انا ظنيت ان البنت حبوبه وهي ارتاحت لي لكني كنت في حيره من امري يعني ماحبيت احط ثقتي فيها لاني احسها ماتستاهل او يعني الين اعرفها اكثر , هي بدت تتملكني وتقولي لاتجلسين مع فلانه ولاتكلمين فلانه انا سألتها عن السبب وقالت لي انهم مو كويسين , انا حسبتها خايفه علي قلت الحمدلله ربي عوضني بصديقه كويسه ,,بدت تدق على بيتنا باليوم اكثر من مره,, قلت انا يمكن انها تبي تتعرف علي اكثر ! عادي , هي تطول بالتلفون تطول مره اكثر من ساعه احيانا,
واهلي كانو يقولون لي لاتطولين في التلفون ,, أنا حاولت افهمها رأي اهلي واني مستحيل ما اطيع شورهم هذولا اهلي , هي كأنها زعلت شوي ماعلي منها الحق ماينزعل منه, بدت تعرفني على خواتها هي ماشاء الله عندها 9 خوات وهي العاشره , عندها اخت في سادس ابتدائي واخت في ثاني ابتدائي وتوأم في التمهيدي,, يعني 5 خوات في نفس المدرسه احنا مدرستنا متوسط+ ابتدائي+ تمهيدي , يعني اشوف خواتها بشكل يومي, بدأو خواتها يحبوني لاني طيوبه معهم,
وبعد فتره صرت ما ارد على اتصلاتها لاني بجد مليت كل يوم اقولها يافلانه انا اهلي مايبوني اطول بالتلفون لو تبين شيء ادخلي المسن او قوليه في المدرسه , مافهمت ولا كأني قلت لها شيء, أهلي بدأو يحذروني منها , لانها هي عربجيه شوي , وبصراحه تصرفاتها مثيره للشك , يعني احيانا تقولي انتي ليه شعرك كذا << لان شعري طويل وناعم وهي العكس , وتبدأ تقولي ليش انتي احلى مني << وأنا والله ما اجيب طاري الزين والشين اصلا الشكل مايهمني
وبدأت تقولي ليه انتي عندك جوال وأنا لآ << ماعمري قلت لها اني احسن منها ابد
يعني هي بدأت تقارن بيني وبينها,, وأنا مليت من هالكلام,, بعد فتره جت وقالت لي كلام غريب,,
أنتظروني