شعـب مهووس يصنـع الأزمــات لنفسه بنفســه!!

[هذيان قلم]

[align=center]\
/
\

" راشد "
الشعب العربي شعب "فوضوي" يلهث خلف كل شي " بنهم"
لا يجيد التدبير ولا الترتيب .. ترى الزوج والزوجه .. يحرثون ازقه المحلات دون وعي ولا ادراك لما يريدون " اي شي يعجبهم يلتقطونه دون تفكير "
العقل العربي يحتاج "فورمات " [/align]

[مسهرهم]

نفتقد كثيرا ثقافة التسوق نتسوق احيانا وكأننا في حالة حرب والله يرحم حال تالي الشهر ؟؟!!

[عبدالله بن سلمان]

الاخ راشد اعجابي بموضوعك الذى يستحق القرآة
تعتبر ثقافة التسوق موجودة فى كل مكان الا ان ثقافتنا فى التسوق ردئية جدا لدرجة انك تستطيع القول حينما تشاهد الزحام والفوضى هل نحن مقبلون على كساد اقتصادى او كارثة
اخى راشد مفهوم التسوق الغذائي او الكمالي هو بالاساس اسلوب وجدوى واحتياج الا اننا نسير فى الزحام وكأن الصورة فى توزيع المنح الاغاثية فى البلدان المنكوبة
اخى راشد مادام هذا الشعب يستهلك الاكياس والكراتين ولا يتعامل مع المقدار فأتوقع للامام يابلادى ومزيدا من الفوضى
عبدالله سلمان

[قرناس]

0
0
0
باختصار
من المعلوم ان الغالبية يحترون الناقوط ( المعاش )
عشان تسد حاجاتها الضروريه
والناقوط معروف مايصب الا آخر الشهر .
بس عندي سؤال محيرني
وشي ثقافة التسوق ممكن احد يشرحها لي لو تكرمتم ....؟؟؟؟؟؟

[عجوز سمنسي]

[align=center]

اقتباس:  المشاركة الأصلية كتبت بواسطة قرناس     بس عندي سؤال محيرني وشي ثقافة التسوق ممكن احد يشرحها لي لو تكرمتم ....؟؟؟؟؟؟

ثقافة التسوق ياقرناسوه هي ان يعي الشخص او المتسوق الضروريات المهمة وحاجاته الملحة وان يعي ان هناك من يريد ان يبتز ماله باي وسيلة او اغراء سواء عن طريق الدعايات او التخفيضات المزورة
يقومون بتخفيضات على سلعة معينه ويرفعون سلع اخرى لعلمهم انك لن تخرج من السوق الا وانت قد خصصت المبلغ الذي في جيبك لهم

فهل وعيت ثقافة التسوق؟[/align]

[قرناس]

0
0
0
0
مرحب شايبنا

انا قلت الناس تحتري الناقوط عشان تسد حاجاتها

يعني ما اعتقد ان من هو في انتظار الناقوط اللي بالكاد يسد حاجات آخر الشهر
في حاجة لمن يغريه بسلع معينه هو اصلا لا يستطيع ان يشتري كل الضروريات
وقارن بين الضروريات ..... ودخل الفرد

دعك من المترفين الحديث عن الغالبية

[خـــــــــــــــالـــــــــد]

اخي راشد

اخالفك الراي

فالافضل اخذ احتياجات الموسم قبيل دخوله و ليس بعده

بالعكس هذا افضل من الفوضى و النقص عند الحاجه لشيء ما

و بعدين وانا اخوك تبينا اول يوم نفطر بدون شوربا و لقيمات وتوت همن يفطنن الحريم يقولن جيبوا مقاضي رمضان ترى اليوم واحد رمضان

[عاشق ديرتي بريده]

اقتباس:  المشاركة الأصلية كتبت بواسطة خـــــــــــــــالـــــــــد     اخي راشد اخالفك الراي فالافضل اخذ احتياجات الموسم قبيل دخوله و ليس بعده بالعكس هذا الفضل من الفوضى و النقص عند الحاجه لشيء ما و بعدين وانا اخوك تبينا اول يوم نفطر بدون شوربا و لقيمات وتوت همن يفطنن الحريم يقولن جيبوا مقاضي رمضان ترى اليوم واحد رمضان

خالد وشلون كذااااااااااااااا !!!!!!!!!!
ماعمري شفت احد يوم خلص رمضان راح يشتري مقاضيه !!!

[راشد الصليحان]

اقتباس:  المشاركة الأصلية كتبت بواسطة خـــــــــــــــالـــــــــد     اخي راشد اخالفك الراي فالافضل اخذ احتياجات الموسم قبيل دخوله و ليس بعده بالعكس هذا افضل من الفوضى و النقص عند الحاجه لشيء ما و بعدين وانا اخوك تبينا اول يوم نفطر بدون شوربا و لقيمات وتوت همن يفطنن الحريم يقولن جيبوا مقاضي رمضان ترى اليوم واحد رمضان

اهلا بشعلة المنتدى ..خــــــــــــــالد !!

يبدولي والله اعلم ..انك تعيش حمى الركض واللهث خلف المراكزالتسويقية ...والسلع الإستهلاكية ...طبعا لاتقول وش يعرفك ..!!

واضح جداَ إنك من هالفئة ..!

عموما انت فهمتني خطأ ياشعلة المنتدى ..!
انا ياغالي مانيب أقول ..لاتشتري شيء ابد قبل رمضان ..اقول خفف من اللهث من الجري خلف المقاضي والمكتبات ...وخذ منهن حسب الحاجة ..!

شكرا لمرورك الطيب ياشعلة المنتدى ...!

[خـــــــــــــــالـــــــــد]

اخي عاشق ديرتي بريده

اقتباس: خالد وشلون كذااااااااااااااا !!!!!!!!!! ماعمري شفت احد يوم خلص رمضان راح يشتري مقاضيه !!!

افا وشولن فهمتها مني كذا وانا اخوك

قصدي واضح

فاخوي راشد يقول ان عندنا حمى المقاضي قبل المواسم
وانا اقول طبعا الافضل نتقضى قبيل دخول رمضان و ابالغ في معانده اخي الحبيب راشد واقول مش بعد رمضان نجيب المقاضي

[عاشق ديرتي بريده]

اقتباس:  المشاركة الأصلية كتبت بواسطة خـــــــــــــــالـــــــــد     اخي عاشق ديرتي بريده افا وشولن فهمتها مني كذا وانا اخوك قصدي واضح فاخوي راشد يقول ان عندنا حمى المقاضي قبل المواسم وانا اقول طبعا الافضل نتقضى قبيل دخول رمضان و ابالغ في معانده اخي الحبيب راشد واقول مش بعد رمضان نجيب المقاضي

خالد شكلك مش خالد !!!!!!!!!!!!!!!!!!!!!!!!!!

[خـــــــــــــــالـــــــــد]

اخي عاشق

مافهمتك يعني دقرت لك مش ؟

ترى الخير واجد مره مش و مره مب و مره مو ومره ليس و مره لا , يعني حسب صاحب الموضوع واخوي راشد امون عليه و احب دائما البساط احمدي في حواري معه فاختار من الالفاظ ما يضفي مرح على عنادي له اذا ما اعجبني رايه .


اخوي راشد شكلك ودك تكفخنا اشوفك من وراء الدريشه تويز وانا قاعد افهم اخي عاشق اعتذر منك

[عاشق ديرتي بريده]

اقتباس:  المشاركة الأصلية كتبت بواسطة خـــــــــــــــالـــــــــد     اخي عاشق مافهمتك يعني دقرت لك مش ؟ ترى الخير واجد مره مش و مره مب و مره مو ومره ليس و مره لا , يعني حسب صاحب الموضوع واخوي راشد امون عليه و احب دائما البساط احمدي في حواري معه فاختار من الالفاظ ما يضفي مرح على عنادي له اذا ما اعجبني رايه . اخوي راشد شكلك ودك تكفخنا اشوفك من وراء الدريشه تويز وانا قاعد افهم اخي عاشق اعتذر منك

لا مادقرت لي بس كلمة مــــــش كلمه غريبه علينا حنا (حنا)!!!!!!!! يعني مانقولها!!

[لمبة شارع]

[align=center]
الجوع



والشفِــقِة



والحرمان




الحرمااااااااااااااااااااااااان


اعنبو ذالحرمان !!




شعب ولد ونشأ وترعرع على ضفاف (حرماني لاند)
ومن شب على شيءٍ شاب عليه..


وذولا طال عمرك يفرحون برمضان عشانه فرصة للبلع !!!


ومحاولة اعادة الكرش ماركة ابو زير الى حجمه الطبيعي !!



الله يقرفكم من شعب



تقل ماشافو العيشة بهالاسواق


كل واحد داحين له عربيتن يالله يالله تمشي من الاحمال


تقل مقبلين على مجاعة

واحد شفته بحارتنا معه كيسة فيها 4 كراتين باكنق باودر !!!



ذيك العلبة الزرقاء اللي ينزرقن الحريم ويكتبنها بورقة المقاضي PP




بي بي !!!


وش دعوى يا انقيلا ميركل !!




القصد




الشرهة مهيب عليهم !!


الشرهة على اللي وراهم العيشة والحلا وذوقهم الطعوم التي لم تكن فيهم ولا في آبائهم الاولين...




هالشوام اللي جو يشتغلون بالديرة صاروا يورونهم العيشة وهم خبرهم بالحلا بين الشاهي والجحة!!



أو قارورة توت يصبونها في سطل ماء واغرف والتح !!


الواحد اذا شفته طالع من بيتهم وإلاه تقل متبودر


والثوب منشحط في منطقة الكرش مايقدر يركع من البهته !!


اعنبو دراك لا تتغر عندنا انت وبصلك وتوتك !!!


خالتي عواطف زهمت على قبل امس تقول ياوليدي يالمبة ابي اسمك ابشري زود شوربا من اللي عليه عرض عند العثيم !!!




المهم.....


وإلا تدري !!!


خل سالفة خالتي عواطف هي وعياله الدببة !!


الستر زين ....


ستر !!!

منين الستر والدحمي ولدها كأنه ترمس الحرم وهو ماكمل ثلاث سنين


!!![/align]

اقتباس:  المشاركة الأصلية كتبت بواسطة خـــــــــــــــالـــــــــد     اخي عاشق مافهمتك يعني دقرت لك مش ترى الخير واجد مره مش و مره مب و مره مو ومره ليس و مره لا , يعني حسب صاحب الموضوع واخوي راشد امون عليه و احب دائما البساط احمدي في حواري معه فاختار من الالفاظ ما يضفي مرح على عنادي له اذا ما اعجبني رايه . اخوي راشد شكلك ودك تكفخنا اشوفك من وراء الدريشه تويز وانا قاعد افهم اخي عاشق اعتذر منك

هه!!


هذا شعلة المنتدى خالد !!


كيف الحال ياخالد..


إلا أمنت على دعائي ؟

[راشد الصليحان]

والله ياشعلة ....ماودي اتجاوز الردود اللي قبلك ..!

لكني مستعجل قلت لازم ارد على اخونا الشعلة ..!

اقتباس: اخوي راشد شكلك ودك تكفخنا اشوفك من وراء الدريشه تويز وانا قاعد افهم اخي عاشق اعتذر منك

وش دعوى ؟؟ لايمكن تاصل التكفيخ اخوي الشعلة ...! خذ راحتك ليت عاشق يفهم ..