بعد أن أصبح لون الجبهة برتقال ،،!

[عجوز سمنسي]

والله يامياسة مالكم الا تلطيس الراس بالحنا

وش عندكم غيرة يخبي بلاوي الراس عندكم

ذبحتكم الصبغات والتمييش والقصات حتى سبب عندكم تقصفات في الشعر وحوسة بفروة الراس ولعبت بكم القشرة

لعنبو ابليسكم البعارين صارت ترعى بروسكم

مير ادعو بسلامة الحنا علاج مامثله لبلاويكم

[مياسة]

اقتباس:  المشاركة الأصلية كتبت بواسطة بنت البدائع     [align=center] لست من محبي الحناّء عموماً سواءً للشعر أم الجسم لكني أعشقة في النقش على أيادي البنات الصغار حنّا الشعر ذا يوم كنت صغيرة أحطه لكن بالوقت الحالي وأنا ماحب أحطه بشعري لو يقطعوني إرباً إربا يافيه ريحة تُشعرني بالغثيان ماأبطيت مسلّمة على وحده من عمات أبوي العجز جايتنا وهي توه ماشطه هه أخضرٍ يلق بشعره قسم دارت بي الدنيا يوم حبيت رأسه من ورى الغدفه .. أحد خواتي مجنونة حنّا .. ولاجت حزة وضعه نِعدّها ذاك اليوم من المنبوذين هه مانجلس جنبه ولا تجلس معنا بالسِفره عند الأكل ميّوس بس إصحي هاه لاتحطينه لاأعرستي بكرا عند رجلك لابشعرك ولابيدك.. ترى يابعض الرجال عندهم وحم منه هذاقريب لي إذا تحنّت أمه يرفض يأخذ حتى كأس المويه منها أو ياكل أكل البيت لين يروح الحنّا من يدّه .. من شدة كرهه للحنّا .. يالله مع كل هذا ماننكر فوائدة الكثيره للشعر وبشهادة من حولي دمتِ بخير[/align] [align=center]؛[/align]

[align=center]حيا الله اللي ازعجتها لين العراق.. بكثر الاتصالات ..
تصدقين العام زرت البدايع .. مسكت معي وقلت لاخوي تكفى لف يسار واحنا واقفين عند اشارة الكبري جايين عنيزة<- هع اعرف ادل
<<- يقالي بعلمتس اني خاطمة عليكم في ليلة من الليالي الملاح ,,
الله .. وكان برمضان بعد


لا لا ما توقعتك تكرهين الحنّا لدرجة الدوخة
ضروري تتحملين.. النتيجة فتاكة
بعدين وش فيها ريحة الحنا...؟تهبل ومنعشة,,
تحسين كنك عجوز عندها بسطة منتهيات تواريخهن

أما النقش الناعم والمحشى بالألوان فهو جميل..
يعجبني ولاعمري حطيته...! عجزت اجازف!
مثل هالصورة:

وفيه احلى بكثيرررر,,

لكن مو مثل هالصورة: ... تقل سودانية مسوية زحمة والطريق فاضي!!



مممممم الرجال يختلفون.. مو كلهم مثل براد..
اعرف صديقتي زوجها يموت بالنقش,,,
كل محل ناقشة... تقول خلي ابو مشاري ينبسط
[/align]

[بنت البدائع]

[align=center]


لست من محبي الحناّء عموماً سواءً للشعر أم الجسم لكني أعشقة في النقش على أيادي البنات الصغار
حنّا الشعر ذا يوم كنت صغيرة أحطه لكن بالوقت الحالي وأنا ماحب أحطه بشعري لو يقطعوني إرباً إربا

يافيه ريحة تُشعرني بالغثيان

ماأبطيت مسلّمة على وحده من عمات أبوي العجز جايتنا وهي توه ماشطه هه أخضرٍ يلق بشعره قسم دارت بي الدنيا يوم حبيت رأسه من ورى الغدفه ..


أحد خواتي مجنونة حنّا .. ولاجت حزة وضعه نِعدّها ذاك اليوم من المنبوذين هه مانجلس جنبه ولا تجلس معنا بالسِفره عند الأكل

ميّوس بس إصحي هاه لاتحطينه لاأعرستي بكرا عند رجلك لابشعرك ولابيدك.. ترى يابعض الرجال عندهم وحم منه
هذاقريب لي إذا تحنّت أمه يرفض يأخذ حتى كأس المويه منها أو ياكل أكل البيت لين يروح الحنّا من يدّه .. من شدة كرهه للحنّا ..

يالله مع كل هذا ماننكر فوائدة الكثيره للشعر وبشهادة من حولي



دمتِ بخير[/align]





[align=center]؛[/align]

[أنـفأإأس أإأللـيل]

مرحبا بمياسه المتحنيه
تصوير بلاغي جميل منك لهذه المعانأة التي كم عانينا من هذا الظلم الجائر ..
وعن نفسي مااطيقه واخر معاناتي مع الحنا لما كنت بالمتوسط ..
كانت الوالده ترغمني أنا وأختي الكبيرة كل خميس ..ويومها اسوي انقلاب
بالبيت لحد ماأرضى بالواقع المرير
واسمعي انواع التريقه من أخواني الاولاد تقولين كن فينا جرب !!!!
وإزالته من الرأس هذا عذاب أخر يعجز اللسان عن وصفه
ولما وصلت للثانوي وصارت لي شخصيه >يعني اني صرت كبيره
ماعادت الوالده ترغمنا وطلقته بالثلاث ولا رجعه له ..
الله يسلم الصبغات والبلياج ....مدتها دقائق ولا يتصبب بالرقبه ولا غيرها ..
وغسله من الرأس اسهل مايكون ..والنتيجه أحلى ولا بالفرق

اقتباس: و ما أن خلصت حتى شعرت بـ برد شديد

ودي أعرف ماهو السر العجيب بين الحنا والشعور الغريب بالبرودة ؟؟
وحتى هذه اللحظه لم أجد له تفسير ..

[رايق]

[align=center]
ماأروع حروفك مياسة ...


وسلمت أناملك على هذا الإبداع ...



وأقول الله يرحم زمان أول كانت النساء لاتعرف تساقط الشعر ولا تعرف الشعر الدهني من الجاف !!


حتى الشعراء كانوا يتغزلون بشعر النساء من هول جماله ونعومته !


والبركة في هذا الحناء العجيب !!!


أما اليوم لم تظهر مشاكل الشعر بين النساء إلا بعد تركهن لهذا الحناء وعبثهن في هذه الأصباغ الملونة التي حرمتهن نظارة ونعومة شعرهن !!!




تصدقين مياسة ...


حينما أرى الوالدة أو أحد الأخوات تضع الحناء في رأسها أتمنى أن أشاركهن هذه الخلطة !!!


ولن لا أدري قد يكون الحياء يمنعني من طلب غمرة منه لأضعه على شعري !!




وقد أفعلها في يوم من الأيام لوحدي بعد زيارة أحد العطارين !




شكرا مياسة ..[/align]

[جمان البحر]

سرد أكثر من رائع لأيام العذاب من الحنا ..

حقيقة أستغرب إن الكثير ما يحبونه ؟؟

عن نفسي مستعدة أتحمله وأتحمل ريحته اللي ماأواطنها لأني عارفة النتيجة واللي هي شعر فيه لمعة ولون أكثر من رائع بسبب بعض الاضافات الأخرى ..

في أيام الطفولة كنت أكرهه كره شديد وأمي الله يخليها ما تحب تلزمني بشيء ما أحبه ..
لكن كنا ساكنين عند أعمامي فكانت جدتي الله يطول بعمرها وعماتي يتولن وضعه في رأسي وخذ يا عياط وتصل السالفة الى (الاستفراغ) أعزكم الله ..
والحمدلله من بعد ماطلعنا من عندهم الى بيتنا الجديد وأنا عمري 4 سنوات ..
صرت ماأعرفه الا بالعطلة اذا سافر أبوي ..
لأن جدتي لأمي الله يحفظها كانت تستانس اذا جينا علشان تحط لي الحنا ..

وكنت اذا قعدت أصيح وأقول ماأبيه تقول لي أحطه لك وأنت ماتشوفين الجادة بس أبعطيك 5 ريال اذا ماصحتي وحطيتيه وقت طويل <<<<كل مرة هذا اللي تقوله لي ..

وبعد ما كبرت صرت أنا اذا طرى لي قلت لأمي تعالي حطي لي ..<<<<طبعاً نادراً

بس أصير منبوذة بالبيت ماأحد يبي يجلس عندي وكلٍ يسد خشمه ..
وأنا شخصياً ما أحط شيء بفمي حتى أغسله <<<<شيء نفسي غريب ..
والرقبة يبي لها تدليك أسبوع كامل علشان يخف الألم بسبب عدم التحريك لمدة 5الى 6 ساعات ...

ومثل ما قلت في أول ردي نتحمل كل هذا لعيون اللمعة واللون ..

[مياسة]

اقتباس:  المشاركة الأصلية كتبت بواسطة جمان البحر     سرد أكثر من رائع لأيام العذاب من الحنا .. حقيقة أستغرب إن الكثير ما يحبونه ؟؟ عن نفسي مستعدة أتحمله وأتحمل ريحته اللي ماأواطنها لأني عارفة النتيجة واللي هي شعر فيه لمعة ولون أكثر من رائع بسبب بعض الاضافات الأخرى .. في أيام الطفولة كنت أكرهه كره شديد وأمي الله يخليها ما تحب تلزمني بشيء ما أحبه .. لكن كنا ساكنين عند أعمامي فكانت جدتي الله يطول بعمرها وعماتي يتولن وضعه في رأسي وخذ يا عياط وتصل السالفة الى (الاستفراغ) أعزكم الله .. والحمدلله من بعد ماطلعنا من عندهم الى بيتنا الجديد وأنا عمري 4 سنوات .. صرت ماأعرفه الا بالعطلة اذا سافر أبوي .. لأن جدتي لأمي الله يحفظها كانت تستانس اذا جينا علشان تحط لي الحنا .. وكنت اذا قعدت أصيح وأقول ماأبيه تقول لي أحطه لك وأنت ماتشوفين الجادة بس أبعطيك 5 ريال اذا ماصحتي وحطيتيه وقت طويل <<<<كل مرة هذا اللي تقوله لي .. وبعد ما كبرت صرت أنا اذا طرى لي قلت لأمي تعالي حطي لي ..<<<<طبعاً نادراً بس أصير منبوذة بالبيت ماأحد يبي يجلس عندي وكلٍ يسد خشمه .. وأنا شخصياً ما أحط شيء بفمي حتى أغسله <<<<شيء نفسي غريب .. والرقبة يبي لها تدليك أسبوع كامل علشان يخف الألم بسبب عدم التحريك لمدة 5الى 6 ساعات ... ومثل ما قلت في أول ردي نتحمل كل هذا لعيون اللمعة واللون ..

ايه لازم تدليك للرقبة.. بعذرها شاقصة لين جفت عروقها !!

كلامك بالسليم.. نتحمل الثورة من مجرد فكرة اننا نحط حنّاء...... وما تحمل من زمل واستعداد نفسي... ليييييييين غسل منشفة الشعر بعد أن تتلون بالحنّاء !!
لجل هدف واضح ...

راحت أيام الخمسة ههههههه.. وجت ايام الرضوخ وعض اللسان ...
ياهلا بالجمان كله...

[مياسة]

اقتباس:  المشاركة الأصلية كتبت بواسطة رايق     [align=center] ماأروع حروفك مياسة ... وسلمت أناملك على هذا الإبداع ... وأقول الله يرحم زمان أول كانت النساء لاتعرف تساقط الشعر ولا تعرف الشعر الدهني من الجاف !! حتى الشعراء كانوا يتغزلون بشعر النساء من هول جماله ونعومته ! والبركة في هذا الحناء العجيب !!! أما اليوم لم تظهر مشاكل الشعر بين النساء إلا بعد تركهن لهذا الحناء وعبثهن في هذه الأصباغ الملونة التي حرمتهن نظارة ونعومة شعرهن !!! تصدقين مياسة ... حينما أرى الوالدة أو أحد الأخوات تضع الحناء في رأسها أتمنى أن أشاركهن هذه الخلطة !!! ولن لا أدري قد يكون الحياء يمنعني من طلب غمرة منه لأضعه على شعري !! وقد أفعلها في يوم من الأيام لوحدي بعد زيارة أحد العطارين ! شكرا مياسة ..[/align]

لا تخجل من عائلتك .. متأكدة أنهم سيفرحون بذلك..
كما فرحنا نحن بـ اهتمام اخوتي بشعورهم,, مقابل اهتمام زوجاتهم لهم..

صدقت... للصبغات ثمن ,,, كما لكل شي جميل ثمن ..
اجزل الشكر ,,

[عجوز سمنسي]

ههههههههههههههههههههههه

ولله يامياسة طلعتي راعية تنكيت ولك قفشات

يارب تركبين خيل وتصيرين مثل علياء ويجي لك عناد

على طاري عناد

اليوم اتصلت على براد
ايه وش خبارك وش علومك يابراد

قال بخير يابعدي

قال وش من جديد وش اخبارك أنت و المنتدى ؟ قلت على حطة يدك مطاريس بمطاريس وبدونك ياحبي كل شي حميس ويالله علشان العجوز السمنسي ابيك ترجع

اخر المواضيع موضوع للكاتبة القديرة مياسة عن الحنا

مادريت الا اللي يصك السماعة بوجهي

دقيت عليه وقلت له بسم الله عليك وش فيك هجيت ؟

قال اكره ما اشوف الحنا ياسمنسي

تصدق اني ما اكل ولا اشرب باليوم اللي اشوف فيه حنا

قلت إيه خابرك مانت لها الأمور
قال لا والله بس اتخيل الخرايط بالرقبة

يقول لاني لا ارى الانثى الا رائعة الجمال بعيدة عن التشوهات

المهم حسبي الله على بليسك يامياسة قاعد لي ساعة احرحر ببراد يرجع للمنتدى ويقالي ابفرحه بموضوعك مادريت الا يوم هج وقال عقب الحنا ينعاف المنتدى

عاد أقول بنفسي اصلا له مده وهو صاير قشاش والحين كملتها مياسة

سلملم وتراه يسلم على الجميع ويقول لك يامياسة اذا راحت الخرايط واللون البرتقالي علموني اجي

[الأمواج الباردة]

وعليكم السلام ورحمة الله وبركاته

نعيمن عليك وبالصحه والعافيه ، ويخلي لك أمك يارب

تصدقين من سنين مبطيه عن الحناء لكن بعد ماشفت موضوعك هذا جددتي عند الرغبه

بس إللي يضايقني فيه صعوبه تنظيفه + الجفاف الذي يعقبه

*
*


إيضاً ذكرتيني زماااااااان أول أيام كنت صغنونه قبل العيد لازم نتحنى

وإذا ماتحنينا مايحلا العيد وتعالي عند يداتنا الصبح متكمشه منه

ويوم كبرنا يامياسه تهي تهي عافته النفس وماعاد نحس للعيد من حلاوه

وشكراً لك على هالطرح الزريف مثل راعيته

[مياسة]

اقتباس:  المشاركة الأصلية كتبت بواسطة الأمواج الباردة     وعليكم السلام ورحمة الله وبركاته نعيمن عليك وبالصحه والعافيه ، ويخلي لك أمك يارب تصدقين من سنين مبطيه عن الحناء لكن بعد ماشفت موضوعك هذا جددتي عند الرغبه بس إللي يضايقني فيه صعوبه تنظيفه + الجفاف الذي يعقبه * * إيضاً ذكرتيني زماااااااان أول أيام كنت صغنونه قبل العيد لازم نتحنى وإذا ماتحنينا مايحلا العيد وتعالي عند يداتنا الصبح متكمشه منه ويوم كبرنا يامياسه تهي تهي عافته النفس وماعاد نحس للعيد من حلاوه وشكراً لك على هالطرح الزريف مثل راعيته

من ناحية التنظيف ... لازم تسنترين تحت الماء وقت طويل..
ومن ناحية الجفاف.. بعد يوم من غسله استخدمي زيت.. كذا مره..
وراح تجي النتايج حلوه بإذن الله ..

نورتي عزيزتي ..
وشكراً ع الشحطة الزريفة مثل راعيتها ,,

[أماسي]

الا الحناء , بس أحب ريحتها

[مياسة]

اقتباس:  المشاركة الأصلية كتبت بواسطة أماسي     الا الحناء , بس أحب ريحتها

معادلة غير موزونة ... راح يكون الحل >>> مستحيلة الحل

[مياسة]

اقتباس:  المشاركة الأصلية كتبت بواسطة جبل عمر     هههههههه أسلك بالله ألم تعدك أمك إن حطيتي حنا تشرط لك أو تعطك ريال أيام الحناء ولى زمانها وكان للرأس نصيب منها ولو لا ضيق الوقت ومحدودي المدة التي أقضيها لوضعته رغم القعشريرة اكتشفت إنك مرضك مصرية أجل حطت حنا صارت بشعرين سطر

ههه
قالت ابشرط لك..
قلت وشو؟ لابتوب جديد؟ او جوال..؟ او فستان للعيد؟
قالت زين ان لقيتلك حلاوة بقر..
و ليتنا استفدنا الحلاو,,, جرتني دون تفاوض !

اقتباس: اكتشفت إنك مرضك مصرية أجل حطت حنا صارت بشعرين سطر

عفوا.. هالسطر عجزت افهمه...؟

[engel]

الله يرحمك يازمن الحناء .. الآن ميش وبلياج ونسف دراهم ب600 و400 يعني لو نصبغ الصاله أرخص من صبغ شعورنا ووجيهنا .. آه يا ذاك الزمن آه