من يوميات عضوو

[سحر العيون]

اقتباس:  المشاركة الأصلية كتبت بواسطة ﬡ REEMA ﬡ     [align=center]^[/align][align=center] ههههههههههههههههههههههههههههههههههههههههههههه يآآآآآآحبيل قلبك احسن يوميات قريته توسع الصدر [/align]

ﬡ REEMA ﬡ>>ياحبـــــــــي لك أنتي..
يسلمووووو حبيبتي ع التعليق..

[الزنون]

شكراً شكراً

لا داعي للتصفيق

اجلسوا لا احد يقوم حلفت

بس قهوة ما اشرب الحين

ابي فطور

يالله قومي انتي ياسحر بما انك عازمتني

سوي لي فطور



نجي ليومياتي

طبعاً قبل العطلة انام 12 بالليل

واصحى الفجر واتقهوى مع الشويب

وافطر معه عاد مو فطور فطرو بس عشان اوسع صدرة

همن اغط لي ساعة او ساعتين

ثم اروح للعمل الساعة 8 لحد 2 بالعمل

اخذ قيلوله لحد العصر واحياناً ما اصحى لاصلاة العصر

ما اصحى الا بنصف العصر

همن اجلس مع العجيز لحد المغرب هي تجلس تعطين نصايح

جسمي معها وعقلي رايح يدور لاني مليت من النصايح وحفظت اللي بتقوله

اطلع المغرب والى الشالية اجلس مع الشيبان هم يطلعون العشاء وانا اجلس

اتابع اي شيء بالتلفزيون واكون فاتح النت باحد المنتديات والمسن

واللي يبيني يجيني بمحلي

ونجلس لحد 12 ثم اوجه للبيت وانام وعلى الحال


اما الان بالاجازة

اختلف الوضع وخاصة يوم اخذت اجازة

اسهر لحد صلاة الفجر

وانام لحد الظهر

واحياناً لحد الساعة 2 الله يخلف صلاة الظهر تصير الساعة 2

وررررر لهلي بالاستراحة واتغداء معهم

ونجلس جميع لحد العصر

عاد تعرفون انتم الحريم ما يقضبون الارض

وكل وحدة تبي مشوار

همن اوصلهم لمشاويرهم طبعاً بس العصر

بعد العصر لو يموتون ما وديتهم يدورون غيري

ثم افتح النت وعلى منتدى بريده واحوس وادوس ادور احد ارفع ضغطه

وعلى الحالة لحد الفجر لا اروح لا يمين ولا يسار وخاصة الايام ذي ممنوع اروح منا او منا

ولا اختلط باحد

وبس هذي هي حياتي

عاد اذا صار فيه اخطاء املائية او نواقص احرف

فبعذري

لاني كنت ناوي اسكر النت بس جتني الرسالة

وقلت نسدح لكم حياتي اليومية ونطلع

يعطيكم العافية

وتصبحون على خير

[ﬡ REEMA ﬡ]

[align=center]سحر العيون وش صار حملتي الفلم ولا للحين عيا يحمل ههههههههه

الزنون

اقتباس: بعد العصر لو يموتون ما وديتهم يدورون غيري

وش معنى العصر حاله خاصه ؟[/align]

[الزنون]

[align=center]

اقتباس:  المشاركة الأصلية كتبت بواسطة ﬡ reema ﬡ     [align=center]سحر العيون وش صار حملتي الفلم ولا للحين عيا يحمل ههههههههه[/align][align=center] الزنون وش معنى العصر حاله خاصه ؟[/align]

هلا بريما

هلا والله بالقطوعه يعني الواحد اذا صار تاجر يصير ما يدخل الاستراحة الا قليل

عطيني من وقتك لو شوي


اما من ناحية سؤالك

لان العصر اصير فاضي ولا عندي شيء والجلسة العصر تجيب النوم

فلذلك اطلع الى اي مكان فامي او خواتي او احد يستغلون الفرصة

ويقولون ودنا ثم اوديهم

بعد العصر خلاص اقضب ارضي والسيارة ما تشتغل ولا اروح لا يمين ولا يسار الا اذا احد مرني طلعت عادي

والاصل اني مانب اوديهم بس عشاني فاضي

والشيء الاهم انا طبعي طبع شيبان ما احب الاسواق او الروحات بالليل






طيب الحين انا اختار عضو يجي بعدي

عقب ما طلعت تذكرت

نشوف احد يجيكم الحين
[/align]

[غربه انسان]

وناسسسسه الموضوع ... ننتظر العضو القادم.

[سحر العيون]

ﬡ REEMA ﬡ
ههههههههه..
والله ونااااااااااسه وأخيراً..
كمل التحميل واشتغل الفيلم..
وووووووووه صدق طلع مره..
بس أبجلس معكم شوووي وأروح أشوف الفيلم..

[عـبدالله بـريدة]

طبعــا مــافيــه عطلـــه بحكــم الدوام وبرناااامجي اليــومي انواااع الخــراااابيط يعنـــي شــي روتيــن مافيــه عندي



بس اذا صار الدوام بالفتره الليــله ينتهي دواامي الساعه سبع الصبح همن ارووح للملحه واشـري سسبده طازززجه وامر على الخباز اشري بريال خبز واروووح للبيت



همن احصل الوالده قايمـه همن اتروش همن اقعد امسك له السسبده وانقطعه انا وياه همن همن نجيب بصل وبهارات وانقطعهن مع السبده بوسط المطبخ همن تقعد امي تطبخوانا وااقف عندها بالمطبخ وهــذر عليها



همن نفطر همن اروووح ادخل غرفتي ورااه مثلجه ومسسدد كل الفتحات يعني اذا طفيت اللمبه ماتشوف ايدك همن اندعس بفراشي


همن لمني اندعست بفراشي اندعس معي ابليس همن يقولي ابليس ورااك ماتعرس همن اقعد اتقلب ساعه همن عاااد اهف

همن لمنه اذن الظهر وقفت امي على راسي قم قم قم وانا قايم بس ما اقدر اقوم وامي واقفه عندي همن اقوم اسحب البطانيه سسني ابسفطه

همن اروووح اصلي وارجــع وانام لمين العصر
العصر قهوه وشاهي ووناسه والمغرب يا اما عند الجهاز ولا طالع للاستراحه همن بعد صلااة العشاء اقابل الجهاااااز لمين يطق رااسي همن ارووح للدوام همن من بكرى برنامج ثاني يختلف عن هالبرنامج



شكــــــرا 000 احس اني خااااطم

[غربه انسان]

بسم الله ,,
بما انه تم اختياري ,, فأنا راح اسرد لك يوم من يومياتي اللي هو يوم أمس.
لانه على ما اعتقد طبيعه الموضوع ,, تتطلب يوم واحد ,, وعادي اجيب اليوميات كله خخخ

طبعاً كان يوم السبت ..
نمت متآخر نسيت الساعه كم ..
وصحيت الظهر .. وتغديت
وجلست الظهر عند التلفزيون .. وتابعت كذا برنامج.
صليت العصر .. وبعد كذا اخذت اهلي يشترون اغراض
والمغرب رجعنا للبيت .. وتقهوينا .. قهـوه وحلا ..
صليت العشاء و دخلت النت .. وللمنتدى بالتحديد .. وبالماسنجر.
وبعدين طلعت للبحر .. وبعدين اجتمعت مع اصدقاء لي وجابوا العشاء معهم
وتعشينا .. وسواليف وضحك .. وطاح جوالي وانكسر ..
ولا قدرت اطول مره .. لاني ابي انام وراي سفر.
رجعت للبيت ودخلت ونمت .. وقمت قبل شوي .. ابمشي لبريده.

هذا باختصار .. يومي البسيط ..
وانتظروني بيوم آخر من يومياتي اذا تم اختياري مره اخرى.
واحب اشكر اخوي الزنون على اختياره لي .. والشكر موصول لصاحبه الموضوع

[غربه انسان]

نسيت اختار اللي بعدي ...
تم الاختيار ..

[طبعي تسذا]

السلام عليكم ورحمة الله وبركاته


<<< ترى هذا العضو مستانس عشانكم اخترتووه


يوميات( طبعي تســذا)

يوميات ممتعه
يوميات رااااااقيه
يوميات تجيب النوووم
<< متأثر با الدعايات

الــــــــمــــــــهــــــم:

انا طبعاً ادرس باالعطله ويمكن انكم مستغربين طالب با الثنوي
ويدررس با العطله ...

ادررس صيفي لاني باالثنويه المطوره الضاهر انكم عرفتوه

اقوم من الساعه 8 صباحاً ارووووح للمدرسه ولا ارجع الا الساعه 12 ضهراً

واذا جيت نمت الى ان تحط امي العزيزه الغدا

ومن ثم اتغدا ..

ثم اروووح وافتح النت وابدأ اطامررر في هذا المنتدى

الى ان يذن العصررر ثم بعد الصلاة اجلس مع ابو وامي والعائله الكريمه

واشربلي بيالتين شاي<<متعوووب عليه

ثم امي القاه لابسه عباته تبي تروووح لم الا ستراااحه ولا احد خالاتي

اروووح واوديه ثم اجلس انا وبعض خوياي ندووور ولا نسوووولف

الى ان يذن المغررررب

ثم اروووح للبيت وافتــح هذا المنتدى الغالي علي لكي ارى ماذا بووووه من جديد

الى ان يذن العشاء

ومن ثم بعد الصلاة اجلس على النت تقريباً نص الى ساعه كامله

ثم اروووح للعيال يصيرووون اجتمعوووو

واجلس مع العيال الى الساعه 12 ثم تبدأ اتصالات امي الغالييييه

(يلاااه تعااال خذنا من....)

وارووووح واجيبهم للبيت

اذا صار بي نوووم نمت واذا ماصار بي نوووم فتحت هذا المنتدى الخلااااب


وبس..........

هذي يومياتي

وجزاااااكم الله كل خير

* ملا حضه : لا تدققون با التعبير


تحياتي . . . . . .

[غربه انسان]

^^^^^
وقسم انك فله انت وتعبيرك خخخخخخخخخخخخخ
جايزتن لي طريقتك بالكتابه

يابعدي انت بس لا تنسى تختار العضو اللي بعدك

[طبعي تسذا]

[align=center]جزااااااك الله خير اخوووي غربة انسان


والحين ابختار العضو اللي بعدي

تحياتي . . . . .[/align]

[عـبدالله بـريدة]

جيت ابقول يوميات بالتفصيل الممـــل


بـــــــــــــــــــــــــــــــــرب

[ămōяẻ]

ننتظرك يالعريس

[طبعي تسذا]

[align=center]يالله يا عيد الله نحتري العضووو

اللي انت تختاره

تحياتي . . . . .[/align]