مــدونــــــة & حــي المــنــتـــزة & المــتـــواضـــعـــة

[حي المنتزة]

ودي احط بالمدونة صمغ الفار علشان اللي يدخل يمسكه !!

تخيلت عاشق ماسكة رجلينه ويزحف يبي يطلع
ههههههههههه

[حي المنتزة]

عندي لكم مثل جاز لي قوووه !!

إذا شفت اللي يكرهونك كبر اللقمه
وطير عيونك

ههههههههههههه
احسن مثل بالعالم سمعته وياليت نطبقه كلنا بحياتنا !!

( نطبقه او نخليه مفتوش !! ) هههههههه

[حي المنتزة]

(( كفزه ))

ههههههههههه

من اللي مخترع هالكلمة بالملابس ؟؟ههههههههه

[حي المنتزة]

تم وبحمدالله اخراج مكينة الايسكريم من المستودع
واللي شريناها في الصيف الماضي
وقد قامت الشغالة (( نانا)) بتنظيفها استعداداً لتشغيلها بعد اسبوع !!

ولن تخرج هذه المكينة من البيت مهما حصلت اغراءات من عاشق وغيره !!

لان عاشق يقول جبها للاستراحه خن نشوفها علشان نشري مثلها !!

وعاشق يتميز بالقعاطه والذكاء !!
لانه سوف يقول لي سآخذها واوريها زوجتي لنشتري مثلها !!
وبعد ماتروح المكينه يجي ويطيح عليها جدار ويقول طاحت وانكسرت !!

همن يبدون ياكلون عسكريم بالبيت وانا ماغير طايرة عيوني !!

على مين تلعبها ،،، على مين يابن الناس

خخخخخخخخخخخخ

( خن ) حرف جر ههههههه

[حي المنتزة]

هذا العقد خاص للنساء فقط
يعني لا احد من هالشهبان يلمس الرابط !!

http://i.imgur.com/yfDwi.jpg

[حي المنتزة]

فيه عجوز كبيره اضنت عجوز صغيره !!

[حي المنتزة]

صباح الخير للجميع
قمت الصبح وطلعت للشارع اثر فيه قلابي يكب شحنه
وتذكرت ايااام الطفوووله

كانت اسعد عمر قللي اقصد اسعد اللحظات عندما يكبون عند بابنا شحنه !!

همن كل بزارين الحاره تلقاهم فوقه يتقدمهم (( حمودي))

اللي يسبحن واللي يحفر حفره ويطب بوسطها واللي واللي ...الخ

يازينها ذيك الايام تذكرني بشقاوة الابرياء

[حي المنتزة]

شقاوة الابرياء
ترى هالكلمة طالعة من أخر المخيخ الايمن !!
يعني اتحداكم اذا احد فكر فيها وقالها قبلي

طلعناها من عسف الزمن اللي مر بحياتنا الطفوليه !!

ههههههههه

[حي المنتزة]

والا عاد كلمة (( عسف الزمن ))

هذي لحالها كبيره عليكم ماعليش ههههههه

[حي المنتزة]

شويب المنتدى

مامرن عليك بحياتك هالكلمتين ؟؟

(( شقاوة الابرياء و عسف الزمن ))

والله الظاهر انك ماغير قهيوه وكويتم وتميرات
لكن يالله من فضلك !!

[حي المنتزة]

مدونتي

انتِ المتنفس لي عند فراغي

بعدَ
الوالدين
الاخوة والاخوات
الزوجه والاولاد
الاقارب والاصدقاء
السيارة والبيت
الاستراحه
الجوال والكمبيوتر
الاعمال الخاصة

فهل عرفتي قيمتك عندي يامدونتي ؟!!

هالحين تزعل وتنشق هههههههههه

[حي المنتزة]

يقول الشاعر الكبير (( حي المنتزة )) في احدى معلقاته :

اذا انت عجزت تنام بالليل وعندك شغل الصبح ... مالك الا انك تضرب لبن المراعي الين ماينشق بطنك !!

وسلامتكم

[حي المنتزة]

جاك السعلو جاك السعلو!!

هذا مثل الاولين علشان يوحشون عيالهم !!

هههههههههه

[حي المنتزة]

دايم اضحك لاسمعت كلمة

(( فنيله ))
وراه اسمه كذا الصراحه نكته الاسم مدري من اللي مطلعه !!
ابتل قل فنيله فنيله فنيله فنيله ههههههه

[حي المنتزة]

مرة جالسن بالاستراحه انا والشله قلت لهم :
ياشباب فيه احد خابر لي سيارة للبيع ومكان السواق باليسار؟؟

كلهم قالوا لا لا
قال واحد فاهم: هذي صعبه تلقاها عندنا!
وموجوده باوروبا بكثره !!

ههههههه كل السيارات السواق باليسار هههههه