إلى متى هاذا الاستغلال ياكلية الاقتصاد ..؟؟ ترانا ملينا

[تلميذة الحياة]

ايه والله استغلال مو معقول ..!

اتمنى ان تتوقف هذه المهزله بأقرب وقت ..

وكل الشكر للأستاذ وليد الطريقي على تعاونه مع المشكله ..

جزاك الله خير ..



.

[شقرديه]

أكبر غلط تتصلون على العميدة

لأنها مهيب كفو لمكانها

إذا هي تدري مصيبة وإذا هي ما درت فالمصيبة أعظم

أجل وش تزين على كرسي العمادة !!

ما تدري عن مشاكل الدارسات ؟

اللي هم محور العملية ؟؟

لابد من التحقيق في كل ما أحضرته الطالبات من طلبه وأين هو ؟؟

لابد من رفع خطاب للدكتور عبدالمنعم العبدالمنعم

وقسم زي ما طيرت دكتورة من كلية التربية الأقسام الأدبية قبل قرابة ست سنوات الغي عقدها على يدي الكريمة وأنا مانيب أدرس عندها

لو أطول بنات أقتصاد لأطير كل هاللي محسرين بكم وأولهم العميدة الدكتورة نايم على كرسي العمادة

أنتم في السعودية مالأحد عليكم منه

الدولة ما قصرت بس سكوتكم عن الوضع هو السبب في تماديه

المسئلة تراها والله مهيب صعبة

خطاب يكتب فيه بكل ما ذكرت وأطلبوا تحقيق واسترداد كل ما اشتريتوه من أموالكم ووقعوا عليه وارفعوه للدكتور عبدالمنعم

هذا إذا هو قوي وما يهمه إلا الحق ويخاف الله فيكم.

عموما ننتظر كيف تتعامل مع القضية هذي العميدة وبعدها لكل حادث حديث

[نسكافية]

مرحبا اختي متاذية اشكرك على طرحك للواقع الذي تعيشه الطالبات ةمايعنينه من الظلم والاضطهاد وانا اشهد على كلامك واختي تعاني الامرين مثلك الله يساعدكن ويظهر الحق لكن

[start]

قلنا لكم من زمان بس ماتصدقون
سبق وأن كتبت لكم عن هالموضوع بعنوان ( سرقات تحصل في كلية الإقتصاد )بتاريخ 7/ 11 /2007 وهذه هي نسخة منه

لايخفى على جميع طالبات كلية الأقتصاد مايحدث في هذه الكلية من سرقة للأجهزة الموجود في بعض الأقسام خصوصاُ قسم التغذية في نهاية كل عام حيث يطلب من الطالبات في كل عام دراسي منهن احضارأكثر من 30 فرن ومايكروييف ومايتزامن مع ذلك من طلبات أخرى ثم في نهاية العام تختفي هذه الأجهزة الثمينة ولايعلم أين مصيرها ؟؟؟؟
السؤال / لماذا يطلب من الطالبات كل سنة احضار مثل هذه الأجهزة ؟؟؟؟ وهل يحق للدكتورة أن تطلب من الطالبات ماتشاء إذاكان بعض الطالبات تستطيع احضار أوتأمين مثل هذه الأجهزة فإن الغالبية العظماء منهن قد لايستطعن لعدم مقدرتهن الماليه لكنهن أظطررن للحاجة الماسة للدرجة أوعدم الوقوع في الحرج .
ولماذا لاتقوم الكلية بتأمين هذه الأجهزة خصوصاُ أنه يوجد لديها بند لتأمين مثل هذه الأجهزة .
الجواب / أن الكلية إذا أمنت هذه الأجهزة فإنها بلا شك تضاف إلى عهدة الكلية ثم تكون تحت المراقبة ثم بعد ذلك لايجرؤأحد على أخذها .
نأمل من الدكتورة سهير عرفه أن تراقب مايحدث في الكلية عموماُ و قسم التغذية خصوصاً وأن لاتترك الحبل على الغارب وأن تحفظ للناس حقوقها .
الغريب أن كلية التربية إنضمت لجامعة القصيم ولم تأخذ شيئاُ من أنظمتها الأيجابية بل أخذت السلبي منها فقط والذي لايخدم الطالبة .

7/11/2007

[وحده متأذيه]

[align=center]

اقتباس:  المشاركة الأصلية كتبت بواسطة start     قلنا لكم من زمان بس ماتصدقون سبق وأن كتبت لكم عن هالموضوع بعنوان ( سرقات تحصل في كلية الإقتصاد )بتاريخ 7/ 11 /2007 وهذه هي نسخة منه لايخفى على جميع طالبات كلية الأقتصاد مايحدث في هذه الكلية من سرقة للأجهزة الموجود في بعض الأقسام خصوصاُ قسم التغذية في نهاية كل عام حيث يطلب من الطالبات في كل عام دراسي منهن احضارأكثر من 30 فرن ومايكروييف ومايتزامن مع ذلك من طلبات أخرى ثم في نهاية العام تختفي هذه الأجهزة الثمينة ولايعلم أين مصيرها ؟؟؟؟ السؤال / لماذا يطلب من الطالبات كل سنة احضار مثل هذه الأجهزة ؟؟؟؟ وهل يحق للدكتورة أن تطلب من الطالبات ماتشاء إذاكان بعض الطالبات تستطيع احضار أوتأمين مثل هذه الأجهزة فإن الغالبية العظماء منهن قد لايستطعن لعدم مقدرتهن الماليه لكنهن أظطررن للحاجة الماسة للدرجة أوعدم الوقوع في الحرج . ولماذا لاتقوم الكلية بتأمين هذه الأجهزة خصوصاُ أنه يوجد لديها بند لتأمين مثل هذه الأجهزة . الجواب / أن الكلية إذا أمنت هذه الأجهزة فإنها بلا شك تضاف إلى عهدة الكلية ثم تكون تحت المراقبة ثم بعد ذلك لايجرؤأحد على أخذها . نأمل من الدكتورة سهير عرفه أن تراقب مايحدث في الكلية عموماُ و قسم التغذية خصوصاً وأن لاتترك الحبل على الغارب وأن تحفظ للناس حقوقها . الغريب أن كلية التربية إنضمت لجامعة القصيم ولم تأخذ شيئاُ من أنظمتها الأيجابية بل أخذت السلبي منها فقط والذي لايخدم الطالبة . 7/11/2007

اختي ستار ...

الحمدلله اللي ابي وتبين وصل وما علينا من كلام الباقين ...

والدكتوره سهير ما قصرت نفذت الطلب ...

وشكرا علىا ردكـ ..[/align]

[بنت الديرة]

وليه عشان اخذ عشر درجات لازم ادفع ولا يسوون لي اختبار!!!!

المشاركه من اسمها مشاركه داخل المحاضره مالها دخل بالأختبار وغيره

الأختبار اصلا له درجات لحاله

طول عمري اخذ العشره بكليه التربيه الأدبية بلا اختبار وبلا دفع ريال واحد

الله يعينكم على مابلاكم ياكلية الأقتصاد لكن السكوت هو اكبر غلط

[ـالجوريـ]

السلام عليكم ورحمة اللهـ

عميدة كلية الإقتصاد اليوم دخلت علينا نحن طالبات الفرقه الثانيه

انا صراحه تفاجأت يوم سمعت الخبر !!

وأحب ارد عليك يا ( المتأذيه ) بأنه

الدكتوره فاطمه المصري ماطلبت الشتلات إلا برضانا كلنا

يعني لو انتي فعلا متأذيه من الإستغلال على "قولتك" كان قمتي للدكتوره وقلتي

انا اعارض هالشئ ومانبي شتلات

رحت له انا وبعض البنات نبي نسأله عن الإختبار وعااادت علينا

قالت اللي مايبي شتلات ترى مب لازم راح اخليه امتحان

يعني تعامل الدكتوره زين

و ماوافقت الا يوم شافت الكل موافق

وهي ماحطت هالشئ إلا تخفيف عليك لأن النهائي عليه 70

والعشره عشان تفيدك

حضرتك ماتبين إمتحان ولاتبين نشاط

من وين تجيب لك درجات ؟!

يعني انتي غلطتي على الدكتوره وهذا ظلم

والكلام يشمل الكل ترى

دامك ماأعجبك الوضع ليه ماتتكلمين قدامهن اذا انتي فعلا على حق

ماتبين تدفعين للنشاط روحي للدكتوره وقولي انا ابي امتحان انا أعارض

انا مااقدر

ماراح تغصبك على شئ انتي ماتبينه

وطبعا أكيد انتي اليوم جايه الكليه وسمعتي كلام العميده

وتراك أذيتي الكل بتصرفك البايخ

ضريتي ناس مالهم ذنب باللي قلتيه

قال ايش يروحن لمصر

خافي الله باللي تقولينه

الدكتورات غيرن الأسلوب وصار كل شئ امتحانات

وطبعا مايخفاك مناهج ثاني تغذيه

كل واحد أصعب من الثاني

فأبشري بالخسف بالدرجات لأنك مستحيل تجيبين درجة نهائيه زينه

وترى اللي قلتيه عنهن مب سهل شوفيهن اليوم معصبات

ونفسياتهن اليوم غير وترى ماينلامن

لأن الدرجات لك مب لهن

لا وكملتيه انتي بعد بموضوعك

خصوصا مع الأخلاق الرااائعه

انواع الإهمال والتسيب بالمحاضره

يعني بعذره الدكتوره لو عصبت وصار اسلوبه شين

وترى باين من اسلوبك وطريقة كلامك إنك لعابه

وجبانه بعد

وأحب أبين للكل

الدكتورات تعاملهن زين والله يشهد

بس طالبات الفرقه الثانيه عددهن كثير ويروح نصف المحاضره

تسكيت بهن

انا لارحت للدكتوره بالغرفه تعامله بالمره زين يعني حرام نظلمهن

وبالعملي بعد زينات

واللي تقول ناس يعطون وجه وناس لا

احب اقوله أكيد انتي مسويه شئ غلط والدكتوره عرفت اسلوبك

لأن اسلوب الدكتورات حلوو معي ومع غيري وانا بنفسي لاحظته

وبشاهدة الكل

[جيورين]

السلام عليكم

احب ارد على الكلام بحكم اني طالبه بكليه الاقتصاد المنزلي قسم التغذيه وعلوم الاطعمه واوضح لكم الحقيقه الغائبه عن اعين الكثير لانهم يكتفون بالظاهر فقط ولا يسعون لتحقق من كلامهم

[color=#

اقتباس: FF0000]الطلب الاول :[/color] الدكتوره طلبت منا اننا نجيب 25 شتله علشان تزرع الكليه اوووووكي ماقلنا شي جبنا له 25 شتله علشان عشر درجات انذلينا به يوم جبنا له 25 شتله قالت ماراح تأخذون العشره لحد ماتكملون لـ 40 شتله !!!!!!! مع انه بالبدايه كان الاتفاق على 25 شتله بس يوم شافت الطالبات ماعندهن مانع يجيبن قالت زيدووو لحد الاربعيين !!! مع انه غصب عليه انه تعطينا العشره حاله حال الاستاذات السعوديات اللي يعطننا العشر درجات من غير اي طلب المشكله ان الطلب هاذا بالذات مطلوب من 3 فرقات وكل فرقه لاتقل عدد طالباته عن 150 طالبه ....!!! يعني كل 450 طالبه راح تجيب 40 شتله ووين ماصارت كليه هاذي صااارت غابه .. والمشكله اللي يقهر ليته ازرعتهن كلهن زرعت من كل عشر شتلات وحده !! والباقي مادري وين راحن شكله فتحت مشروع مشتل له ....

صحيح ان الدكتوره طلبت منا الشتلات ولكن خيرتنا قالت تبغون تعملون بحوث ماله اي فايده مجرد نقل كلام على الورق او انكم تساهمون في بناء منظر حضاري للكليه

وحنا وافقنا على الشتلات احسن من البحوث يكفينا بحث التخرج

واصلا قيمت الشتلات ريال ونص اعتبريه انك شاريه هواء نقي

والدكتوره ما اجبرت اي احد انه يجيب قالت موافقين ولا لا وعلى هالاساس

وانتي تقولين جايبين كثير لاحظي انهم غيرو جميع الشتلات الي موتهن البرد وحطو الجدد والباقي للحين ما جا المهندس يكملهن تلقينهن بالظلال اللي عند باب مبنى (أ)

اقتباس: الطلب الثاني : طلب منا نجيب كنب علشان زي مايقولن راحتن جبنا كنب قعدنا يوم واليوم الثاني واليوم الثالث وينه ؟؟؟؟ اختفى !!!!! رحنا سألن وين كنبنا ..؟؟ قالن لنا شلناه وحجتهن المره هاذي انه (( منظر غير حضااااااااري )) دام انه منظر غير حضاري ليش طلبوه من الاووول .. طيب وين راح الكنب ؟؟ اكيييييد موجود بشقق اخواننا المصريين ...

الكنب شكله يجيب المرض مسوين جلسه بمبنى ج اللي يشوفنا يقول عريش طاش ما طاش ما نا قصنا الا رقيه

وهو منظر غير حضاااري تبينه تلاقينه بالارشيف الي ورا المضله اما انك تقولين ان الدكتورات اخذوه لبيوتهم ؟؟ ليش اني زايرتهم

اقتباس: الطلب الثالث : اجهزه لقياس الضغط .. طلبت منا على كل 5 طالبات اننا نجيب قياس ضغط وشوله .. يقولون علشان اذا البنت تعبت ناخذ قياااس ضغطه المشكله اذا تعبت الطالبه ياليتهم يقيسون ضغطه يتصلون على ولي امره وتنتهي المهمه .. طيب وين اجهزة الضغط ووش فايدتهن واللي يبي يعرف وين راحن الاجهزه يساافر لمصر ويشوفهن بالمستشفيااات

مستحيل تطلع طالبه على انه تعبانه بدون تشخيص الطبيبه

قبل فتره كنت اشعر بـ هبووووط بالضغط ولا قالو لي يجي ولي امرك

بل على العكس شخصت الطبيبه حالتي و قاست الضغط وعالجتن

هي فايده اجهزة الضغط الي مطلوبه منكم لان الي موفر من الكليه قد لايكون مقاسه يسمح بقياس الضغط لبعض الطالبات

وكوني على ثقه ان الحكومه المصريه لن تقبل تبرعات لمستشفياته من كلية الاقتصاد

اقتباس: الطلب الرابع : اجهزة الميكرويفات .. حنا اربع فرق على كل فرقه احضار اربعه اجهزه يعني 16 جهاز تدرون وشوله الطلب ...؟؟؟ علشان نزوب الزبده على قوله المصريه .. جبنا الميكرويفات وماقلنا شي طبعا علشان هالعشرررره جاء الوقت اللي نبي نستفييد من الميكرويفات علشان نزوب الزبده دخلنا معمل الطبخ ندور يمين يسار فوق تحت فتحنا الدروج ندور هاللي جبنا ومالقينا اي اثر لاي ميكروييييف وصرخت وحده من الطلبات من الفرحه طبعااا وتباشرنا بوجود كرتون واحد للميكرويف تدرون وش المفاجأه اللي لقينا .. (( كرتون ميكروييف بلا ميكرويف )) وقلنا للدكتوره وين الميكرويف اللي جبنا علشان نذوب الزبده ..؟؟ قالت : الزبده زايبه بلاش ميكرويييف والمشكله اننا بعز الشتاء طيب دام الزبده زايبه ليش من الاساس تطلب هالطلب ..؟؟ هنا السؤال .. وين الميكرويفات ..؟؟ وكالعاده يابيعن يا بمطابخ المصريات

هذا الطلب مو عشان تذوبين الزبده

سلمك الله هم حاطين الافران لوقت الظروره كما حصل العام خلص خزان الغاز اثناء الامتحان العملي النهائي وطلعولنا 16 فرن وكملنا الامتحان

واذا كنتي تبين تكحلين عيونك فيهم شوفي الارشيف اللي عند دورات المياه بالدور الاول لمبنى (أ) انا شايفتهم بعيوني

وجودهم خلال الايام العاديه يضيقون علينا بالمعمل على غير فايده

اقتباس: الطلب الاخير واللي مازال تحت الانشاء والدراسه : الا وهو ترمييم ارض معمل الكيمياء !!!! اما تبليط او فرشه ..؟؟ وجميع الطالبات في انتظار تصريح الهانم اما بأحضار كرتون بلاط واسمنت او متر من الفرشه وغراء ....

لا اصدق ؟؟

[ـالجوريـ]

طالبة تغذية

أشكرك الغاليه على ردك

والحمد الله وصلتي اللي يمكن عجزت أوصله

الف شكر لك

و تبليط معمل الكيمياء أول مره أسمع بهـ

[همــــ,,,ــ]

السلام عليكم ورحمة اللهـ وبركاتهـ

انا من طالباتـ التغذيه الفرقه الثانيهـ

المتاذيهـ قبل كل شي اذا الواحد بيرفع شكوى يرفع باأسلوب لبقـ

كان رفعتي خطاب للعميده قبل تنشرين اشياء مبالغه فيها

واغلب الدكتورات قبل يطلبون اي شيـ يسألون البنات

وخاصه الدكتوره فاطمهـ قبل ماتطلب الشتلات اسألت البنات اذا يبغون امتحان او نشاط

والاغلبيه شاهد على هذا

وبعدين النشاط اللي طلبوهـ يساعدك انتي برفع درجاتك

عاد من زين المستوى

والطلب الاخير على قولتك ماسمعنا عنه الى الان

واشكر الجوري على توضيحها ماخلت شيـ

واشكر طالبة تغذيهـ

المتأذيه شدي حيلك للاختبارات الجايه لانه بيكون كل اسبوع اذا عندك استعداد

حسبي الله عليك ظلمتي الدكتورات تعاملهن اكثر من راااائع

على قولة المثلـ عامل الناس مثل ماتحب ان يعاملوك

لازم الكل ياخذ رايي الطرفينـ مو طرف وااحد

[وحده متأذيه]

اخواني واخواتي لاحظوا الردود

32 / 33 / 34 / 35 / 36 /

نفس طريقة الاسلوب في الرد

يعني ذلك مقابل التهديد اللي حصلنه اليوم من الدكتورة وهي طلبت من الطالبات

الدخول اليوم ونفي ذلك

والله على ماااقول شهيد وسوف احاسب عليه يوم القيامة

وانتن حاسبن انفسكن قبل ان يحاسبكن الله على ردكن

[همــــ,,,ــ]

اقتباس:  المشاركة الأصلية كتبت بواسطة وحده متأذيه     اخواني واخواتي لاحظوا الردود 32 / 33 / 34 / 35 / 36 / نفس طريقة الاسلوب في الرد المتأذيهـ تدريش ليش التشابهه بالردود لأن اغلب البناتـ تفاجأوا اليومـ بعدين التشابهه يدل على صدقنا يعني ذلك مقابل التهديد اللي حصلنه اليوم من الدكتورة وهي طلبت من الطالبات الدخول اليوم ونفي ذلك بعدينـ وش تهديدهـ اللي تقولينـ عنهـ ردودنا برضاانا والله على ماااقول شهيد وسوف احاسب عليه يوم القيامة وانتن حاسبن انفسكن قبل ان يحاسبكن الله على ردكن اللهـ على مانقول شهيد محاسبينـ انفسنا انتي اللي حاسبي نفسكـ

حسبي اللهـ ونعم الوكيل

[جيورين]

الساكت عن الحق شيطان اخرس

انا كتبت الواقع الي ماتدرين عنه

انتي تتخلين شي مو موجود

واحنا ردينا اليوم لاننا ماكنا نعرف بالموضوع


اتمنى انك تتاكدين من الكلام قبل ما تقولينه

[ـالجوريـ]

اقتباس: اخواني واخواتي لاحظوا الردود 32 / 33 / 34 / 35 / 36 / نفس طريقة الاسلوب في الرد

هذا دليل إننا على حق

وأتحداك تعارضين على الكلام اللي قلناه لأنه صح 100 %

منهي الدكتوره اللي ظلمت والا غصبت البنات على شئ مايبنه

ولعلمك

الدكتورات قبل مايطلبن يقولن لك قيمة اللي يطلبنه

ومايتعدى 15 ريال

يعني من دخلت الكليه مااذكر اني دفعت لنشاط أكثر من 10

بالمختصر

يراعن ظروف كل طالبه

والردود متتابعه لأننا تونا ندري بالسالفه

اصلا ماتوقعنا انك تحطين موضوع وتسبين بهالشكل

اقتباس: يعني ذلك مقابل التهديد اللي حصلنه اليوم من الدكتورة وهي طلبت من الطالبات الدخول اليوم ونفي ذلك

وين التهديد ؟!

نبغاه بالنص لأن يمكن انتي سمعتي شئ حنا ماسمعناه

ماهددت ولا شئ أصلا وش تهدد عليه !!

هي تبينا ندخل نشوف وش اللي كتبتيه عنهن

وقالت ردو على اللي صار

وله الحق

قلتي شئ مايرضنه على أنفسهن

اقتباس: والله على ماااقول شهيد وسوف احاسب عليه يوم القيامة وانتن حاسبن انفسكن قبل ان يحاسبكن الله على ردكن

الله عالم بنيتنا الحمد الله

الحق حق

لأن كثير من الأعضاء الشباب قامو يسبون وماهم مايدرون وش السالفه

كلام نقل ومانقل بالطريقه الصحيحه

يعني اخذو اثم كلام غلط واستعجلو بالسب

وانتي قلتي انهن طلبن

بس ماقلتي انهن شاورننا قبل مايطلبن

يعني انتي اللي حاسبي نفسك

[وحده متأذيه]

بسم الله الرحمن الرحيم

اشكر كل من وصل صوتي للمسؤلين عن الكليات وجزاه الله خير الجزاء ولن انساك

خاصه وجميع من وقف مع الحق عامه بالدعاء في ظهر الغيب

ولن انسى الششكر الجزيل (( لعميده الكليه الدكتوره سهير عرفه ))

على تلبيه الطلب بسرعه ورفض احظار اي طلب مادي

والسلام خير الختام