بَجِيــْـــــــــــــــــــــحٌ ...!!

[نهاية الحتسي]

اقتباس:  المشاركة الأصلية كتبت بواسطة ..twix..     البجيح أتعجب كيف إلى الآن الأرض تتحمله يدبُّ فوقها توكس اللحيــــــــــــــــــــــــن تحمله انت ولا تحمله الأرض بتصرفاته وسعة وجهه وإراقة مائه الذي يعاني من جفاف [font=simplified arabic]الحياء..؟!! اتوقع طهارة قلب ؟عاد بالله ياتوكس إقالك أنت ماتدري عنه وعن اخباره واخبار اهله من طهارة قلبه يعني خذه على قد عقله [/font] لا يدع الخلق للخالق .. بل كأنه مسؤول عنهم ..!! يسترق السمع , يخطف النظرات .. يبدي رأيا .. يعارض فكرةً .. أووووه هذا يدخل بالدرجه وعنده شخصيه قويه .. يعني وش تبي يطيعك بكل راي وبكل فكره او ودك تصير السي سيد؟ بس اكيد انه يفشلك بين الشله ويقول راي وفكره أزين من رايك تجده حجز مقعدا قبل الحضور .. يعني اللحين مقدرك وجاي اول الناس وتقول يحجز مقعد اول الحظور وش تبيه يزين بعمره لا جا الاول يقعد بطرف الفرشه ؟؟ خوش والله كل منا أبتلي بهذا العلة .. فمن صبر فله أجر المصابرة وكلن ابتلي بالشيخه وسيد قومه والتكبر والترهي على أقدار الله .. فعليكم بالصبر فإنه لكم به وجاء .. وانا ممن بلاني الله ببجيح .. جلعني أرى الحياة من نافذة أخرى .. لا أجد لها لا مذاقا .. ولا رائحة .. بل علقما مرا لا يستساغ لو مزج مع عسل مصفّى , ولبنا سائغا لما قبلته نفسي ..!! تواااااااااااااااكس خلك فري ووسيع صدر مثل النفود كلن يطعسبه مايقول شيهؤلاء البُجَّح .. لا أعلم هل هم يعلمون عن طبيعتهم وما هم عليه الآن ولا يحسون بثقلهم على نفوس الآخرين أم لا ..؟!! لا تصير رهيف حتى لا تحس بثقله . خلك قوي ولا يهمك لا البجيح ولا طاهر القلب وتعلم كيف تواجه خلق الله أحدهم .. يُدْخِل انفه بأمورك الخاصة ويسألك حتى يصل إلى مرتبك وكم رصيدك البنكي .. طيب وراى ماتصير ذهين ولا سألك احد عن راتاااااااااااااااابك رصااااااااااااااااااادك عمراااااااااااااااااااااك رد عليه وقل فوق الخمس مئه فوق الألفين فوق الخمس طعش بالنسبه لعمرك كذا راح يفهمه وبنفس الوقت تبون تظحكون وآخر.. يستغل طيبتك وصداقتك له وتصبح وكأنك سائق له بسيارتك الخاصة في سفره وترحاله ومشاويره الخاصة..!! خلك قوي شخصيه ولا تصير ضعيف كل ما يامرك على شي تطيعه ترى الشي له حدود وأحدهم .. يدخل في عيوبك الخُلُقية ويعايرك أو يشهر بك أمام الآخرين .. هين عاد ذي بدال مايفشلك عند الناس الناس هم اللي يبون يفشلونه انه يتطنز بخلق ربي يعني الناس بياخذون حقك ويردعونه وبعضهم .. يدخل استراحتك زائرا وبعد وقت قصير يصبح وكأنه أحد الأعضاء فيها بأمره ونهيه بلا والله من فلة حجاجك مبين عليك لذلك يتسابق البجيحيين عليك بس شكلك انت من برى الله الله ومن جوى يعلم الله حطوا كذا .. وما نبي كذا ...!! وعندما يطلب منك دينا وترفض يصبح إعلام متحرك للنيل منك و ستصبح على كل لسان وتجد نفسك في كل بيت واستراحة وشارع وشلة ..!! حقك وماجاك لا تكثر النشاء حتى مايدرى عن حالك هؤلاء لهم في كل ميدان وفي كل شريحة بصمة .. الله يعين أنفسهم عليهم قبل الأرض .. مع أعذب تحية .. مثل ماقلتلك نصيحه لك خلك معتدل مهب تضغط على نفسك على حساب الأخرين وانت لا تمثل هذه الشخصيه في حقيقتك تقبل ردي

واحد بجيح

تحياتي

[يكفيني حنانك]

اقتباس:  المشاركة الأصلية كتبت بواسطة انتظرتك     عاد والله ياتويكس قبل شوي كنت اسأل واحد عن رصيده وراتبه هقوتك اني بجيح <<< بس تراي كنت ناوي اساعده يعني سؤال لمنفعه له ,, ياخزياه كان اللي سألته اعتبرني بجيح

لايكون بس اللي ساْلته
تويكس،،ههههه

[مشقاص]

توكس

البجيح له حسنات أسأل مجرب ولا تسأل طبيب.
ممكن لاراحو الشباب يوسع الصدر يسولف عليك و يغسل المواعين ويساعد وينظف ويصك باب الأستراحه ويطفي الأنوار .

يستفاد منه بالأستراحه ما يقول لا .

ماهو مثل البعض يضع سبحته بمخباته وينفض ثوبه بيده ويقول عللتكم العافيه أكرمكم الله .
ويمشي ما غسل ولا بيالته ...

[أنثى خرافية]

يآآكثر البجيحين والبجيحآآت

وخآصه هالحريم الفاضيآت يدقن بالتلفون ووين

رحتوا ووين جيتوا ؟ من راح معكم

ووش اخذتوا معكم ووش عشوكم وخذ من

الاسأله اللي أدق من الدقيق

عاد الراتب سالفه ,, متى يطلع راتبك ؟ وتعطين امك منه ؟

بقى منه شي ولا قضيتيه بالسوق ؟؟

ناس وجيههم مرشوشه بمرق قرصان

وخانس بعد كررررررره

الله يعافيهم ولا يبلانا

[أم احمد]

[align=center]أين صناعة النفس؟[/align]

[" TWIX "]

لمعة سيف

اقتباس: والله يانا مأواطنهم وعلى فكره ترى دايم ريحتهم مخيسه

وأنت ما يروق لك الشهيق إلا إنك مفخي بين أباطه..

الله يعينك ريحة وبجاحة ..
انتبه ..
ترى إذا أدمنته يجيك فشل كلوي .. لأن الأنبعاثات الأبطية فيها
مواد مشعة ..

[" TWIX "]

انتظرتك...

اقتباس: عاد والله ياتويكس قبل شوي كنت اسأل واحد عن رصيده وراتبه

خابر لك وظيفة ببنك الراجحي..

شكرا لمرورك .

[" TWIX "]

بنت آلهاص...

اقتباس: عزيزي ليس فقط محتكراً عَلى فئه الذكُور والاناث لهُن نصيب من هذا >>>عاد بنت وبجيحه ماتهضمه ولا بـ اسيد

الحريم ...!!
بحل يالحجاج عند ولده ..!!
الحرمة لما تجلس تسحب من كل واحد برنت من يوم يولد
لحد سحبة البرنت ...

شكرا يا بنت الهاص ..
ذكرتيني البالوت ..

[الضمير مجاز]

شفيها البجاحة ياخي


راعيها عايش مبسوط وحيوي وكل يوم له شلة ولاهم ولاغم


مثلك انت دايم متقوقع وصدرك ضيقك ولاتبي احد تقل ورّ

وين الكرم واستقبال الضيوف والترحيييب

ياعييييب الشوم ياطنطا تفيدة

[" TWIX "]

قلب الأسد...

اقتباس: مامثل اللي يلعب عليهم هالجنس ,, انا اذا سألن احد كم راتبي قلت 19 الف خله يموت قهر خخخ ,, نعم اعتبرها احيانا بجاحه بعض الأسئله التي لن تنفع وتفيد السأل ,,

حراااام عليك ..
19 ألف ولا وزير ..!!
بس حلو الطريقة خله ينجن جنونه ويبدا يمشي وهو يهارج روحه
لكن مشكلته مثل إذاعة لندن .. تلاقي كلامك في كل استراحة ..

شكرا لك .

[شاطئ الراحة]

كن بخير فالعقرب تلدغ نفسها بعض الأحيان ..!

[ونة خفية]

بعض البجحاء مشاهدتهم متعه وغرابه قد لاتوصف حين تتأملهم وترى أن لله في خلقه شؤون ،،سبحانه

[" TWIX "]

[align=right]تفاؤل..

اقتباس: أخي تويكس ربما هذا النوع من الناس هم من السذج الذين لايعرفون حقيقة مايقومون به من تصرفات لايتحملها الآخرون.. علينا أن نعاملهم بحكمة بحيث نبين لهم أن تصرفاتهم خاطئة لأننا إن جاملناهم لن يشعروا بخطئهم.. وإن قسونا عليهم ووبخناهم نكون وقعنا في خطأ وخالفنا الأخلاق الاسلامية ولن يستفيدوا شيئا من توبيخنا لهم

ومن قال أنه يفرق بين التوبيخ والمدح ...؟!!
أصلا لو هو يفرق كان يفرق في سؤاله ..؟!!
عندما يقط عليك سؤال وتنصدم من مفاجئته هو وسؤاله .. الجنس ذا لا بد من مبيد
مثل المبيد الحشري يقضي عليهم .. أو يجمعون في مصحة تضف جميع البجح ..
سعدت بمرورك .. واعجبتني قصة الشيخ .[/align]

[" TWIX "]

اقتباس:  المشاركة الأصلية كتبت بواسطة ثمن الساعة     الأخ توكس موضوع رائع ياليت الذي يشملة الموضوع يمر علية يا خذ شوية نصيحة الله يهديهم مشكور

والله من بجيح وبجيح مر على الموضوع وقال في نفسه
يكثرهم هالبجحاء عاد نفسه برا الموضوع وإنه اللي ما مثله ...!!

[" TWIX "]

اقتباس:  المشاركة الأصلية كتبت بواسطة eivl girl     [align=center]طيب مع البجيح خلك بجيح بحيث هو يطفر منك ويكره مجلسك[/align]

وظنك بينعدل حاله ...
البجيح مثل الحيطة مجرد من الاحاسيس .. وتبينن أتطاول معه
الهرجة قدام العالم ..!!
أحسن شيء أزاعله ...