مــدونــــــة & حــي المــنــتـــزة & المــتـــواضـــعـــة

[حي المنتزة]

رجاء اللي عمره أقل من 20 سنه
وطاف بالجيب الربع لايزعجنا بالصيد علشان ماتضربه الشمس !!

خله يجلس عند المكيف بالبيت
ويسرح شعره بالاستشوار احسن له
وحفاظآ على صحته !!

وش هالجيل اللي جاي ياناس ؟؟ اضعف من البنت !!

[حي المنتزة]

صباح الخير

اول ماقمت الصبح تذكرت ولد عمي وابو جيرانهم !!
يقول عجزت انام وبس اتقلب كل الليل الين ما اذن الفجر
رحت وصليت ورجعت وبدأ النوم يجي شوي شوي
قلت يارب انااااام تعباااااان وبعدها غرقت في النوم !!

يوم صارت الساعه 8 سمعت صوت مزعج مدري وشو !
صحاني من النوم واليوم الجمعه احسبها قامت القيامه توحشت !
فزيت من فراشي ورحت وفتحت الدريشه ابشوف الشمس معين طالعه
ومن الروعه وقت على جيراننا من غير شعور
اثر الصوت المزعج جاي من عندهم !!

ابو جيراننا الله يهديه شاري بقرة وجايبها للبيت وماغير مروع الحارة بصوتها !!هههههه
رجعت انام وانا اتنافض من الخوف الله لايعيدها !! هههههههههه

يقول جلست اخطط لها وشلون اذبحها من غير مايدرون !!
كل ماثغت تذكرت يوم القيامه وجتن النفاضه بالركب!!
ههههههههههههههه خخخخخخخخ ههههههههههههه
والا فيه احد يحط بقر او غنم بوسط حاره وبالبيت !!!

خخخخخخخخخ

[حي المنتزة]

واحد من الشله لامنه بدأ يسولف تذكرت شي همن قعدت اضحك !!

يقولي وراك تضحك لامني سولفت عليك ؟؟
(( يحسبن ابقوله سواليفك وناسه!! ))

قلت لامنك بديت تسولف تذكرت الشعراوي الله يرحمه هههه
بس تهز وتحرك يمين ويسار
تقل امرأه به الطلق تبي تضني !! ههههههه

[حي المنتزة]

الممثله فرح بسيسو

الفنانة أصاله نصري

هالبنتين كأنه فيه رابط مشترك قوي بينهن !!
صحيح انهن مايتشابهن في الشكل
لكن احس انهن خوات او من طينة وحده على ماقالت جدتي منيرة !!

اذا شفت الاولى تذكرت الثانيه وكذلك العكس !!
بصراحه بهن خفة دم مهب طبيعي

والله من وحده ووحده ودها تصير مثلهن لكن الفنانه عتاب اقرب لها !! ههههههه

[حي المنتزة]

اجتاحت موضة القرعه بين الشباب في الاونة الاخيره

وذلك بسبب تقليل الجمال الطبيعي الموجود في الشباب
وتقليل ازمة الفتيات من كثرة التلفت داخل الاسواق كالنخيل والعثيم وطقتهن

شاهدة عيان الاخت حصيصة العزيز تقول
والله اني منول الله يدفع البلا ماغير عيوني طايرة يمين ويسار لامني صرت بالسوق !
ويوم حطوا الشباب قرعه بروسهم بديت ماحب الطلعات من البيت !!
ويقول الشاب احمد عبدالله بعد ماحط قرعه :
ارتحت كثيراً من الازعاج وبديت اتمشى على كيفي
ولا احد يضايقن منهن !!

مع هايدنشولدرز قل وداعاً للقشره
ومع موضة القرعه قل وداعاً لهالكشره !!

هههههههه*

[حي المنتزة]

اقتباس: الذين يشاهدون محتوى الموضوع الآن : 8 ( الأعضاء 2 والزوار 6) ‏حي المنتزة* , ‏كروومه

اهلا وسهلا كروومه والزوار شرفتونا

لاتخافون تراي انا حي المنتزه بس حاطن قرعه ههههه
شكلهم مهب داخلين مرتن ثانيه ههههههه

[حي المنتزة]

http://i.imgur.com/w7mC0.jpg

وه بث ياملحهم !!!

[حي المنتزة]

جاءني سؤال قبل قليل من احد الاعضاء يسأل ويقول :

ماهي القرعه ؟؟

الاجابة
تعريف القرعه / هي ازالة جميع شعر الرأس من جذوره
الين مايصير الراس يتبالص ويلمع
ويطلعن الصعارير والفلقات اللي مرن بحياتك

[حي المنتزة]

١٠٠٠ مبروووك لكل من دخل القفص الذهبي هذه الليله

اسأل الله لكم التوفيق في حياتكم الزوجيه

[حي المنتزة]

اجمل اللحظات عندما تكتسي الفتاة فستان زواجها
لترى فارس احلامها مقبلا امامها مبتسماً تغمره السعاده!!

حياااااااة اخرى بعيييدة عن العالم بأكمله !!

أسأل الله العظيم ان يوفق كل انسان مع زوجته
وأن يسعد كل فتاة تنتظر من يطرق باب سعادتها
عاجلاً غير آجلاً يارحمن

[حي المنتزة]

والله يامركز الارصاد ازعجنا برسايله من يوم الاثنين وهو يرسل
كل شوي تجين رساله منهم
يحذرون لقدوم موجة برد وغبار يحد من الرؤية على بعد ١كيلو !!

ندري ان هذا (( بيع الخبل عباته ))

لكن لاجاء البرد ملابسنا عندنا وين يروحن !*

[حي المنتزة]

اخيراً نظفت مسبح الاستراحه وصار جاهز للسباحه
الله وناااااسه !!

متى بس يجي الظهر متحمس للمطافش !!

هذا هو المسبح بس لا احد يزعجن يقول ابطب معك !!

http://i.imgur.com/VBTiT.jpg

[حي المنتزة]

ورااااه المنتدى اليوم يالله يالله يفتح

انتم مثلي والا بس انا لحالي ؟؟!!!

[حي المنتزة]

توقعاتنا لحضور الطلاب خلال هذا الاسبوع !!

السبت :




الأحد:


الاثنين:


الثلاثاء :


الأربعاء:
> مصطفى

انا مادري وش اللي جايبه هالمصري يوم الاربعاء؟؟

مايدري انه استعداد للاجازه !! ههههه

(( هذي خاصة فقط للي يدخل عبر الجوال ))

[حي المنتزة]

(( بيّاع الخبل عباته ))
هذه العبارة على كل لسان سعودي
والسوريين يقولون :
((خبي تياب الدار لحتى يجيك آذار))
حتى امثالهم ذوق وتهبل مثلهم !!

واحنا بياع وخبل وعباة .
وكل واحد يعلّم الثاني وهم كلهم يدرون !!!

والله من شين الهرج !! ههههههه