الشاعر القدير / ياسر التويجري ضيفا على منتدى بريده

[قصمنجيه]

أهلاً بالشاعر القدير التويجري ...

السؤال الأول/ تمتلك قوة و جزالة في القصيدة و قاعدة جماهيرية عريضة و بتأكيد لم تأتي الثانية إلا نتيجة للأولى
و لكن ما يعاب على ياسر مع أتساع رقعة شهرته ظهر بأنه أقل من أن يواجهها, وظهر ذلك جلياً
من خلال تصريحاتك و رمي الكلام على عواهنه أضافة إلى تضخم الذات لديك, مما جعل الكثير
يرجع هذا لصغر سنك . و حداثة تجربتك ...فماذا تقول..؟؟

السؤال الثاني/ لماذا لم تدخل مسابقة المليون إلا متأخراً , و هل صحيح ما سمعنا عن اللغط الذي جاء
نتيجة دخولك الذي كما وصل لنا أنه على حساب آخرين ...؟؟




كلمة أخيرة ...
تركد لا تفشلنا . فأنت تمثل مدينة بأكملها و الكثير يرى فيك أهلية التمثيل.



.


.
.

[iiigil]

مبدع مبدع احييك ومباشره.........

[خبل عنزة]

السلام عليكم .


سجلت مخصوص من شان اسأل الشاعر الاسطورة ( ياسر )

بدايه .

ما حصل في حلقه شاعر المليون اثبت بما لا يدع مجال للشك ان ياسر بحق امبرطور الساحه . وان سمح للملايين ان تتنافس على ياسر التويجري فلن تتردد .

سؤال المهم الملح جدا والذي لا يملك ياسر بدا من الاجابه عليه



متى موعد العرس و بأي مكان ؟؟!!

وترى الاجابه مطلوبه بشده . نبي نتشرف بالحضور

[مشعل السلمان]

كل الشكر لأخونا ابومشاري


على إستضافة هذه الأسطورة الحيه المتألق دائماً وشاعر الخليج الأول الشاعر ياسر التويجري


والشكر موصول لشاعرنا الكبير على قبول هذه الدعوه


عندي سؤال واحد للشاعر ياسر:-


بماأني من شعراء المنتديات... مارأي الشاعر ياسر في شعراء النت؟ وهل هو متابع لهم؟


واخيراً شكراً لكم

[بحر العطاء]

الحين الضيف وينه

[سنافيه]

[quote]الحين الضيف وينه[/quotههههههههههههههههههههه


اختي بحر العطاء اقري المقدمه زين وراح تفهمين

[iiigil]

اماراتيه يا مئصوفة الرئبه يقول ابروح اتزووووووج

بس .................................مقطع مشفر لسلامه الرأس

بس انتبهي تر الشاعر ما يعطي المحروسه وجه يقولونه

[اماراتيه وكلي فخر]

عاااااااااااااااااااااااااادي اكيد قدري عنده عالي لاني اماراتيه ^_^

[اماراتيه وكلي فخر]

على فكره الطلبات الي قلتها بس من باب المزح و انا ما ابي شيء منه اهم شيء طلته الحلووووووو لدار الاماراتي هذا فخر لنا

[شاعر المليون]

السلام عليكم ورحمة الله وبركاته

مساك / صبحك الله بالخير ياياسر اتمنى إنك تجيب عن أسئلتي بصدق وبصراحه

السؤال الأول : لماذا وصفت المسابقة بأنها عين جالوت ثم انسحبت .. هل كنت مخطط للإنسحاب من قبل ؟

السؤال الثاني : ألا ترى أنك أسأت الى الشعراء في اللجنة بتهميشك لهم ؟

السؤال الثالث : هل كنت مشارك لأجل أمك أو لأجل الشيخ محمد ؟ وهل حوارك مع أمك الذي نقلته صحيح أم مجرد مزحة ؟

السؤال الرابع : يقال أن القصيدة التي قلتها مخالفه قليلا لللنسخة التي اخذتها اللجنة .. فهل هذا صحيح ؟

السؤل الخامس :بالنسبة للمعجبين بشعرك وإلقائك الذي ليس له مثيل .. وانا منهم : من أين نستطيع ان نرى موقع يعرض مقاطع فيديو لقصائدك ويعرض كل جديد لك ؟


واتمنى أن تبتعد عن الدبلوماسية في الإجابة واجب بإجابات صريحة ومفصلة

لأني أشتركت في المنتدى بس عشان أسإلك ولا تردني خايب

[المشارك]

اقتباس:  المشاركة الأصلية كتبت بواسطة شاعر المليون     السلام عليكم ورحمة الله وبركاته مساك / صبحك الله بالخير ياياسر اتمنى إنك تجيب عن أسئلتي بصدق وبصراحه السؤال الأول : لماذا وصفت المسابقة بأنها عين جالوت ثم انسحبت .. هل كنت مخطط للإنسحاب من قبل ؟ السؤال الثاني : ألا ترى أنك أسأت الى الشعراء في اللجنة بتهميشك لهم ؟ السؤال الثالث : هل كنت مشارك لأجل أمك أو لأجل الشيخ محمد ؟ وهل حوارك مع أمك الذي نقلته صحيح أم مجرد مزحة ؟ السؤال الرابع : يقال أن القصيدة التي قلتها مخالفه قليلا لللنسخة التي اخذتها اللجنة .. فهل هذا صحيح ؟ السؤل الخامس :بالنسبة للمعجبين بشعرك وإلقائك الذي ليس له مثيل .. وانا منهم : من أين نستطيع ان نرى موقع يعرض مقاطع فيديو لقصائدك ويعرض كل جديد لك ؟

شرحك سرا

نرجو من المبدع ياسر ان يجب بصراحة على هذه الأسئلة

وما رأيه بمن اتهموك أنك خائف من عدم الفوز ؟

[كبرياء مجروح]

السلام عليكم ورحمة الله وبركاتة
اشكر اخواني القائمين على هذا المنتدى الرائع وعلى استضافتهم للشاعر الكبير ياسر التويجري شاعر عنزة وشاعر التواجر

اول شي حبيت اقول لضيفنا الكبير اني احبك فالله
بس عندي سؤالين وقصيدة اهداء مني للشاعر
س/ياسر شاعر كبير وغروره ماهي الا ثقه في نفسه بس ليه ماترد على شعراء اتهموك بالمهايطه على قولتهم مع اني ما احب هالكلمة ؟
س/ياسر انت تويجري وماخبرة ان التواجر بدوا الا هم حضر فليه الواحد بعض الاحيان يحب يغير شوي في اصله؟
اتمنى ماتتضايق من سؤالي الثاني بس من زواد ما اغليك ياولد عمي قلت هالكلام

واعجبني كثير قصيدتك كلها بس هيضتني يوم قلت
والشاعر اللي معه عزوة خوال وعمام
تفداه وايل وترقب مستعده مطير

وأنا اقول لكل من شكك فيك يالغالي

أنا أشهد إن الشعر فن ومقام
ومايحسن القول غير شخص(ن) جدير
هذاك اللي نخى خوال وعمام
يكفيه فخر يوم صاح بصوت(ن) هدير
عنزة اللي عزها عز لكل الانام
بني وايل عيال الشيوخ نسل المغاوير
هدفنا ماهو دراهم ولا كلام
هدفنا عز نعزبه كل شخص هجير
ياسر ياشاعر القوم العظام
ياولد التواجر مايضرك قول الحقير
محمد الذيب ورع بني يام
يحسب الناس كلهم مثل عقله صغير
(مع احترامي للشاعر بس انا ولد عمي على الغريب وبني يام على عيني وراسي بس من يغلط على ياسر هذا قدرة هذا قدرة يابن ذيب)
شاعر وإن زادوا بالخصام
دليل إن شعرك في عيوننا كبير
وماذبحهم غير كثرالملام
يحسبون بقولهم بتصبح صغير
لا وربي أنت الشاعر الهمام
أنت شعرك شافه حتى الضرير
ومالقوا غير قول الاوهام
وقالوا إن الواسطه خلتك سفير
للمملكة في أرض العم سام
شفت كيف شعرك خل عقولهم تطير
وصاروا مايحبون الصف الأمام
والسبب إنك مستحيل تكون فالاخير
يخافون منك حتى بالأحلام
ولطلعت لهم قالوا سترك يامجير
لكن إعذرني ياولد العمام
حنا تواجر ينتخى بنا وماننخي الغير
وإن كان عندك شوية إنفصام
ونسيت إنك شيخ ولد الشيخ بصير
تذكر وخذ مني زبدة هالكلام
حنا ماننسى أصلنا مهما يصير
وأترك عنك البداوة والهيام
ولا ترجي دراهم من شيخ وأمير
وترى العانية علينا لك لزام
وإن كنت محتاج فأبشر بمال وفير
حنا تواجر عزنا يبقى دوام
ياجعل ربي مايفرقنا ليوم المصير

طبعا للقصيدة بقية بس اني كتبتها ارتجالية بعد ماسمعت ياسر وسمعت ردود الحاقدين على نجاحك ولان اليوم اخر يوم للاسئلة حبيت اشارك فيها وهي توها ما كملة
وحبيت اذكرك ياياسر ان ابو متعب احب لقلوبنا من غيره مع كذا لو شفته وربي مستحيل احب يديه الراس ماينحني الا لبوي هذا اللي عندي ياشاعر التواجر كلهم واتمنى ماتتضايق من كلامي

اخوك
عبدالمحسن بن أحمد التويجري

[كوكتيل]

الشاعر الكبير والعملاق والبطل

هههههههههههههههههههههههههههههههههههههههههههه


سؤالين :

1/ اخ ياسر نحن من المعجبين بقصيدك الجزل ولطافة(لكاعة)اسلوبك للاعلام لكن لماذا ياسر لايقيم امسيات ببريده نحن نسمع عن امسياتك خارج بريدة ؟؟

2/ وش تشجع ( اي نادي ))؟؟




ومشكورين على الاستضافه

وخاصه ابو مشاري

[عبدالعزيز عبيد العدواني]

أشكر جميع من حضر هنا ليضئ هذا المتصفح حتى يكتمل القمر ويصبح بدرا بوجود ضيفنا العزيز الشاعر / ياسر التويجري




ولهذا الحضور الكبير سنمدد فترة إستقبال الأسئله لنكون معا في هذا المتصفح إلى موعد يتم تحديده في وقتن لاحق




تحياتي للجميع

[رحيلة الأماني]

السلام عليكم ورحمة الله وبركاته
اولا:اهلا بشاعر المليون ياسر التويجري.
ثانيا:اطلب منك انك تجاوب وبكل امانه على كل سؤال طرح عليك؟؟؟
ثالثا:كنت استنى شاعر المليون بكل شوق طبعا الحلقة اللي انت فيها وكنت استنى ا لحظات التي تقول لجنة التحكيم الفائز الاول من المملكة العربيه السعودية* يــــــــــــــــــــــــــــــــــاســـــــــــــ ـر التـــــــــــــــــــــــــــــويجـــــــــــــــ ــــــــــــــــري*
واشوف نسبة التصويت100%وحتى وانت تلقي قصيدة اتخيلك وانت فائز واتخيل شعور جماهيرك وامك اللي الظاهر ماتعرف انك ناوي تنسحب على العموم تفأجأت بهاذي اسمحلي اقول النذاله يعني معقولة بعد الكلام اللي في شات القناه والتراااااحيب من الجميع والتقدير لك منا جماهيرك ومن الاستاذ تركي المريخي المفروض ترجع وانا متاكدة ولاودي احلف لتأكيد ظني انك قاصد هذا الشي وليدل على ذلك جلستك في مجلس الشعراء قبل بداية الحلقة تدل على عدم اهتمامك او ان اللي حصل بينك وبين الشاعر محمد ذيب العجمي خلك تقول هاذي عين جالوت وخلك ايضا تنسحب وعلى فكرة
قولك صوووووووووووووتوووووا لي انا محتاج لكم ولحيت في الطلب بالامانه شفها راح يعيدونها على قناة الواحة مئات المرات بين ان طلبك خدعة.
اخيراااااااااا ابيك تجاوب على سؤال هل فعلا الشاعر محمد زعل منك بمناسبة دخولك.فسر السالفة؟؟وفي قصيدتك
ممايسبب لبعض اعدائي الاحتدام
============ اللي يحسبون قرض الشعر مثل الشعير
مااااااااااذا تقصد؟؟
وقولك من حبني رغم تفويتي له الانخدام
============ واللي كرهني فهذا شخص ملعون صير
كنا لكن بعد حركتك صرنا.................يريت تفهمه
وحركات الاطفال الدلع والكبريا ........معليش والله اني مقهوررررررررررررررة منك لكن احب اقولك فالك التووووفيق بزواجك.
انشاء الله مادام مارااااح تاخذ المليووووون ياخذها الشاعر المتالق دائما والمحترم &فيصل اليامي&
طيب مدام انك مو محتاج المليون وتبي تثبت للناس هاذا الشئ كان جلست عشان تحمل لقب شاعر المليون ترى غيرك وقبلك قال ماني في حاجتها لكن يسعون ويشاركون لحمل هذا اللقلب.
ياااااااسر...احب اقولك في الختام سلمني على ا بوك مو محمد التويجري اقصد محمد بن زايد.
تحيااااااااااااااتي.....