"جاهلية النساء".....

[فديكا التميمي]

اقتباس:  المشاركة الأصلية كتبت بواسطة عازفة ألحان الليل     الإنسان هو من يصنع نفسه وحياته وايضا تعاسته وليس الناس .

اكيد وهذا المفروض
لكن بمجتمعنااا الهرجه للناس السالفه قالوا الناس وحطوا الناااس
فصاروا يقدمونهم على انفسهم ...

[فديكا التميمي]

اقتباس:  المشاركة الأصلية كتبت بواسطة shahd2007     مدري لييه يربطون السعاده والتوفيق بالحياه برجل ع ان المرأه ممكن تعيش حياه افضل من غير زواج ومطبقين المثل ظل راجل ولا ظل حيطه لا والله ظل حيطه اذا صار الرجل مايصلي ظل حيطه اذا صار الرجل مدمن ظل حيطه اذا صار مقصر ومهمل ونكدي فقط بمجتمعنا مقياس نجاح المرأه هو الزواج حتى لو كانت موب فالحه بشي وغيره احسن منها وناجحه بحياته بس ماجاها نصيبه تكون فاشله بنظر هالمجتمع ههههه بجد يشتكون كثير من البنات من كذا بس الحمد لله جداتنا والكبيرات اللي عندنا مودرن ومايقولن هالحكي ق1يالبى قلوبهن ع هاك الصفه موضوع جمييل فديكا دوتس

هذا البلا مع انهن مجربات عشرتهم مابه زود
وزين ان ماصارت نقص عليه لكن هذي سنة الحياة ....

[فديكا التميمي]

اقتباس:  المشاركة الأصلية كتبت بواسطة الصيااد     من يعتمد على غيرة تكون حياته غير مستقرة سوا مرأة او رجل الصيااد

صدقت ......

[فديكا التميمي]

اقتباس:  المشاركة الأصلية كتبت بواسطة حُـلم     المرأة والرَجُل كلاهما مُكمّل للآخر .. لا شكّ بهذا ! ولكن .. بإستطاعة احدهما عبور مسآرات الحياة بمفردة ..مُعتمدا ًع ذاتة الجهل يُعشعش بالدِماغ ولا يُدرك ايّنا المرأة والرجل .. تلك فئة من السابقون الآولون تُبجّل الرجل في ظل حياة البطل فيها من يكفّ قوت اهل بيته .. هُنا تغيّر الحال تماماً تصنع الفتاة نفسها .. وتجعل من الرجل شئ آخر من جوآنب حياتها .. فلا الوقت ثابت ولا الزمآن ايضاً .. مُعتقداتنا ليـست صالحه لكل زمآن ومكآن او تملك قُدسيّه قرآن مسكينه تلك التي تجعل من نفسها مقياس لنظرة الرجل .. / مُجتمعات ميّتة عآن الله اصحابها

قربي راستس امطختس

[فديكا التميمي]

اقتباس:  المشاركة الأصلية كتبت بواسطة قـتـالـه     [center] ياكفارات العشير خافن الله هآآبو هالحنوك المشكله ان اللي تقول كذا ماجربت العيشه بدون رجل اللقمه تحط بفمها والسياره توصلها وراتبها الطفسه يالله يكفي تسدد فواتير جوالها وتشري بالباقي بلايز وفطور لخوياتها:| وجود رجل يدفع الفواتير ويناظر اوقات فصل الكهربا والتلفون نعمه استحن على وجيهكن واحمدن ربكن واسجدن سجود الشكر على وجود الرجال !! يالله ياكريم انك تبلاهن بقلهم علشان يعرفن قدرهم الوحده تنام وعينها مرتاحه ولقامت استدنت اللابتوب علشان تكتب كلمتين تبين لنا ان براسها سراوه !!!

هذولا رجال اول اللحين حتى حافز الهفوه منهن والله من واحد وواحد
كاتم على انفاس زوجته لكن هالدنيااا عبر يالله الجنه ....

[فديكا التميمي]

اقتباس:  المشاركة الأصلية كتبت بواسطة احمد النجم     كل ماورد في المقال واقع ومشهد لايمكن انكاره ! لكن هو موجود في كل المجتمعات العربيه قبل فتره تابعت برنامج اجتماعي على قناه مصريه بالصدفه وكان الحديث عن نفس ما تناولته الكاتب /ه فأدركت ان المشكله عربيه ! لكن عندنا قد يكون تشفي مغلف بالاماني وكأنهم يمارسون الموساه لمصيه قد وقعت ! فديكا: لمن هذا المقال؟

ممكن بس احسهم ماياصلون مواصيلنااا
والله يااحمد إني ماادري بضغطت زر بإمكانك تدري ....

[فديكا التميمي]

اقتباس:  المشاركة الأصلية كتبت بواسطة روح لايسعهآ جسـد     اليوم سلمت على طالبه بالكليه لها سنتين ماشافتني قالت لي اول سؤال تزوجتي ؟ ههه قلت له ليه لازم اتزوج يعني ..! الحريم عندنا مهما درسن وتعلمن وتثقفن مايحسن بالكمال الا تحت ظل ذكر ورغم تمسكهن بهذا الكائن الا انهن لا يحسنن التعامل معه يعني لا فن ولا اخلاق ولاحتى رغبة بالجنس يبن يتزوجن عشان يركبن بالسيارة قدام وبسسسسسسسسسسس السلام عليكم

والله من الهبال هه
وين انتي وين الركبه قدام هونوا اللحين يبن يعرسن
علشان يقال إنه معرسه بس ,, مافي اي دافع للزواج غيره ,,
مطغيتس تعامله معهن
جح يدربي قرع على قولتهم

[فديكا التميمي]

اقتباس:  المشاركة الأصلية كتبت بواسطة qassimy     القطار لا يسير إلا على قضبانين فالحياة لن يصبح لها طعما إلا بالزوجة الصالحة وقال رسول الله صلَّى الله عليه وسلَّم: (ما أعطي الرَّجل في دنياه خير من امرأة صالحة، إن أمرها أطاعته، وإن غاب عنها حفظته، وإن نظر إليها سرته)

صدقت والرجل الصالح بعد يالله من فضلك

[فديكا التميمي]

اقتباس:  المشاركة الأصلية كتبت بواسطة بحـر     وش خليتي حريم أفضل حل لهالأشكال تردين الكلمة بعشر يصيرن يحسبن حساب كل كلمة قبل تطلع حتى لو كانن عجز لاتستحين منهن

تراي اتكلم عن المجالس عامه لاعن شخصي
موب المشكله بالرد عليهن المشكله شفقتنا بحالهن بس ,,,,

[جزيرة]

المجتمع العربي
والبيئة العربية
..
ماتزال وستزال
تلوك بهذه السيفونية
..
..
صديقتي مصرية طرحت عليها بعض من قضايانا الخاصة
قالت إحنا أزفت منكوا )
..
..
الانسان يصنع نفسه لا غيره
وكم واحد من أولئك حطم آمال وأجهض طموح قبل ولادتها
..
..
إلى الله المشتكى هذا الواقع
..
أتأمل دائما بشرى الرسول صلى الله عليه وسلم
بمن حفظت فرجها و زوجها وصلت فرضها و صامت شهرها دخلت من أي أبواب الجنة شآءت ولم يخير إلا أبو بكر
..
..
قد أكون أبحرت عن الشاطئ
لكن لنكن و اقعيين
الحياة تكامل
لكن الحياة لا تتوقف عند رجل أو شبه رجل
..
ودائما من يسأل ويتعب هو أحد شخصين :
إما فضولي أو مؤمل لي بالمستقبل ..
قد يكون الاسلوب
والطريقة ركيكة
..
.
أخيرا
نصيحة لكل الغاليات
لا تستعجلي لأجل كلام الناس
فهم لن يعيشوا معك,

شكرا
على الموضوع فهو واقع ..

..

[ابـو بلقيـس]

مافيها شي ان تدعي للبنت بالزواج الصالح
بالزمن الاول في عهد الصالحين بمجالسهم اذا انتهى حديث احد منهم قالو الله يصلحك على انه صالحين . بس حنا ناخذه من مارب اخر
لكن الي يأخذ بهرج الاودم يلهث . المفروض يخلي اذنه نفس الماصوره
لدخل الماء من طلع من الجهه الثأنيه ‘‘‘ ويرتاح ،،،

[عازفة ألحان الليل]

اقتباس:  المشاركة الأصلية كتبت بواسطة فديكا التميمي     اكيد وهذا المفروض لكن بمجتمعنااا الهرجه للناس السالفه قالوا الناس وحطوا الناااس فصاروا يقدمونهم على انفسهم ...

مع ذالك الأنثى هي من سمحت لهم يتكلمون عليها لأنه إما هي تشتكي عن حالاتها الي ذكرتيها بالموضوع عند الي يسوى والي مايسوى او انها لاتخالط الناس وموقوقعه على نفسها او متجهمة الوجه وحزينه ولباسها رثه او او ...وفي هذه الحالات اكيد كلن راح يتكلم فيها

فهمتي ما ارمي اليه .

[فديكا التميمي]

اقتباس:  المشاركة الأصلية كتبت بواسطة saga     نظرة الشخص لنفسه هي نظرة الآخرين له والفكره اللي يشكلها الشخص عن نفسه هي نفسها اللي يشكلونها الناس عنه,, البنت اللي تشوف نفسه عانس بيشوفونه عانس والعكس صحيح

وهم يعطون الواحد فرصه يشوف وش هو عليه ....

[فديكا التميمي]

اقتباس:  المشاركة الأصلية كتبت بواسطة ام مشقاص     لااله الا اله

الف من ذكره ..

[الاردني القصيمي]

هذا حال المجتمعات العربيه بشكل عام وان كان الوضع يختلف بدرجات من مكان لأخر