فكرة انشاء نادي خاص بالنساء ؟!!

[القهيقهي]

المشكلة في الاستخدام وليس المبدأ0 التجارب تقول اننا نحتاج لتربية داخلية عميقة لنحسن استخدام كل ماحولنا ومنها تجمعات النساء0 فمن التجربة ارى ان السوق والاستراحة وحتى المسجد استخدم بشكل او آخر بطريقة خاطئة0
عموما لالالالالالالالالالالالالاأويد بالشكل المتوقع
وانما اويد مراكز مثل (الدور النسائية) تحوي عيادات وقاعات تثقيفية وكتب ودوريات وبالشكل الذي يجعلها موثوقة عند الناس والموضوع يحتاج لنقاش اكر

[القلم اللماع]

لا أؤيد ذلك لأن المرأة بإمكانها ممارسة الرياضة في بيتها إن كانت فعلآً صادقة تريد الرياضة بكل حشمة ووقار وحرية وفتح أندية نسائية في بريدة مصيره الفشل

[فـــارس]

[align=center] انا لا أويد هذه الفكر التي تجيب لنا الخراب والفساد وفتح باب للمعاصي....
وبعض الناس يقول مافيها حرام ومافيه دليل شرعي
بس الشي وااضح راح يكون فيها ترقيم وتعارف بين البنات ووووو الى اخره ....

عشان مايطيح الفاس بالراس والحمدلله امورنا ماشيه بلياها
والبنات عندهن بيوت واحواش يتمرنون بها.....[/align]

[عاشق الرياض]

اقتباس:  المشاركة الأصلية كتبت بواسطة فارس441     [align=center] انا لا أويد هذه الفكر التي تجيب لنا الخراب والفساد وفتح باب للمعاصي....[/align][align=center] وبعض الناس يقول مافيها حرام ومافيه دليل شرعي بس الشي وااضح راح يكون فيها ترقيم وتعارف بين البنات ووووو الى اخره .... عشان مايطيح الفاس بالراس والحمدلله امورنا ماشيه بلياها والبنات عندهن بيوت واحواش يتمرنون بها.....[/align]

اعجبني هذا الرد هههههههه

يوجد في بريدة واجد من هالنوعية ( صاحب الرد المقتبس ) من ذوي الفكر العميم

اجل حرام الترقيم بين البنات ؟؟؟؟؟؟؟

البنت ماا ترقم البنت ابد ما يشوفون بعض هههههههههه

المدارس - الجمعات - الاستراحات - المنتزهات

وله غريب بعض الناس !!

على العموم الغلط على رجل الاعمال المعروف على قولتكم انه يفتح مشروع في بريدة قلت الاماكن

نصيحه اخوية الي صاحب المشروع ( ابتعد عن بريدة ) لاني اتوقع بمشيئة الله الخساره لك 100 %

لان هذه المدينة اعتبرها شخصياً ( المدينة السالبه )

[مُعان]

[align=center]الفكرة رائعة
لكن هل نجحت الاندية الرياضية
ادخل نادي الرائد
او اتجة لنادي التعاون
لتشاهد دهاليز الخوف ونخاتيب الرعب
اتوقع لو تم عمل نادي فلن يعمل فية سوى الكافية [/align]

[فرقة المحبة]

لاأويد ذلك والأسباب كما ذكروا ...؟؟؟

[بريدتكم]

أؤيد وبشدة..خلونا نستانس مو بس انتم..بعدين وش الفساد اللي به ..

زي الملاهي..هذانا نروح له..ولا صار الا الخير..

[آحلى سعوديه]

انا اؤيد وبقوه واللي براسه شي يطقه بالجدار



وبعدين وش اللي ماتؤيدون

انتم يالرجال فالينها عندكم كل شي استراحات وطلعات وكشتات

وححنا بس جالسين بالبيت بين اربع جدار

[روز’]

[align=center]

اقتباس:  المشاركة الأصلية كتبت بواسطة آحلى سعوديه     انا اؤيد وبقوه واللي براسه شي يطقه بالجدار وبعدين وش اللي ماتؤيدون انتم يالرجال فالينها عندكم كل شي استراحات وطلعات وكشتات وححنا بس جالسين بالبيت بين اربع جدار

ايه انتِ ماتدرين انه حرام على الحريم يستانسن وحلال على الرجال

صوت
اكيد مؤيده مايبيلهآ كلآم
بس متى
[/align]

[الدلوعى]

الفكره ممتــــــــــــــــــــــــــــــــــازه مره

أنا من المؤيدين لها وبقوه

[الفجر]

فكره اكثر من رائعه

[MR Jay]

بكل تاكيد نؤيد مشروع ناجح باذن الله

أخواتنا بحاجة الى الرياضة ..وخاصة الامهات الكبيرات في السن ( احد الاخوان يذهب بوالدته للبر .....وذا كان مشغول اقرب السوق النخيل للممارسة رياضة المشي ( ان تمشي بخط مستقيم مافيه لفات او دوران حسب نصيحة الطبيب)

ونجحوا في المنطقة الشرقية حيث اصبحت بعض المراكز الرياضية النسائية باشراف هيئة الاغاثة الاسلامية وهيئة الاعجاز القراني ايضا تشارك في عقد ندوات ولقاءات باشراف نسائي كما تعرض الهيئة فرص عمل للمرأة كممصمة فوتشوب واعلانات للهيئة وابحاث وهي في البيت بدون ان تخرج .... لكن هذه الاعمال خاصة بمدينة الدمام فقط ... نشاطهم الدعوي قمة ..

وفي الرياض مركز الامير سلمان جدا رائع .. مدربين وطاقم طبي مؤهل ... وهذه من اهم الشروط لاستمرار النادي الرياضي ...





الاخ بدر الوابلي اذا اشرفت هيئة اسلامية من بناتنا الفاضلات مختارة بدقة مع وضع القوانين وتحديد الاوقات والاعمار ومن يرافقهم اذا هن تحت 18 سنة ببطاقات عضوية خاصة وبرقم خاص لكل عضوة فلماذا لا ينجح ( عماد الجيش النظام )


من اجل الصحة وليست الرشاقة ( ابنائنا وبناتنا اكثر عرضة لاصابة بالسكر ومافيه طفل ما معه الالتهاب بالقولون العصبي ، وأدنى مجهود تقوم به احدى بناتنا يشعر بالتعب والانهاك و تقطع النفس لا لياقة بدنية عندهن )).. والاندية الرياضية الكروية مثال خاطئ(( والقلة الي تنظم لها من لشباب ))
وشكلك ما قد دخلت نادي مركز ابطال الجسم "فرع الذهبي "بالرياض رائع ومدربين أكفاء تتكسر كل عظامك من اول دقيقة تمرين .... وثالث يوم تشيل السيارة بيدك ..

.................................................. ..............................
وياليت تشوف الشيخ محمد احسان والشيخ محمد العوضي والشيخ فهد الكندري امس بقناة الوطن الكويتية


.................................................. ...........
ايضا لصاحب المشروع اقتراح نريد صالة مغطاة بملح البحر حيث مهم في تنقية الهواء من التلوث .. ايضا لا يكلف شي ..
في مدينة ترنافا، في دولة سلوفاكيا حيث الكثير يتجه لها صيفا من انحاء المملكة لوجود هذه المغارة ومياه الينابيع الحارة للعلاج
مغارة الملح، تكوّن تلك المغارة بيئة خاصة شبيهة بشواطىء البحر المالحة وتتميز بقدرتها على شفاء الذين يعانون من مشاكل في الجهاز التنفسي.

وبُني هذا الكهف من حجارة ملحية جلبت من البحر الأحمر أو البحر الميت وبحر البلطيق والبحرد الأسود، وأعيد تصميم الأسقف والجدران والتصميمات الداخلية لتنسجم مع تكوينات المغارة، وتحتوي أجواء المغارة على جزئيات ملحية غنية باليود والكالسيوم والماغنيسيوم والبوتاسيوم.

وتستغرق جلسة الاستشفاء باذن الله 45 دقيقة على مدى ثلاثة أيام ولهذه العلاجات آثار ايجابية وممتازة في اضطرابات الجهاز التنفسي والأزمة والتهابات الفجوات الأنفية وحساسية الجهاز التنفسي.

[فراشة الالماس]

نؤيد وبشده
وباسرع وقت لو يبي نساعده ما عندنا مانع >>> من شي بتسبدي
واغلبيت المعارضين رجال ليش مدري مع العلم من انهم غير محرومين من شي وخاصه انه في كل مكان فاتح لهم جيم واحنا لا ؟؟؟

[الكيان الشامخ]

ابيتم ام رضيتم الفساد عم البلاد .. فلا اقتصر على هذا النادي ..

[بريدة أولآ]

المشكلة أن الرياضة لاتمارسها النساء بشكل خصوصي في الاستراحات كمثل المشي والسباحة ونحوها !

يعني ليس عند النساء همة للرياضة ! , وكنت أتمنى أن تزداد ثقافة الرياضة المحتشمة في المجتمع النسائي .