بعض البنات لا يملأ عيونها إلا التراب ...

[Queen of buraydh]

[align=center]

اقتباس:  المشاركة الأصلية كتبت بواسطة تلميذة الحياة     اختي كوين بريده .. ان شاء الله ان أغلب النساء مو كفارات بالعشير..!! صحيح الرسول عليه الصلاة والسلام حذر النساء من اللعن وتكفير العشير.. لكن اللي محافظه على دينها وعلى تعاليم الرسول صلى الله عليه وسلم راح تبتعد عن هالصفاااات المنبوذه.. .

هلا وغلا توتو

كلامك صحيح وع العين والراس ,, لكن اغلب ( الاغلبيه ) اللي اشوفهم حولي كثير ما تتشكى من زوجها ونااااادر ما تتشكر فيه ,! يعني لما تزعل على طول تقلبها وتقول ( ماعمره نفع ) بالرغم انها مقتنعه من جواتها ان زوجها ايجابياته كثير لكن لما تغضب ما تمسك نفسها ,,! وبالمقابل فيه حريم صبورات واخلاقهم عاليه وحتى لو مرّت عليها لحظة غضب بتكون هاديه وماراح تنسف كل شي وراها ..
وان شاءالله اننا نكون منهن ..[/align]

[ابو ريناد]

المرأه كالمهره على حسب خيالها
منهم من يحسن العسفه ويجيدها ومنهم من يزيد الطين بله
ويزيد الضلع اعوجاجا
واللبيب الخيال هو من يقفزحواجز الحياه على هذه المهره

[&تذكار الرحيل&]

والله اللي اشوف حولي كل البنات مدلعاااااااات عند اهلهن...

ولما يتزوجن يتغيرن مررررررررررررره..قد المسؤليه دايم..

بالعكس الرجال هم اللي يقهرون ههههههههههه..

(((((الشباب والبنات فيهم الزين واللي مووو زين..))))))

شكلك كاتب الموضوع والضغط مليون ...

سي يو

[ليالي الشوووووق]

ياااااااااقدمكم للحين تبوووون البنات يكرفن بالبيوت تبكووووووووون على زمان اوول والهك اللي هكيتو به على الحريم


وبعدين الزووجه اذا طلبت من زوجها من حقها تطلب منه اجل من مين تطلب حاجاتها
وبعدين من قالك ان عيشة كل البنات مطاعم وااندومي

[اميرة الورد]

اقولك شي يقولون خذلك مدلاله ولاتخذ ملطمه وانا قسة نفس هذا المثل بنفسي من خلال مجتمعي فالمدلاله تحس انه ماله من كل شي حتى الجلسه فعشان كذا تلقيها تكرف وتكون احسن ست بيت وعادي عندها كل شي ....
اما الملطمه طال عمرك تصير عاله عليك تحس انه العرس شي وانه لازم تشوف كل شي وتجر جميع انواع المطاعم والفسقنه وتبداء تتدلع تبي تجرب لانها ماعاش حياتها يوم هي صغيره...
اولن واخرن العمده على تريت الوالده الله يطول عمرها....!

[سدو]

اضحك الله سنك عاشق ديرتي

ووأقول لـ مشرفة Queen كل الوناسة قبل الزواج مهما كانت لا تساوي غمسة في أحضان الزوج

وادعوا الله في هالشهر الفضيل إن كل البنات يتزوجن ويشوفن الزوج وحلاوته .

وعموما هالموال( ماشفت منك شيء ) كل الرجال يسمعونه ولكن كلام الليل يمحيه النهار

الحكيم والعاقل والكريم هو اللي يطنش وكأنه ما سمع شيء مجرد صوت مكيف قديم

ولو تأخذ كل كلام الحواء على محمل الجد كان يطلع لك قرون ويصير للقيلون صرصره

ولكن عندما تسمع من زوجتك صوت مكيف حاول تطلع شظافك أمام المرايه وتدلق لسانك

واضغط ( مثلث)زر الطنيش

ودمتم بعافيه جميعا وخصوصاfor you

[فور يو]

اقتباس:  المشاركة الأصلية كتبت بواسطة تلميذة الحياة     الطيبون للطيبات .. .

اهلا وسهلا تلميذه

و الخبيثون للخبيثات ...

تلميذة الحياة

يبدوا انها في الخبر و لاتعلم ان الموضوع في جده وفرق كبير بين الشرق والغرب ...

معذوره ... تلميذه ...

شكرا على المرور الكريم تلميذه الحياة ...

[تلميذة الحياة]

اقتباس:  المشاركة الأصلية كتبت بواسطة فور يو     اهلا وسهلا تلميذه و الخبيثون للخبيثات ... تلميذة الحياة يبدوا انها في الخبر و لاتعلم ان الموضوع في جده وفرق كبير بين الشرق والغرب ... معذوره ... تلميذه ... شكرا على المرور الكريم تلميذه الحياة ...

ههههههههههههه لا خيو فور يو قريت موضوعك زين ..!!

وتقول البنات ماعندهن الا مناظر المسلسلات و اكل الاندومي وبطاطس ليز وعصير

فراوله ((على فكره فيه اشياء كثيره ناكلها ماقلتها ))يعني انتبه المرة الجايه ..

يعني شايل هم لهالسالفه؟؟ قلت لك بإختصار اذا انت طيب بتآخذ وحده طيبه مثلك

يعني لاتشيل هم ..

[عازفة ألحان الليل]

انا معاك فور يو وقد ناقشت احد الاعضاء بنفس الموضوع هذا
وفعلا بنات آخرزمن والي خربوهم اهلهم
اجل الشاهي ماتعرف تصلحه!!!!!!

[اميرة الورد]

اقتباس:  المشاركة الأصلية كتبت بواسطة عاشق ديرتي بريده     والله ياانتن مشكله عطننا حل عشان نعيش صح !!!!!!! والله انك صادق يافور يو تتمشى فيها وبالاخير تقول تسمي اللي انت مسويه تمشيه !!! تحصل بعض الرجال يدفع قروش او يتسلف عشان يسعد زوجته وبالاخير تقول تشششششش شف اختي فطيمه رايحه لفرنسا وحنا تودينا للعيري بارك !!!!! ياليت تعطينا حدا البنات وصفه بنوتيه عشان نعرف لهن !

اللي يقهر زود انهن اذا زين الرجل شي زين له ماتذكره واذا شي موزين تقولوه على طول

[فور يو]

اقتباس:  المشاركة الأصلية كتبت بواسطة شموع تحت المطر     فــــــــــور يو.. موتني ضحك على موضوعك... اقالك منقهر من موضوعي وماتدري شتسوي... مقولتك هذي تنطبق عليكم معشــــــــــر الرجال والدليل تصرفك الصبياني هذا [align=center]________ ######## الرجاء عدم الحديث عن الأمور الشخصيه ... فور يو __________ [/align] [align=center]ادري معرفك الاخضــــــر بيغتال حروفي وبعد شوي بيوصلني مسج الحذفـ لكنـ ليتأكد الجميع اني باقيـــــــــة لاظهار الحقـ .... دمتمـ برعاية المولــــــــــــــــى....[/align]

اهلا وسهلا شموع تحت المطر

لا منقهر ولا حاجه موضوع اتى وطرحته , واذا كل موضوع يطرح تكون وجهة نظره مخالفه لمواضيع اخرى يكون غير مقبول لتم حذف الكثير ...

المجال مفتوح ليطرح كل كاتب وكاتبه رأيه ...

اما اتهامك لي بأن تصرفي صبياني وانني سوف اغتال حروفك ,

ليس هناك ما اقوله سوى سامحكِ الله ...

شكرا على المرور الكريم شموع .

[**غلا الدنيا**]

السلام عليكم ورحمة الله وبركاته


اخي فور يو انت تكلمت عن الموضوع واخذت واعطيت فيه على راحتك وبا المنطق اللي يعجبك بس هذي وجهة نظرك وانا احترمها
واتمنى تتقبل كلامي بسعه صدر

انت ها اللحين بكلامك ذا تقول انه كل البنات بدون استثناء مايملأ عيونها الا التراب
من اي جهه ؟؟؟؟ يعني مجرد ماتغلط البنت اوبمعنى اصح المرأه لو غلط بسيط
خلاص ننسى كل شيء حلو ولا عاد نركز او نشوف الا الامور الشينه نرمي كل الحمل عليها على اي اساس
طيب الواحد ياخذ الموضوع من كل النواحي موبس من الناحيه السلبيه والناحيه الإجابيه ولا نطالع فيها حتى
وترى على فكره مثل ماذكرت با الاول انت عميت كل البنات بها الموضوع لاتنسى انه لك خوات وكيد ما احد راح يرضى بها الكلام
اتمنى ماتكون فهمتني خطأ وهذي وجهة نظري واتمنى تقبلها

[فور يو]

اقتباس:  المشاركة الأصلية كتبت بواسطة شموع تحت المطر     لو تلاحظ نفسك بتعرف انك غلطــــــان .. انا ماراح احاسبك لاني اعتبر نفسي فوق هالتفاهات هذي... غرضك من الموضوع انا عرفته ومايهمني أحد... طالما اني لم اتعدأ حدودي واتجاوز الخطوط الحمراء عكـــــــــــس من يفشي غضبة بأحد ماله اي ذنـــــــــــــب..

اهلا وسهلا مره اخرى شموع تحت المطر

غلطان , تفاهات , افشاء غضب بمن ليس له ذنب ...!

لن اقول سوى ماقلته من قبل

سامحكِ الله ...

شكرا على المرور الكريم .

[هادي الطبع]

اخي ابوفيصل اوافقك الراي ولكن الرجل هو الي يصنع البنت بكيفه منذ دوخلهما عش الزوجيه

اقتباس: اصلن انت مافيك خير ولا عمرك سويت لي شي ...!

واذا صنعها زوجها على كيفه ماقالت هذه الكلمه او الكلام تحياتي لك اخوك ابواحمد

[فور يو]

اقتباس:  المشاركة الأصلية كتبت بواسطة هامة حاسوبية     [align=center] ماذكرته لا يمكن إنكاره إجمالا فهناك صنف من الفتيات نراهن كما قلت ، ونرحم أزواجهن حقيقة ولكن وسائل الترفيه التي ذكرتها لا أعتقد أن لها علاقة بالموضوع ويجب أيضا أن لا ننسى أن هناك رجال مقصرين في حق المرأة وتكفيك متابعة ردود بعض الشباب هنا حين يقول : أريد زوجة صغيرة فلا حاجة لها بإكمال الدراسة والعمل وأنا سأصرف عليها وفي موضوع آخر تجده يشدد عليها ويناقض نفسه ويقول : أنا مجرد صرافه لها ، لا تحبني بل تحب جيبي ألا تراهن أن مثل هؤلاء الرجال المتناقضين والذين (لا يحشمون) المرأة يستحقون أن تفعل بهم المرأة ماتشاء ؟؟ - هذا إن استطاعت - [/align]

اهلا وسهلا هامه حاسوبيه ...

وسائل الترفيه عندما تكون نقمه على الفتاة وبسببها يكون هناك اهمال , اعتقد ان هذا سبب يكفي لذكرها ...

و نعم يوجد من الرجال مثل مايوجد من الفتيات من تقصير و اهمال ...

و في الحياة الزوجيه لا اعتقد ان من المناسب فعل مايشبه الإنتقام ...

شكرا على المرور الكريم هامه ...