قالوا غـــــلاء المهور فقلت .........

[فديكا التميمي]

اقتباس:  المشاركة الأصلية كتبت بواسطة سدو     أسعار المهور كانت ولازالت مرتفعة لذا لم تتأثر بهذه الأزمة الاقتصادية وإلا لو كانت كذلك لأصبحت سلعة وحاشاها عن ذلك. شكرا

اما عاد مرتفع الحين الخمسين تعدونه شي......

[تركـي]

انا اول من بيدفع اللي تطلبون

بس هي تجي على الكيف ؟؟؟؟؟؟؟؟؟؟؟؟؟

تحيتي 0

[هي2006]

ناسين غلاء الذهب والميك اب والملابس كل شي غلا الا المهر رخص

كان زمان نسمع عن غلا المهور وإلا اللحين لا

انا اعرف من النساء من تزوجت 40 الف و35 الف و29 واعرف مادون ذالك 25 الف وكلهن ابكارا

ويقولون اللي يناظر فوق تنكسر رقبته

[ALI 9]

اللى اهم من المهر هو الستر همك الفلوس بس هذا راح يستر عرضك...

[فديكا التميمي]

اقتباس:  المشاركة الأصلية كتبت بواسطة هـاري     اللى اهم من المهر هو الستر همك الفلوس بس هذا راح يستر عرضك...

وراه ناوين تاخذوننا بالبلوشي الستر مستورين ببيوت اهلنا...

[تلميذة الحياة]

العنقرية
لايهمونك , اللي يبي يتزوج بيتزوج ماراح يعوقه مهر ولاحاجه <موسعه ربي للي يبي يتزوج
لكن اللي مايبي يتزوج يتثعلث , حتى لو يكون المهر رخيص قال غالي !!

[عازفة ألحان الليل]

اقتباس:  المشاركة الأصلية كتبت بواسطة تلميذة الحياة     العنقرية لايهمونك , اللي يبي يتزوج بيتزوج ماراح يعوقه مهر ولاحاجه <موسعه ربي للي يبي يتزوج لكن اللي مايبي يتزوج يتثعلث , حتى لو يكون المهر رخيص قال غالي !!

نعم.. سلمتي

نفس رأيي شكرا

[العنقريه]

اقتباس:  المشاركة الأصلية كتبت بواسطة هـاري     اللى اهم من المهر هو الستر همك الفلوس بس هذا راح يستر عرضك...

وراه يستر علي مصلوخه انا ولا باغيه مايجي الستر الا للفضيحه بس فهمت ولا اشوفك تردد كلام ابوك وجدك مره ثانيه تثقف شوي وشكرا

[العنقريه]

فديكا :تعجبيني دائما
هي :كلامك صحيح
تركي: ايه تجي على الكيف فيه شي اسمه النظره الشرعيه
تلميذه: وش اسوي يلجلجون عن غلاء المهور وغيره ساكتين والمهر له سنين ماتغير عن الخمسين الف
شمس: اشكر حضورك

[لمعةالألماس]

يعني أنتم تبون المهر 10000ريال !

للأسف فيه نوعية من الرجال مع إحترامي للنوعية الراقية..

إذا صار عنده قرشين أعرس ,

وما أعجبته طلقها ,, >> طبعا مأمّن عنده فلوس والمهر رخيص

خطب ثانيه وتزوج مَلْ منها طلقها ... وهكذا تدور اللعبة!!!!

أحسن المهر خمسين ألف علشان يقدر بنت الناس
<< طبعا هذا الكلام لنوعية الرجال الغير......

ومثل ما يقولون الشر يعم ,,
نعتذر للرجال الواعين والمقدرين المرأة وأصحاب الخلق الرفيع ومتبعين السنة ,,

اللهم وفق شباب وبنات المسلمين.

[انتظرتك]

العنقرية الأمر محير


عندما أرى نفسي أقول

المهر مرتفع ..

وعندما ألتفت إلي أخواتي

أقول المهور الآن لا تساوي شيئاً

أمام أرتفاع الأسعار ,,

تحياتي لك ,,

[سهاد]

[align=center]أطالب بالزيادة ...وأرى انها قليلة جداً
اذا كان المتقدم من ابناءنا ..
شكرا لك[/align]