مواصفات زوجة المستقبل اصبح في الوقت الحالي (( حضك ونصيبك )) ومن السبب !!!

[البـــBADERـــدر B.D.Q]

صعب المنال والله ياعليك خشه وانت بلش ههههههه

طعبوز ياخوي الموضوع بالاول والاخير لك يعني انت المعني الاول بالموضوع ولازم تكون الكلمه كلمتك
على عيني وراسي كل الكلام الي قلته انهم مهب راضين يفهمون الصفات الي انت تبيه او انهم اخذين مساله الزواج مساله ترزز قدام خلق الله

نصيحتي لك صعب المنال
امسك الوالده الله يخليه لك اذا انت تقدر وتعطي معه وتفاهم معه بالنقاش الهادي وحاول تفهمه ان هذي عشره عمر وحياه سنين مهيب يوم وليله وانتهى الموضوع
الزواج راحه وارتياح مهيب كشخه وفشخره
وصدقني عمر الزين ماكتمل دايم المزيونه تجيبك عله وترفع الضغط وتجيب الهم << زاد الطين بله يبي يخلي طعبوز يدخل على اهلوه برشاش ههه

على العموم اياني واياك تقدم على خطوه وانت منتب مقتنع به واذا انت ماتبي تتزوج لا تتزوج ولا تخليهم يجبرونك لاني اعتقد اذا انجبرت راح تكون نتيجه الزواج الفشل


B.D.Q

[العريف]

اقتباس: العريف تكفا قرب راسك ابوسك قسم بالله انك وطيت على الجرح هذا الي ابوصله لهم وماني قادر وهذي هي مشكلتي ذكرت لهم وحده وعلى قولتك يقولون مافيها زود يعني بالعربي مافيها الفشخره والطهبله حقت الحريم وانه تفشل مايترززبه بالعزايم والعروس وهذا هو الي مضيق صدورهم ومادري وشلون اوصلهم اني اكره ماشوف الفشخره والترزرز وطاح حنكي وانا اهرج ولا حيات لمن تنادي وهذي هي مشكلتي ..

عزيزي صعب المنال



استغربت اني وطيت على الجرح


ببساطة لأني مثلك



يعني اخوك مجرب ووضعه نفس وضعـــــــــك

[صـعب المنـــال]

اقتباس:  المشاركة الأصلية كتبت بواسطة العريف     عزيزي صعب المنال استغربت اني وطيت على الجرح ببساطة لأني مثلك يعني اخوك مجرب ووضعه نفس وضعـــــــــك

العريف بما ان مشكلتي مثل مشكلك والحال زفت وش رايك نسوي مضاهره بشارع القنات اليوم بعد العشاء ونرفع شعارات لاللزواج ونكتب تحته الزواج سبب رئيسي لأمراض الضغط والسكر وتجلط الشرايين >> حسيت اني ابعلق على باب المنتدى اليوم

ونسيت نرفع شعارات ثانيه مكتوب فيها مانبي نختار حنى خل البنات هم الي يختارون ويخطبوننا من اهلنا >> صع صع شكلك تبي تصير الحلقه الاخيره

[جبل عمر]

اله يعينك وشوري عليك قللل لالالالا ولا وصل للبنت إنك ما تبها

[دلوووعة بريده]

صعب المنال ,,,

زوجتك بالمستقبل راح تكون زوجتك انت لوحدك فقط !

فهي شريكة حياتك وملازمه لك طوال العمر ,,

انا برأيي ان تتفهم مع اخواتك ووالدك بهدوء ونقاش يصل الى حل سليم ..

بالعكس في مثل هذه الفرص رأيك الشخصي أهم واولى من رأيي بقية الاسره ..

واتوقع اهلك اختارو لك الزوجه من غير اخذ رأيك بسبب سكوتك وجعل الامر في يديهم !

تريد ان تبني اسره ناجحه سعيده باذن الله اهم شي ان تختار زوجتك على وفق الشروط الي تتطلبهااا

تحياتي

//

[خـــــــــــــــالـــــــــد]

اخي صعب المنال


اسمح لي ان اضحك , واضحك


رجل و هذا موقفك !!




هذا زواج .. يعني مشاركه في كل شيء


و اذا انت غير مقتنع بالمواصفات و سوف تقدم عليه ... فالله يعينك من اللي بتجني بعد الزواج ..

[صـعب المنـــال]

اقتباس:  المشاركة الأصلية كتبت بواسطة خـــــــــــــــالـــــــــد     اخي صعب المنال اسمح لي ان اضحك , واضحك رجل و هذا موقفك !! هذا زواج .. يعني مشاركه في كل شيء و اذا انت غير مقتنع بالمواصفات و سوف تقدم عليه ... فالله يعينك من اللي بتجني بعد الزواج ..

اخوي خالد اضحك ياعمي اضحك الي يده بالماء مو مثل الي يده بالنار ..

اخوي خالد اكيد ماراح اوافق على هذا الزواج لاكن كيف اقنعهم ان طهبلتهم ماتمشي علي يعني شغلات الحريم هذي اكرهها مالي خلقها ابي وحده عاديه هذا الي ماني قادر اقنعهم فيه

[جمان البحر]

أحد أقاربنا طلب من اهله انه يتزوج ولا عنده أي شروط على قولته أهم شيء انها مقبولة وسنعة ..

ويجون اهله ويحطون ذيك المواصفات الطويلة العريضة (اخته مثل خواتك تبي الفشخره قدام العالم ) لكن تخيل حتى أبوه تدخل بالمواصفات
وهو ساكت مخليهم على راحتهم ..
والحمدلله لقى زوجه جمعت مواصفات أهله وبالذات أخته وبعد سئنعة و بنت مربية زييييييين يعني مع انه حالته المادية حلوة الا انها ماتطلب شيء غالي مثل باقي البنات وتفكيرها فووووووووق <<<جمون تبي تمسك الخط السريع بالمدح ...
طبعاً لو اقعد الى بكرا أمد فيها ماكفيتها ..
ماشاء الله عليها ..الله يوفقهم بحياتهم ..

قريبنا الآخر تشرط وتشرط وامه تشرطت وجت البنت بالمواصفات اللي يبون وبالنهاية تطلقت ..ليش ؟؟
لأنه يوم شافها ماحبها مره واستحى يقول لأهله هالشيء ويفشلهم قدام أهل البنت ..لكنه بكذا ظلم نفسه وظلم البنت المسكينه لأنه ماتكلم الا متأخر ..

في النهاية والمختصر المفيد أهم شيء انك تقتنع وتقنع أهلك وتستخير ربك ..وبعدين ممكن اللي اختاروها أخواتك تكون أفضل انت ماعمرك جلست معها ولا مع الثانية فما تعرف من فيهم أجمل من الداخل ..

ولا تنسى أهم شيء صلاة الاستخارة ..

[اكــويــلانــي]

أنا بقولك كلمتين

هذا مستقبل مو أحد غيرك

ولا تسوي شي الا أنت واثق انه الاختيار الانسب

يعني انت الي بتتزوج مو خواتك

تماكن نفسك قبل لاتطيح الفاس بالراس
وتقول ياليته ماصار

وقبل تعذب بنت الناس معك