مزاين أكبر قبيله في العالم..ال ( بوش )

[د / ماسنجر]

اقتباس: من هو اللي بمنزلة بوش عندنا ؟!! هل هو عميد قبيلة عتيبة ؟!! أو قبيلة عتيبة مقابل بوش ؟!! أو من يكون مثيل بوش ؟!!!!

الحين وش دخل بوش بعتيبه هه !!
يعني ينفقع راسي بهالتشبيه لي ساعه افكر !!
الحين حنا جيدين بالامور السهله ونبي كل شيء يجي محكحك مركب لنا !!
ونروح نفكر بطيارات بوش ؟؟
( * أَفَرَأَيْتَ إِنْ مَتَّعْنَاهُمْ سِنِينَ * ثُمَّ جَاءَهُمْ مَا كَانُوا يُوعَدُونَ * مَا أَغْنَى عَنْهُمْ مَا كَانُوا يُمَتَّعُونَ ) [الشعراء:204-207].



ورداتي لك سلام

[9عاشق سامي9]

اخوي خالد العبدالله > السلام عليكم < :

أنا اشكرك على المقارنة لكن اريدك ان تجاوب على اسئلتي المطروحة لك بصراحة وبدقة وباجابات مقنعة .
- لكن ما هو ذنب قبيلة ليس لها بالحكم ..؟
- اليس ذلك من شؤون الدولة ...؟
ما يقهر الواحد ان هالكلام عن المزاين ما جاء الا بعد مزاين الهيلا لماذا لم يتلكمون عن مزاين قحطان ونوفا وام رقيبة ..
أكل هذا حقد على اهل الهيلا ؟
ارجو ممن يقحم الموضوع او يتكلم بموضوع ليس هو أهلا له فهذي هي اصول خاصة لبعض القبائل وهذا هو موروثهم الشعبي من عهد الآباء والأجداد منذ قديم الأزمان ..
والتطرق لتلك المواضيع يقلل من شأن القبيلة ...
هذا رد بسيط على الموضوع ..

[اتحادي مووووت]

انا اتفق معاك في ان مزايين الابل بشكل عامـ

يوجد فيها تبذير غير مبرر..


ولاكن من حق كل قبيلة ان تفتخر بما تمتلك من مزايين ...

[•°سـرىآ اللـيـل°•]

اقتباس: التخلف هو من يضيع أصله وتراث أجداده

اصلنا ديننا مافيه اصل غيره نفخر فيه .. وتراثنا مبادئنا وغيرها نعيماً زال يتجدد مع مرور الأيام ..

وإذا فيكم حيل على حفظ التراث ,, ياليت تحافظون على مبادئ الدين وتعرفونها زين , أفضل ألف مره من هالخزعبلات البشريه ..

وأجدادنا ماكانوا يلعبون في الأابل والخيل وأي ترااث ورثووه لناا .. كانوا يستفيدون منها ومع ذلك لم يفعلوا مثلكم ..

<< الحياة الجديه تقود إلى النجاح .. والحياة الهزليه تقود إلى الإنحطاط

الحفاظ على التراث ليس دليلاً على الرقي بل قد يقود إلى التخلف ,, إذا لم يحسن التعامل معه..

[بدوي فاهم]

[align=center]يا العبدالله
هداك الله
تعوذ من الشيطان
وانتبه تراك عند القصمان

عشان كذا دعوه كلها كلام في كلام
واهم شي نرفع راية السلام
ومنك بسم الله الرحمان
الشجاعة ولا رخامة الجبان ..
بارك الله
فيك يا العبدالله .
تعوذ من الشيطان ..
والهيلا طلعت كل الفيران
اول فار بن زلفه الجبان .
وباقي الفيران
تابعه له حتى لو من القصمان ..


اللي تبي تصير مثل امريكا
وتصنع طيارات والصواريخ
وانت مقابل القصيم وتصنع
سيف وخناجر وسلاح ابيض
ليه ما طورت نفسك وصنعت
لنا صورايخ وطيارات .؟

يعني تبي تقول لنا
أن سبب تأخر الصناعه عندنا
هو الاهتمام با الابل والخيول
والصقور ؟

أذن اللي مهتم في تلك الامور
التي تعتبر هوايه و موارث لنا
كا ابناء الجزيره العربيه .
هم القبائل السبع في الجزيره ..

أذن الممكله العربيه السعوديه
وصل تعداد السكان فيها عشرين مليون نسمه
تقربياً خلنا نقول
15 مليون هم هولاء اللي مهتمين في
الابل والصقور والخيول .؟
ويمثلون القبائل اللي ما تراهم شي .
باقي 5 مليون من سكان الممكله
نبي من 5 مليون 3 مليون مهندسين
قادرين على صناعات طيارات
ومن خارج تلك القبائل اللي العبدالله
يشوف انهم متخلفين وانهم سبب الجهل
في الممكله ...

تدري العبدالله 5 مليون الباقين وش مهتمين فيه
وهم مختلطين يا طروش بحر جابهم الحج قبل
150 سنه والا غيرهم من اشكال زلفه .

هولاء مهتمين في
شراء منديل ام كلثوم الله لا يرحمها
وفي مايكل وفي زايدن
او في ستار اكادمي
او في مزرعته ويكنز من هالفلوس
وعند بقره او يطالب با سياقة المرأه
وطلوعها بدون محرم وان يكون له فرند عادي
او وراى كل فنان وفنانه ويعطيه من الفلوس
او في خارج الممكله او فاتح له مرقص في دبي
او في القاهره يقول انا سعودي
او مسوي فيها دكتور هو سابك .
او مهتم في طعوس القصيم وكيف
يطلع الجيب الحبه والربع الطعس
وكيف يشرى له هايلكس ويطلعها نفود
او مهتم له في دباب


اتمنى نقاشي يكون مع خالد العبدالله
يشوف لنا الخمسه المليون المتبقين
ويخليهم يهتمون في صناعه ..
بدلاً من منديل ام كلثوم ومن مايكل
ومن نفود ودباب والجيب الحبه والربع .


قبل الختام وقبل السلام

لا ننسى نحن عرب

وصدام شنق في عيد الضحيه
وراح ضيحة الخيانه العراقيه ..[/align]

[فيصل...........]

خي خالد العبدالله

كتبت كلام كبير عريض بس مسحته..
ليس بعد كلام بدوي فاهم كلام
تحية لك ولبدوي فاهم ولسم العضو كلام جميل ومفيد

[فيصل...........]

الى العضوا مجرد رائي .. كلامك خارج الموضوع
بس حبيت افيدك بمثل لعلة يفيدك في مستقبل حياتك ونشاهدقلمك غير ما نشاهد لان
يقال الغجر غجر جمال باهر ومذهب غايس
ويقول بدوي فاهم في المثل الجديد اتركوا سداح يعبر عن رائة

[•°سـرىآ اللـيـل°•]

يعني إذا مالحقنا غيرنا بالحضاره والتطور معناته أننا نتصرف تصرفات همجيه ؟

الخطأ لايعالج بالخطأ يااللي كتبت قصيده لتبرر موقفك ..

ومثل ماتكلمنا عن المزايين هنا ترى فيه ألف موضوع وموضوع تكلموا عن منديل أم كلثوم والجيب والحبه والقبه وماأدري أيش ..

ياليت تفتح عيونك وتعرف أن الحديث عن إنحطاط المجتمع دائماً وأبداً.. ولازال يتردد في الأسماع ..

سبق الكلام عن أصحاب الأهوااء من فضائيات وغيرها واللحين بنتكلم عن أصحاب الأهواء ولكن من نوع آخر.

وبكرا راح نتكلم وبعده وبعده حتى يوافينا الأجل أو نرى قومنا في صحوة بعد سباات

//// تنويه ////

[align=center]

اقتباس: الحين وش دخل بوش بعتيبه هه !!

لم نخص عتيبه بل كل القبائل ,, لكن اللي على راسه بطحااء ............؟ [/align]

[بدوي فاهم]

[align=center]

اقتباس: سرى الليل لم نخص عتيبه بل كل القبائل ,, لكن اللي على راسه بطحااء ............؟

أختي صديقة الليل
الحمدالله اني قلبي لا يعرف الحقد

قلتي لا تخصين احد لذا
انتي مو كاتبه الموضوع
والمهم في الموضوع
قولك بأنك ما تخصين أحد
متناقض مع الجمله اللي بعدها
اللي على راسه بطحاء
هنا تناقض وهذا اثبات عليك وليس لك ..

ما علينا نقاشي مع خالد العبدالله
حول المجتمع اللي يبغى يصنع طايرات
وفي انتظاره وانا لم اكتب قصيده .


ولكن تعالي ولا تصير مع الخيل يا صفراء

خليك مو موضوع طيارات الصورايخ والابل
شي مو على مستوى بنت في عمرك ..

وبحكم أنك عنصر نسائي
وينك من مواضيع وقضايا المرأه
المدرسه المتخرجه لها سبع سنوات وتنتظر التعين
وينك من المدرسه اللي تدوام لها خمس سنين
300 كليوو رايح و300كليو جاي عشان تصرف على اهلها
وينك من العوائل الفقيره .
وينك من جملة بنات يضعن ؟
وينك من بنات يسافرن وسط القاهره يتسكعن ؟
وينك من بنات ضاعن في شوراع والاسباب أبناء جلدتنا
وينك من المطلقات وظلم المجتمع لهن ؟
وينك من بنات السعوديه على المراقص في كل دوله؟
وينك من بنات السعوديه وادمان المخدرات ؟
وينك من بنات السعوديه وقضايا السحاق؟
وينك من بنات السعوديه في الكليات وراى سلة المهملات ؟
وينك من الموظفات ومدير تلك الموظفات ؟

سرى الليل خليكف يتلك المواضيع با النسبه لموضوع
أخونا العبدالله في أنتظار مناقشته
وماهي على مستواك والسبب تخص طيارات والصورايخ
وانت وانا والجميع واثقين مافيه امل يصنعون طيارات ولا الصورايخ
بس تعرفي فالحين في تصريحات وفي الكلام وفي الخيانات
هذا عالمنا العربي ..
بس خليك في المواضيع اللي قلتها لك عسى ان الله ينفع بك
بنات جيلك ..........

تحيتي لك يا سرى الليل
واتمنى ما تصير من يشلون الحقد في قلوبهم
وانتي مهما يصير أخت لنا ...
الله يخليك الى عين ترجيك ..[/align]

[عبدالله الحلوه]

خالد العبدالله

لامست جروحاً في نفس الجميع لكن هناك من يحاول مداراتها خوفاً ان يكون هو السبب فيها !!

لا احد يخشى هذا فكلنا سبباً لها فمن منا قد خليت مسئوليته من الضعف الذي نعيشه فنحن إن لم نشارك في مهزلة فقد شاركنا بأخرى وإن لم نتسبب في تخاذل غيرنا فنحن لم نشجعهم

المزاين ليس مشكلتنا الحقيقية لكنه صوره واضحه عن واقعنا المؤلم فأموالنا واوقاتنا وجهودنا تذهب سداء في غير محلها


تحياتي

[راشد الصليحان]

اخي خــالد العبدالله ..

بصراحة كل ما نشوف مزاين الغــرب واعداء الأمة ...نصاب بالإحباط ..! ليس بسبب قوتهم بل بسبب جهلنا وتخلفنا ..! البعير عندنا أغلى من صواريخ كرووز وتوماهوك ..!!

شكرا على الموضوع وياليت تجيب لنا صورة بعير مزيون ..؟؟

[خالد العبدالله]

اقتباس:  المشاركة الأصلية كتبت بواسطة بدوي فاهم     [align=center]يا العبدالله هداك الله تعوذ من الشيطان وانتبه تراك عند القصمان عشان كذا دعوه كلها كلام في كلام واهم شي نرفع راية السلام ومنك بسم الله الرحمان الشجاعة ولا رخامة الجبان .. بارك الله فيك يا العبدالله . تعوذ من الشيطان .. والهيلا طلعت كل الفيران اول فار بن زلفه الجبان . وباقي الفيران تابعه له حتى لو من القصمان .. اللي تبي تصير مثل امريكا وتصنع طيارات والصواريخ وانت مقابل القصيم وتصنع سيف وخناجر وسلاح ابيض ليه ما طورت نفسك وصنعت لنا صورايخ وطيارات .؟ يعني تبي تقول لنا أن سبب تأخر الصناعه عندنا هو الاهتمام با الابل والخيول والصقور ؟ أذن اللي مهتم في تلك الامور التي تعتبر هوايه و موارث لنا كا ابناء الجزيره العربيه . هم القبائل السبع في الجزيره .. أذن الممكله العربيه السعوديه وصل تعداد السكان فيها عشرين مليون نسمه تقربياً خلنا نقول 15 مليون هم هولاء اللي مهتمين في الابل والصقور والخيول .؟ ويمثلون القبائل اللي ما تراهم شي . باقي 5 مليون من سكان الممكله نبي من 5 مليون 3 مليون مهندسين قادرين على صناعات طيارات ومن خارج تلك القبائل اللي العبدالله يشوف انهم متخلفين وانهم سبب الجهل في الممكله ... تدري العبدالله 5 مليون الباقين وش مهتمين فيه وهم مختلطين يا طروش بحر جابهم الحج قبل 150 سنه والا غيرهم من اشكال زلفه . هولاء مهتمين في شراء منديل ام كلثوم الله لا يرحمها وفي مايكل وفي زايدن او في ستار اكادمي او في مزرعته ويكنز من هالفلوس وعند بقره او يطالب با سياقة المرأه وطلوعها بدون محرم وان يكون له فرند عادي او وراى كل فنان وفنانه ويعطيه من الفلوس او في خارج الممكله او فاتح له مرقص في دبي او في القاهره يقول انا سعودي او مسوي فيها دكتور هو سابك . او مهتم في طعوس القصيم وكيف يطلع الجيب الحبه والربع الطعس وكيف يشرى له هايلكس ويطلعها نفود او مهتم له في دباب اتمنى نقاشي يكون مع خالد العبدالله يشوف لنا الخمسه المليون المتبقين ويخليهم يهتمون في صناعه .. بدلاً من منديل ام كلثوم ومن مايكل ومن نفود ودباب والجيب الحبه والربع . قبل الختام وقبل السلام لا ننسى نحن عرب وصدام شنق في عيد الضحيه وراح ضيحة الخيانه العراقيه ..[/align]

مرحبا بدوي فاهم واتمنى انك كذلك..

أخي بدوي...

موضوعي لايتعلق في عتيبه او غيره...موضوعي في نقاش شكل عام وهذا المثل في مزاين بوش مجرد..فتح باب النقاش ..في كيف نعالج التخلف وماهي الطريق او الوسيله في شق طريق النجاح للجيل....سواء من المزاين او ماذكرت انت من بعض التصرفات التي تحدث سواء من القصمان أو غيرهم..

تقول اني اقول أن القبيله الفلانيه متخلفين...أخي هداك الله ..ويعلم الله ان ماقلت أنت ليس في خاطري ولا في نفسي ولا في ضميري...
في ابناء القبائل ككل عقول( نيره) تزن أمريكا وما صنعو...لكن يحتاجو الفرصه والدعم المعنوي والمادي أكثر من دعمنا للأبل ..او منديل أم كلثوم..

نعم نحن نفرح في الأبل ونبتهج..ونقيم احتفلات..وبعد هذا ..ماالفائده المرجوه من هذه الأحتفلات..


اخوي بدوي...

لنجعل الموضوع ودي أكثر مما أنت متخيله أنت....مجرد أحسن النيه....واجعلنا نناقش بهدوء وبدون تشنجات..لاتفيدنا بشي..

أخي بدوي..أنت ذكرت نسب وتريد الناتج...والمتعلمين من الباقي

اذا كنت تريد مني الناتج أنا اقولك...اذا خرج من السعوديه 100 مبدع ومخترع في السنه وليس في المليون وأكثر هذا اعتبره رقم خيالي وفلكي في بداية الأمر...لكن في السنوات القادمه راح يكون الناتج أكثر والأهتمام اكثر..والمنافسه تزيد..والدعم المادي والمعنوي يكثر..واواوا..

لذا لنجعل يدي ويدك ويد المجتمع مع بعض...ونفعل المستحيل..ونحارب الجهل بانواعه كل في طريقه...قد أنت لاتشاهد عيبك..وقد أنا لاإشاهد عيبي
فذكرني وانا اذكرك..وبهذا نخرج بفائده..ونتحدى العالم..

دمت بألف خير وود..

اخوك خالد العبدالله

[خالد العبدالله]

اقتباس:  المشاركة الأصلية كتبت بواسطة مهب الريح     خالد العبد الله . . عزاء لنا تلك الملايين بل المليارات التي ذهبت لشراء صاحب البراطم . . محبّــ ك

العزاء للجميع...

ولعل ماحدث تكون هيا الصفعه التي تصحي المجتمع من نومهم..

رب ضاره ...نافعه..

تقبل احترامي..لك

[نـدى الـورد]

(
)
(
)
(
)
(
)
(
)
(
)
(


.

[أبوفالح]

[align=center]

ياااه .. اللقطات لوحدها تشعرني بالخجل والضعف [/align]