هذا مايحدث في الأسواق !! وضع مقزز

[ابو ريناد]

بصراحه عندي ملاحظه عندما نزلت للسوق مع الأهل وبالتحديد السوق الداخلي رأيت الغالبيه نساء بدون محارم والرجال قله قليله ؟أين الغيره معشر الرجال ؟هل هي المشاغل اليوميه؟هل هي الثقه العمياء؟أم هو الحبل على الغارب كما يقال ؟وهل الباعه نساء!! عجبا لما رأيت!
نساء كأنهن دعين الى حفلت زفاف وليس لقضاء حاجاتهن عبائات ضيقه ومساحيق ملونه وعطورات جذابه
هل هوالأحساس بالنقص ومحاولت لفت النظر للجمال المزيف
البائعين في السوق من اليمانيين والهنود يتصببون عرقا برائحه الجنس لهول مايرون ويسمعون !َ!!
من الكلمات الرنانه . لوسمحت بككممممممممم؟ماعندك هديييييييه ؟ بكم آآآآآآآآآآخر شي اب دسكاااااوند الله يخليك والا بشوووووف غيييييرك يالله خللللللك عمييييييل.
أينكن معشر النساء عن قول الله تعالى ((ولا تخضعن بالقول فيطمع اللذي في قلبه مرض))
لاأظلم البقيه من حدتها الضروف واتت لوحدها متحشمه متستره ولم تخضع بالقول لأحد فقد رأيت منهن قله كثرالله من أمثالهن وهدى الله البقيه الباقيه
ونصيحتي لهؤلا النسوه لكي تتجنبي المضايقات والمعاكسات عليكي بالمحافضه على الحجاب الشرعي والعبائه الساتره فحجابكي وعبائتكي تاج على رأسك فهل سمعتي اخيه يوما ان التاج يوضع على الكتف !!!

[دروب المجد]

اي سوق بياعينه يمن او حضارم لا يمكن تروح نامراءة مفردة لازم معها احد او معها محرم لانهم ما يستحون

لذا العثيم التسوق فيه مشكلة لابد من محرم مع العيال او يدبرون لهم خوية تروح معهم

هنا تظهر ميزة اللبنانية والشوام

ما ينزلون روحهم الا للي تبي وتدور الغزل وكشخه

يعني لو تميوع وهي شيفه ما عطوها وجه

[الجبل الاسود]

اهم شيئ ان تكون البنت والمراة معها احد امراة مثلة
مو مشكلة ان الحريم يدخلون في السوق بدال مايكون معهم رجل

كثرة دخول السوق مالها داعى اقصد من تذهب للتمشية
وسعة الصدر وليس للتسوق

بالنسبة للسوريين لااعتقد انهم يهتمون بالنساء عندهم في بلدهم
حريم وبنات اشكال والوان وش لهم بوحدها متغطية مو معناة انى
انفى عن السوريين لكن لااعتقد انهم يهتمون بة الامور يمكن اليمنيين
والحضارمة لااعمم عليهم البعض فقط وليس الاغلب

[ذوق]

من أمن العقوبة .. أساء الأدب
يجب ان يكون هناك حزم
لكل من تسول له نفسة
ان يخدش بناتنا ولو بنظرة

هناك بعض الفتيات
تعتقد انه من العيب ان يكون محرمها
برفقتها في الاسواق وغيرها
وهذا نتاج ثقافة رجعية
بل ان المحرم يجعلك مثل الملاك
ويبعد عنك شر الاشرار

شكراً على طرح هذا الموضوع

اخوك

[المتيقن]

مأعتقد أن هذا يحصل بالسوق ألداخلي ,, ورجال ألهيئه بكل زاوية منه ,,,
والواجب على من تدخل السوق ألاحتشام وعدم التبرج ـ وأختصارألكلام وبهذا تحمي نفسه من جذب الرجال ألمتطفلين ,,,
وأذا وجدت من يسئ أليها تخبر رجال ألهيئه وبهذا يحاسب
وتكون له سابقه ومن ثم يوضع بالمجهرويصبح تحت المراقبه ,,,
أللهم أحفظ نسأنا ونساء ألمسلمين من كيد ألعابثين وطمع ألطامعين ,,,,

[n>sync]

الله يهديهم ويفتح على قلوبهم


قوووولو أمين

[الشمالي99]

ياناس حنى مانقول إلى الله يهديهم ويفتح على قلوبهم


قووولوووو أأأأأمين

[صاحبة السموالفكري]

آآآآآآآآآآآآآآآآآآآآآآمين

ويهدي بعد كل مبغض ومبغضة للهيئة ..

[ابوخالد382]

للسوق وألبس جزمه سبورت ((الله يكرمكم )) ، حتى نقابي ما أفتحه ! وشكلي قبيح بصراحه
أختي العزيزه العماله مامن وراهم إلا وجع الرأس والمشاكل,وهذا مرده ضعف الوازع الديني,كذالك بعض البنات إذاراحت السوق كأنها رايحه لحفله عطورات ولبس وكحل واكسسوارات ,تخلي الحصى ينطق.لكن أعتب عليكي بقولك(صرت قبيحه)ياللعجب وهل الستر والحشمه جعلوكي قبيحه ,بل يحترمك حتى اللي مايخاف ربه.وفي الختام الله يستر على بناتنا من العماله وبعض الشباب الصيع.

[ملاك بنت عبدالله]

اقتباس:  المشاركة الأصلية كتبت بواسطة ابوخالد382     للسوق وألبس جزمه سبورت ((الله يكرمكم )) ، حتى نقابي ما أفتحه ! وشكلي قبيح بصراحه أختي العزيزه العماله مامن وراهم إلا وجع الرأس والمشاكل,وهذا مرده ضعف الوازع الديني,كذالك بعض البنات إذاراحت السوق كأنها رايحه لحفله عطورات ولبس وكحل واكسسوارات ,تخلي الحصى ينطق.لكن أعتب عليكي بقولك(صرت قبيحه)ياللعجب وهل الستر والحشمه جعلوكي قبيحه ,بل يحترمك حتى اللي مايخاف ربه.وفي الختام الله يستر على بناتنا من العماله وبعض الشباب الصيع.

استاذي شكراً لك ،
حبيت اوضح لك أنو مو قصدي شكلي قبيح عشاني متستره ! أنا أقصد بعض الرجال
وحركاتهم السخيفه معي حتى وشكلي مو حلو ، لأننا نشاهد أمثلة لبعض البنات الله يستر عليهم
الوحده تتزين عشان الرجال !
الله يعطيك العافيه على كلامك ، والله يستر ع الجميع

[ملاك بنت عبدالله]

السلام عليكم ورحمة الله وبركاته
صباح الخير حبايبي ،،
بقولكم موقف حصل معي فـ جده " كنا في أحد الفنادق ومعنا خالتي " الغرفه فيها أنا وبنات خالتي والبقية ع الشاطي ( طبعاً معنا خالي في الغرفة كان تعبان ونايم ) المهم : أخوي الصغير يبكي خارج الغرفة ! طليت عليه إذا به يبكي عند اللفت مدري شفيه وبسرعه بلبس عبايتي وأطلع له (((لكن المشكلة عبايتي مع الشغالة تغسلها ))) ومافي عندي إلا عباية بنت خالتي ! لكنها ع الراس ومخصره ونقابها واسع !!
موقف ((( أخوي يبكي وماعندي إلا هذي العباية !! الشكوى لله ، لبست العباية وأمري لله ورحت بسرعه لأخوي وأنا آخذه وأسمي عليه / حسيت فيه أحد جاي وسمعت أصوات رجال بسرعه أخذت أخوي لكن المشكله معاه ألعاب وشيبس ومدري أيش " آخذ اللعبه ويسقط الشيبس " حالتي حاله !!
وبعدين جلست في مكاني بصراحه خجلانه أمشي في هذي (المهزلة التي ألبسها )
وقف شابان بجواري ( ثياب مخصره وأشكال مقرفه / قال لي أحدهم : أساعدك ؟ الأخ رايح فيها " الحمد لله والشكر" ...
تتوقعون وش رديت علية !!!
طبعاً أنا جالسه خجلانه أمشي !! قلت له : لو سمحت أقلب وجهك ؟
قال خويه : وأنا ،،،،
رفعو ضغطي !!
رديت الكلمه مره ثانيه " لو سمحتو أبعدو عني ؟!
طبعاً تمادو معي بالكلام !! ....... أخوي يناظرهم شوي ويبكي (( أخوي عمره 4 سنوات )) قلت ياملاك مافيه إلا جوالي " الحمد لله أنه معي ؟ .. أتصلت بأخوي مقفل جواله .. وأبوي ماحبيت أزعجه .. وخالي تعبان ونايم .. قلت مافيه إلا ولد خالتي !! اتصلت عليه ( وحلو إن رقمه بجوالي لأن أخته جوالها مقطوع وأتصلت من جوالي ) الحمد لله رد وقلت له : الله يخليك أنا ملاك أنا عند اللفت تعال عندي بسرعه ! الرجال انهبل (( هو أصغر مني )) .. جاني بسرعه (كان تحت عند الريسبشن ) .. قال لي : شفيك ! قلت له السالفه كلها ! والشابان واقفين بعيد عني !
وكنت اتكلم مع ولد خالتي وراسي بالارض (( عشان النقاب وااااسع )) وقال للشباب لو سمحتو ممكن تبعدون من هنا ؟ قالو له : ممكن نساعدك (نعين ونعاون ) واتهمو ولد خالتي انه ((((((( صديقي ))))))) قام عليهم وتهاوش معاهم ، شافهم أحد حارسي الأمن وفكوهم ! " هدأ المكان "" أخوي الصغير ساكت وعيونه طايره """ ولد خالتي واقف وانا جالسه بالأرض .. قال لي ولد خالتي : قومي ادخلي في الغرفة ؟ ( قلت له : بس لو سمحت لا تناظر لي إذا مشيت !!!! قال لي بإستغراب : ليش ؟؟؟ قلت : بصراحه لابسة عباية أختك.. قال طيب عادي وشفيها ؟؟ قلت : أنا ما ألبس هذي الأشكال ! أحس إني مو لابسه عباية (( واسمح لي هذي مهزلة مو عباية !! )) .. قال : خلاص أو كي أدخلي وماراح أطالعك !!
دخلت الغرفة رميت العباية على بنت خالتي قلت لها : خذي مهزلتك ! انت كيف متحملتها هذي ماوراها إلا المشاكل "" خافي ربك ؟؟ !! .... جلست أبكي .. وشافني ولد خالتي وقال لأخته : الحين بنزل انا وأمي السوق وبشتري لك عباية مســـلمـين !!
.................................................. ....................................إنتهى " انتظر تعليقاتكم ع القصة .................................. شكراً

[العشة]

الأخت ملاك لقد طرحت موضوعاً هاماً بطريقة رائعة وهي تجربة للأسف تصور لنا وضع أسواق الملابس النسائية وتجرؤ بعض البائعين على النساء بطريقة مخجلة ويستغلون حياءها والذي يمنعها من نقله لذوي الشأن لإعتبارات كثيرة تخافها ومنها الحياء وتلقيها تربية إسلامية صحيحة جعلها يكون في داخلها ضابط داخلي يمنعها من الانجراف ... أختي نحن بحاجة لمثلك لمن يثير تلك الممارسات غير الأخلاقية والأذى الذي تتعرض لهُ النساء كي نسهم برأينا لوضع حلول تناسب المشكلة ..
فالجميع تفاعل بشكل جيد .. وكذلك توعية لمن عنده أخت أو زوجة أو قريبة بأن لا يتركها ويدة في سوق ملئ بالرجال فمرافقة النساء لقضاء حوائجهن أمر في غاية الرجولة والإحساس بالمسؤولية .. فأعتقد أن رسالتك وصلت للجميع بارك الله فيك ...

[ملاك بنت عبدالله]

شكراً أختي
هذا وااااااجب على كل فتاة تغار على أخواتها المسلمات
سرني مرورك

[عاشقةالجنة]

والله يا اختي انك صادقه والحين اللي بالسوق ما ينشره عليهم ؟؟؟

عند الموقف اللي صارلي لا وبرمضان!!!!!!!!

قريب لي صغير مسوي عملية لوز وطلبت امه مني ان اجلس معه ليوم واحد لان عندها طفل اصغر بالبيت

وجلست وذاك اليوم كنت مواصله مانمت عشاني مغيرة مكاني

جت الساعه 8 وحسيت نفسي نعست وانا على الكرسي وجأة دخلت الممرضه والطبيب وبدون استأذان حتى ؟؟

المهم قلت لحظه لحظه ابتغطى ؟؟؟ ودخل ابن الحلال الطبيب السعودي ابن الحموله !!
على اساس بيكسف على الطفل وهو بسريرة

قالي احملي الطفل على رجلك ؟؟ انا استغربت ولاكن حملت الطفل وطلب مني ان افتح فمه حتى يكشف على

مكان العمليه وانا على نياتي مسكت فم الطفل بيدي وما دريت الا ويد الطبيب الخبيث فوق يدي؟؟؟؟

وماسكها بقوة وكأنه ما صدق؟؟؟ انا صرخت وهاوشت وسويت له حفله وطلع وما عاد شفناه؟؟؟

والله اني استغرب لاني متحشمه وما شاف مني اي تصرف يبين اني راضية والمشكله الاكبر هو بالمستشفى ومليان من النساء الكاشفات والمتبرجات اللاتي يرضن بما يرد هو !!!!

ومن ذاك اليوم وانا فاقده الثقه بالاطباء ودائما" افهمهم غلط!!!!

[القنصل السوري]

[align=center]خواتي الكريمات
ملاك وعاشقه الجنه
ماجعل الناس تستمر في هذه التفاهات هو سكوتنا وهذا هو المؤلم في الامر ولو ان كل انسان تعرض لمثل هذه المواقف قدم شكوى او على الاقل نقل هذه المشكله من ذمته الى ذمه رجال الحسبه لكانت الامور افضل حالاً
اختي عندما تكوني بالسوق ويضايقك اي انسان فقط ابلغي اقرب مركز هيئه حتى لو عن طريق الهاتف حتى يكون هناك مراقبه على الاقل لهذا المحل ولا تخافي واذا لم تستطيعي ذلك فقط ابلغي اي انسان بالقرب منك ممن تثقين انه على قدر من الالتزام واطلبي منه ان يستدعي الهيئه
احد القصص التي اثمرت بحمد الله عن سجن وطرد عامل من المملكه بعد تعديه على محارم المسلمين هو وجود امرأتين قدمن بلاغ مكتوب بورقه عاديه الى احدى الهيئات وكانت الشكوى الثالثه من ولي امر احدى النساء التي تابع الامر حتى نهايته وتم في القضيه الرجوع الى الورقتين كشهادات بدون ان يتم استدعاء الشاهده او اي شوشره وهذا لان العامل سجل ضده عده شكاوى على فترات متباعده
نصيحتي /
لاتسكتي على هذا الامر وابلغي اي رجل حسبه على الاقل حتى يعرف ان هذا المحل يه انسان غير سوي
وحاولي قدر المستطاع ان يكون معك شهود وانتبهي ان تدخلي محل ليس فيه احد غيرك على الاقل انتظري حتى يزدحم المكان
وبالنسبه للاطباء فلا اقل من ان تبري ذمتك بان تبلغي التوعيه الدينيه بالمستشفى وإدارته وحاولي قدر المستطاع ان تفضحيه حتى لو بالتوبيخ العالي امام الناس لانك بهذا تكوني قد جعلتيه في موقف حرج
اختي لاتسكتي على من اعتدى عليك مهما كان
وافضل شي هو ان يكون معك رقم الهيئه داخل جوالك عند الضروره
تقبلي دعواتي لك وجزاه الله كل خير من رباكم على الخير والطيب والعفاف
ونصيحيتي لك اختي ملاك عند ذكر اي قصه بالمنتدى حاولي ان لاتذكري اسماء صريحه للاقارب فربما يكون باب يكشف عن هويتك [/align]