء والعضوات)) الذي سيتم عرضه قريباً على قناة منتدى بريدة في قسم رمضان إن شاء الله وقد كان هذا اسلوبي مع عدد من العضوات في البرنامج .. عموماً هل تسمحين لي بالنشر معك العضوة : مسرعه بشويش ملاحظة : ياليت يكون بيني وبينتس حتى نكمل المشوار ولا تتسرب خطتنا وأشكر لكم تعاونكم أختي الفاضلة أشكر لك تجاوبك ويسعدني أنك كنت ضيفة معي في برنامج ((احلى الصيدات للأعضاء والعضوات)) الذي سيتم عرضه قريباً على قناة منتدى بريدة في قسم رمضان إن شاء الله وقد كان هذا اسلوبي مع عدد من العضوات في البرنامج .. عموماً هل تسمحين لي بالنشر معك العضوة : مسرعه بشويش ملاحظة : ياليت يكون بيني وبينتس حتى نكمل المشوار ولا تتسرب خطتنا وأشكر لكم تعاونكم

اقتباس:

وردت :

اقتباس: ما تتوبون انتمهههههههه برنامج حلوجداً ويسعدنياكونبين الملعوب عليهم بالبرنامج ياحبيبتي يامسرعه هذيالبرامج ولا بلااا الله يقويكم واي خدمه احنابالخدمة اعذب تحية

[X 7oor S3od X]

هههه ياحبي له عذبه جت جميع ..
تهني وتدعي من قلب
والله غريبه مشت عليه خخ
وترى أنا اللي كازته لتس < خابرتس رفلا قلت خليه تورّط


يعطيك العافيه سوسو
ماننحرمش من صيداتك
< مستانسه بهالموضوع .. بس تدخل وتطنز وتطلع

[قـتـالـه]

هذي عذبه
وراه وشبتس هابطه ومستسلمه ياعين ابوي شكل راسك يوجعتس ذاك اليوم وعطيتيهم جوهم تبين الفكه
انتظر مقلبك على احر من الجمر احسبتس تعرمشينهم عرمشه
<< تمزح
اقول يالبا الفزعات اللي على سنع

[اوكسجين بريده]

ههههههههه
قب اسد معتلاف علشان يبري ذمته

عذبه نصوحه وتحاول

[اوكسجين بريده]

هو وراه عجزت اعدل
معتلاف = معترف

[ابو زينب]

الذين يشاهدون محتوى الموضوع الآن : 9 ( الأعضاء 7 والزوار 2)
‏ابو زينب , ‏>ريانه< , ‏سلفـsilverـر , ‏همس الغرآم , ‏عبود وبس , ‏عاشق الخير

[>ريانه<]

ههههههههههه عذبه ياحبيله نصوحه

[احمد النجم]

اقتباس: جاء رمضان وانكشفن البنات الرفلات هههه مثلي طبعا ..

صريحه عذبه ..! وشكلها مرت بنفس الموقف بدون مقلب..!!
لكن واضح انها أكلت المقلب...بقشوره!!

[≈ Śķőőŋ »]

ههههههه ياحليلتس ياعذبه احسبتس بتهوشينه

[ămōяẻ]

متاكدين هذا عذبة اللي بالمجلس


بالمقلب مهنا حليلها

وصراحتها دليل تميزها

[أحب نفسي]

جايه للموضوع أنآ وآثقه أنك مشرشحتهم ههههه
لكن أكتشفت أنك وخ بص حليله وقلبك حنون >> |o|

[عذبـــــة]

السلام عليكم
صبحكم الله بالخير
والله ولعبت علي مسرعه .. بس ان جيتو للحق هي جتني والعبرة تجي وتروح
وشكلها متورطة مرة قلت والله ماني حرمة من ظهر رجال اذا ماساعدتها .. وكنت بقولها اول فطور تراه علي .. بس صار مقلب والأجر انحسب لي ان شاء الله
عموما انا صرت حليلة بزيادة لسبب .. تدرون وشو ؟
اني كنت بموضوع من المواضيع اهذري بشغالاتنا وطبخهن وانهن كثر التراب
نصفهن طباخات ونصفهن يوكلنن .. ونصفهن نتصدق فيهن على اللي ماعندهم شغالات
بنفس اليوم جتني هالرساله .. قلت هذي قارية ردي بالموضوع وطمعانة بشغالاتنا لكن لو تنهبل مايطبن بيتهم
برسل لهم ارقام طباخات وامري لله ..
لكن اكلت المقلب .. وهذا كلله بسبب كثرت قرقي بشغالاتنا الكثار

[عذبـــــة]

اقتباس:  المشاركة الأصلية كتبت بواسطة X 7oor S3od X     هههه ياحبي له عذبه جت جميع .. تهني وتدعي من قلب والله غريبه مشت عليه خخ وترى أنا اللي كازته لتس < خابرتس رفلا قلت خليه تورّط يعطيك العافيه سوسو ماننحرمش من صيداتك < مستانسه بهالموضوع .. بس تدخل وتطنز وتطلع

ضروري تكزينهم لي وتحرجيني معهم ؟
خلاص هماي قلت بشترك بمسابقة افضل قرص بيض !
ليه تحرجيني ليه !
تصدقين حور ؟ انا دخلني الماء على قولتهم يوم قالت مشرفه اللي دلتني عليك .. لأني مااعرف ولا مشرفه قلت بس هذي توريطه عشان يوقفونن منحينهم يتهددون علي خليني بصير ذوق هالمرة لين اشوف اخرتها معهم هههههه
آآآخ بس ياشماتت ابلا طازة فيّاا
حور ... تولمي تراني بردها لك بس ابصبر شوي لين تنسين

[ămōяẻ]

اقتباس: الذين يشاهدون محتوى الموضوع الآن : 2 ( الأعضاء 2 والزوار 0) ‏ămōяẻ , ‏عذبـــــة

حياك الله,,,,,,,,,,,,,

[عذبـــــة]

اقتباس:  المشاركة الأصلية كتبت بواسطة قـتـالـه     هذي عذبه وراه وشبتس هابطه ومستسلمه ياعين ابوي شكل راسك يوجعتس ذاك اليوم وعطيتيهم جوهم تبين الفكه انتظر مقلبك على احر من الجمر احسبتس تعرمشينهم عرمشه << تمزح اقول يالبا الفزعات اللي على سنع

هلا بحيي قتلتل
شفتي معدني الأصيل ؟
يبين معدن الشخص بالرسائل الخاصة << تسوي دعاية لها عبر الرسائل
واللي وده يعرف عن معدني شي ثاني لايرده الا فتح الرسائل الخاصة وارسال رسالة << غايبتن عنه
خيره هالموضوع جاء بوقته عشان تعرفون ان قلبي رهيف يتهفهف
قتلتل ماسوو فيك مقلب ؟

اقتباس:  المشاركة الأصلية كتبت بواسطة همس الغرآم     ههههههههه عذبه نصوحه وتحاول

اذا ماانصحت لبنات جنسي من انصح له؟
عسى الله يتقبل نيتي الصافيه بس << عاشت الجو

اقتباس:  المشاركة الأصلية كتبت بواسطة >ريانه<     ههههههههههه عذبه ياحبيله نصوحه

مسرعه بشويش طلع مقلبك من مصلحتي ههههه
ريانة كان تبين ارقام طباخات ولا شغالات ولا كوافيرات لايردك الا الرسالة الخاصة

اقتباس:  المشاركة الأصلية كتبت بواسطة احمد النجم     صريحه عذبه ..! وشكلها مرت بنفس الموقف بدون مقلب..!! لكن واضح انها أكلت المقلب...بقشوره!!

والله كان تبي الحق يااحمد فأنا ماانكر
انا فعلا مريت بنفس الموقف ودقيت على أمي بعز الظهر اقولها وشلون تنطبخ الملوخية ؟؟
الله لايعيد ذيك الساعه .. والله لو هو طايحن بي ان يتطنز بي لين اموت
بس لايغركم كلامي تراني الآن افضل طباخة .. بمساعدة الفلبينيات
بس الشيئ اللي لازم تعرفونه اني مااكلت المقلب لاااا ..
انا طلعت على طبيعتي في الرسالة الخاصة << مايمديك ترقعين يابنت الحلال خلاص المقلب ولفيتيه لفّ

اقتباس:  المشاركة الأصلية كتبت بواسطة ≈ Śķőőŋ »     ههههههه ياحليلتس ياعذبه احسبتس بتهوشينه

اهوشه ؟؟
لا ياحبيبتي انا مخليه الهوش بالمواضيع
بس بالرسائل الخاصة حبيبة ورومانسية << دعاية

اقتباس:  المشاركة الأصلية كتبت بواسطة ămōяẻ     متاكدين هذا عذبة اللي بالمجلس بالمقلب مهنا حليلها وصراحتها دليل تميزها

لا اللي بالمجلس هذي اختي الله يصلحها دفشة شوي ولسانها طوله شبر
بس انا غيرها مررة بنت حبوبة وطيوبه وعشاي ياكله الئط

اقتباس:  المشاركة الأصلية كتبت بواسطة أحب نفسي     جايه للموضوع أنآ وآثقه أنك مشرشحتهم ههههه لكن أكتشفت أنك وخ بص حليله وقلبك حنون >> |o|

للأسف انتم اخذين عني فكرة شينه أوي أوي
بس الحمد لله بينت على حقيقتي بهالمقلب
الله يبارك فيك وفي مقالبك يامسرعة والله انك سويتي فيني خير
شكلي بحط ردك توقيع لي عشان اللي بالمجلس يضربون لحنيتي الف حساب