شارك في كتابة احداث هذه القصة واترك لغيرك اكمالها

[عنيزاوي]

(6)
طرد الشكوك ودخل للمحل وسأل العامل عن الماء فلم يجد لديه العبوات المخصصة للبرادة .
وكانت في مستودع داخل المحل

كان العامل يحاول فتح باب المستودع وكأنه اول مرة يفتحه

عبدالله نفذ صبره وارتفع صوته

العامل بين الارتباك والعجلة ازدادت اخطاؤه

انفتح الباب اخيرا ويحث عن عبوات الماء واخذ منها اثنتين


دفع له المبلغ وأعاد له الباقي

خرج عبدالله والعامل كل منهما يحمل واحدة من عبوات المياه .

لما اقتربا من السيارة وجد الامر غير طبيعي

رجل اشعث اغبر يدور حول سيارتهم واصوات الاستغاثة من داخل السيارة

انقض عبدالله على هذا الرجل واسقطه أرضا وبدأ يكيل له اللكمات

تدخل العامل وابعد عبدالله وهو يردد على عبدالله ( هذا نفر مسكين مافيه معلوم )


تحركت السيارة وهند لا زالت منفعلة وتحمُّل عبدالله المسئولية وعبدالله يرد بصوت منخفض أهدأي لا تفشليننا

يقطع حديثهم صوت وفاء عطوني ماء بسرعة فاطمة مغمى عليها ........................................

[الظـــامي]

عنيزاوي ..

بارك الله فيك ..

أعذرني عن المشاركة .. واسمح لي بالمتابعة والحضور ...

شكراً لك أخي ...

الظـــامي ...

[عنيزاوي]

اخي الظامي
حضورك تشريف لنا فمرحبا بك

[عنيزاوي]

ردا على من لا يستطيع
انصح باقتناء كتاب
لدى مكتبة جرير
عنوانه
نعم تستطيع
مترجم
اسلوبه جميل
قراءته شيقه لان كل موضوع مستقل وبصفحة أو صفحتين

كما ان قراءة مثل هذا الموضوع والذي نقلته الاخت سوسة بريدة مفيد جدا
http://www.buraydh.com/forum/showthread.php?t=109708

ولكم خالص التحيا

[سجينه الذكريات]

]][`~*¤!||!¤*~`][سأقتنيه بإذن الله][`~*¤!||!¤*~`][[

[جـــوان]

وبانفعال صرخ عبد الله :هند اعطوها الموية بسرعة!!


تحركت هند كالآلة وناولت وفاء عبوة ماء فالتقطتها شريفة ببراعتها المعتادة في حسن التصرف وقت الازمات


(بسم الله عليك يا فاطمة !) خرجت هذه العبارة من هيلة


التي كانت في قمة الخوف فهي لم تعتد على مثل تلك المواقف..وقبل أن تكمل قطع عليها صوت وفاء بنبرة

رزينة وقد هدأ الجميع بفضل كلماتها المريحة :

( حصل خير اذكروا الله ..البنت تروعت شوي ..وان شاء الله مسافة الطريق وهي راجعة أحسن من أول)





******


الحمد لله على السلامة وصلنا ؟؟


التفتت نوف مخاطبة (الجوهرة) الواحد لازم يحمد ربه على السلامة وهو رايح وهو جاي ..

هالطرق الطويلة هذي ما عاد هي مأمونة..المرة عدت على خير بس الله اعلم وش يصير بعدين..



أثناء الحوار كانتا قد دخلتا فناء المدرسة

ضحكت (الجوهرة )بمرح وهي تخلع عبائتها وتدخلها في درج مكتبها ..(يا بنت الحلال ما بقى كثر اللي مضى كلها كم سنة ونتقاعد ونرتاح ببيوتنا )

جحظت عينا (نوف) وهي تقول: لا ان شاء الله! قرار نقلي بتسمعينه قريب وبتنقهرين ..بس غصب عليك تسوين لي حفلة وداع وتشوفين إن ما ذكرتك بكلامي ...
وبعدين لا تعممين بكلامك أنا بسم الله علي توني في بداية مشواري ..



ألقت (الجوهرة)نظرة استبعاد وهي تحمل معها رزمة من الدفاتر الملونة وتهم بالخروج من الغرفة (أقول نوف..بسرعة الحقي عالحصة

الأولى واكشخي على البنات بالإنجليزي أحسن ما تخصم عليك المديرة وتضيعين من أولها...).................................

[عنيزاوي]

جـــوان

حلووو حلووو حلووو كثيررررر

[عنيزاوي]

المكان غرفة المعلمات

الوقت الفسحة

شريفة ناكثة شعرها وتمشي بطرقة ذلك الرجل

ضحكات عالية

وفاء .... وهي تمسك بفاطمة عطوني ماء مغمي عليها

يضحك الجميع

شريفة تقلد حركات الجوهرة وهي تمسك بالباب خوفا من أن يفتحه ذلك الرجل وهي تغير من تعابير وجهها

يضحك الجميع وتنهض الجوهرة لتمسك بها وتهرب شريفة منها






عذرا توقف اجباري عند هذه النقطة

[جـــوان]

(9)

بعيدا عن ضحكات المعلمات و هتاف الطالبات ..خارج أسوار تلك المدرسة العتيقة ..

تعود الصورة إلى (عبد الله) أثناء قيادته للسيارة على الطريق السريع بشروده المعتاد ..

اقتحمت رأسه أفكاره الحزينة من جديد ..ليتك أكملت دراستك ..كم أنت أحمق ..هل يعجبك شكلك التافه أمام زوجتك وزملائك ..

انظر كيف ازدهر الحال بــ خالد وبدر و...

محاولاته المستميتة في طرد تلك الأفكار البائسة.. باءت بالفشل ..

خلعت هند غطاء وجهها لتتنفس قليلا بعد أن تأكدت من خلو الشارع ..

(عبد الله ..يعني زي العادة دايم سرحان..)

رمقها بنظرة بائسة لم تعتد عليها ..

تنفست الصعداء ..(عبد الله ..هذي سنة الله في الحياة ..ما أحد يقدر يبدل فيها لا أنا ولا أنت ..

الله سبحانه هو الوحيد اللي أدرى وش الأصلح للإنسان ..ويمكن يكون وضعه الحالي خيرة له ..

يمكن لو تغيرت أحواله للأحسن كان لاقى مشاكل ما لها حصر ..يمكن تبهذل في دنيته ..

_زفرت هند زفرة ارتياح _ ..الخير في اللي اختاره الله ..)..




_ والله مدري وش كنت بسوي لو ما كنتِ موجودة يا هند ..أحس انك انتِ وجه الحظ بالنسبة لي ..

قالها عبدالله وطيف ابتسامة يرتسم على شفتيه ..


صوت الهاتف النقال يرن ..

أمسك عبد الله الهاتف وهو ينظر إلى الشاشة : أم البــــــراء؟؟ اللهم اجعله خير ..

رفعه إلى أذنه و...نعم ؟

السلام عليكم أنت عبدالله ؟؟


وكانت تلك المصيبة التي لم يحسب لها أحد حسابا .......................................

[عنيزاوي]

(10)
عليكم السلام ...نعم

أنا ام البراء ..

حياك الله

وصلتوا الديره

هذانا ندخل باوله

الله يعافيكم أبيك تجيب غدا من المطعم

سمي

دجاجة ورزه الله يعافيكم وليتك تمر تاخذ الفلوس قبل

وش دعوى الى جبناه ناخذ الفلوس

وتوقف عبدالله عند أحد المطاعم واخذ الغداء لام البراء علشان بيته قريبة من بيت المعلمة هيله ويمر على طريقه

بعد أن توقف عند بيت ام اليراء .....وفاء تدور في مخيلتها تساؤلات عديدة

ياترى لماذا لم تطبخ نسيبة اليوم وهي غائبة ؟؟.....هل هي هي متعبة ؟ تساؤلات كثيرة يقطعها نداء هند لها معلمة وفاء ... وفاء وصلنا بيتكم

بعد ان دخلت المنزل وفاء تبقى في الفناء وهي تنتظر نسيبة أن ترد على مكالمتها

نسيبة بانسكار السلام عليكم

وفاء اهلين سلامات نسيبة عسى ما انشر والله اني متواكلة عليك ما ادري احس عندك شي

نسيبه ... تنفجر بالبكاء

وفاء... تعوذي من الشيطان وراك وش صاير

نسيبه ... وفاء والله انك حكيمة واني ما اطلع من شورك مره ثانية

يابنت الحلال هذا وقته قولي وش بك

من بعد ما تحركت سيارتكم من عند بابنا الصبح جو ناس ودخلوا وفتشوا البيت وأخذوا البراء معهم

وجاء ابوه من الرياض وراح لمهم .......... تتوقف بعد ان اشتد عليها الضغط النفسي

تقاطعها وفاء ... الحمد لله ان شاء الله انهم اخذوه يحمونه من هاللي التمو عليه

لكن احمدي ربك انهم اخذوه قبل ما يصير شي

اطمئني كلش يبي يجي على ما يرضيك ان شاء الله

اباتصل لك على اخوي سعد واشوف وش يقدر يسوي له

بالله تعوذي من الشيطان واطردي عنك الوساوس وان شاء الله ما يصير الا الخير

يالله مع السلامه

نسيبة بصوت يتمالك نفسه ... والله ما أدري وش اقولك

قولي مع السلامه

[جـــوان]

أغلقت نسيبة السماعة بتوتر بالغ ...فمنذ اللحظة التي تشاجر فيها البراء مع أولئك الشباب ..

وبالها دائم الإنشغال و لم يهدأ من التفكير في مصيره حتى أنها لم تستسغ الحضور إلى المدرسة ذلك اليوم ...

فقد سبق أن هددوا ابنها بتوريطه في مشكلة كبيرة.. إن لم يرضخ لهم وينفذ لهم طلباتهم المخالفة للقوانين ...


..صوت هدير محرك السيارة يقترب من منزل أم البراء ..

هي تحفظ ذلك الصوت عن ظهر قلب...فقد اعتادت سماعه كل صباح ....


هرعت إلى الباب لفتحه وهي تحاول إسكات قلبها الذي لم يكف عن الخفقان بانفعال...

دخلت هند حاملة معها كيس الغداء ...

(أم البراء ..هاه ..عسى ما شر ؟)

قالتها وهي تناولها الكيس وتلتقطه تلك الأخرى بوهن ..

(يا هند أنا مدري وش بسوي مع هالولد ..

الشرطة اليوم دخلت فجأه وقلبت البيت فوق تحت وكأنهم دارين ان البراء راجع مبكر من شغله ..

ويوم أيسوا ما لقوا اللي يبونه أخذوا البراء وطلعوا ..)



قطبت هند حاجبيها ( وليش ان شاء الله ؟ وش مسوي هو ؟؟)



شعرت نسيبة بعدم اتزان فاتكأت على الباب وهي تقول : ( تذكرين الشباب اللي كلمتك عنهم ؟)


(أيوه ؟)


( متهمين البراء بحيازة أوراق وأشرطة تحرض على الإرهاب والتفجيرات ...وأبوه الحين عنده ) جاهدت لمنع نفسها من البكاء فتمكنت بصعوبة ..



حاولت هندعلى عجل تهدئة أعصابها وتذكيرها بالصبر عند المصائب ..حتى استقرت نفسيتها نوعا ما ...


ودعتها وخرجت ...


******************


في منزل عبد الله ..



دخلت هند بصينية الشاي على عبدالله ...جلست بجواره وسكبت فنجانين ...



كان سارحا بفكره وهو يقلب صفحات الجريدة ...



رفع رأسه كمن تذكر أمراً..


(وش آخر التطورات على موضوع البراء ؟.......للحين التهمة لابسته ؟)

التقطت قطعة من البسكويت وما لبثت أن أعادتها مكانها ..


( توني مسكرة السماعة منها تقول إن الموضوع شبه متوقف لكنهم ينتظرون سعد أخو وفاء _تبتسم_ الظاهر إنه بيصير بطل الموقف )


( أنا أعرف واحد ...) بدا كمن يفكر بعمق ثم أردف ( صديق قديم من زمان ما كلمته ..)..


( قصدك الضابط سعود؟ ..بس هذاك من زمان عنه ..مو شينه تكلمه بها الموضوع بعد كل هالقطاعة ؟؟)


( إلا والله تبين الصراحة شينة ..بس عادي أقدرأخليها بأسلوب مرتب ما يبين إني اتصلت عليه عشان هالسبب ..

عموما الحين ما راح أسوي شيء ..بأنتظر وش بيسوي سعد وبوقتها فيها حلاّل ..)



قفزت هند من مكانها كالمذعورة ....


عبد الله ( بسم الله وش فيك ؟)


( -مي - تصيح ما تسمعها ؟؟)

قالتها وهي تركض خارجة من الغرفة ...



يبتسم عبد الله بهدوء ويمسك قطعة من البسكويت ويرشف الشاي ....

*******************
..........................

[عنيزاوي]

12

عبدالله وهند في رحلتهم اليومية التي يؤدونها بكل انضباطية

ام البراء تتغيب عن المجموعة لليوم الثاني على التوالي

المجموعة يخيم عليها الوجوم إلا من استغفار وذكر من الاستاذه هيله بصوت منخفض يفضحه الهدوء

السيارة تتوقف عند الاستاذه فاطمة

فاطمة وهي تغلق الباب وين نسيبه

نوف ما جت

فاطمة اييييييييه الله يجبره تكمله بحروف متقطعه يملؤها الحزن والنشيج

هيله تعوذي من الشيطان واقري وردك على هالصبح .

يعود الهدوء الا من صوت السيارة التي تشق عباب الطريق

الليل يسحب رداءه عن الافق والظلمة بدت تنجلي

فاطمة لا تستطيع السكوت اكثر فهي لا تبقي شيئا

كل شيء تقوله ولا يوجد مكان لديها يختبئ به الخبر

تعيد كلمتها .... الله يجبرها من كان يصدق ان ولده يبي يطلع ارهابي

وفاء... لا يمكن ان تحتمل وتنفجر مباشرة عليها وش تقولين انتي اسكتي ترانا ما حناب ناقصين

وراه ... مهب مسكوه وهو ربعه يخططون على التفجير وانهم انقلوهم للرياض بليلته ؟

... وفاء منفعله ...فاطمه

منين تجيبين هالخرابيط ؟؟؟

نوف البارحة تقول لي

وفاء ..حسبي الله ونعم الوكيل حسبي الله ونعم الوكيل عليك يانوف

كيف ما يسلم من لسانك احد ولا زميلك

نوف ... ليش ما جبت شيء من عندي ...

حماتي تعرف مرة جيرانهم وهي اللي قالت لي

الله لا يوفقك انتي ولا حماتك ولا مرة جيرانهم

اخذين هالمرة تعلكون به بالسنتكم

ما تخافون الله .. ما تخافون العقوبة

كله شوية مشكله للولد مع ربع له خليتوه كذا

قولن امين الله لا يبلاكن .......احمدن ربكن

طيب زميلتكن....! اتصلن عليه...!! هي اقرب لكم من جيرانه

تتدخل هيله .... نعوذوا من الشيطان . . وتبي منكم الدعاء ان الله يفرج كربته

الجوهرة والله اني ما قدرت امسك نفسي البارحه وانا اكلمه

يسود الجو المكهرب صمت يقطعه توقف السيارة عند المدرسة

[ملاذ]

مراحب

عقب ما تحمست وصلت القصة لمرحلة حساسة وقفتوا

هم ارجعوا من المدرسة والا لا ؟

لا يصير تعطلت سيارتهم ؟

[عنيزاوي]

يا مية مرحبا

الفكرة مفتوحة لمن آراد الاكمال والمحاولة

وليس هناك تحفظ على المستوى

لأن الفكرة قائمة للمبتدئين أمثالي ولا مانع من مشاركة المميزين

كما فعلت الاخت جوان صاحبة المشاركات الاكثر والتي ستواصل بإذن الله

والاخت روز والتي لديها مشاركة واحدة ولن تكتفي بها باذن الله

وبقية الأخوة والاخوات المؤيدين والمؤيدات

لذا فلا مانع من مشاركتك بل أنها مطلوبة إذا كانت تستهويك .

يشرفنا مرورك وتعليقك الذي أزاح غبار الايام الماضية عن الموضوع

تحياتي

[ملاذ]

إذا للمبتدئين فهذي محاولة أكيد مستواه ضعيف لكن شجعون واقبلوها


هاتف المعلمة هيله يرن .............

ما ان توقف هاتف المعلمة هيله من الرنين إلا ويبدأ هاتف المعلمة الجوهرة ......

صوت رنين الجوالا يعكر هدوء غرفة المعلمات ...

المعلمة وفاء تجلس باسترخاء تام بالغرفة

لا تعبأ لرنين هواتف المعلمات

جاء الدور على جوالها بالرنين

وفاء :نعم.....

هند : السلام عليكم

وفاء :عليكم السلام ......

هند : وفاء

وفاء نعم ............

هند : عبدالله اليوم عنده مقابلة ولا نقدر نجي ناخذكم الظهر

وفاء : زين نقعد لبكرى بالمدرسه (تقولها ضاحكة) .........

هند : لا وش دعوى عبدالله قال لزميل له اسمه مساعد يبي يجي ياخذكم

وفاء : طيب وشلون نعرفه .........

هند : بيجي على سيارة عبدالله نفسه

وفاء ما ادري احس ان فيها ... ما أدري ........

هند : شلون يعني ؟؟؟

وفاء : يعني متى بيصير عند الباب ؟؟

هند : شوفي احسن شي ارسلك جواله وقبل تطلعون تتصلين عليه تتاكدين....

وفاء : طيب

هند : بس فيه شي ثاني بعد ... المحرم ما راح يصير معه محرم وتعرفين موقف المعلمات فإذا ما فيه حرج عليك لو تصيرين انتي الاخيرة

وفاء : والله حرج اصير الاخيره بدون محرم مع واحد ما ندري وشو

هند : والله يا وفاء إنه رجال ستع وطيب وهو اللي متوسط لعبدالله بهالشغل وحريص عليه وهو أخون لرفيق عبدالله..... ويدرس بامريكا وجايين إجازة ........ وشوفيه بعد ان صلح لك تراه يدور ولا هوب لاقين احسن منك

وفاء : ياشينك إلى خلطتي الكلام .... وما تركه الطير وبه خير

هند : وفاء تبين الجد والله إذا ما شلع قلبك تراي ما عرف وكلمين عقب ما تشوفينه .

وفاء : أقول اشوفك جدعتي الميانه بالكلام يالله أقول مع السلامه
.
.
.
وفاء تتجه لحصتها بعد ان سمعت الجرس وتقابل الجوهره وتبلغها بالتغييرات

وفاء لم تترك شنطتها اليدوية بغرفة المعلمات ... تتلقى رسالة وهي على باب الفصل ..... ترتبك ... تحاول أن تخفي ارتباكها أمام الطالبات ..أمضحت تلك الحصة على غير عادتها ... لم تكن كما عهدتها الطالبات ..

اجتمعت المعلمات للخروج واتصلت وفاء على مساعد .. ترتبك في الحديث ويبادرها

السيارة أمام البوابة مباشرة وأنا أقف بجوارها ... انتظركن .... انتهت المكالمة

خرجت وفاء مع المعلمات ولم يكن هذا الخروج طبيعيا كالعادة ولكن هذه المرة له لون محتلف

شاهدت السيارة وشاهدت من يقف بجوارها .......وتقول في نفسها ... يا إلهي ... ما شاء الله تبارك الله ...

ركبت المعلمات وانطلفت السيارة ..

هاتف وفاء يرن ....

هند : وش رايك

وفاء : بأيش

هند : باللي قلت لك ما انشلع شي منك

وفاء : فكين من شرك

هند : طيب لكن تراي ابخلي اخوي يكلمه علشان ناقف له بمدخل الديره ونوديكم أنا وياه لبيوتكم

وفاء خلاص كيفك .......